Luke 18

א וְגַם־מָשָׁל דִּבֶּר אֲלֵיהֶם לְהִתְפַּלֵּל תָּמִיד וְלׂא לְהִתְרַפּוֹת׃

ב וַיּׂאמַר שׁוֹפֵט הָיָה בְּעִיר אֶחָת אֲשֶׁר לׂא יָרֵא אֶת־הָאֱלׂהִים וְלׂא־נָשָׂא פְּנֵי אָדָם׃

ג וְאַלְמָנָה הָיְתָה בָּעִיר הַהִיא וַתָּבֹא אֵלָיו לֵאמׂר דִּינָה אֶת־דִּינִי מִמְּרִיבִי׃

ד וַיְמָאֵן יוֹם וָיוֹם וּמִקֵּץ יָמִים אָמַר בְּנַפְשׁוֹ גַּם־כִּי לׂא אִירָא אֶת־הָאֱלׂהִים וְלׂא־אֶשָׂא פָנִים לְאָדָם׃

ה אֶעֱשֶׂה אֶת־מִשְׁפַּט הָאַלְמָנָה הַזּׂאת עַל־הַלְאוֹתָהּ אׂתִי פֶּן־תָּבוֹא תָמִיד וְדִכְּאַתְנִי בְּמִלִּים׃

ו וַיּׂאמֶר הָאָדוֹן שִׁמְעוּ אֶת־אֲשֶׁר אׂמֵר דַּיַּן הָעַוְלָה׃

ז וְהָאֱלׂהִים הַהוּא לׂא יַעֲשֶׂה מִשְׁפַּט בְּחִירָיו הַקּׂרְאִים אֵלָיו יוֹמָם וָלָיְלָה וַאֲלֵיהֶם יִתְאַפָּק׃

ח אֲנִי אׂמֵר לָכֶם כִּי־עָשׂוֹ יַעֲשֶׂה אֶת־מִשְׁפָּטָם בִּמְהֵרָה אַךְ בֶּן־הָאָדָם בְּבֹאוֹ הֲיִמְצָא אֱמוּנָה בָּאָרֶץ׃

ט וַיּוֹסֶף וַיִּשָׂא מְשָׁלוֹ אֶל־אֲנָשִׁים בֹּטְחִים בְּנַפְשָׁם כִּי צַדִּיקִים הֵמָּה וַאֲחֵרִים נִבְזִים בְּעֵינֵיהֶם וַיּׂאמַר׃

י שְׁנֵי אֲנָשִׁים עָלוּ אֶל־הַמִּקְדָּשׁ לְהִתְפַּלֵּל אֶחָד פָּרוּשׁ וְאֶחָד מוֹכֵס׃

יא וַיַּעֲמׂד הַפָּרוּשׁ לְבַדּוֹ וַיִּתְפַּלֵּל לֵאמׂר אוֹדְךָ אֱלׂהִים עַל כִּי אֵינֶנִּי כְּיֶתֶר הָאָדָם הַגּׂזְלִים וְהָעשְׁקִים וְהַנּׂאֲפִים וְגַם־לׂא כַּמּׂכֵס הַזֶּה׃

יב אֲנִי צָם פַּעֲמַיִם בַּשָּׁבוּעַ אֲנִי מְעַשֵׂר אֵת כָּל־אֲשֶׁר אֲנִי קׂנֶה׃

יג וְהַמּוֹכֵס עָמַד מֵרָחוֹק וְלׂא אָבָה לָשֵׂאת אֶת־עֵינָיו הַשָּׁמַיְמָה וְתוֹפֵף עַל־לִבּוֹ וַיּׂאמַר אֱלׂהִים סְלַח־לִי אֲנִי הַחוֹטֵא׃

יד אֲנִי אׂמֵר לָכֶם כִּי־יָרַד זֶה לְבֵיתוֹ נִצְדָּק מִזֶּה כִּי כָּל־הַמֵּרִים נַפְשׁוֹ יִשָּׁפֵל וַאֲשֶׁר יַשְׁפִּילָהּ יְרוֹמָם׃

טו וַיָּבִיאוּ אֵלָיו גַּם אֶת־הַיְלָדִים לְמַעַן יִגַּע בָּהֶם וַיִּרְאוּ הַתַּלְמִידִים וַיִּגְעֲרוּ בָם׃

טז וַיִּקְרָא אׂתָם יֵשׁוּעַ אֵלָיו וַיּׂאמַר הַנִּיחוּ לַיְלָדִים לָבוֹא אֵלָי וְאַל־תִּמְנָעוּם כִּי לְאֵלֶּה מַלְכוּת הָאֱלׂהִים׃

יז אָמֵן אׂמֵר אֲנִי לָכֶם כּׂל אֲשֶׁר לׂא יְקַבֵּל אֶת־מַלְכוּת הָאֱלׂהִים כַּיָּלֶד הוּא לׂא־יָבֹא בָהּ׃

יח וַיִּשְׁאָלֵהוּ קָצִין אֶחָד לֵאמׂר רַבִּי הַטּוֹב מָה־אֶעֱשֶׂה וְאִירַשׁ חַיֵּי עוֹלָם׃

יט וַיּׂאמֶר אֵלָיו יֵשׁוּעַ מַדּוּעַ קָרָאתָ לִּי טוֹב אֵין טוֹב כִּי אִם־אֶחָד וְהוּא הָאֱלׂהִים׃

כ אֶת־הַמִּצְוֹת אַתָּה יוֹדֵעַ לׂא תִנְאָף לׂא תִרְצָח לׂא תִגְנׂב לׂא־תַעֲנֶה עֵד שָׁקֶר כַּבֵּד אֶת־אָבִיךָ וְאֶת־אִמֶּךָ׃

