Luke 9

א וַיִּקְרָא אֶל־שְׁנֵים הֶעָשָׂר וַיִּתֵּן לָהֶם גְּבוּרָה וְשָׁלְטָן עַל כָּל־הַשֵּׁדִים וְלִרְפּׂא חֳלָיִים׃

ב וַיִּשְׁלָחֵם לִקְרׂא אֶת־מַלְכוּת הָאֱלׂהִים וְלִרְפּׂא אֶת־הָחׂלִים׃

ג וַיּׂאמֶר לָהֶם אַל־תִּקְחוּ מְאוּמָה לַדָּרֶךְ לׂא מַטּוֹת וְלׂא תַרְמִיל וְלׂא־לֶחֶם וְלׂא־כָסֶף וְאַל־יִהְיֶה לְאִישׁ מִכֶּם שְׁתֵּי כֻתֳּנוֹת׃

ד וְהַבַּיִת אֲשֶׁר תָּבֹאוּ בוֹ שָׁם שְׁבוּ־לָכֶם וּמִשָּׁם צֵאוּ׃

ה וְכׂל אֲשֶׁר לׂא־יְקַבְּלוּ אֶתְכֶם צְאוּ מִן־הָעִיר הַהִיא וְנַעֲרוּ אֶת־הֶעָפָר מֵעַל רַגְלֵיכֶם לְעֵדוּת בָּהֶם׃

ו וַיֵּצְאוּ וַיַּעַבְרוּ בַכְּפָרִים מְבַשְּׂרִים אֶת־הַבְּשׂוֹרָה וּמְרַפְּאִים בְּכָל־מָקוֹם׃

ז וְהוֹרְדוֹס שַׂר הָרׂבַע שָׁמַע אֶת־כָּל־אֲשֶׁר נַעֲשָׂה (עַל־יָדוֹ) וַתִּפָּעֶם רוּחוֹ כִּי־יֵשׁ אֲשֶׁר אָמְרוּ יוֹחָנָן נֵעוֹר מִן־הַמֵּתִים׃

ח וְיֵשׁ אֲשֶׁר אָמְרוּ אֵלִיָּהוּ נִרְאָה וַאֲחֵרִים אָמְרוּ קָם נָבִיא אֶחָד מִן־הַנְּבִיאִים הַקַּדְמוֹנִים׃

ט וַיּׂאמֶר הוֹרְדוֹס הֵן אָנׂכִי נָשָׂאתִי אֶת־רׂאשׁ יוֹחָנָן מֵעָלָיו וּמִי־זֶה אֲשֶׁר אֲנִי שׁׂמֵעַ עָלָיו כַּדְּבָרִים הָאֵלֶּה וַיְבַקֵּשׁ לִרְאוֹתוֹ׃

י וַיָּשׁוּבוּ הַשְּׁלִיחִים וַיְסַפְּרוּ־לוֹ אֶת־כָּל־אֲשֶׁר עָשׂוֹוֹ וַיִּקָּחֵם אֵלָיו וַיָּסַר עִמָּהֶם לְבַדָּם אֶל־מָקוֹם שׁוֹמֵם אֲשֶׁר לָעִיר הַנִּקְרָאָה בֵית־צָיְדָה׃

יא וַהֲמוֹן הָעָם יָדְעוּ וַיֵּלְכוּ אַחֲרָיו וַיְקַבְּלֵם וַיְדַבֵּר אֲלֵיהֶם עַל־מַלְכוּת הָאֱלׂהִים וַיִּרְפָּא אֶת־הַצְּרִיכִים לִרְפוּאָה׃

יב וְהַיּוֹם רָפָה לַעֲרׂב וּשְׁנֵים הֶעָשָׂר נִגְּשׁוּ וַיּׂאמְרוּ אֵלָיו שַׁלַּח־נָא אֶת־הָעָם וְיֵלְכוּ אֶל־הַכְּפָרִים וְהַחֲצֵרִים אֲשֶׁר סְבִיבוֹתֵינוּ לָלוּן וְלִמְצׂא מָזוֹן כִּי־פׂה בְּמָקוֹם שׁוֹמֵם אֲנָחְנוּ׃

