Luke 14

א וַיְהִי בְּבֹאוֹ בַשַּׁבָּת אֶל־בֵּית אֶחָד מֵרָאשֵׁי הַפְּרוּשִׁים לֶאֱכׂל לָחֶם וְהֵמָּה אׂרְבִים לוֹ׃

ב וְהִנֵּה אִישׁ אֶחָד לְפָנָיו אֲשֶׁר גּוּפוֹ צָבָה מִמָּיִם׃

ג וַיַּעַן יֵשׁוּעַ וַיּׂאמֶר אֶל־הַחֲכָמִים וְאֶל־הַפְּרוּשִׁים לֵאמׂר הֲמֻתָּר לִרְפּׂא בַשַּׁבָּת אִם־לׂא וַיַּחֲרִישׁוּ׃

ד וַיּׂאחֶז־בּוֹ וַיִּרְפָּאֵהוּ וַיְשַׁלְּחֵהוּ׃

ה וַיַּעַן וַיּׂאמֶר אֲלֵיהֶם מִי בָכֶם הָאִישׁ אֲשֶׁר חֲמׂרוֹ אוֹ שׁוֹרוֹ יִפּוֹל אֶל־הַבְּאֵר וְלׂא־יְמַהֵר לְהַעֲלוֹתוֹ בְּיוֹם הַשַּׁבָּת׃

ו וְלׂא יָדְעוּ לְהָשִׁיב דָּבָר׃

ז וַיִּשָׂא מְשָׁלוֹ אֶל־הַקְּרוּאִים בִּרְאוֹתוֹ אֶת־אֲשֶׁר בָּחֲרוּ לָהֶם לָשֶׁבֶת בְּרׂאשׁ וַיּׂאמֶר אֲלֵיהֶם׃

ח כִּי־יִקְרָא אׂתְךָ אִישׁ אֶל־הַחֲתֻנָּה אַל־תָּסֵב בְּרׂאשׁ פֶּן־יִקָּרֵא שָׁמָּה אִישׁ נִכְבָּד מִמֶּךָ׃

ט וּבָא הַקּׂרֵא לְךָ וְלוֹ וְאָמַר אֵלֶיךָ פַּנֵּה מָקוֹם לָזֶה וְאָז תָּקוּם בִּכְלִמָּה לָשֶׁבֶת בַּמָּקוֹם הָאַחֲרוֹן׃

י וְכִי תִקָּרֵא לֵךְ וְהָסֵב בַּמָּקוֹם הָאַחֲרוֹן לְמַעַן יָבֹא הַקּׂרֵא לְךָ וְאָמַר אֵלֶיךָ אֲהוּבִי עֲלֵה לְמַעְלָה מִזֶּה וְהָיָה־לְךָ כָבוֹד לִפְנֵי הַמְסֻבִּים עִמָּךְ׃

יא כִּי כָּל־הַמְרוֹמֵם עַצְמוֹ יִשָּׁפֵל וְהַמַּשְׁפִּיל אֶת עַצְמוֹ יְרוֹמָם׃

יב וְגַם אֶל־הָאִישׁ אֲשֶׁר קָרָא לוֹ אָמַר כִּי תַעֲשֶׂה סְעוּדַת צָהֳרַיִם אוֹ סְעוּדַת עָרֶב אַל־תִּקְרָא לְאׂהֲבֶיךָ וּלְאַחֶיךָ וְלִקְרוֹבֶיךָ וְלִשְׁכֵנֶיךָ הָעֲשִׁירִים פֶּן־יִקְרְאוּךָ גַּם־הֵמָּה וְהָיָה לְךָ לְשִׁלּוּם׃

יג אֲבָל כִּי־תַעֲשֶׂה מִשְׁתֶּה קְרָא הָעֲנִיִּים וְהַנִּדְכָּאִים וְהַפִּסְחִים וְהַעִוְרִים׃

