Luke 7

א וַיְהִי אַחֲרֵי כַלּוֹתוֹ לְדַבֵּר אֶת־כָּל־דְּבָרָיו בְּאָזְנֵי הָעָם וַיָּבֹא אֶל־כְּפַר־נַחוּם׃

ב וְעֶבֶד לְאֶחָד מִשָּׂרֵי הַמֵּאוֹת חָלָה לָמוּת וְהוּא יָקָר בְּעֵינָיו מְאׂד׃

ג וַיִּשְׁמַע אֶת־שֵׁמַע יֵשׁוּעַ וַיִּשְׁלַח אֵלָיו אֲנָשִׁים מִזִּקְנֵי הַיְּהוּדִים וַיִּשְׁאַל מֵאִתּוֹ לָבוֹא וּלְהוֹשִׁיעַ אֶת־עַבְדּוֹ׃

ד וַיָּבֹאוּ אֶל־יֵשׁוּעַ וַיִּתְחַנְנוּ־לוֹ מְאׂד וַיּׂאמְרוּ רָאוּי הוּא אֲשֶׁר תַּעֲשֶׂה בַּקָּשָׁתוֹ׃

ה כִּי אׂהֵב עַמֵּנוּ הוּא וְהוּא בָנָה־לָנוּ אֶת־בֵּית הַכְּנֵסֶת׃

ו וַיֵּלֶךְ אִתָּם יֵשׁוּעַ וַיְהִי כַּאֲשֶׁר קָרַב אֶל־הַבַּיִת וַיִּשְׁלַח אֵלָיו שַׂר־הַמֵּאָה אֶת־רֵעָיו לֵאמׂר לוֹ בִּי אֲדׂנִי אַל־נָא תִטְרַח כִּי־נְקַלּתִי מֵאֲשֶׁר תָּבוֹא בְּצֵל קוֹרָתִי׃

ז וּבַעֲבוּר זׂאת גַּם־אֶת־עַצְמִי לׂא חָשַׁבְתִּי רָאוּי לָבוֹא אֵלֶיךָ אַךְ דַּבֶּר־נָא דָבָר וְיֵרָפֵא נַעֲרִי׃

ח כִּי גַם־אָנׂכִי אִישׁ נָתוּן תַּחַת הַמֶּמְשָׁלָה וְיֶשׁ־תַּחַת יָדִי אַנְשֵׁי צָבָא וְאָמַרְתִּי לָזֶה לֵךְ וְהָלַךְ וְלָזֶה בוֹא וּבָא וּלְעַבְדִּי עֲשֵׂה־זׂאת וְעָשָׂה׃

ט וַיִּשְׁמַע יֵשׁוּעַ אֶת־דְּבָרָיו וַיִּתְמַהּ עָלָיו וַיִּפֶן וַיּׂאמֶר אֶל־הֶהָמוֹן הַהׂלֵךְ אַחֲרָיו אׂמֵר אֲנִי לָכֶם גַּם־בְּיִשְׂרָאֵל לׂא־מָצָאתִי אֱמוּנָה גְּדוֹלָה כָזׂאת׃

י וַיָּשׁוּבוּ הַשְּׁלוּחִים אֶל־הַבָּיִת וַיִּמְצְאוּ אֶת־הָעֶבֶד הַחׂלֶה וְהִנֵּה נִרְפָּא׃

יא וַיְהִי מִמָּחֳרָת וַיֵּלֶךְ אֶל־עִיר וּשְׁמָהּ נָעִים וְרַבִּים מִתַּלְמִידָיו הׂלְכִים אִתּוֹ וַהֲמוֹן עַם רָב׃

יב הוּא קָרַב אֶל־שַׁעַר הָעִיר וְהִנֵּה מוֹצִיאִים מֵת בֵּן יָחִיד לְאִמּוֹ וְהִיא אַלְמָנָה וְעִמָּהּ רַבִּים מֵעַם הָעִיר׃

יג וְכִרְאוֹת אׂתָהּ הָאָדוֹן נִכְמְרוּ רַחֲמָיו עָלֶיהָ וַיּׂאמֶר לָהּ אַל־תִּבְכִּי׃

יד וַיִּגַּשׁ וַיִּגַּע בַּמִּטָּה וַיַּעַמְדוּ הַנּׂשְׂאִים וַיּׂאמַר נַעַר אׂמֵר אֲנִי אֵלֶיךָ קוּמָה׃

טו וַיִּתְעוֹדֵד הַמֵּת וַיָּחֶל לְדַבֵּר וַיִּתְּנֵהוּ לְאִמּוֹ׃

טז וּרְעָדָה אָחֲזָה כֻלָּם וַיְשַׁבְּחוּ אֶת־הָאֱלׂהִים וַיּׂאמְרוּ נָבִיא גָדוֹל קָם בְּקִרְבֵּנוּ וְהָאֱלׂהִים פָּקַד אֶת־עַמּוֹ׃