יג וַיּׂאמֶר אֲלֵיהֶם תְּנוּ־אַתֶּם לָהֶם לֶאֱכׂל וַיּׂאמְרוּ אֵין לָנוּ כִּי אִם־חֲמֵשֶׁת כִּכְּרוֹת־לֶחֶם וְדָגִים שְׁנַיִם בִּלְתִּי אִם־נֵלֵךְ וְנִקְנֶה־אׂכֶל לְכָל־הָעָם הַזֶּה׃

יד כִּי הָיוּ כַּחֲמֵשֶׁת אַלְפֵי־אִישׁ וַיּׂאמֶר אֶל־תַּלְמִידָיו הוֹשִׁיבוּ אׂתָם שׁוּרוֹת שׁוּרוֹת חֲמִשִּׁים אִישׁ הַשּׁוּרָה הָאֶחָת׃

טו וַיַּעֲשׂוֹוֹ־כֵן וַיּוֹשִׁיבוּ אֶת־כֻּלָּם׃

טז וַיִּקַּח אֶת־חֲמֵשֶׁת כִּכְּרוֹת הַלֶּחֶם וְאֶת־שְׁנֵי הַדָּגִים וַיִשָּׂא עֵינָיו הַשָּׁמַיְמָה וַיְבָרֶךְ עֲלֵיהֶם וַיִּפְרׂס וַיִּתֵּן לְתַלְמִידָיו לָשׂוֹוֹם לִפְנֵי הָעָם׃

יז וַיּׂאכְלוּ כֻלָּם וַיִּשְׂבָּעוּ וַיִּשְׂאוּ מִן־הַפְּתוֹתִים הַנּוֹתָרִים לָהֶם מְלׂא שְׁנֵים עָשָׂר סַלִּים׃

יח וַיְהִי הוּא מִתְפַּלֵּל לְבַדּוֹ וַיֵּאָסְפוּ אֵלָיו תַּלְמִידָיו וַיִּשְׁאַל אׂתָם לֵאמׂר הֲמוֹן הָעָם מָה־אׂמְרִים לִי מִי־אָנִי׃

יט וַיַּעֲנוּ וַיּׂאמְרוּ יוֹחָנָן הַמַּטְבִּיל וְיֵשׁ אׂמְרִים אֵלִיָּהוּ וַאֲחֵרִים אׂמְרִים קָם נָבִיא אֶחָד מִן־הַנְּבִיאִים הַקַּדְמוֹנִים׃

כ וַיּׂאמֶר אֲלֵיהֶם וְאַתֶּם מַה־תּׂאמְרוּ לִי מִי־אָנִי וַיַּעַן פֶּטְרוֹס וַיּׂאמֶר מְשִׁיחַ הָאֱלׂהִים אָתָּה׃

כא וְהוּא הֵעִיד בָּם וַיְצַוֵּם לְבִלְתִּי הַגִּיד לְאִישׁ אֶת־הַדָּבָר הַזֶּה׃

כב וַיּׂאמַר צָרִיךְ בֶּן־הָאָדָם לֵעָנׂת הַרְבֵּה וְהַזְּקֵנִים וְרָאשֵׁי הַכּׂהֲנִים וְהַסּוֹפְרִים יִמְאָסֻהוּ וְיֵהָרֵג וּבַיּוֹם הַשְּׁלִישִׁי קוֹם יָקוּם׃

כג וְאֶל־כֻּלָּם אָמַר אִישׁ כִּי־יַחְפּׂץ לָלֶכֶת אַחֲרָי יְכַחֵשׁ בְּנַפְשׁוֹ וְנָשָׂא אֶת־צְלוּבוֹ יוֹם יוֹם וְהָלַךְ אַחֲרָי׃

