Hebrews 1

א הָאֱלׂהִים אֲשֶׁר־דִּבֶּר מִקֶּדֶם פְּעָמִים רַבּוֹת וּבְפָנִים שׁׂנִים אֶל־אֲבֹתֵינוּ בְּיַד הַנְּבִיאִים דִּבֶּר אֵלֵינוּ בְּאַחֲרִית הַיָּמִים הָאֵלֶּה בְּיַד בְּנוֹ׃

ב אֲשֶׁר־שָׂמוֹ לְיוֹרֵשׁ כּׂל וְגַם־עָשָׂה בְיָדוֹ אֶת־הָעוֹלָמוֹת׃

ג וְהוּא זׂהַר כְּבוֹדוֹ וְצֶלֶם עַצְמוּתוֹ וְנוֹשֵׂא כׂל בִּדְבַר גְּבוּרָתוֹ וְאַחֲרֵי טַהֲרוֹ אׂתָנוּ בְּנַפְשׁוֹ מֵחַטּׂאתֵינוּ יָשַׁב לִימִין הַגְּדֻלָּה בַּמְּרוֹמִים׃

ד וַיִּגְדַּל מְאׂד מִן־הַמַּלְאָכִים כַּאֲשֶׁר הַשֵּׁם אֲשֶׁר נְחָלוֹ יָקָר הוּא מֵאֲשֶׁר לָהֶם׃

ה כִּי אֶל־מִי מִן הַמַּלְאָכִים אָמַר מֵעוֹלָם בְּנִי אַתָּה אֲנִי הַיוֹם יְלִדְתִּיךָ וְעוֹד אֲנִי אֶהְיֶה־לּוֹ לְאָב וְהוּא יִהְיֶה־לִּי לְבֵן׃

ו וּבַהֲבִיאוֹ אֶת־הַבְּכוֹר שֵׁנִית לָעוֹלָם אׂמֵר וְהִשְׁתַּחֲווּ־לוֹ כָּל־אֱלׂהִים׃

ז הֵן לַמַּלְאָכִים הוּא אׂמֵר עׂשֶׂה מַלְאָכָיו רוּחוֹת מְשָׁרֲתָיו אֵשׁ לׂהֵט׃

ח וְלַבֵּן אׂמֵר כִּסְאֲךָ אֱלׂהִים עוֹלָם וָעֶד שֵׁבֶט מִישׁׂר שֵׁבֶט מַלְכוּתֶךָ׃

ט אָהַבְתָּ צֶּדֶק וַתִּשְׂנָא רֶשַׁע עַל־כֵּן מְשָׁחֲךָ אֱלׂהִים אֱלׂהֶיךָ שֶׁמֶן שָׂשׂוֹן מֵחֲבֵרֶיךָ׃

י וְאׂמֵר אַתָּה אֲדׂנָי לְפָנִים הָאָרֶץ יָסַדְתָּ וּמַעֲשֵׂה יָדֶיךָ שָׁמָיִם׃

יא הֵמָּה יׂאבֵדוּ וְאַתָּה תַעֲמׂד וְכֻלָּם כַּבֶּגֶד יִבְלוּ׃

יב כַּלְּבוּשׁ תַּחֲלִיפֵם וְיַחֲלׂפוּ וְאַתָּה הוּא וּשְׁנוֹתֶיךָ לׂא יִתָּמּוּ׃

יג וְאֶל־מִי מִן־הַמַּלְאָכִים אָמַר מֵעוֹלָם שֵׁב לִימִינִי עַד־אָשִׁית אׂיְבֶיךָ הֲדׂם לְרַגְלֶיךָ׃

יד הֲלׂא כֻלָּם רוּחוֹת הַשָּׁרֵת הֵמָּה שְׁלוּחִים לְעֶזְרָה בְּעַד הַבָּאִים לָרֶשֶׁת אֶת־הַיְשׁוּעָה׃