כא וַיּׂאמַר אֶת־כָּל־אֵלֶּה שָׁמַרְתִּי מִנְּעוּרָי׃

כב וַיִּשְׁמַע יֵשׁוּעַ וַיּׂאמֶר עוֹד אַחַת חָסָרְתָּ מְכׂר אֶת־כּׂל אֲשֶׁר־לְךָ וְחַלֵּק לָעֲנִיִּים וִיהִי לְךָ אוֹצָר בַּשָּׁמָיִם וּבוֹא וְלֵךְ אַחֲרָי׃

כג וַיְהִי כְּשָׁמְעוֹ אֶת־זׂאת וַיֵּעָצֵב מְאׂד כִּי־עשֶׁר גָּדוֹל הָיָה לוֹ׃

כד וַיַּרְא יֵשׁוּעַ כִּי נֶעֱצַב וַיּׂאמַר כַּמָּה יִקְשֶׁה לְבַעֲלֵי נְכָסִים לָבוֹא אֶל־מַלְכוּת הָאֱלׂהִים׃

כה כִּי נָקֵל לַגָּמָל עֲבֹר בְּתוֹךְ־נֶקֶב הַמַּחַט מִבּוֹא עָשִׁיר אֶל־מַלְכוּת הָאֱלׂהִים׃

כו וַיּׂאמְרוּ הַשּׁׂמְעִים וּמִי יוּכַל לְהִוָּשֵׁעַ׃

כז וַיּׂאמֶר אֲשֶׁר יִפָּלֵא מִבְּנֵי אָדָם לׂא יִפָּלֵא מֵאֱלׂהִים׃

כח וַיּׂאמֶר פֶּטְרוֹס הֵן אֲנַחְנוּ עָזַבְנוּ אֶת־הַכּׂל וַנֵּלֶJ אַחֲרֶיךָ׃

כט וַיּׂאמֶר אֲלֵיהֶם אָמֵן אׂמֵר אֲנִי לָכֶם אֵין אִישׁ אֲשֶׁר עָזַב אֶת־בֵּיתוֹ אוֹ אֶת־אֲבוֹתָיו אוֹ אֶת־אֶחָיו אוֹ אֶת־אִשְׁתּוֹ אוֹ אֶת־בָּנָיו לְמַעַן מַלְכוּת הָאֱלׂהִים׃

ל וְלׂא־יִקַּח תַּחְתֵּיהֶם כִּפְלֵי כִפְלַיִם בָּעוֹלָם הַזֶּה וְלָעוֹלָם הַבָּא חַיֵּי עוֹלָם׃

לא וַיִּקַּח אֵלָיו אֶת־שְׁנֵים הֶעָשָׂר וַיּׂאמֶר לָהֶם הִנְנוּ עׂלִים יְרוּשָׁלָיְמָה וְכָל־הַכָּתוּב בִּידֵי הַנְּבִיאִים עַל בֶּן־הָאָדָם יִמָּלֵא׃

לב כִּי יִמָּסֵר לַגּוֹיִם וְהֵתֵלּוּ בוֹ וְהִתְעַלְּלוּ וְיָרְקוּ בְּפָנָיו׃

לג וְהִכּוּהוּ בַשּׁוֹטִים וֶהֱמִיתוּהוּ וּבַיּוֹם הַשְּׁלִישִׁי קוֹם יָקוּם׃

לד וְהֵם לׂא הֵבִינוּ דָבָר מִכָּל־אֵלֶּה וַיְהִי הַדָּבָר הַזֶּה נֶעְלָם מֵהֶם וְלׂא יָדְעוּ אֶת־אֲשֶׁר דִּבֶּר אֲלֵיהֶם׃

לה וַיְהִי בְּקָרְבוֹ אֶל־יְרִיחוֹ וְהִנֵּה־אִישׁ עִוֵּר ישֵׁב עַל־יַד הַדֶּרֶךְ לִשְׁאׂל צְדָקָה׃

לו וַיִּשְׁמַע אֶת־קוֹל הָעָם הָעׂבֵר וַיִּדְרשׁ לָדַעַת מַה־הוּא׃

לז וַיַּגִּידוּ לוֹ כִּי־יֵשׁוּעַ הַנָּצְרִי עוֹבֵר׃

לח וַיִּזְעַק לֵאמׂר יֵשׁוּעַ בֶּן־דָּוִד חָנֵּנִי׃

לט וְהַהׂלְכִים לְפָנָיו גָּעֲרוּ־בוֹ לְהַחֲשׁׂתוֹ וְהוּא הִרְבָּה עוֹד לִזְעׂק יֵשׁוּעַ בֶּן־דָּוִד חָנֵּנִי׃

מ וַיַּעֲמׂד יֵשׁוּעַ וַיְצַו לַהֲבִיאוֹ אֵלָיו וַיְהִי כַּאֲשֶׁר קָרַב וַיִּשְׁאָלֵהוּ לֵאמׂר׃

מא מַה־תִּרְצֶה שֶׁאֶעֱשֶׂה־לָּךְ וַיּׂאמֶר אֲדׂנִי אֲשֶׁר תִּפָּקַחְנָה עֵינָי׃

מב וַיּׂאמֶר אֵלָיו תִּפָּקַחְנָה עֵינֶיךָ אֱמוּנָתְךָ הוֹשִׁיעָה לָּךְ׃

מג וּפִתְאׂם נִפְקְחוּ עֵינָיו וַיֵּלֶךְ אַחֲרָיו הָלׂךְ וְשַׁבֵּחַ אֶת־הָאֱלׂהִים וְכָל־הָעָם רָאוּ וַיּוֹדוּ לֵאלׂהִים׃