Luke 22

א וַיִּקְרַב חַג הַמַּצּוֹת הוּא חַג הַפָּסַח׃

ב וְרָאשֵׁי הַכּׂהֲנִים וְהַסּוֹפְרִים מְבַקְשִׁים אֵיךְ יַהַרְגֻהוּ כִּי יָרְאוּ מִפְּנֵי הָעָם׃

ג וְהַשָּׂטָן נִכְנַס בִּיהוּדָה הַנִּקְרָא אִישׁ־קְרִיּוֹת וְהוּא אֶחָד מִשְּׁנֵים הֶעָשָׂר׃

ד וַיֵּלֶךְ וַיִּוָּעַץ עִם־רָאשֵׁי הַכּׂהֲנִים וְהַשָּׂרִים אֵיךְ יִמְסְרֶנּוּ בְּיָדָם׃

ה וַיִּשְׂמָחוּ וַיֵּאׂתוּ לָתֶת־לוֹ כָסֶף׃

ו וַיַּבְטַח אׂתָם וַיְבַקֵּשׁ תּוֹאֲנָה לְמָסְרוֹ אֲלֵיהֶם בְּסֵתֶר וְלׂא־בִפְנֵי הֶהָמוֹן׃

ז וַיָּבֹא יוֹם הַמַּצּוֹת אֲשֶׁר יִזָּבַח־בּוֹ הַפָּסַח׃

ח וַיִּשְׁלַח אֶת־פֶּטְרוֹס וְאֶת־יוֹחָנָן לֵאמׂר לְכוּ וְהָכִינוּ לָנוּ אֶת־הַפֶּסַח וְנׂאכֵלָה׃

ט וַיּׂאמְרוּ אֵלָיו אֵיפׂה תַחְפּׂץ וְנָכִין אוֹתוֹ׃

י וַיּׂאמֶר אֲלֵיהֶם הִנֵּה אַתֶּם בָּאִים הָעִירָה וּפָגַע אֶתְכֶם אִישׁ נׂשֵׂא צַפַּחַת מָיִם לְכוּ אַחֲרָיו אֶל־הַבָּיִת אֲשֶׁר יָבוֹא בוֹ׃

יא וַאֲמַרְתֶּם אֶל־בַּעַל הַבָּיִת כּׂה אָמַר־לְךָ הָרַב אַיֵּה הַמָּלוֹן אֲשֶׁר אׂכְלָה־שָּׁם אֶת־הַפֶּסַח עִם־תַּלְמִידָי׃

יב וְהוּא יַרְאֶה אֶתְכֶם עֲלִיָּה גְדוֹלָה מֻצָּעָה שָׁם תָּכִינוּ׃

יג וַיֵּלְכוּ וַיִּמְצְאוּ כַּאֲשֶׁר דִּבֶּר אֲלֵיהֶם וַיָּכִינוּ אֶת־הַפָּסַח׃

יד וַיְהִי כַּאֲשֶׁר הִגִּיעָה הַשָּׁעָה וַיָּסֶב הוּא וּשְׁנֵים־עָשָׂר הַשְּׁלִיחִים אִתּוֹ׃

טו וַיּׂאמֶר אֲלֵיהֶם נִכְסׂף נִכְסַפְתִּי לֶאֱכׂל אִתְּכֶם אֶת־הַפֶּסַח הַזֶּה לִפְנֵי עֻנּוֹתִי׃

טז כִּי־אׂמֵר אֲנִי לָכֶם לׂא אׂכַל אוֹתוֹ עוֹד עַד כִּי־יִמָּלֵא בְּמַלְכוּת הָאֱלׂהִים׃

יז וַיִּקַּח אֶת־הַכּוֹס וַיְבָרֵךְ וַיּׂאמֶר קְחוּ אׂתָהּ וַחֲלׂקוּ׃

יח כִּי־אׂמֵר אֲנִי לָכֶם שָׁתׂה לׂא אֶשְׁתֶּה מֵעַתָּה מִפְּרִי הַגָּפֶן עַד כִּי־תָבוֹא מַלְכוּת הָאֱלׂהִים׃

יט וַיִּקַּח אֶת־הַלֶּחֶם וַיְבָרֶךְ וַיִּבְצַע וַיִּתֵּן לָהֶם וַיּׂאמַר זֶה גוּפִי הַנִּתָּן בַּעַדְכֶם זׂאת עֲשׂוֹוֹ לְזִכְרִי׃

כ וְכֵן גַּם־אֶת־הַכּוֹס אַחַר הַסְּעוּדָה לֵאמׂר זוֹ הַכּוֹס הִיא הַבְּרִית הַחֲדָשָׁה בְּדָמִי הַנִּשְׁפָּךְ בַּעַדְכֶם׃

