Luke 12

א וַיְהִי עַד־כּׂה וְעַד־כּׂה בְּהִתְאַסֵּף רִבֲבוֹת עָם עַד כִּי־לָחֲצוּ אִישׁ אֶת־רֵעֵהוּ וַיָּחֶל לְדַבֵּר אֶל־תַּלְמִידָיו לֵאמׂר בָּרִאשׁוֹנָה הִשָּׁמְרוּ לְנַפְשׁׂתֵיכֶם מִשְּׂאוֹר הַפְּרוּשִׁים שֶׁהוּא הַחֲנֻפָּה׃

ב וְאֵין דָּבָר מְכֻסֶּה אֲשֶׁר לׂא יִגָּלֶה וְלׂא סָתוּם אֲשֶׁר לׂא יִוָּדֵעַ׃

ג לָכֵן כָּל־אֲשֶׁר דִּבַּרְתֶּם בַּחשֶׁךְ בָּאוֹר יִשָּׁמֵעַ וְאֶת־אֲשֶׁר לְחַשְׁתֶּם בַּחֲדָרִים קָרׂא יִקָּרֵא מֵעַל־הַגַּגּוֹת׃

ד וַאֲנִי אׂמֵר לָכֶם יְדִידָי אַל־תִּירְאוּ מִן־הַמְמִיתִים אֶת־הַגּוּף וְאַחֲרֵי־כֵן אֵין־לְאֵל יָדָם לְהָרַע עוֹד׃

ה אֲבָל אוֹרֶה אֶתְכֶם אֵת אֲשֶׁר תִּירָאוּ יְראוּ אֶת־אֲשֶׁר בְּיָדוֹ לְהָמִית וְאַחַר לְהַשְׁלִיךְ אֶל־גֵּיהִנּׂם אָכֵן אֲנִי אׂמֵר לָכֶם אוֹתוֹ תִּירָאוּן׃

ו הֲלׂא תִמָּכַרְנָה חָמֵשׁ צִפֳּרִים בִּשְׁנֵי אִסָּרִים וְאֵין־אַחַת מֵהֶן נִשְׁכַּחַת לִפְנֵי הָאֱלׂהִים׃

ז וְאַתֶּם גַּם־שַׂעֲרוֹת רׂאשְׁכֶם נִמְנוֹת כֻּלָּן לָכֵן אַל־תִּירָאוּ יְקַרְתֶּם מִצִּפֳּרִים רַבּוֹת׃

ח וַאֲנִי אׂמֵר לָכֶם כּׂל אֲשֶׁר יוֹדֶה בִי לִפְנֵי הָאָדָם גַּם בֶּן־הָאָדָם יוֹדֶה בוֹ לִפְנֵי מַלְאֲכֵי אֱלׂהִים׃

ט וְהַמְכַחֵשׁ בִּי לִפְנֵי הָאָדָם הוּא יְכֻחַשׁ לִפְנֵי מַלְאֲכֵי אֱלׂהִים׃

י וְכׂל אֲשֶׁר יְדַבֵּר חֶרְפָּה עַל־בֶּן־הָאָדָם יִסָּלַח לוֹ וְהַמְגַדֵּף אֶת־רוּחַ הַקּׂדֶשׁ לׂא יִסָּלַח לוֹ׃

יא וְכַאֲשֶׁר יָבִיאוּ אֶתְכֶם אֶל־בָּתֵּי כְנֵסִיּוֹת וְלִפְנֵי הָרָשֻׁיּוֹת וְהַשַּׁלִּיטִים אַל־תִּדְאֲגוּ אֵיךְ תִּצְטַדְּקוּ וּבַמֶּה תִּצְטַדְּקוּ וּמַה־תְּדַבֵּרוּ׃

יב כִּי־רוּחַ הַקּׂדֶשׁ הוּא יוֹרֶה אֶתְכֶם בַּשָּׁעָה הַהִיא אֶת־הַנָּכוֹן לְדַבֵּר׃

יג וַיּׂאמֶר אֵלָיו אֶחָד מִן־הָעָם רַבִּי אֱמָר־נָא אֶל־אָחִי וְיַחֲלׂק אִתִּי אֶת־הַיְרֻשָּׁה׃