יז וַיֵּצֵא הַדָּבָר הַזֶּה עָלָיו בְּכָל־יְהוּדָה וּבְכָל־הַכִּכָּר׃

יח וְתַלְמִידֵי יוֹחָנָן הִגִּידוּ לוֹ אֶת־כָּל־אֵלֶּה׃

יט וַיִּקְרָא אֵלָיו יוֹחָנָן שְׁנַיִם מִתַּלְמִידָיו וַיִּשְׁלָחֵם אֶל־יֵשׁוּעַ לֵאמׂר לוֹ הַאַתָּה הוּא הַבָּא אִם־נְחַכֶּה לְאַחֵר׃

כ וַיָּבֹאוּ אֵלָיו הָאֲנָשִׁים וַיּׂאמְרוּ יוֹחָנָן הַמַּטְבִּיל שְׁלָחָנוּ אֵלֶיךָ לֵאמׂר הַאַתָּה הוּא הַבָּא אִם־נְחַכֶּה לְאַחֵר׃

כא וְהוּא רִפָּא בָּעֵת הַהִיא רַבִּים מֵחֳלָיִים וּמִנְּגָעִים וּמֵרוּחוֹת רָעוֹת וּלְעִוְרִים רַבִּים נָתַן רְאוּת עֵינָיִם׃

כב וַיַּעַן יֵשׁוּעַ וַיּׂאמֶר אֲלֵיהֶם לְכוּ וְהַגִּידוּ לְיוֹחָנָן אֵת אֲשֶׁר רְאִיתֶם וַאֲשֶׁר שְׁמַעְתֶּם עִוְרִים רׂאִים וּפִסְחִים מְהַלְּכִים וּמְצׂרָעִים מְטׂהָרִים וְחֵרְשִׁים שׁוֹמְעִים וּמֵתִים קָמִים וַעֲנִיִּים מִתְבַּשְּׂרִים׃

כג וְאַשְׁרֵי הָאִישׁ אֲשֶׁר לׂא־יִכָּשֵׁל בִּי׃

כד וַיְהִי כַּאֲשֶׁר הָלְכוּ שְׁלוּחֵי יוֹחָנָן וַיָּחֶל לְדַבֵּר אֶל־הֲמוֹן הָעָם עַל־אׂדוֹת יוֹחָנָן וַיּׂאמַר מַה־זֶּה יְצָאתֶם הַמִּדְבָּרָה לִרְאוֹת הֲקָנֶה אֲשֶׁר יִנּוֹעַ בָּרוּחַ׃

כה אוֹ מַה־זֶּה יְצָאתֶם לִרְאוֹת הַאִישׁ לָבוּשׁ בִּגְדֵי עֲדָנִים הִנֵּה הַמְלֻבָּשִׁים בִּגְדֵי תִפְאֶרֶת וְהַמְעֻנָּגִים בְּחַצְרוֹת הַמְּלָכִים הֵמָּה׃

כו וְעַתָּה מַה־זֶּה יְצָאתֶם לִרְאוֹת אִם־לִרְאוֹת אִישׁ נָבִיא הֵן אֲנִי אׂמֵר לָכֶם אַף־גָּדוֹל הוּא מִנָּבִיא׃

כז זֶה הוּא אֲשֶׁר כָּתוּב עָלָיו הִנְנִי שׁׂלֵחַ מַלְאָכִי לְפָנֶיךָ וּפִנָּה דַרְכְּךָ לְפָנֶיךָ׃

כח כִּי אׂמֵר אֲנִי לָכֶם אֵין אִישׁ בִּילוּדֵי אִשָּׁה גָּדוֹל מִיּוֹחָנָן (הַמַּטְבִּיל) וְהַקָּטׂן בְּמַלְכוּת הָאֱלׂהִים יִגְדַּל מִמֶּנּוּ׃

כט וְכָל־הָעָם הַשּׁׂמְעִים וְהַמּׂכְסִים הִצְדִּיקוּ אֶת־הָאֱלׂהִים וַיִּטָּבְלוּ בִּטְבִילַת יוֹחָנָן׃

ל וְהַפְּרוּשִׁים וְהַחֲכָמִים הֵפֵרוּ אֶת־עֲצַת הָאֱלׂהִים עַל־נַפְשָׁם וְלׂא נִטְבְּלוּ עַל־יָדוֹ׃

לא וַיּׂאמֶר הָאָדוֹן עַתָּה אֶל־מִי אֲדַמֶּה אֶת־אַנְשֵׁי הַדּוֹר הַזֶּה וְאֶל־מִי הֵם דּׂמִים׃

לב דּׂמִים הֵם לַיְלָדִים הַיּשְׁבִים בַּשּׁוּק וְקׂרְאִים זֶה אֶל־זֶה וְאׂמְרִים חִלַּלְנוּ לָכֶם בַּחֲלִילִים וְלׂא רִקַּדְתֶּם קוֹנַנּוּ לָכֶם קִינָה וְלׂא בְכִיתֶם׃

לג כִּי בָא יוֹחָנָן הַמַּטְבִּיל לֶחֶם לׂא־אָכַל וְיַיִן לׂא־שָׁתָה וַאֲמַרְתֶּם שֵׁד בּוֹ׃

