Luke 10

א וְאַחֲרֵי הַדְּבָרִים הָאֵלֶּה הִבְדִּיל הָאָדוֹן עוֹד שִׁבְעִים אֲחֵרִים וַיִּשְׁלָחֵם לְפָנָיו שְׁנַיִם שְׁנַיִם אֶל־כָּל־עִיר וּמָקוֹם אֲשֶׁר בִּקֵּשׁ לָבוֹא שָׁמָּה׃

ב וַיּׂאמֶר לָהֶם הֵן הַקָּצִיר רַב וְהַפּׂעֲלִים מְעַטִּים לָכֵן הִתְחַנֲנוּ אֶל־אֲדוֹן הַקָּצִיר וְיִשְׁלַח פּׂעֲלִים לִקְצִירוֹ׃

ג לְכוּ־נָא הִנֵּה אָנׂכִי שׁׂלֵחַ אֶתְכֶם כִּשְׁלׂחַ כְּבָשִׂים בֵּין זְאֵבִים׃

ד אַל־תִּשְׂאוּ כִיס וְלׂא תַרְמִיל וְלׂא נְעָלִים וְאַל־תִּשְׁאֲלוּ לִשְׁלוֹם־אִישׁ בַּדָּרֶךְ׃

ה וּלְכָל־בַּיִת אֲשֶׁר תָּבֹאוּ שָׁם אִמְרוּ בָרִאשׁוֹנָה שָׁלוֹם לַבַּיִת הַזֶּה׃

ו וְהָיָה כִּי יִהְיֶה־שָּׁם בֶּן־שָׁלוֹם וְנָח עָלָיו שְׁלוֹמְכֶם וְאִם־לׂא אֲלֵיכֶם יָשׁוּב׃

ז וּבַבַּיִת הַהוּא תֵּשְׁבוּ וְתׂאכְלוּ וְתִשְׁתּוּ מֵאֲשֶׁר יִנָּתֵן לָכֶם כִּי רָאוּי הַפּוֹעֵל לִשְׂכָרוֹ אַל־תִּסְעוּ מִבַּיִת לְבָיִת׃

ח וְכָל־עִיר אֲשֶׁר תָּבֹאוּ בָהּ וְקִבְּלוּ אֶתְכֶם אִכְלוּ אֶת־אֲשֶׁר יָשִׂימוּ לִפְנֵיכֶם׃

ט וְרִפְאוּ אֶת־הַחוֹלִים אֲשֶׁר בְּקִרְבָּהּ וְאִמְרוּ לָהֶם קָרְבָה אֲלֵיכֶם מַלְכוּת הָאֱלׂהִים׃

י וְכָל־עִיר אֲשֶׁר תָּבֹאוּ בָהּ וְלׂא יְקַבְּלוּ אֶתְכֶם וִיצָאתֶם אֶל־רְחוֹבוֹתֶיהָ וַאֲמַרְתֶּם׃

יא אַף אֶת־עֲפַר עִירְכֶם אֲשֶׁר בְּרַגְלֵינוּ נְנַעֲרֵהוּ לָכֶם רַק יָדׂעַ תֵּדְעוּ כִּי קָרְבָה מַלְכוּת הָאֱלׂהִים׃

יב אׂמֵר אֲנִי לָכֶם לִסְדוֹם יֵקַל בַּיּוֹם הַהוּא מִן־הָעִיר הַהִיא׃

יג אוֹי לָךְ כּוֹרָזִין אוֹי לָךְ בֵּית־צָיְדָה כִּי הַגְּבוּרוֹת אֲשֶׁר נַעֲשׂוֹוֹ בְקִרְבְּכֶן אִלּוּ נַעֲשׂוֹוֹ בְּצוֹר וּבְצִידוֹן הֲלׂא כְבָר יָשְׁבוּ בְּשַׂק וָאֵפֶר וָשָׁבוּ׃

יד אָכֵן לְצוֹר וְצִידוֹן יֵקַל בַּדִּין מִכֶּם׃

טו וְאַתְּ כְּפַר־נַחוּם אֲשֶׁר עַד־הַשָּׁמַיִם הִתְרוֹמָמְתְּ אֶל־שְׁאוֹל תּוּרָדִי׃

