Luke 20

א וַיְהִי הַיּוֹם וְהוּא מְלַמֵּד אֶת־הָעָם בַּמִּקְדָּשׁ וּמְבַשֵּׂר וַיִּגְּשׁוּ הַכּׂהֲנִים וְהַסּוֹפְרִים עִם־הַזְּקֵנִים׃

ב וַיּׂאמְרוּ אֵלָיו אֱמָר־נָא לָנוּ בְּאֵי־זוֹ רְשׁוּת אַתָּה עׂשֶׂה אֶת־אֵלֶה וּמִי הוּא הַנּׂתֵן לְךָ אֶת־הָרְשׁוּת הַזּׂאת׃

ג וַיַּעַן וַיּׂאמֶר אֲלֵיהֶם אַף־אֲנִי אֶשְׁאָלְכֶם דָּבָר וְאִמְרוּ לִי׃

ד טְבִילַת יוֹחָנָן הֲמִשָּׁמַיִם הָיָתָה אִם־מִבְּנֵי אָדָם׃

ה וַיִּוָּעֲצוּ יַחְדָּו לֵאמׂר אִם־נׂאמַר מִן־הַשָּׁמַיִם וְאָמַר לָמָּה זֶּה לׂא הֶאֱמַנְתֶּם בּוֹ׃

ו וְאִם־נׂאמַר מִבְּנֵי אָדָם וּסְקָלֻנוּ כָּל־הָעָם כִּי־בָרוּר לָהֶם שֶׁיּוֹחָנָן נָבִיא הָיָה׃

ז וַיַּעֲנוּ לׂא יָדַעְנוּ מֵאָיִן׃

ח וַיּׂאמֶר יֵשׁוּעַ אֲלֵיהֶם גַּם־אֲנִי לׂא אׂמַר לָכֶם בְּאֵי־זוֹ רְשׁוּת אֲנִי עׂשֶׂה אֵלֶּה׃

ט וַיַּעַן וַיְדַבֵּר אֶל־הָעָם אֶת־הַמָּשָׁל הַזֶּה אִישׁ אֶחָד נָטַע כֶּרֶם וַיִּתְּנֵהוּ בְּיַד כּׂרְמִים וַיֵּלֶךְ בְּדֶרֶךְ מֵרָחוֹק לְיָמִים רַבִּים׃

י וְלַמּוֹעֵד שָׁלַח עֶבֶד אֶל־הַכּׂרְמִים לָתֶת־לוֹ מִפְּרִי הַכָּרֶם וְהַכּׂרְמִים הִכֻּהוּ וַיְשַׁלְּחֻהוּ רֵיקָם׃

יא וַיּׂסֶף שְׁלׂחַ עֶבֶד אַחֵר וַיַּכּוּ גַם־אׂתוֹ וַיִּבְזֻהוּ וַיְשַׁלְּחֻהוּ רֵיקָם׃

יב וַיּׂסֶף לִשְׁלׂחַ שְׁלִישִׁי וְגַם־אׂתוֹ פָצְעוּ וַיְגָרֲשֻׁהוּ וַיִּדְחָפֻהוּ חוּצָה׃

יג וַיּׂאמֶר בַּעַל־הַכֶּרֶם מָה־אֶעֱשֶׂה אֶשְׁלְחָה אֶת־בְּנִי אֶת־יְדִידִי אוּלַי יִרְאוּ אׂתוֹ וְיִירְאוּ מִפָּנָיו׃

יד וְכִרְאוֹת אׂתוֹ הַכּׂרְמִים נוֹעֲצוּ יַחְדָּו לֵאמׂר זֶה הוּא הַיּוֹרֵשׁ לְכוּ וְנַהַרְגֵהוּ וּתְהִי־לָנוּ הַיְרֻשָּׁה׃

טו וַיְגָרֲשׁוּ אוֹתוֹ אֶל־מִחוּץ לַכֶּרֶם וַיַּהַרְגֻהוּ וְעַתָּה מַה־יַּעֲשֶׂה לָהֶם בַּעַל־הַכָּרֶם׃