כד כִּי הֶחָפֵץ לְהַצִּיל אֶת־נַפְשׁוֹ תּׂאבַד נַפְשׁוֹ מִמֶּנּוּ וְהַמְאַבֵּד אֶת־נַפְשׁוֹ לְמַעֲנִי הוּא יַצִּילֶנָּה׃

כה כִּי מַה־יּוֹעִיל הָאָדָם שֶׁיִּקְנֶה אֵת כָּל־הָעוֹלָם וְאִבַּד וְהִשְׁחִית אֶת־נַפְשׁוֹ׃

כו כִּי הָאִישׁ אֲשֶׁר הָיִיתִי אֲנִי וּדְבָרַי לוֹ לְחֶרְפָּה הוּא יִהְיֶה לְחֶרְפָּה לְבֶן־הָאָדָם כַּאֲשֶׁר יָבֹא בִּכְבוֹדוֹ וּבִכְבוֹד הָאָב וְהַמַּלְאָכִים הַקְּדוֹשִׁים׃

כז וּבֶאֱמֶת אֲנִי אׂמֵר לָכֶם יֵשׁ מִן־הָעׂמְדִים פּׂה אֲשֶׁר לׂא־יִטְעֲמוּ מָוֶת עַד כִּי־יִרְאוּ אֶת־מַלְכוּת הָאֱלׂהִים׃

כח וַיְהִי כִּשְׁמׂנָה יָמִים אַחֲרֵי הַדְּבָרִים הָאֵלֶּה וַיִּקַּח אֵלָיו אֶת־פֶּטְרוֹס וְאֶת־יוֹחָנָן וְאֶת־יַעֲקׂב וַיַּעַל אֶל־הָהָר לְהִתְפַּלֵּל שָׁם׃

כט וַיְהִי בְּהִתְפַּלֲלוֹ וַיִּשְׁתַּנּוּ פָנָיו וּלְבוּשׁוֹ הִלְבִּין וְהִבְרִיק׃

ל וְהִנֵּה שְׁנֵי אֲנָשִׁים מִדַבְּרִים אִתּוֹ משֶׁה וְאֵלִיָּהוּ׃

לא הֵמָּה נִרְאוּ בִּכְבוֹדָם וְהִגִּידוּ אֶת־אַחֲרִיתוֹ אֲשֶׁר יְמַלְּאֶנָּה בִּירוּשָׁלָיִם׃

לב וּפֶטְרוֹס וַאֲשֶׁר אִתּוֹ נִרְדָּמִים וַיָּקִיצוּ וַיִּרְאוּ אֶת־כְּבוֹדוֹ וְאֶת־שְׁנֵי הָאֲנָשִׁים הָעׂמְדִים עָלָיו׃

לג וַיְהִי כְּהִפָּרְדָם מֵעִמּוֹ וַיּׂאמֶר פֶּטְרוֹס אֶל־יֵשׁוּעַ מוֹרֶה טוֹב לָנוּ לִהְיוֹת פּׂה נַעֲשֶׂה־נָּא שָׁלשׁ סֻכּוֹת לְךָ אַחַת וּלְמשֶׁה אַחַת וּלְאֵלִיָּהוּ אַחַת וְלׂא יָדַע מַה־דִּבֵּר׃

לד עוֹד הוּא מְדַבֵּר כָּזׂאת וְהִנֵּה עָנָן סׂכֵךְ עֲלֵיהֶם וּכְבוֹאָם בְּתוֹךְ הֶעָנָן וַיֶּחֱרָדוּ׃

לה וְהִנֵּה קוֹל מִן־הֶעָנָן אׂמֵר זֶה־בְּנִי יְדִידִי אֵלָיו תִּשְׁמָעוּן׃

לו וּבְהִשָּׁמַע הַקּוֹל נִמְצָא יֵשׁוּעַ לְבַדּוֹ וְהֵמָּה הֶחֱשׁוּ וְלׂא־הִגִּידוּ דָבָר לְאִישׁ בַּיָּמִים הָהֵם מִכּׂל אֲשֶׁר רָאוּ׃