טז הַשּׁוֹמֵעַ אֲלֵיכֶם אֵלַי הוּא שׁוֹמֵעַ וְהַבּוֹזֶה אֶתְכֶם אוֹתִי הוּא בוֹזֶה וְהַבּוֹזֶה אוֹתִי הוּא בוֹזֶה אֶת־אֲשֶׁר שְׁלָחָנִי׃

יז וַיָּשׁוּבוּ הַשִּׁבְעִים בְּשִׂמְחָה וַיּׂאמְרוּ אֲדׂנֵינוּ גַּם־הַשֵּׁדִים נִכְנָעִים תַּחְתֵּינוּ בִּשְׁמֶךָ׃

יח וַיּׂאמֶר אֲלֵיהֶם רָאִיתִי אֶת־הַשָּׂטָן נׂפֵל כַּבָּרָק מִן־הַשָּׁמָיִם׃

יט הִנֵּה הִשְׁלַטְתִּי אֶתְכֶם לִדְרׂךְ עַל־נְחָשִׁים וְעַקְרַבִּים וְעַל כָּל־גְּבוּרַת הָאׂיֵב וְכָל־דָּבָר לׂא יַזִּיק לָכֶם׃

כ אַךְ בָּזׂאת אַל־תִּשְׂמְחוּ אֲשֶׁר־נִכְנָעִים תַּחְתֵּיכֶם הָרוּחוֹת כִּי אִם־שִׂמְחוּ עַל אֲשֶׁר־נִכְתְּבוּ שְׁמוֹתֵיכֶם בַּשָּׁמָיִם׃

כא בַּשָּׁעָה הַהִיא עָלַץ יֵשׁוּעַ בְּרוּחַ הַקּׂדֶשׁ וַיּׂאמַר אוֹדְךָ אָבִי אֲדוֹן הַשָּׁמַיִם וְהָאָרֶץ כִּי הִסְתַּרְתָּ אֶת־אֵלֶּה מִן־הַחֲכָמִים וְהַנְּבוֹנִים וְגִלִּיתָם לָעׂלֲלִים הֵן אָבִי כִּי־כֵן הָיָה רָצוֹן מִלְּפָנֶיךָ׃

כב הַכּׂל נִמְסַר־לִי מֵאֵת אָבִי וְאֵין יוֹדֵעַ מִי הַבֵּן בִּלְתִּי הָאָב וּמִי הָאָב בִּלְתִּי הַבֵּן וַאֲשֶׁר יַחְפּׂץ הַבֵּן לְגַלּוֹת לוֹ׃

כג וַיִּפֶן אֶל־תַּלְמִידָיו לְבַדָּם וַיּׂאמַר אַשְׁרֵי הָעֵינַיִם הָרׂאוֹת אֵת אֲשֶׁר אַתֶּם רׂאִים׃

כד כִּי אׂמֵר אֲנִי לָכֶם נְבִיאִים וּמְלָכִים רַבִּים חָשְׁקוּ לִרְאוֹת אֵת אֲשֶׁר אַתֶּם רׂאִים וְלׂא רָאוּ וְלִשְׁמׂעַ אֵת אֲשֶׁר אַתֶּם שׁׂמְעִים וְלׂא שָׁמֵעוּ׃

כה וְהִנֵּה חָכָם אֶחָד קָם לְנַסּוֹתוֹ וַיּׂאמַר מוֹרֶה מָה־אֶעֱשֶׂה וְאִירַשׁ חַיֵּי עוֹלָם׃

כו וַיּׂאמֶר אֵלָיו מַה־כָּתוּב בַּתּוֹרָה אֵיךְ אַתָּה קוֹרֵא׃

כז וַיַּעַן וַיּׂאמַר וְאָהַבְתָּ אֵת יְהוָֹה אֱלׂהֶיךָ בְּכָל־לְבָבְךָ וּבְכָל־נַפְשְׁךָ וּבְכָל־מְאׂדְךָ וּבְכָל־מַדָּעֲךָ וְאֶת־רֵעֲךָ כָּמוֹךָ׃