יד וַיּׂאמֶר אֵלָיו בֶּן־אָדָם מִי שָׂמַנִי עֲלֵיכֶם לְשׁׂפֵט וְלִמְחַלֵּק׃

טו וַיּׂאמֶר אֲלֵיהֶם רְאוּ וְהִשָּׁמְרוּ לָכֶם מִבְּצׂעַ בָּצַע כִּי חַיֵּי הָאָדָם אֵינָם תְּלוּיִם בְּהַרְבּוֹת קִנְיָנָיו׃

טז וַיִּשָּׂא מְשָׁלוֹ וַיּׂאמֶר אֲלֵיהֶם לֵאמׂר שְׂדֵה אִישׁ עָשִׁיר אֶחָד עָשָׂה תְּבוּאָה הַרְבֵּה׃

יז וַיַּחְשׁׂב בְּלִבּוֹ לֵאמׂר מָה־אֶעֱשֶׂה כִּי אֵין־לִי מָקוֹם לֶאֱסוֹף אֶת־תְּבוּאָתִי׃

יח וַיּׂאמֶר אֶת־זׂאת אֶעֱשֶׂה הָרׂס אֲסָמַי וּבָנׂה גְּדוֹלִים מֵהֶם וְאֶכְנְסָה שָׁמָּה אֶת־כָּל־יְבוּלִי וְטוּבִי׃

יט וְאׂמַר לְנַפְשִׁי נַפְשִׁי יֶשׁ־לָךְ טוֹבָה הַרְבֵּה לְשָׁנִים רַבּוֹת הִנָּפְשִׁי אִכְלִי שְׁתִי וְשִׂישִׂי׃

כ וְהָאֱלׂהִים אָמַר לוֹ אַתָּה הַכְּסִיל בְּעֶצֶם הַלַּיְלָה הַזֶּה יִדְרְשׁוּ מִמְּךָ אֶת־נַפְשֶׁךָ וַאֲשֶׁר הֲכִינוֹתָ לְּךָ לְמִי יִהְיֶה׃

כא זֶה חֵלֶק הָאׂצֵר לוֹ אׂצָרוֹת וְלׂא יַעְשִׁיר בֵּאלׂהִים׃

כב וַיּׂאמֶר אֶל־תַּלְמִידָיו לָכֵן אֲנִי אׂמֵר לָכֶם אַל־תִּדְאֲגוּ לְנַפְשְׁכֶם מַה־תּׂאכְלוּ וְלׂא לְגוּפְכֶם מַה־תִּלְבָּשׁוּ׃

כג הַנֶּפֶשׁ יְקָרָה הִיא מִן־הַמָּזוֹן וְהַגּוּף יָקָר מִן־הַמַּלְבּוּשׁ׃

כד הִתְבּוֹנֲנוּ אֶל־הָעׂרְבִים אֲשֶׁר לׂא יִזְרְעוּ וְלׂא יִקְצׂרוּ וְגַם־אֵין לָהֶם מְגוּרָה וְאוֹצָר וְהָאֱלׂהִים מְכַלְכֵּל אוֹתָם וּמַה־יְּקָרִים אַתֶּם מִן־הָעוֹף׃

כה וּמִי־זֶה מִכֶּם אֲשֶׁר בְּדַאֲגָתוֹ יוּכַל לְהוֹסִיף אַמָּה אַחַת עַל־קוֹמָתוֹ׃

כו וְעַתָּה הֵן־מְעַט מִזְעָר לַעֲשׂוֹת לׂא תוּכָלוּ וְלַיּוֹתֵר מַה־תִּדְאָגוּ׃

כז הִתְבּוֹנֲנוּ אֶל־הַשּׁוֹשַׁנִּים הַצּׂמְחוֹת וְאֵינָן טׂוֹת וְאֵינָן אׂרְגוֹת וַאֲנִי אׂמֵר לָכֶם גַּם־שְׁלׂמׂה בְּכָל־הֲדָרוֹ לׂא־הָיָה לָבוּשׁ כְּאַחַת מֵהֵנָּה׃

כח וְאִם־כָּכָה יַלְבִּישׁ אֱלׂהִים אֶת־חֲצִיר הַשָּׂדֶה אֲשֶׁר הַיּוֹם יֶשְׁנוֹ וּמָחָר יֻשְׁלַךְ לְתוֹךְ הַתַּנּוּר אַף כִּי־אֶתְכֶם קְטַנֵּי אֱמוּנָה׃

כט גַּם־אַתֶּם אַל־תִּדְרְשׁוּ מַה־תּׂאכְלוּ וּמַה־תִּשְׁתּוּ וְאַל־תְּהַלְּכוּ בִּגְדׂלוֹת׃

