Luke 21

א וַיַּבֵּט וַיַּרְא אֶת־הָעֲשִׁירִים מְשִׂימִים אֶת־נִדְבוֹתָם בַּאֲרוֹן הָאוֹצָר׃

ב וַיַּרְא גַּם־אַלְמָנָה עֲנִיָּה נׂתֶנֶת בּוֹ שְׁתֵּי פְרוּטוֹת׃

ג וַיּׂאמַר אֱמֶת אַגִּיד לָכֶם כִּי הָאַלְמָנָה הָעֲנִיָּה הַזּׂאת נָתְנָה יוֹתֵר מִכֻּלָם׃

ד כִּי כָל־אֵלֶּה הִתְנַדְּבוּ לֵאלׂהִים מֵהָעׂדֵף שֶׁלָּהֶם וְהִיא מִמַּחְסוֹרָהּ נָתְנָה אֶת־כָּל־אֲשֶׁר הָיָה לָהּ לְמִחְיָה׃

ה וַיְהִי בְּאָמְרָם לַמִּקְדָּשׁ שֶׁהוּא מְהֻדָּר בַּאֲבָנִים יָפוֹת וּבְמַתָּנוֹת וַיּׂאמַר׃

ו אֵת אֲשֶׁר אַתֶּם רׂאִים הִנֵּה יָמִים בָּאִים וְלׂא תִשָּׁאֵר אֶבֶן עַל־אֶבֶן אֲשֶׁר לׂא תִתְפָּרָק׃

ז וַיִּשְׁאָלֻהוּ לֵאמׂר רַבִּי מָתַי אֵפוֹא תִּהְיֶה זּׂאת וּמַה הוּא הָאוֹת לְעֵת הֱיוֹתָהּ׃

ח וַיּׂאמֶר רְאוּ פֶּן־יַתְעוּ אֶתְכֶם כִּי רַבִּים יָבֹאוּ בִּשְׁמִי וְאָמְרוּ אֲנִי הוּא וְהָעֵת קְרוֹבָה וְאַתֶּם אַל־תֵּלְכוּ אַחֲרֵיהֶם׃

ט וּבְשָׁמְעֲכֶם מִלְחָמוֹת וּמְהוּמוֹת אַל־תֵּחָתּוּ כִּי הָיוֹ תִהְיֶה־זּׂאת לָרִאשׁוֹנָה אַךְ־עוֹד קֵץ לַמּוֹעֵד׃

י וַיּׂסֶף דַּבֵּר אֲלֵיהֶם לֵאמׂר גּוֹי עַל־גּוֹי יָקוּם וּמַמְלָכָה עַל־מַמְלָכָה׃

יא וְהָיָה רַעַשׁ גָּדוֹל כּׂה וָכׂה וְרָעָב וָדָבֶר וְגַם־מוֹרָאִים וְאׂתוֹת גְּדׂלוֹת מִן־הַשָּׁמָיִם׃

יב וְלִפְנֵי כָל־אֵלֶּה יִשְׁלְחוּ בָכֶם אֶת־יְדֵיהֶם וְיִרְדְּפוּ וְיִמְסְרוּ אֶתְכֶם לְבָתֵּי כְנֵסִיּוֹת וְאֶל־בָּתֵּי כְלָאִים וְתוּבְאוּ לִפְנֵי מְלָכִים וּנְגִידִים לְמַעַן שְׁמִי׃

יג וְהָיְתָה־זּׂאת לָכֶם לְעֵדוּת׃

יד עַל־כֵּן שִׂימוּ בְלִבְּכֶם לְבִלְתִּי הֱיוֹת דּׂאֲגִים בַּמֶּה תִּצְטַדָּקוּ׃

טו כִּי אָנׂכִי נׂתֵן לָכֶם פֶּה וְחָכְמָה אֲשֶׁר לׂא־יוּכְלוּ לַעֲמׂד לְפָנֶיהָ וּלְדַבֵּר נֶגְדָּהּ כָּל־מִתְקוֹמֲמֵיכֶם׃

טז וְגַם־תִּמָּסְרוּ עַל־יְדֵי יוֹלְדֵיכֶם וַאֲחֵיכֶם וּקְרוֹבֵיכֶם וְרֵעֵיכֶם וְיָמִיתוּ מִכֶּם׃

יז וִהְיִיתֶם שְׂנוּאִים לְכָל־אָדָם לְמַעַן שְׁמִי׃

יח אַךְ לׂא־יִפּׂל מִשַּׂעֲרַת רׂאשְׁכֶם אָרְצָה׃

יט בְּתוֹחַלְתְּכֶם קְנוּ לָכֶם אֵת נַפְשׁׂתֵיכֶם׃

כ וְכַאֲשֶׁר תִּרְאוּ מַחֲנוֹת סוֹבֲבִים אֶת־יְרוּשָׁלָיִם יָדׂעַ תֵּדְעוּ כִּי קָרַב חָרְבָּנָהּ׃