כא אַךְ הִנֵּה יַד־הַמּׂסֵר אוֹתִי אִתִּי עַל־הַשֻּׁלְחָן׃

כב כִּי הֵן בֶּן־הָאָדָם הׂלֵךְ כַּאֲשֶׁר נֶחֱרָץ עָלָיו אֲבָל אוֹי לָאִישׁ הַהוּא אֲשֶׁר עַל־יָדוֹ יִמָּסַר׃

כג וְהֵם הֵחֵלּוּ לַחֲקׂר אִישׁ אֶת־רֵעֵהוּ מִי־הוּא זֶה מֵהֶם אֲשֶׁר יַעֲשֶׂה־זּׂאת׃

כד וְגַם־מְרִיבָה הָיְתָה בֵינֵיהֶם מִי יֵחָשֵׁב הַגָּדוֹל בָּהֶם׃

כה וַיּׂאמֶר אֲלֵיהֶם מַלְכֵי הַגּוֹיִם רׂדִים בָּהֶם וְשַׁלִּיטֵיהֶם עׂשֵׂי חֶסֶד יִקָּרֵא לָהֶם׃

כו וְאַתֶּם לׂא־כֵן כִּי הַגָּדוֹל בָּכֶם יִהְיֶה כַצָּעִיר וְהַמַּנְהִיג כַּמְשָׁרֵת׃

כז כִּי מִי הַגָּדוֹל הַמֵּסֵב אוֹ הַמְשָׁרֵת הֲלׂא הַמֵּסֵב וַאֲנִי הִנְנִי בְתוֹכֲכֶם כְּמוֹ הַמְשָׁרֵת׃

כח וְאַתֶּם הֵם הָעׂמְדִים עִמִּי עַד־עַתָּה בְּנִסְיוֹנׂתָי׃

כט לָכֵן אֲנִי מַנְחִיל אֶתְכֶם הַמַּלְכוּת כַּאֲשֶׁר הִנְחִילַנִי אָבִי׃

ל לְמַעַן תּׂאכְלוּ וְתִשְׁתּוּ עַל־שֻׁלְחָנִי בְּמַלְכוּתִי וִישַׁבְתֶּם עַל־כִּסְאוֹת לִשְׁפּׂט אֶת־שְׁנֵים עָשָׂר שִׁבְטֵי יִשְׂרָאֵל׃

לא וַיּׂאמֶר הָאָדוֹן שִׁמְעוֹן שִׁמְעוֹן הִנֵּה שָׁאַל לוֹ הַשָּׂטָן לִזְרוֹת אֶתְכֶם כַּחִטִּים׃

לב וַאֲנִי הִתְפַּלַּלְתִּי בַעַדְךָ אֲשֶׁר לׂא־תִכְלֶה אֱמוּנָתֶךְ וְאַתָּה כַּאֲשֶׁר תָּשׁוּב בִּתְשׁוּבָה חַזֵּק אֶת־אָחֶיךָ׃

לג וַיּׂאמֶר אֵלָיו אֲדׂנִי הִנְנִי נָכוֹן לָלֶכֶת אִתְּךָ גַּם לְבֵית הָאֲסוּרִים גַּם לַמָּוֶת׃

לד וַיּׂאמַר אֲנִי אׂמֵר לְךָ פֶּטְרוֹס לׂא־יִקְרָא תַרְנְגׂל הַיּוֹם עַד כִּי־כִּחַשְׁתָּ בִּי שָׁלשׁ פְּעָמִים לֵאמׂר לׂא יְדַעְתִּיו׃

לה וַיּׂאמֶר אֲלֵיהֶם כַּאֲשֶׁר שָׁלַחְתִּי אֶתְכֶם בְּלִי־כִיס וְתַרְמִיל וּנְעָלִים הַחֲסַרְתֶּם דָּבָר וַיּׂאמְרוּ לׂא חָסַרְנוּ כּׂל׃

לו וַיּׂאמֶר אֲלֵיהֶם אָכֵן עַתָּה אֲשֶׁר־לוֹ כִיס יִשָּׂאֵהוּ וְכֵן גַּם־אֶת־הַתַּרְמִיל וַאֲשֶׁר אֵין־לוֹ הוּא יִמְכּׂר אֶת־בִּגְדוֹ וְיִקְנֶה חָרֶב׃

