1Thessalonians 1

א פּוֹלוֹס וְסִלְוָנוֹס וְטִימוֹתִיּוֹס אֶל־קְהִלַּת הַתֶּסָּלוֹנִיקִיּים בֵּאלׂהִים הָאָב וּבָאָדוֹן יֵשׁוּעַ הַמָּשִׁיחַ חֶסֶד לָכֶם וְשָׁלוֹם מֵאֵת אֱלׂהִים אָבִינוּ וַאֲדׂנֵינוּ יֵשׁוּעַ הַמָּשִׁיחַ׃

ב נוֹדֶה לֵאלׂהִים עַל־כֻּלְּכֶם בְּכָל־עֵת בְּהַזְכִּירֵנוּ אֶתְכֶם בִּתְפִלּוֹתֵינוּ׃

ג בְּזָכְרֵנוּ תָמִיד לִפְנֵי הָאֱלׂהִים אָבִינוּ אֶת־פּׂעַל אֱמוּנַתְכֶם וִיגִיעַת אַהֲבַתְכֶם וְסַבְלָנוּת תִּקְוַתְכֶם לַאֲדׂנֵינוּ יֵשׁוּעַ הַמָּשִׁיחַ׃

ד כִּי יָדַעְנוּ אַחַי חֲבִיבֵי הָאֱלׂהִים אֵת אֲשֶׁר נִבְחַרְתֶּם׃

ה בַּאֲשֶׁר בְּשׂוֹרָתֵנוּ לׂא בָאָה לָכֶם בְּדִבּוּר לְבָד כִּי־גַם בִּגְבוּרָה וּבְרוּחַ הַקּׂדֶשׁ וּבְדַעַת נְכוֹנָה מְאׂד כַּאֲשֶׁר יְדַעְתֶּם אֵת אֲשֶׁר־הָיִינוּ בְּתוֹכֲכֶם לְמַעַנְכֶם׃

ו וִהְיִיתֶם לְהׂלְכֵי בְעִקְּבוֹתֵינוּ וּבְעִקְּבוֹת אֲדׂנֵינוּ כִּי קִבַּלְתֶּם אֶת־הַדָּבָר בְּתוֹךְ עֳנִי רָב בְּחֶדְוַת רוּחַ הַקּׂדֶשׁ׃

ז עַד־הֱיוֹתְכֶם לְמוֹפֵת לְכָל־הַמַּאֲמִינִים אֲשֶׁר בְּמַקְדּוֹנְיָא וּבַאֲכַיָּא׃

ח כִּי מֵאִתְּכֶם נִשְׁמַע קוֹל דְּבַר יְהוָֹה לׂא בְּמַקְדּוֹנְיָא וַאֲכַיָּא לְבַד כִּי בְּכָל־מָקוֹם יָצְאָה אֱמוּנַתְכֶם לֵאלׂהִים וְאֵין־לָנוּ צׂרֶךְ לְדַבֵּר עוֹד דָּבָר׃

ט כִּי־פִיהֶם הַמַּגִּיד מֶה־הָיָה מְבוֹאֵנוּ אֲלֵיכֶם וְאֵיךְ עֲזַבְתֶּם הָאֱלִילִים וְשַׁבְתֶּם לֵאלׂהִים לַעֲבֹד אֵל חַי וַאֲמִתִּי׃

י וּלְחַכּוֹת לִבְנוֹ מִן־הַשָּׁמַיִם אֲשֶׁר הֱעִירוֹ מִן־הַמֵּתִים לְיֵשׁוּעַ הַמַּצִּילֵנוּ מִן־הֶחָרוֹן הַבָּא׃