לד וּבָא בֶן־הָאָדָם וְהוּא אׂכֵל וְשׁׂתֶה וַאֲמַרְתֶּם הִנֵּה זוֹלֵל וְסׂבֵא וְרֵעַ לְמוֹכְסִים וּלְחַטָּאִים׃

לה וְהַחָכְמָה נִצְדְּקָה בְּכָל־בָּנֶיהָ׃

לו וְאֶחָד מִן־הַפְּרוּשִׁים בִּקֵּשׁ מִמֶּנּוּ לֶאֱכׂל אִתּוֹ לָחֶם וַיָּבֹא אֶל־בֵּית הַפָּרוּשׁ וַיַּסֵּב׃

לז וְהִנֵּה אִשָּׁה אַחַת בָּעִיר אֲשֶׁר הָיְתָה חׂטֵאת כְּשָׁמְעָהּ כִּי־הוּא מֵסֵב בֵּית הַפָּרוּשׁ וַתָּבֵא פַּךְ־מִרְקָחַת׃

לח וַתַּעֲמׂד לְרַגְלָיו מֵאַחֲרָיו וַתֵּבְ וַתּוֹרֶד דְּמָעוֹת עַל־רַגְלָיו וַתְּנַגֵּב אׂתָן בִּשְׂעַר רׂאשָׁהּ וַתִּשַּׁק אֶת־רַגְלָיו וַתָּסָךְ אׂתָן בַּמִּרְקָחַת׃

לט וַיַּרְא הַפָּרוּשׁ אֲשֶׁר קָרָא אׂתוֹ וַיּׂאמֶר בְּלִבּוֹ אִלּוּ הָיָה זֶה נָבִיא כִּי־עַתָּה יָדׂעַ יָדַע מִי־הִיא זׂאת וְאֵי־זוֹ הִיא הַנּׂגַעַת בּוֹ כִּי־אִשָּׁה חַטָּאָה הִיא׃

מ וַיַּעַן יֵשׁוּעַ וַיּׂאמֶר אֵלָיו שִׁמְעוֹן דָּבָר־לִי אֵלֶיךָ וַיּׂאמֶר רַבִּי דַּבֵּר׃

מא לְנשֶׁה אֶחָד הָיוּ שְׁנֵי בַעֲלֵי־חוֹבוֹת הָאֶחָד חַיָּב לוֹ דִּינָרִים חֲמֵשׁ מֵאוֹת וְהָאַחֵר דִּינָרִים חֲמִשִּׁים׃

מב וּמִפְּנֵי שֶׁלּא הָיָה לָהֶם לִפְרׂעַ מָחַל לִשְׁנֵיהֶם וְעַתָּה אֱמָר־נָא מִי מִשְּׁנֵיהֶם יְחַבֵּב אׂתוֹ יוֹתֵר׃

מג וַיַּעַן שִׁמְעוֹן וַיּׂאמַר כִּמְדֻמֶּה אֲנִי זֶה שֶׁמָּחַל לוֹ יוֹתֵר וַיּׂאמֶר אֵלָיו יָפָה דָנְתָּ׃

מד וַיִּפֶן אֶל־הָאִשָּׁה וַיּׂאמֶר אֶל־שִׁמְעוֹן הֲרָאִיתָ אֶת־הָאִשָּׁה הַזּׂאת הִנֵה בָאתִי אֶל־בֵּיתְךָ וּמַיִם עַל־רַגְלַי לׂא נָתָתָּ וְהִיא הוֹרִידָה דְמָעוֹת עַל־רַגְלַי וַתְּנַגֵּב בְּשַׂעְרָהּ׃

מה אַתָּה לׂא נְשַׁקְתַּנִי נְשִׁיקָה אֶחָת וְהִיא מֵאָז בָּאתִי לׂא חָדְלָה לְנַשֵּׁק אֶת־רַגְלָי׃

מו אַתָּה בְּשֶׁמֶן לׂא סַכְתָּ אֶת־רׂאשִׁי וְהִיא בְּמִרְקַחַת סָכָה אֶת־רַגְלָי׃

מז לָכֵן אׂמֵר אֲנִי אֵלֶיךָ נִסְלְחוּ לָהּ חַטּׂאתֶיהָ הָרַבּוֹת כִּי הַרְבֵּה אָהֵבָה וַאֲשֶׁר נִסְלַח־לוֹ מְעַט הוּא אׂהֵב מְעָט׃

מח וַיּׂאמֶר אֵלֶיהָ נִסְלְחוּ־לָךְ חַטּׂאתָיִךְ׃

מט וַיָּחִלּוּ הַמְסֻבִּים עִמּוֹ לֵאמׂר בְּלִבָּם מִי הוּא זֶה אֲשֶׁר גַּם־יִסְלַח לַחֲטָאִים׃

נ וַיּׂאמֶר אֶל־הָאִשָּׁה אֱמוּנָתֵךְ הוֹשִׁיעָה לָּךְ לְכִי לְשָׁלוֹם׃