כח וַיּׂאמֶר אֵלָיו כֵּן הֱשִׁיבוֹתָ עֲשֵׂה־זׂאת וֶחְיֵה׃

כט וְהוּא חָפֵץ לְהִצְטַדֵּק וַיּׂאמֶר אֶל־יֵשׁוּעַ וּמִי הוּא רֵעִי׃

ל וַיַּעַן יֵשׁוּעַ וַיּׂאמַר אִישׁ אֶחָד יָרַד מִירוּשָׁלַיִם לִירִיחוֹ וְנָפַל בִּידֵי שׁׂדֲדִים וְהֵם הִפְשִׁיטֻהוּ וְגַם־פְּצָעֻהוּ וַיַּעַזְבוּ אוֹתוֹ וְהוּא עוֹמֵד בֵּין־מָוֶת לַחַיִּים וַיֵּלְכוּ לָהֶם׃

לא וַיִּקֶר מִקְרֵהוּ כּׂהֵן אֶחָד יָרַד בַּדֶּרֶךְ הַהוּא וַיַּרְא אׂתוֹ וַיַּעֲבֹר מֵעָלָיו׃

לב וְכֵן גַּם־אִישׁ לֵוִי נִקְרַה בַּמָּקוֹם וַיִּגַּשׁ וַיַּרְא אׂתוֹ וַיַּעֲבֹר מֵעָלָיו׃

לג וְהִנֵּה שׁׂמְרוֹנִי הׂלֵךְ בַּדֶּרֶךְ וַיָּבֹא עָלָיו וַיַּרְא אׂתוֹ וַיֶּהֱמוּ מֵעָיו׃

לד וַיִּגַּשׁ אֵלָיו וַיֶּחְבַּשׁ אֶת־פְּצָעָיו וַיְסוּכֵם בְּשֶׁמֶן וָיָיִן וַיַּרְכִּיבֵהוּ עַל־בְּהֶמְתּוֹ וַיּוֹלִיכֵהוּ אֶל־הַמָּלוֹן וַיְכַלְכְּלֵהוּ׃

לה וְלַמָּחֳרָת בְּנָסְעוֹ הוֹצִיא שְׁנֵי דִינָרִים וַיִּתְּנֵם לְבַעַל הַמָּלוֹן וַיּׂאמַר כַּלְכֵּל אוֹתוֹ וְאֵת אֲשֶׁר תּוֹסִיף עוֹד לְהוֹצִיא עָלָיו אֲנִי בְשׁוּבִי אֲשַׁלְּמֶנּוּ לָךְ׃

לו וְעַתָּה מִי מִן־הַשְּׁלשָׁה הָיָה בְעֵינֶיךָ רֵעַ לַנּׂפֵל בִּידֵי הַשּׁׂדֲדִים׃

לז וַיּׂאמֶר הָעׂשֶׂה עִמּוֹ אֶת־הֶחָסֶד וַיּׂאמֶר אֵלָיו יֵשׁוּעַ לֵךְ וַעֲשֵׂה־כֵן גַּם־אָתָּה׃

לח וַיְהִי בְנָסְעָם וַיָּבֹא אֶל־כְּפָר אֶחָד וְאִשָּׁה אַחַת וּשְׁמָהּ מָרְתָא אָסְפָה אוֹתוֹ אֶל־בֵּיתָהּ׃

לט וְלָהּ אָחוֹת וּשְׁמָהּ מִרְיָם אֲשֶׁר יָשְׁבָה לְרַגְלֵי יֵשׁוּעַ לִשְׁמׂעַ אֶל־דְּבָרוֹ׃

מ וּמָרְתָא יָגְעָה בְּרׂב שֵׁרוּתָהּ וַתִּגַּשׁ וַתּׂאמֶר הֲלׂא תָשִׂים עַל־לִבְּךָ אֲדׂנִי אֲשֶׁר אֲחוֹתִי עֲזָבַתְנִי לְשָׁרֵת לְבַדִּי אֱמָר־נָא אֵלֶיהָ וְתִתְמָךְ־בִּי׃

מא וַיַּעַן יֵשׁוּעַ וַיּׂאמֶר לָהּ מָרְתָא מָרְתָא אַתְּ דּׂאֶגֶת וּמְבֹהֶלֶת לִדְבָרִים הַרְבֵּה׃

מב וְאֵין צׂרֶךְ אֶלָּא בְּאֶחָד וּמִרְיָם בָּחֲרָה בַּחֵלֶק הַטּוֹב אֲשֶׁר לׂא־יֻקַּח מִמֶּנָּה׃