לז כִּי־אׂמֵר אֲנִי לָכֶם שֶׁצָּרִיךְ עוֹד שֶׁיִּמָּלֵא בִי הַכָּתוּב הַזֶּה וְאֶת־פּשְׁעִים נִמְנָה כִּי גַם־הַכָּתוּב עָלַי בָּא עַד־קִצּוֹ׃

לח וַיּׂאמְרוּ אֲדׂנֵינוּ הִנֵּה־פׂה שְׁתֵּי חֲרָבוֹת וַיּׂאמֶר אֲלֵיהֶם דָּי׃

לט וַיֵּצֵא וַיֵּלֶךְ כְּיוֹם בְּיוֹם אֶל־הַר הַזֵּיתִים וַיֵּלְכוּ אַחֲרָיו גַּם־תַּלְמִידָיו׃

מ וַיָּבֹא אֶל־הַמָּקוֹם וַיּׂאמֶר אֲלֵיהֶם הִתְפַּלֲלוּ שֶׁלּא תָבֹאוּ לִידֵי נִסָּיוֹן׃

מא וְהוּא נִפְרַד מֵהֶם הַרְחֵק כִּקְלַׂע אָבֶן וַיִּכְרַע עַל־בִּרְכָּיו וַיִּתְפַּלֵּל לֵאמׂר׃

מב אָבִי אִם־תִּרְצֶה לְהַעֲבִיר מֵעָלַי אֶת־הַכּוֹס הַזּׂאת אַךְ אַל־יְהִי כִרְצוֹנִי כִּי אִם־כִּרְצוֹנֶךָ׃

מג וַיֵּרָא אֵלָיו מַלְאָךְ מִן־הַשָּׁמָיִם וַיְחַזְּקֵהוּ׃

מד וְחֶבְלֵי־מָוֶת בָּאוּ עָלָיו וַיּוֹסֶף לְהִתְפַּלֵּל בְּחָזְקָה וַתְּהִי זֵעָתוֹ כְּנִטְפֵי דָם יׂרְדִים לָאָרֶץ׃

מה וַיָּקָם מֵהִתְפַּלֵּל וַיָּבֹא אֶל־הַתַּלְמִידִים וַיַּרְא וְהִנָּם יְשֵׁנִים מִיָּגוֹן׃

מו וַיּׂאמֶר אֲלֵיהֶם לָמָּה תִישָׁנוּ קוּמוּ וְהִתְפַּלֲלוּ שֶׁלּא תָבֹאוּ לִידֵי נִסָּיוֹן׃

מז עוֹדֶנּוּ מְדַבֵּר וְהִנֵּה הֲמוֹן עָם וְאֶחָד מִשְּׁנֵים הֶעָשָׂר הַנִּקְרָא יְהוּדָה הׂלֵךְ לִפְנֵיהֶם וַיִּקְרַב אֶל־יֵשׁוּעַ לִנְשָׁק־לוֹ׃

מח וַיּׂאמֶר אֵלָיו יֵשׁוּעַ יְהוּדָה הֲבִנְשִׁיקָה אַתָּה מוֹסֵר אֶת־בֶּן־הָאָדָם׃

מט וְהָאֲנָשִׁים אֲשֶׁר אִתּוֹ רָאוּ אֵת אֲשֶׁר יִהְיֶה וַיּׂאמְרוּ אֵלָיו אֲדׂנֵינוּ הֲנַכֶּה בֶחָרֶב׃

נ וַיַּךְ אֶחָד מֵהֶם אֶת־עֶבֶד הַכּׂהֵן הַגָּדוֹל וַיְקַצֵּץ אֶת־אָזְנוֹ הַיְמָנִית׃

נא וַיַּעַן יֵשׁוּעַ וַיּׂאמֶר רַב עַתָּה הַרְפּוּ וַיִּגַּע בְּאָזְנוֹ וַיִּרְפָּאֵהוּ׃

נב וַיּׂאמֶר יֵשׁוּעַ אֶל רָאשֵׁי הַכּׂהֲנִים וְשָׂרֵי הַמִּקְדָּשׁ וְהַזְּקֵנִים אֲשֶׁר בָּאוּ עָלָיו לֵאמׂר כְּצֵאת עַל־פָּרִיץ יְצָאתֶם עָלַי בַּחֲרָבוֹת וּבְמַקְלוֹת׃

נג וְאָנׂכִי הָיִיתִי עִמָּכֶם בַּמִּקְדָּשׁ יוֹם יוֹם וְלׂא־שְׁלַחְתֶּם יֶדְכֶם בִּי וְאוּלָם זׂאת שְׁעַתְכֶם וְזֶה שִׁלְטוֹן הַחשֶׁךְ׃