ל כִּי אֶת־כָּל־אֵלֶּה מְבַקְשִׁים גּוֹיֵי הָאָרֶץ וַאֲבִיכֶם הוּא יוֹדֵעַ כִּי־צְרִיכִים אַתֶּם לָאֵלֶּה׃

לא אַךְ דִּרְשׁוּ אֶת־מַלְכוּת הָאֱלׂהִים וְנוֹסַף לָכֶם כָּל־אֵלֶּה׃

לב אַל־תִּירָא הָעֵדֶר הַקָּטָן כִּי רָצָה אֲבִיכֶם לָתֶת לָכֶם אֵת הַמַּלְכוּת׃

לג מִכְרוּ אֶת־אֲשֶׁר לָכֶם וּתְנוּ צְדָקָה עֲשׂוֹוֹ לָכֶם כִּיסִים אֲשֶׁר לׂא יִבְלוּ וְאוֹצָר בַּשָּׁמַיִם אֲשֶׁר לׂא יִגָּרַע לְעוֹלָם אֲשֶׁר גַּנָּב לׂא־יִקְרַב אֵלָיו וְסָס לׂא יׂאכְלֵהוּ׃

לד כִּי־בִמְקוֹם אוֹצַרְכֶם שָׁם יִהְיֶה גַם־לְבַבְכֶם׃

לה מָתְנֵיכֶם יִהְיוּ חֲגוּרִים וְהַנֵּרוֹת דּׂלְקִים׃

לו וְאַתֶּם הֱיוּ דׂמִים לָאֲנָשִׁים הַמְחַכִּים לָאֲדׂנֵיהֶם מָתַי יָשׁוּב מִן־הַחֲתֻנָּה וְכַאֲשֶׁר יָבוֹא וְדָפַק יִפְתְּחוּ־לוֹ כְּרָגַע׃

לז אַשְׁרֵי הָעֲבָדִים הָהֵם אֲשֶׁר הָאָדוֹן בְּבוֹאוֹ יִמְצָאֵם שׁׂקְדִים אָמֵן אׂמֵר אֲנִי לָכֶם כִּי יִתְאַזֵּר וְיוֹשִׁיבֵם וְהָלַךְ וְשֵׁרֵת אוֹתָם׃

לח וְאִם־יָבוֹא בָּאַשְׁמֻרָה הַשֵּׁנִית אוֹ בָּאַשְׁמֻרָה הַשְּׁלִישִׁית וְיִמְצָא כֵן אַשְׁרֵי הָעֲבָדִים הָהֵם׃

לט וְזׂאת דְּעוּ כִּי אִלּוּ יָדַע בַּעַל הַבַּיִת בְּאֵי־זוֹ שָׁעָה יָבוֹא הַגַּנָּב כִּי־עַתָּה שָׁקַד וְלׂא־נָתַן לַחְתּׂר אֶת־בֵּיתוֹ׃

מ לָכֵן גַּם־אַתֶּם הֱיוּ נְכוֹנִים כִּי בְשָׁעָה אֲשֶׁר לׂא פִלַּלְתֶּם יָבוֹא בֶּן־הָאָדָם׃

מא וַיּׂאמֶר פֶּטְרוֹס אֲדׂנֵינוּ הֲלָנוּ אַתָּה אׂמֵר אֶת־הַמָּשָׁל הַזֶּה אִם־גַּם לְכָל־אָדָם׃

מב וַיּׂאמֶר הָאָדוֹן מִי־הוּא אֵפוֹא הַסּׂכֵן הַנֶּאֱמָן וְהַנָּבוֹן אֲשֶׁר יַפְקִידֵהוּ הָאָדוֹן עַל־עֲבָדָיו לָתֵת אֶת־אֲרֻחָתָם בְּעִתּוֹ׃

מג אַשְׁרֵי הָעֶבֶד הַהוּא אֲשֶׁר יָבֹא אֲדׂנָיו וְיִמְצָאֵהוּ עׂשֶׂה כֵן׃

מד אֱמֶת אַגִּיד לָכֶם כִּי עַל־כּׂל אֲשֶׁר־יֵשׁ־לוֹ יַפְקִידֵהוּ׃

מה וְהָעֶבֶד הַהוּא אִם־יׂאמַר בְּלִבּוֹ מְאַחֵר אֲדׂנִי לָבוֹא וְהֵחֵל לְהַכּוֹת אֶת־הָעֲבָדִים וְאֶת־הַשְּׁפָחוֹת וְלֶאֱכׂל וְלִשְׁתּוֹת וְלִשְׁכּׂר׃