לז וַיְהִי מִמָּחֳרָת בְּרִדְתָּם מִן־הָהָר וַיֵּצֵא עַם־רַב לִקְרָאתוֹ׃

לח וְהִנֵּה אִישׁ אֶחָד מִן־הָעָם זׂעֵק לֵאמׂר אָנָּא רַבִּי פְּנֵה־נָא אֶל־בְּנִי כִּי יָחִיד הוּא לִי׃

לט וְהִנֵּה כִּי אָחַז בּוֹ רוּחַ הוּא מְצַעֵק פִּתְאׂם וְהָרוּחַ מְרוֹצֵץ אׂתוֹ בְּהוֹרִיד רִירוֹ וּמַקְשֶׁה לָסוּר מִמֶּנּוּ וִידַכֵּא אׂתוֹ׃

מ וָאֲבַקֵּשׁ מִתַּלְמִידֶיךָ לְגָרֲשׁוֹ וְלׂא יָכׂלוּ׃

מא וַיַּעַן יֵשׁוּעַ וַיּׂאמַר הוֹי דּוֹר חֲסַר אֱמוּנָה וּפְתַלְתּׂל עַד־מָתַי אֶהְיֶה עִמָּכֶם וְאֶשָּׂא אֶתְכֶם הָבֵא אֶת־בִּנְךָ הֵנָּה׃

מב וַיְהִי אַךְ הִקְרִיב לָבוֹא הִפִּילוֹ הַשֵּׁד וַיְרוֹצֲצֵֵהוּ וְיֵשׁוּעַ גָּעַר בָּרוּחַ הַטָּמֵא וַיְרַפֵּא אֶת־הַנַּעַר וַיְשִׁיבֵהוּ לְאָבִיו׃

מג וַיִּשְׁתּוֹמֲמוּ כֻלָּם עַל־גְּדֻלַּת הָאֱלׂהִים וַיְהִי בְּתָמְהָם כֻּלָּם עַל־כּׂל אֲשֶׁר עָשָׂה וַיּׂאמֶר יֵשׁוּעַ אֶל־תַּלְמִידָיו׃

מד שִׂימוּ אַתֶּם בְּאָזְנֵיכֶם אֶת־הַדְּבָרִים הָאֵלֶּה כִּי עָתִיד בֶּן־הָאָדָם לְהִמָּסֵר בִּידֵי בְנֵי־אָדָם׃

מה וְהֵמָּה לׂא הֵבִינוּ אֶת־הַמַּאֲמָר הַזֶּה וַיְהִי נֶעְלָם מִדַּעְתָּם וַיִּירְאוּ לִשְׁאׂל אׂתוֹ עַל־הַמַּאֲמָר הַזֶּה׃

מו וַיַּעַל עַל־לְבָבָם לַחֲשׁוֹב מִי הַגָּדוֹל בָּהֶם׃

מז וַיֵּדַע יֵשׁוּעַ אֶת־מַחֲשֶׁבֶת לִבָּם וַיִּקַּח יֶלֶד וַיַּעֲמִידֵהוּ אֶצְלוֹ׃

מח וַיּׂאמֶר אֲלֵיהֶם הַמְקַבֵּל אֶת־הַיֶּלֶד הַזֶּה לִשְׁמִי אוֹתִי הוּא מְקַבֵּל וְהַמְקַבֵּל אוֹתִי הוּא מְקַבֵּל אֵת אֲשֶׁר שְׁלָחָנִי כִּי הַקָּטׂן בְּכֻלְּכֶם הוּא יִהְיֶה הַגָּדוֹל׃