נד וַיִּתְפְּשׂוֹוֹ אוֹתוֹ וַיּוֹלִיכֻהוּ וַיְבִיאֻהוּ בֵּית הַכּׂהֵן הַגָּדוֹל וּפֶטְרוֹס הׂלֵךְ אַחֲרָיו מֵרָחוֹק׃

נה וַיְהִי כִּי־בִעֲרוּ אֵשׁ בְּתוֹךְ הֶחָצֵר וַיֵּשְׁבוּ יַחְדָּו וַיֵּשֶׁב גַּם־פֶּטְרוֹס בְּתוֹכָם׃

נו וַתִּרְאֵהוּ שִׁפְחָה אַחַת יוֹשֵׁב נֶגֶד הָאוּר וַתַּבֶּט־בּוֹ וַתּׂאמֶר גַּם־זֶה הָיָה עִמּוֹ׃

נז וַיְכַחֶשׁ־בּוֹ וַיּׂאמַר אִשָּׁה לׂא יְדַעְתִּיו׃

נח וְעוֹד מְעַט וַיִּרְאֵהוּ אִישׁ אַחֵר וַיּׂאמֶר גַּם־אַתָּה מֵהֶם וַיּׂאמֶר פֶּטְרוֹס בֶּן־אָדָם לׂא מֵהֶם אָנׂכִי׃

נט וְאַחֲרֵי עֲבֹר כְּשָׁעָה אַחַת טָעַן אִישׁ אַחֵר לֵאמׂר אָמְנָם גַּם־זֶה הָיָה עִמּוֹ כִּי־גְלִילִי גַּם־הוּא׃

ס וַיּׂאמֶר פֶּטְרוֹס בֶּן־אָדָם לׂא יָדַעְתִּי מָה אַתָּה אׂמֵר וְעוֹדֶנּוּ מְדַבֵּר וְהַתַּרְנְגוֹל קָרָא׃

סא וַיִּפֶן הָאָדוֹן וַיַּבֵּט אֶל־פֶּטְרוֹס וַיִּזְכּׂר פֶּטְרוֹס אֶת־דְּבַר הָאָדוֹן אֲשֶׁר דִּבֶּר אֵלָיו לֵאמׂר בְּטֶרֶם יִקְרָא הַתַּרְנְגׂל תְּכַחֶשׁ־בִּי שָׁלשׁ פְּעָמִים׃

סב וַיֵּצֵא פֶטְרוֹס הַחוּצָה וַיְמָרֵר בַּבֶּכִי׃

סג וְהָאֲנָשִׁים אֲשֶׁר אָחֲזוּ אֶת־יֵשׁוּעַ הִתְעַלְּלוּ בוֹ וַיַּכֻּהוּ׃

סד וַיֶחֱפוּ אֶת־רׂאשׁוֹ וַיַּכֻּהוּ עַל־פָּנָיו וַיִּשְׁאָלֻהוּ לֵאמׂר הִנָּבֵא מִי הוּא הַמַּכֶּה אוֹתָךְ׃

סה וְעוֹד גִּדּוּפִים אֲחֵרִים הִרְבּוּ עָלָיו׃

סו וּבִהְיׂת הַבֹּקֶר נִקְהֲלוּ זִקְנֵי הָעָם וְרָאשֵׁי הַכּׂהֲנִים וְהַסּוֹפְרִים וַיַּעֲלֻהוּ לִפְנֵי סַנְהֶדְרִין שֶׁלָהֶם וַיּׂאמְרוּ אִם הַמָּשִׁיחַ אַתָּה הַגֶּד־לָנוּ׃

סז וַיּׂאמֶר אֲלֵיהֶם אִם־אַגִּיד לָכֶם לׂא תַאֲמִינוּ׃

סח וְאִם־אֶשְׁאַל לׂא־תָשִׁיבוּ דָבָר וְלׂא תְשַׁלְּחוּנִי׃

סט אֲבָל מֵעַתָּה יִהְיֶה בֶן־הָאָדָם ישֵׁב לִימִין גְּבוּרַת הָאֱלׂהִים׃

ע וַיּׂאמְרוּ כֻלָּם הַאַתָּה אֵפוֹא הוּא בֶּן־הָאֱלׂהִים וַיּׂאמֶר אֲלֵיהֶם אַתֶּם אֲמַרְתֶּם כִּי־אֲנִי הוּא׃

עא וַיּׂאמְרוּ מַה־לָּנוּ עוֹד לְבַקֵּשׁ עֵדִים הֲלׂא בְאָזְנֵינוּ שְׁמַעְנוּהָ מִפִּיו׃