מו בּוֹא יָבוֹא אֲדׂנֵי הָעֶבֶד הַהוּא בְּיוֹם לׂא־יְצַפֶּה וּבְשָׁעָה לׂא יֵדָע וִישַׁסֵּף אוֹתוֹ וְשָׂם אֶת־חֶלְקוֹ עִם־הַסּוֹרֲרִים׃

מז וְהָעֶבֶד הַהוּא אֲשֶׁר יָדַע אֶת־רְצוֹן אֲדׂנָיו וְלׂא הֵכִין וְלׂא־עָשָׂה כִרְצוֹנוֹ יֻכֶּה מַכּוֹת רַבּוֹת׃

מח וַאֲשֶׁר לׂא־יָדַע וְעָשָׂה דְבָרִים אֲשֶׁר הוּא חַיָּב עֲלֵיהֶם מַכּוֹת לׂא־יֻכֶּה כִּי אִם־מְעָט כִּי כָל־אִישׁ אֲשֶׁר נִתַּן־לוֹ הַרְבֵּה דָּרוֹשׁ יִדָּרֵשׁ מִמֶּנּוּ הַרְבֵּה וַאֲשֶׁר הִפְקִידוּ בְיָדוֹ הַרְבֵּה יִשְׁאֲלוּ מֵאִתּוֹ יוֹתֵר׃

מט אֲנִי בָּאתִי לְשַׁלַּח אֵשׁ בָּאָרֶץ וּמֶה־חָפַצְתִּי כִּי כְבָר בָּעָרָה׃

נ וְיֵשׁ לִי לְהִטָּבֵל טְבִילָה אֶחָת וּמַה־יֵּצַר לִי עַד כִּי־תְכֻלֶּה׃

נא הַאׂמְרִים אַתֶּם שֶׁבָּאתִי לָתֵת שָׁלוֹם בָּאָרֶץ אֲנִי אׂמֵר לָכֶם לׂא כִּי אִם־מַחֲלׂקֶת׃

נב כִּי מֵעַתָּה חֲמִשָּׁה בְּבַיִת אֶחָד יֵחָלֵקוּ שְׁלשָׁה עַל־שְׁנַיִם וּשְׁנַיִם עַל־שְׁלשָׁה׃

נג הָאָב יֵחָלֵק עַל־הַבֵּן וְהַבֵּן עַל־הָאָב הָאֵם עַל־הַבַּת וְהַבַּת עַל־הָאֵם הֶחָמוֹת עַל־הַכַּלָּה וְהַכַּלָּה עַל־הֶחָמוֹת׃

נד וַיּׂאמֶר גַּם אֶל־הֲמוֹן הָעָם כִּרְאׂתְכֶם אֶת־הָעָב עׂלֶה בַמַּעֲרָב וַאֲמַרְתֶּם גֶּשֶׁם בָּא וְכֵן יִהְיֶה׃

נה וְאִם־נָשְׁבָה רוּחַ הַנֶּגֶב תּׂאמְרוּ הִנֵּה חׂם בָּא וְגַם יָבוֹא׃

נו הַחֲנֵפִים יׂדְעִים אַתֶּם לִבְחׂן אֶת־פְּנֵי הָאָרֶץ וְהַשָּׁמָיִם וְאֶת־הָעֵת הַזּׂאת אֵיךְ לׂא תִבְחֲנוּ אׂתָהּ׃

נז מַדּוּעַ מֵעַצְמְכֶם אֵינְכֶם דָּנִים דִּין אֱמֶת׃

נח כִּי בְּלֶכְתְּךָ אֶל־הַשַּׂר עִם־אִישׁ רִיבֶךָ הִשְׁתַּדֵּל לְהִנָּצֵל מִמֶּנּוּ בְּעוֹדְךָ בַדָּרֶךְ פֶּן־יִסְחַב אוֹתְךָ אֶל־הַשּׁׂפֵט וְהַשּׁׂפֵט יִמְסָרְךָ אֶל־הַשּׁוֹטֵר וְהַשּׁוֹטֵר יַשְׁלִיכְךָ אֶל־בֵּית הַכֶּלֶא׃

נט וַאֲנִי אׂמֵר לְךָ לׂא תֵצֵא מִשָּׁם עַד אִם־שִׁלַּמְתָּ גַּם אֶת־הַפְּרוּטָה הָאַחֲרוֹנָה׃