טז יָבוֹא וִיאַבֵּד אֶת־הַכּׂרְמִים הָהֵם וְיִתֵּן אֶת־הַכֶּרֶם לַאֲחֵרִים וַיְהִי כְּשָׁמְעָם וַיּׂאמְרוּ חָלִילָה׃

יז וַיַּבֵּט־בָּם וַיּׂאמַר וּמָה הוּא זֶה הַכָּתוּב אֶבֶן מָאֲסוּ הַבּוֹנִים הָיְתָה לְרׂאשׁ פִּנָּה׃

יח כּׂל הַנּׂפֵל עַל־הָאֶבֶן הַהִיא יִשָּׁבֵר וְאֵת אֲשֶׁר תִּפּׂל עָלָיו תִּשְׁחָקֵהוּ׃

יט וַיְבַקְשׁוּ רָאשֵׁי הַכּׂהֲנִים וְהַסּוֹפְרִים לִשְׁלׂחַ־יָדָם בּוֹ בָּעֵת הַהִיא וַיִּירְאוּ מִפְּנֵי הָעָם כִּי יָדְעוּ אֲשֶׁר עֲלֵיהֶם דִּבֶּר אֶת־הַמָּשָׁל הַזֶּה׃

כ וַיֶּאֶרְבוּ־לוֹ וַיִּשְׁלְחוּ מְאָרֲבִים מִתְחַפְּשִׂים כְּהׂלְכֵי תׂם לְמַעַן יִלְכְּדוּ אוֹתוֹ בְּדָבָר לְהַסְגִּירוֹ אֶל־הַשְּׂרָרָה וּבְיַד הַהֶגְמוֹן׃

כא וַיִּשְׁאָלֻהוּ לֵאמׂר רַבִּי יָדַעְנוּ כִּי נְכוֹנָה תְּדַבֵּר וּתְלַמֵּד וְלׂא־תִשָּׂא פָנִים כִּי בֶאֱמֶת מוֹרֶה אַתָּה אֶת־דֶּרֶךְ אֱלׂהִים׃

כב הֲמֻתָּר לָנוּ לָתֶת־מַס לְקֵיסָר אִם־לׂא׃

כג וַיֵּדַע אֶת־נִכְלֵיהֶם וַיּׂאמֶר לָהֶם׃

כד מַה־תְּנַסּוּנִי הַרְאוּנִי דִינָר הַצּוּרָה וְהַמִּכְתָּב אֲשֶׁר עָלָיו שֶׁל־מִי הֵם וַיַּעֲנוּ וַיּׂאמְרוּ שֶׁל־קֵיסָר׃

כה וַיּׂאמֶר אֲלֵיהֶם לָכֵן תְּנוּ לְקֵיסַר אֶת־אֲשֶׁר לְקֵיסָר וְלֵאלׂהִים אֶת־אֲשֶׁר לֵאֱלׂהִים׃

כו וְלׂא יָכְלוּ לְלָכְדוֹ בְדָבָר לִפְנֵי הָעָם וַיִּתְמְהוּ עַל־מַעֲנֵהוּ וַיַּחֲרִישׁוּ׃

כז וַיִּקְרְבוּ אֲנָשִׁים מִן־הַצַּדּוּקִים הָאׂמְרִים אֵין תְּחִיַּת הַמֵּתִים וַיִּשְׁאָלֻהוּ לֵאמׂר׃

כח מוֹרֶה משֶׁה כָּתַב לָנוּ כִּי יָמוּת אָח בַּעַל אִשָּׁה וּבָנִים אֵין־לוֹ וְלָקַח אָחִיו אֶת־אִשְׁתּוֹ וְהֵקִים זֶרַע לְאָחִיו׃

כט וְהִנֵּה הָיוּ שִׁבְעָה אַחִים וְהָרִאשׁוֹן לָקַח אִשָּׁה וַיָּמָת וּבָנִים אֵין לוֹ׃

