2John 1

א הַזָּקֵן אֶל־הַגְּבִירָה הַבְּחִירָה וְאֶל־בָּנֶיהָ אֲשֶׁר אֲנִי אׂהֵב אׂתָם בֶּאֱמֶת וְלׂא־אֲנִי לְבַדִּי כִּי אִם־גַּם כָּל־יׂדְעֵי הָאֱמֶת׃

ב לְמַעַן הָאֱמֶת הָעׂמֶדֶת בְּקִרְבֵּנוּ וְגַם־תִּהְיֶה עִמָּנוּ לְעוֹלָם׃

ג יְהִי עִמָּנוּ חֶסֶד וְרַחֲמִים וְשָׁלוֹם מֵאֵת הָאֱלׂהִים אָבִינוּ וּמֵאֵת אֲדׂנֵינוּ יֵשׁוּעַ הַמָּשִׁיחַ בֶּן־הָאָב בֶּאֱמֶת וּבְאַהֲבָה׃

ד שָׂמַחְתִּי מְאׂד כִּי־מָצָאתִי מִבָּנַיִךְ מִתְהַלְּכִים בָּאֱמֶת כַּמִּצְוָה אֲשֶׁר קִבַּלְנוּ מֵאֵת הָאָב׃

ה וְעַתָּה מְבַקֵּשׁ אֲנִי מִמֵּךְ הַגְּבִירָה וְלׂא כְּכׂתֵב אֵלַיִךְ מִצְוָה חֲדָשָׁה כִּי אִם־אֵת אֲשֶׁר הָיְתָה־לָּנוּ מֵרׂאשׁ לְאַהֲבָה אִישׁ אֶת־רֵעֵהוּ׃

ו וְזׂאת הִיא הָאַהֲבָה אֲשֶׁר נִתְהַלֵּךְ בְּמִצְוֹתָיו זׂאת הִיא הַמִּצְוָה אֲשֶׁר שְׁמַעְתֶּם מֵרׂאשׁ לְהִתְהַלֵּךְ בָּהּ׃

ז כִּי מַתְעִים רַבִּים בָּאוּ לָעוֹלָם אֲשֶׁר אֵינָם מוֹדִים בְּיֵשׁוּעַ הַמָּשִׁיחַ הַבָּא בַבָּשָׂר זֶה הוּא הַמַּתְעֶה וְשׂוֹטֵן הַמָּשִׁיחַ׃

ח הִזָּהֲרוּ פֶּן־תּׂאבַד מִמֶּנּוּ פְּעֻלָּתֵנוּ כִּי אִם־נִקַּח מַשְׂכֻּרְתֵּנוּ שְׁלֵמָה׃

ט כָּל־הָעׂבֵר עַל־תּוֹרַת הַמָּשִׁיחַ וְאֵינֶנּוּ עׂמֵד בָּהּ אֵין לוֹ אֱלׂהִים וְהָעׂמֵד בְּתוֹרַת הַמָּשִׁיחַ יֶשׁ־לוֹ גַּם־הָאָב גַּם־הַבֵּן׃

י כָּל־הַבָּא אֲלֵיכֶם וְלׂא יָבִיא אֶת־הַתּוֹרָה הַזּׂאת לׂא־תַאַסְפוּ אׂתוֹ הַבַּיְתָה וְלׂא תִשְׁאֲלוּ־לוֹ לְשָׁלוֹם׃

יא כִּי הַשּׁׂאֵל בִּשְׁלוֹמוֹ חָבֵר הוּא לְמַעֲשָׂיו הָרָעִים׃

יב הַרְבֵּה יֶשׁ־לִי לִכְתּׂב אֲלֵיכֶם וְלׂא חָפַצְתִּי בִּנְיָר וּבִדְיוֹ כִּי אִם־אֲקַוֶּה לָבוֹא אֲלֵיכֶם וּלְדַבֵּר פֶּה אֶל־פֶּה לְמַעַן תִּהְיֶה שִׂמְחָתֵנוּ שְׁלֵמָה׃

יג בְּנֵי אֲחוֹתֵךְ הַבְּחִירָה שׁׂאֲלִים לִשְׁלוֹמֵךְ אָמֵן׃