Luke 17

א וַיּׂאמֶר אֶל־תַּלְמִידָיו אִי אֶפְשַׁר שֶׁלּא־יָבֹאוּ הַמִּכְשׁׂלִים אֲבָל אוֹי לָאִישׁ אֲשֶׁר עַל־יָדוֹ יָבֹאוּ׃

ב נוֹחַ לוֹ שֶׁיִּתָּלֶה פֶלַח־רֶכֶב בְּצַוָּארוֹ וְיֻשְׁלַךְ אֶל־הַיָּם מֵאֲשֶׁר יַכְשִׁיל אֶת־אֶחָד מֵהַקְּטַנִּים הָאֵלֶּה׃

ג הִשָּׁמְרוּ לְנַפְשׁוֹתֵיכֶם כִּי־יֶחֱטָא לְךָ אָחִיךָ הוֹכַח לוֹ וְאִם־יִנָּחֵם מְחׂל לוֹ׃

ד וְכִי־יֶחֱטָא לְךָ שֶׁבַע פְּעָמִים בַּיּוֹם וְשָׁב אֵלֶיךָ שֶׁבַע פְּעָמִים בַּיּוֹם וְאָמַר נִחָמְתִּי וּמָחַלְתָּ לּוֹ׃

ה וַיּׂאמְרוּ הַשְּׁלִיחִים אֶל־הָאָדוֹן הוֹסֵף לָנוּ אֱמוּנָה׃

ו וַיּׂאמֶר הָאָדוֹן לוּ־הָיְתָה לָכֶם אֱמוּנָה כְּגַרְגַּר הַחַרְדָּל אָז תּׂאמְרוּ אֶל־הַשִּׁקְמָה הַזּׂאת הֵעָקְרִי וְהִשָּׁתְלִי בְּתוֹךְ הַיָּם וְתִשְׁמַע לָכֶם׃

ז מִי בָכֶם אֲשֶׁר לוֹ עֶבֶד חׂרֵשׁ אוֹ רׂעֶה אֲשֶׁר יָבֹא מִן־הַשָׂדֶה וְאָמַר אֵלָיו מַהֵר גְּשָׁה־הֵנָּה וְהָסֵב׃

ח הֲלׂא יׂאמַר אֵלָיו הָכֵן לִי אֲרוּחַת הָעֶרֶב וַחֲגׂר מָתְנֶיךָ וְשָׁרֲתֵנִי עַד אִם־כִּלִּיתִי לֶאֱכׂל וְלִשְׁתּוֹת וְאָכַלְתָּ וְשָׁתִיתָ גַּם־אָתָּה׃

ט הֲגַם יוֹדֶה לָעֶבֶד עַל־אֲשֶׁר עָשָׂה מִצְוָתוֹ אָמַרְתִּי לׂא׃

י כֵּן גַּם־אַתֶּם אַחֲרֵי עֲשׂוֹתְכֶם אֶת כָּל־אֲשֶׁר צֻוֵּיתֶם אִמְרוּ אֲנַחְנוּ עֲבָדִים אֵין־מוֹעִיל בָּם כִּי רַק אֶת־הַמֻּטָּל עָלֵינוּ עָשִׂינוּ׃

יא וַיְהִי בְּלֶכְתּוֹ יְרוּשָׁלָיִם וְהוּא עׂבֵר בֵּין שׁׂמְרוֹן וְהַגָּלִיל׃

יב וַיָּבֹא אֶל־כְּפָר אֶחָד וְהִנֵּה לִקְרָאתוֹ עֲשָׂרָה אֲנָשִׁים מְצׂרָעִים וַיַּעַמְדוּ מֵרָחוֹק׃

יג וַיִּשְׂאוּ אֶת־קוֹלָם וַיִּקְרָאוּ יֵשׁוּעַ מוֹרֶה חָנֵּנוּ׃

יד וַיַּרְא אוֹתָם וַיּׂאמֶר אֲלֵיהֶם לְכוּ וְהֵרָאוּ אֶל־הַכּׂהֲנִים וַיְהִי בְלֶכְתָּם וַיִּטְהָרוּ׃

טו וְאֶחָד מֵהֶם בִּרְאׂתוֹ כִּי נִרְפָּא וַיָּשָׁב וַיְשַׁבַּח אֶת־הָאֱלׂהִים קוֹל גָּדוֹל׃

טז וַיִּפּׂל עַל־פָּנָיו לְרַגְלָיו וַיּוֹדֶה לוֹ וְהוּא שׁׂמְרוֹנִי׃

יז וַיַּעַן יֵשׁוּעַ וַיּׂאמַר הֲלׂא הָעֲשָׂרָה טׂהָרוּ וְאַיֵּה הַתִּשְׁעָה׃

יח הֲכִי לׂא־נִמְצָא מִי שֶׁיָּשׁוּב לָתֵת כָּבוֹד לֵאלׂהִים זוּלָתִי הַנָּכְרִי הַזֶּה׃