מט וַיַּעַן יוֹחָנָן וַיּׂאמַר מוֹרֶה רָאִינוּ אִישׁ מְגָרֵשׁ שֵׁדִים בִּשְׁמֶךָ וַנִּכְלָא אוֹתוֹ כִּי אֵינֶנּוּ הוֹלֵךְ עִמָּנוּ׃

נ וַיּׂאמֶר יֵשׁוּעַ אֵלָיו אַל־תִּכְלָאוּ כִּי כׂל אֲשֶׁר אֵינֶנּוּ לְצָרֵינוּ לָנוּ הוּא׃

נא וַיְהִי כַּאֲשֶׁר קָרְבוּ יְמֵי הֵעָלוֹתוֹ וַיָּשֶׂם אֶת־פָּנָיו לָלֶכֶת יְרוּשָׁלָיִם׃

נב וַיִּשְׁלַח מַלְאָכִים לְפָנָיו וַיֵּלְכוּ וַיָּבֹאוּ אֶל־אֶחָד מִכְּפָרֵי הַשּׁׂמְרוֹנִים לְהָכִין לוֹ׃

נג וְלׂא קִבְּלֻהוּ כִּי פָנָיו הׂלְכִים יְרוּשָׁלָיִם׃

נד וַיִּרְאוּ יַעֲקׂב וְיוֹחָנָן תַּלְמִידָיו וַיּׂאמְרוּ אֲדׂנֵינוּ הֲתִרְצֶה וְנׂאמַר שֶׁתֵּרֵד אֵשׁ מִן־הַשָּׁמַיִם וְתׂאכְלֵם (כַּאֲשֶׁר עָשָׂה אֵלִיָּהוּ)׃

נה וַיִּפֶן וַיִּגְעַר־בָּם (וַיּׂאמַר הֲלׂא יְדַעְתֶּם בְּנֵי רוּחוֹ שֶׁל מִי אַתֶּם׃

נו כִּי בֶן־הָאָדָם לׂא בָא לְאַבֵּד נַפְשׁוֹת אָדָם כִּי אִם־לְהוֹשִׁיעַ) וַיֵּלְכוּ לָהֶם אֶל־כְּפָר אַחֵר׃

נז וַיְהִי בְּלֶכְתָּם בַּדֶּרֶךְ וַיּׂאמֶר אֵלָיו אִישׁ אֲדׂנִי אֵלְכָה אַחֲרֶיךָ אֶל־כָּל־אֲשֶׁר תֵּלֵךְ׃

נח וַיּׂאמֶר אֵלָיו יֵשׁוּעַ לַשּׁוּעָלִים יֵשׁ מְאוּרוֹת וּלְעוֹף הַשָּׁמַיִם קִנִּים וּבֶן־הָאָדָם אֵין־לוֹ מָקוֹם לְהָנִיחַ רׂאשׁוֹ׃

נט וְאֶל־אִישׁ אַחֵר אָמַר לֵךְ אַחֲרָי וְהוּא אָמַר אֲדׂנִי תֶּן־לִי וְאֵלְכָה בָרִאשׁוֹנָה לִקְבֹּר אֶת־אָבִי׃

ס וַיּׂאמֶר אֵלָיו יֵשׁוּעַ הַנַּח לַמֵּתִים לִקְבֹּר אֶת־מֵתֵיהֶם וְאַתָּה לֵךְ הוֹדַע אֶת־מַלְכוּת הָאֱלׂהִים׃

סא וַיּׂאמֶר עוֹד אִישׁ אַחֵר אֵלְכָה אַחֲרֶיךָ אֲדׂנִי רַק הַנִּיחָה־לִּי בָרִאשׁוֹנָה לְהִפָּטֵר מִבְּנֵי בֵיתִי׃

סב וַיּׂאמֶר יֵשׁוּעַ הַשָּׂם יָדוֹ עַל־הַמַּחֲרֵשָׁה וּמַבִּיט אַחֲרָיו לׂא יִכְשַׁר לְמַלְכוּת הָאֱלׂהִים׃