כא אָז יָנוּסוּ אַנְשֵׁי יְהוּדָה אֶל־הֶהָרִים וַאֲשֶׁר הֵם בְּתוֹכָהּ יֵצְאוּ וַאֲשֶׁר־בַּפְּרָזוֹת אַל־יָבוֹאוּ בָהּ׃

כב כִּי־יְמֵי נָקָם הֵמָּה לְמַלּאת כָּל־הַכָּתוּב׃

כג וְאוֹי לֶהָרוֹת וְלַמֵּינִיקוֹת בַּיָּמִים הָהֵם כִּי תִהְיֶה צָרָה גְדוֹלָה בָּאָרֶץ וְקֶצֶף עַל־הָעָם הַזֶּה׃

כד וְנָפְלוּ לְפִי־חֶרֶב וְהָגְלוּ אֶל־כָּל־הַגּוֹיִם וְהָיְתָה יְרוּשָׁלַיִם מִרְמָס לַגּוֹיִם עַד אֲשֶׁר־יִמְלְאוּ עִתּוֹת הַגּוֹיִם׃

כה וְהָיוּ אׂתוֹת בַּשֶּׁמֶשׁ וּבַיָּרֵחַ וּבַכּוֹכָבִים וְעַל־הָאָרֶץ מְצוּקָה לַגּוֹיִם וּמְבוּכָה מֵהֶמְיַת הַיָּם וּמִשְׁבָּרָיו׃

כו וְיִמּוֹגוּ בְנֵי־הָאָדָם מֵאֵימָה וּמֵחֶרְדַּת הַבָּאוֹת עַל־כָּל־הָאָרֶץ כִּי־חֲיָלֵי הַשָּׁמַיִם יִתְמוֹטָטוּ׃

כז וְאָז יִרְאוּ אֶת־בֶּן־הָאָדָם בָּא בֶעָנָן בִּגְבוּרָה וּבְכָבוֹד רָב׃

כח וּכְהָחֵל הַדְּבָרִים הָאֵלֶּה לָבוֹא הִתְעוֹדֲדוּ וּשְׂאוּ רָאשֵׁיכֶם כִּי־קָרְבָה גְאֻלַּתְכֶם׃

כט וַיְדַבֵּר אֲלֵיהֶם בְּמָשָׁל לֵאמׂר רְאוּ אֶת־הַתְּאֵנָה וְאֵת כָּל־הָעֵצִים׃

ל כִּי־תִרְאוּ אׂתָם מוֹצִיאִים אֶת־פִּרְחָם הֲלׂא יְדַעְתֶּם כִּי קָרַב הַקָּיִץ׃

לא כֵּן גַּם־אַתֶּם בִּהְיוֹת אֵלֶּה לְנֶגְדְּכֶם דְּעוּ כִּי קְרוֹבָה מַלְכוּת הָאֱלׂהִים׃

לב אָמֵן אׂמֵר אֲנִי לָכֶם לׂא יַעֲבֹר הַדּוֹר הַזֶּה עַד כִּי־יִהְיוּ כָּל־אֵלֶּה׃

לג הַשָּׁמַיִם וְהָאָרֶץ יַעֲבֹרוּ וּדְבָרַי לׂא יַעֲבֹרוּן׃

לד רַק הִשָּׁמְרוּ לָכֶם פֶּן־יִכְבַּד לְבַבְכֶם בְּמִשְׁתֶּה וּבְשִׁכָּרוֹן וּבְדַאֲגוֹת הַמִּחְיָה וּבָא עֲלֵיכֶם הַיּוֹם הַהוּא פִּתְאׂם׃

לה כִּי כְּמוֹ־פַח יָבוֹא עַל כָּל־הַיּשְׁבִים עַל־פְּנֵי כָל־הָאָרֶץ׃

לו לָכֵן שִׁקְדוּ בְּכָל־עֵת וְהִתְפַּלָּלוּ לְמַעַן תַּעַצְרוּ־כׂחַ לְהִמָּלֵט מִכָּל־אֵלֶּה הָעֲתִידוֹת לָבוֹא וְהִתְיַצַּבְתֶּם לִפְנֵי בֶן־הָאָדָם׃

לז וַיְהִי מְלַמֵּד יוֹמָם בַּמִּקְדָּשׁ וּבַלַּיְלָה יָצָא אֶל־הָהָר הוּא הַר הַזֵּיתִים לָלוּן׃

לח וְכָל־הָעָם הִשְׁכִּימוּ לָבוֹא אֵלָיו בַּמִּקְדָּשׁ לִשְׁמׂעַ אוֹתוֹ׃