Jacob (aka James) 1

א יַעֲקׂב עֶבֶד אֱלׂהִים וַאֲדׂנֵינוּ יֵשׁוּעַ הַמָּשִׂיחַ שׁׂאֵל לִשְׁלוֹם שְׁנֵים עָשָׂר הַשְּׁבָטִים שֶּׁבַּגּוֹלָה׃

ב אַךְ לְשִׂמְחָה חִשְׁבוּ לָכֶם אֶחָי כַּאֲשֶׁר תָּבֹאוּ בְּנִסְיׂנוֹת שׁוֹנִים׃

ג מִפְּנֵי שֶׁיּׂדְעִים אַתֶּם כִּי־בֹחַן אֱמוּנַתְכֶם מֵבִיא לִידֵי סַבְלָנוּת׃

ד וְהַסַּבְלָנוּת שְׁלֵמָה תִּהְיֶה בְּפָעֳלָהּ לְמַעַן תִּהְיוּ שְׁלֵמִים וּתְמִימִים וְלׂא תַחְסְרוּ כָּל־דָּבָר׃

ה וְאִישׁ מִכֶּם כִּי יֶחְסַר חָכְמָה יְבַקְשֶׁנָּה מֵאֱלׂהִים הַנּוֹתֵן לַכּׂל בִּנְדִיבָה וּבְלׂא הוֹנָאַת דְּבָרִים וְתִנָּתֵן לוֹ׃

ו וּבִלְבַד שֶׁיְּבַקֵּשׁ בֶּאֱמוּנָה וּבִבְלִי סָפֵק כִּי־בַעַל סָפֵק דּוֹמֶה לְגַל הַיָּם נִשָּׂא וּמְטׂרָף בָּרוּחַ׃

ז וְהָאִישׁ הַהוּא אַל־יְדַמֶּה בְנַפְשׁוֹ כִּי־יִּשָּׂא דָבָר מֵאֵת יְהוָֹה׃

ח אִישׁ אֲשֶׁר חָלַק לִבּוֹ הֲפַכְפָּךְ הוּא בְּכָל־דְּרָכָיו׃

ט אֲבָל הָאָח הַשָּׁפֵל יִתְהַלֵּל בְּרוֹמֲמֻתוֹ׃

י וְהֶעָשִׁיר יִתְהַלֵּל בְּשִׁפְלוּתוֹ כִּי יַעֲבֹר כְּצִיץ הֶחָצִיר׃

יא כִּי זָרַח הַשֶּׁמֶשׁ בְּחַמָּתוֹ וַיְיַבֵּשׁ אֶת־הֶחָצִיר וַיִּבֹּל צִיצוֹ וְחֵן מַרְאֵהוּ אָבָד כֵּן יִבּוֹל הֶעָשִׁיר בַּהֲלִיכוֹתָיו׃

יב אַשְׁרֵי הָאִישׁ הָעׂמֵד בְּנִסְיוֹנוֹ כִּי כַּאֲשֶׁר נִבְחַן יִשָּׂא עֲטֶרֶת הַחַיִּים אֲשֶׁר־הִבְטִיחַ יְהוָֹה לְאׂהֲבָיו׃

יג אַל־יׂאמַר הַמְנֻסֶּה הָאֱלׂהִים נִסָּנִי כִּי הָאֱלׂהִים אֵינֶנּוּ מְנֻסֶּה בָּרָע וְהוּא לׂא־יְנַסֶּה אִישׁ׃

יד כִּי אִם־יְנֻסֶּה כָל־אִישׁ בְּתַאֲוַת נַפְשׁוֹ אֲשֶׁר תְּסִיתֵהוּ וּתְפַתֵּהוּ׃

טו וְאַחֲרֵי־כֵן הָרְתָה הַתַּאֲוָה וַתֵּלֶד חֵטְא וְהַחֵטְא כִּי נִגְמַר יוֹלִיד אֶת־הַמָּוֶת׃

טז אַל־תִּתְעוּ אַחַי אֲהוּבָי׃

יז כָּל־מַתָּת טוֹבָה וְכָל־מַתָּנָה שְׁלֵמָה תֵּרֵד מִמַּעַל מֵאֵת אֲבִי הָאוֹרוֹת אֲשֶׁר חִלּוּף וְכָל־צֵל שִׁנּוּי אֵין־עִמּוֹ׃

יח הוּא בְחֶפְצוֹ יָלַד אוֹתָנוּ בִּדְבַר הָאֱמֶת לִהְיוֹת כְּמוֹ רֵאשִׁית בִּכּוּרֵי יְצוּרָיו׃

יט עַל־כֵּן אַחַי אֲהוּבַי יְהִי כָל־אִישׁ מָהִיר לִשְׁמׂעַ קָשֶׁה לְדַבֵּר וְקָשֶׁה לִכְעוֹס׃

כ כִּי־כַעַס אָדָם לׂא יִפְעַל צִדְקַת אֱלׂהִים׃

כא לָכֵן הָסִירוּ מֵעֲלֵיכֶם כָּל־טִנּוּף וְתַרְבּוּת רָעָה וְקַבְּלוּ בַעֲנָוָה אֶת־הַדָּבָר הַנָּטוּעַ בָּכֶם אֲשֶׁר יָכׂל לְהוֹשִׁיעַ אֶת־נַפְשׁׂתֵיכֶם׃

כב וִהְיוּ עׂשֵׂי הַדָּבָר וְלׂא שׁׂמְעָיו בִּלְבָד לְרַמּוֹת אֶת־נַפְשְׁכֶם׃

כג כִּי הָאִישׁ הַשּׁׂמֵעַ אֶת־הַדָּבָר וְאֵין עׂשֵׂהוּ דּׂמֶה לְאִישׁ מַבִּיט אֶת־תּׂאַר הֲוָיָתוֹ בְּמַרְאָה׃

כד כִּי הִבִּיט אֶל־מַרְאֵהוּ וַיֵּלֶךְ לוֹ וּבְרֶגַע שָׁכַח מַה־תָּאֳרוֹ׃

כה אֲבָל הַמַּשְׁקִיף בַּתּוֹרָה הַשְּׁלֵמָה תּוֹרַת הַחֵרוּת וּמַחֲזִיק בָּהּ אֲשֶׁר אֵינֶנּוּ שׁׂמֵעַ וְשָׁכֵחַ כִּי אִם־עׂשֶׂה בְּפׂעַל אַשְׁרֵי הָאִישׁ הַהוּא בְּמַעֲשֵׂהוּ׃

כו אִישׁ מִכֶּם אִם־יְדַמֶּה לִהְיוֹת עׂבֵד אֱלׂהִים וְאֵינֶנּוּ שָׂם רֶסֶן לִלְשׁׂנוֹ כִּי אִם־מַתְעֶה הוּא אֶת־לְבָבוֹ עֲבֹדָתוֹ אַךְ־לָרִיק תִּהְיֶה׃

כז זׂאת הִיא הָעֲבוֹדָה הַטְּהוֹרָה וְהַבָּרָה לִפְנֵי הָאֱלׂהִים אָבִינוּ לִפְקׂד אֶת־הַיְתוֹמִים וְהָאַלְמָנוֹת בְּצָרָתָם וְלִשְׁמׂר נַפְשׁוֹ בְּנִקָּיוֹן מֵחֶלְאַת הָעוֹלָם׃

סֵפֶר:

פֶּרֶק:

Jacob (aka James) 1