Jacob (aka James) 2

א אַחַי אַל־יְהִי מַשּׂא פָנִים בֶּאֱמוּנַתְכֶם בְּיֵשׁוּעַ הַמָּשִׁיחַ אֲדׂנֵינוּ אֲדוֹן הַכָּבוֹד׃

ב כִּי אִם־יָבוֹא אִישׁ לְבֵית הַכְּנֵסֶת שֶׁלָּכֶם וְטַבְּעׂת זָהָב עַל־יָדָיו וְהוּא לָבוּשׁ לְבֻשֵׁי מִכְלוֹל וּבָא שָׁמָּה גַּם־אִישׁ עָנִי בִּבְגָדִים צוֹאִים׃

ג וּפְנִיתֶם אֶל־הַלָּבוּשׁ לְבֻשֵׁי מִכְלוֹל וַאֲמַרְתֶּם לוֹ שֶׁב־לְךָ הֵנָּה בְּכָבוֹד וְלֶעָנִי תׂאמְרוּ עֲמָד־שָׁם אוֹ שֶׁב־פּׂה מִתַּחַת לַהֲדׂם רַגְלָי׃

ד הֲלׂא לֵב וָלֵב לָכֶם וְהִנְּכֶם שׁׂפְטִים בַּעֲלֵי מַחֲשָׁבוֹת רָעוֹת׃

ה שִׁמְעוּ אַחַי אֲהוּבָי הֲלׂא בַעֲנִיֵּי הָעוֹלָם הַזֶּה בָּחַר הָאֱלׂהִים לִהְיוֹת עֲשִׁירִים בָּאֱמוּנָה וְיׂרְשֵׁי הַמַּלְכוּת אֲשֶׁר הִבְטִיחַ לְאׂהֲבָיו׃

ו וְאַתֶּם הִכְלַמְתֶּם אֶת־הֶעָנִי הֲלׂא הָעֲשִׁירִים הֵם הָעׂשְׁקִים אֶתְכֶם וְהֵם הַסּׂחֲבִים אֶתְכֶם אֶל־בָּתֵּי דִין׃

ז הֲלׂא הֵם הַמְגַדְּפִים אֶת־הַשֵּׁם הַטּוֹב הַנִּקְרָא עֲלֵיכֶם׃

ח הֵן בַּעֲשׂוֹתְכֶם אֶת־הַמִּצְוָה הַמּׂלֶכֶת עַל־כֻּלָּן כְּפִי הַכָּתוּב וְאָהַבְתָּ לְרֵעֲךָ כָּמוֹךָ תֵּיטִיבוּ לַעֲשׂוֹת׃

ט אוּלָם אִם־תִּשְׂאוּ פָנִים חַטָּאִים אַתֶּם וְהַתּוֹרָה תוֹכִיחֲכֶם כְּעׂבְרִים עָלֶיהָ׃

י כִּי אִישׁ אֲשֶׁר יְקַיֵּם אֶת־כָּל־הַתּוֹרָה וְנִכְשַׁל בְּאַחַת מִמִּצְוֹתֶיהָ נִדּוֹן עַל־כֻּלָּן׃

יא כִּי הָאׂמֵר לׂא תִנְאָף הוּא הָאׂמֵר לׂא תִרְצָח וְאִם־אֵינְךָ נׂאֵף וְאַתָּה רוֹצֵחַ הִנְּךָ עׂבֵר עַל־הַתּוֹרָה׃

יב כֵּן דַּבְּרוּ וְכֵן עֲשׂוֹוֹ כְּמִי שֶׁעֲתִידִים לְהִשָּׁפֵט עַל־פִּי תּוֹרַת הַחֵרוּת׃

יג כִּי אֵין חֶסֶד בַּמִּשְׁפָּט לַאֲשֶׁר לׂא־עָשָׂה חָסֶד וְהַחֶסֶד יִתְגָּאֶה עַל־הַמִּשְׁפָּט׃

יד אַחַי מַה־יּוֹעִיל לְאִישׁ שֶׁיּׂאמַר כִּי אֱמוּנָה בוֹ וּמַעֲשִׂים אֵין בּוֹ הֲתוּכַל הָאֱמוּנָה לְהוֹשִׁיעוֹ׃

טו אָח אוֹ אָחוֹת כִּי־יִהְיוּ בְעֵירׂם וְאֵין לָהֶם לֶחֶם חֻקָּם׃

טז וְאִישׁ מִכֶּם יׂאמַר אֲלֵיהֶם לְכוּ לְשָׁלוֹם וְהִתְחַמֲמוּ וּשְׂבָעוּ וְלׂא־תִתְּנוּ לָהֶם צָרְכֵי גוּפָם מַה־תּוֹעִיל זׂאת׃

יז כָּכָה גַּם־הָאֱמוּנָה אִם־אֵין בָּהּ מַעֲשִׂים מֵתָה הִיא בְּעַצְמָהּ׃

יח וְאִם־יׂאמַר אִישׁ אַתָּה אֱמוּנָה בְךָ וְלִי מַעֲשִׂים הַרְאֵנִי נָא אֶת־אֱמוּנָתְךָ בִּבְלִי מַעֲשִׂים וְאַרְאֲךָ אֲנִי מִתּוֹךְ מַעֲשַׂי אֶת־אֱמוּנָתִי׃

יט אַתָּה מַאֲמִין שֶׁהָאֱלׂהִים אֶחָד הוּא הֱטִיבוֹתָ לְהַאֲמִין גַּם הַשֵּׁדִים מַאֲמִינִים בּוֹ וְרׂעֲדִים׃

כ וְאַתָּה אִישׁ־בָּעַר הֲתַחְפּׂץ לָדַעַת כִּי הָאֱמוּנָה בְּאֵין מַעֲשִׂים מֵתָה הִיא׃

כא אַבְרָהָם אָבִינוּ הֲלׂא בְּמַעֲשָׂיו נִצְדָּק בְּהַעֲלׂתוֹ אֶת־יִצְחָק בְּנוֹ עַל־הַמִּזְבֵּחַ׃

כב הִנְּךָ רׂאֶה כִּי־הָאֱמוּנָה עׂזֶרֶת לְמַעֲשָׂיו וּמִתּוֹךְ הַמַּעֲשִׂים הָשְׁלְמָה הָאֱמוּנָה׃

כג וַיִּמָּלֵא הַכָּתוּב הָאׂמֵר וְהֶאֱמִן אַבְרָהָם בַּיהוָֹה וַתֵּחָשֶׁב־לוֹ לִצְדָקָה וַיִּקָּרֵא אׂהֵב יְהוָֹה׃

כד הִנְּכֶם רׂאִים כִּי בְּמַעֲשִׂים יִצְדַּק הָאִישׁ וְלׂא בֶאֱמוּנָה לְבַדָּהּ׃

כה וְכֵן גַּם־רָחָב הַזּוֹנָה הֲלׂא נִצְדְּקָה בְּמַעֲשִׂים בְּאָסְפָהּ אֶת־הַמַּלְאָכִים אֶל־בֵּיתָהּ וַתְּשַׁלְּחֵם בְּדֶרֶךְ אַחֵר׃

כו כִּי כַּאֲשֶׁר הַגּוּף מִבְּלִי נְשָׁמָה מֵת הוּא כֵּן גַּם־הָאֱמוּנָה מִבְּלִי־מַעֲשִׂים מֵתָה׃