יט וַיּׂאמֶר אֵלָיו קוּם וָלֵךְ אֱמוּנָתְךָ הוֹשִׁיעָה לָּךְ׃

כ וַיִּשְׁאָלֻהוּ הַפְּרוּשִׁים לֵאמׂר מָתַי תָּבוֹא מַלְכוּת הָאֱלׂהִים וַיַּעַן וַיּׂאמֶר אֲלֵיהֶם מַלְכוּת הָאֱלׂהִים לׂא תָבוֹא בְּמַרְאֵה עֵינָיִם׃

כא וְלׂא יׂאמְרוּ הִנֵּה־פׂה אוֹ הִנֵּה־שָׁם כִּי מַלְכוּת הָאֱלׂהִים הִנֵּה בְּקִרְבְּכֶם׃

כב וַיּׂאמֶר אֶל־הַתַּלְמִידִים יָמִים בָּאִים וְהִתְאַוִּיתֶם לִרְאוֹת יוֹם אֶחָד כִּימֵי בֶן־הָאָדָם וְלׂא תִרְאוּ׃

כג וְאִם־יׂאמְרוּ אֲלֵיכֶם הִנֵּה־שָׁם הִנֵּה־פׂה אַל־תֵּלֵכוּ וְאַל־תָּרוּצוּ אַחֲרֵיהֶם׃

כד כִּי כַבָּרָק אֲשֶׁר יִבְרַק מִקְצֵה הַשָּׁמַיִם וְיָאִיר עַד־קְצֵה הַשָּׁמַיִם כֵּן־יִהְיֶה בֶן־הָאָדָם בְּיוֹמוֹ׃

כה אַךְ בָּרִאשׁוֹנָה עָלָיו לִסְבֹּל הַרְבֵּה וְלִהְיוֹת נִמְאָס בַּדּוֹר הַזֶּה׃

כו וְכַאֲשֶׁר הָיָה בִּימֵי נׂחַ כֵּן יִהְיֶה בִּימֵי בֶן־הָאָדָם׃

כז הֵמָּה אָכְלוּ וְשָׁתוּ נָשְׂאוּ נָשִׁים וְהָיוּ לַאֲנָשִׁים עַד־הַיּוֹם אֲשֶׁר־בָּא נׂחַ אֶל־הַתֵּבָה וַיָּבֹא הַמַּבּוּל וַיַּשְׁחֵת אֶת־כֻּלָּם׃

כח וְכַאֲשֶׁר הָיָה בִּימֵי לוֹט אָכׂל וְשָׁתׂה קָנׂה וּמָכׂר נָטׂע וּבָנׂה׃

כט וַיְהִי בַיּוֹם אֲשֶׁר־יָצָא לוֹט מִסְּדוֹם וַיַּמְטֵר אֵשׁ וְגָפְרִית מִן־הַשָּׁמַיִם וַיַּשְׁחֵת אֶת־כֻּלָּם׃

ל כֵּן יִהְיֶה בַּיּוֹם אֲשֶׁר יִגָּלֶה בֶּן־הָאָדָם׃

לא אִישׁ כִּי יִהְיֶה בַּיּוֹם הַהוּא עַל־הַגָּג וְכֵלָיו בַּבָּיִת אַל־יֵרֵד לָשֵׂאת אׂתָם וְאִישׁ אֲשֶׁר בַּשָׂדֶה אַל־יָשׁׂב לְאָחוֹר׃

לב זִכְרוּ אֶת־אֵשֶׁת לוֹט׃

לג הֶחָפֵץ לְמַלֵּט אֶת־נַפְשׁוֹ יְאַבְּדֶנָּה וַאֲשֶׁר יְאַבֵּד אׂתָהּ יְחַיֶּהָ׃

לד אֲנִי אׂמֵר לָכֶם בַּלַּיְלָה הַהוּא יִהְיוּ שְׁנַיִם בְּמִטָּה אֶחָת וְיֵאָסֵף אֶחָד וְאֶחָד יֵעָזֵב׃

לה שְׁתַּיִם תִּהְיֶינָה טׂחֲנוֹת יָחַד אַחַת תֵּאָסֵף וְאַחַת תֵּעָזֵב׃

לו שְׁנַיִם יִהְיוּ בַשָׂדֶה וְנֶאֱסַף אֶחָד וְאֶחָד יֵעָזֵב׃

לז וַיַּעֲנוּ וַיּׂאמְרוּ אֵלָיו אֵיפׂה תִהְיֶה זׂאת אֲדׂנֵינוּ וַיּׂאמֶר אֲלֵיהֶם בַּאֲשֶׁר הַפֶּגֶר שָׁם יִקָּבְצוּ הַנְּשָׁרִים׃