ל וַיִּקַּח אׂתָהּ הַשֵּׁנִי וַיָּמָת גַּם־הוּא לׂא־בָנִים׃

לא וַיִּקַּח אׂתָהּ הַשְּׁלִישִׁי וְכַדָּבָר הַזֶּה עָשׂוֹוֹ אַף־הַשִּׁבְעָה וְלׂא־הִנִּיחוּ בָנִים וַיָּמוּתוּ׃

לב וּבָאַחֲרוֹנָה מֵתָה גַם־הָאִשָּׁה׃

לג וְהִנֵּה בִּתְחִיַּת הַמֵּתִים לְמִי מֵהֶם תִּהְיֶה לְאִשָּׁה כִּי־הָיְתָה לַשִּׁבְעָה לְאִשָּׁה׃

לד וַיַּעַן יֵשׁוּעַ וַיּׂאמֶר אֲלֵיהֶם בְּנֵי הָעוֹלָם הַַזֶּה יִשְׂאוּ נָשִׁים וְתִנָּשֶׂאנָה׃

לה וְהַזּׂכִים לָעוֹלָם הַבָּא וְלִתְחִיַּת הַמֵּתִים לׂא־יִשְׂאוּ נָשִׁים וְלׂא תִנָּשֶׂאנָה׃

לו כִּי לׂא־יוּכְלוּ לָמוּת עוֹד כִּי שָׁוִים הֵם לַמַּלְאָכִים וּבְנֵי אֱלׂהִים הֵמָּה בִּהְיוֹתָם בְּנֵי הַתְּקוּמָה׃

לז וְגַם־משֶׁה רָמַז בַּסְּנֶה שֶׁיָּקוּמוּ הַמֵּתִים בְּקָרְאוֹ אֶת־יְהוָֹה אֱלׂהֵי אַבְרָהָם אֱלׂהֵי יִצְחָק וֵאלׂהֵי יַעֲקׂב׃

לח וְהָאֱלׂהִים לׂא אֱלׂהֵי הַמֵּתִים הוּא כִּי אִם־אֱלׂהֵי הַחַיִּים כִּי כֻלָּם חַיִּים לוֹ׃

לט וַיַּעֲנוּ אֲנָשִׁים מִן־הַסּוֹפְרִים רַבִּי יָפֶה דִבַּרְתָּ׃

מ וְלׂא־מָצְאוּ עוֹד אֶת־לִבָּם לִשְׁאׂל אוֹתוֹ דָּבָר׃

מא וַיּׂאמֶר אֲלֵיהֶם אֵיךְ יׂאמְרוּ לַמָּשִׁיחַ שֶׁהוּא בֶּן־דָּוִד׃

מב וְדָוִד בְּעַצְמוֹ אָמַר בְּסֵפֶר תְּהִלִּים נְאֻם־יְהוָֹה לַאדׂנִי שֵׁב לִימִינִי׃

מג עַד־אָשִׁית אׂיְבֶיךָ הֲדׂם לְרַגְלֶיךָ׃

מד הִנֵּה דָּוִד קׂרֵא לוֹ אָדוֹן וְאֵיךְ הוּא בְּנוֹ׃

מה וַיּׂאמֶר אֶל־תַּלְמִידָיו בְּאָזְנֵי כָּל־הָעָם׃

מו הִזָּהֲרוּ מִן־הַסּוֹפְרִים הַחֲפֵצִים לְהִתְהַלֵּךְ עֲטוּפֵי טַלִּית וְאׂהֲבִים שֶׁיִּשְׁאֲלוּ בִשְׁלוֹמָם בַּשְּׁוָקִים וְלַשֶׁבֶת רִאשׁׂנִים בְּבָתֵּי כְנֵסִיּוֹת וּלְהָסֵב רִאשׁׂנִים בַּסְּעוּדוֹת׃

מז הַבֹּלְעִים אֶת־בָּתֵּי הָאַלְמָנוֹת וּמַאֲרִיכִים בִּתְפִלָּתָם לְמַרְאֵה עֵינָיִם הֵמָּה מִשְׁפָּט גָּדוֹל יֶתֶר מְאׂד יִשָּׁפֵטוּ׃