יד וְאַשְׁרֶיךָ בַּאֲשֶׁר אֵין־לָהֶם לְשַׁלֶּם־לָךְ כִּי יְשֻׁלַּם לְךָ בִּתְחִיַּת הַצַּדִּיקִים׃

טו וַיִּשְׁמַע אֶחָד מִן־הַמְסֻבִּים אֶת־הַדָּבָר הַזֶּה וַיּׂאמֶר אֵלָיו אַשְׁרֵי הָאׂכֵל לֶחֶם בְּמַלְכוּת הָאֱלׂהִים׃

טז וְהוּא אָמַר אֵלָיו אִישׁ אֶחָד עָשָׂה סְעוּדָה גְדוֹלָה וַיִּקְרָא לָרַבִּים׃

יז וַיִּשְׁלַח אֶת־עַבְדּוֹ לְעֵת הַסְּעוּדָה אֶל־הַקְּרוּאִים לֵאמׂר בֹּאוּ כִּי־הַכּׂל מוּכָן׃

יח וַיָּחֵלּוּ כֻלָּם יַחְדָּו לְהִתְנַצֵּל וַיּׂאמֶר אֵלָיו הָרִאשׁוֹן שָׂדֶה קָנִיתִי וַהֲלׂא אֵצֵא לִרְאׂתוֹ אֲבַקֵּשׁ מִמְּךָ נַקֵּנִי׃

יט וְאַחֵר אָמָר חֲמֵשֶׁת צִמְדֵי־בָקָר קָנִיתִי וַאֲנִי הׂלֵךְ לִבְחׂן אוֹתָם אֲבַקֵּשׁ מִמְּךָ נַקֵּנִי׃

כ וְאַחֵר אָמָר אִשָּׁה לָקַחְתִּי וּבִגְלַל הַדָּבָר הַזֶּה לׂא אוּכַל לָבוֹא׃

כא וַיָּבֹא הָעֶבֶד וַיַּגֵּד אֶת־הַדְּבָרִים הָאֵלֶּה לַאדׂנָיו וַיִּקְצׂף בַּעַל הַבַּיִת וַיּׂאמֶר אֶל־עַבְדּוֹ מַהֵר צֵא אֶל־רְחׂבוֹת הָעִיר וְאֶל־חוּצוֹתֶיהָ וְהָבֵא הֵנָּה אֶת־הָעֲנִיִּים וְאֶת־הַנִּדְכָּאִים וְאֶת־הַעִוְרִים וְאֶת־הַפִּסְחִים׃

כב וַיּׂאמֶר הָעֶבֶד אֲדׂנִי כַּאֲשֶׁר צִוִּיתָ כֵּן נַעֲשָׂה וְיֶשׁ־עוֹד מָקוֹם׃

כג וַיּׂאמֶר הָאָדוֹן אֶל־הָעָבֶד צֵא אֶל־הַדְּרָכִים וְאֶל־הַגְּדֵרוֹת וּפְצׂר בָּהֶם לָבוֹא לְמַעַן יִמָּלֵא בֵיתִי׃

כד כִּי אֲנִי אׂמֵר לָכֶם אֵין אֶחָד מִן־הָאֲנָשִׁים הַקְּרוּאִים הָהֵם אֲשֶׁר יִטְעַם סְעוּדָתִי׃

כה וַהֲמוֹן עַם־רָב הׂלְכִים אִתּוֹ וַיִּפֶן וַיּׂאמֶר אֲלֵיהֶם׃

כו אִישׁ כִּי־יָבוֹא אֵלַי וְלׂא יִשְׂנָא אֶת־אָבִיו וְאֶת־אִמּוֹ וְאֶת־אִשְׁתּוֹ וְאֶת־בָּנָיו וְאֶת־אֶחָיו וְאֶת־אַחְיׂתָיו וְאַף גַּם־אֶת־נַפְשׁוֹ לׂא יוּכַל לִהְיוֹת תַּלְמִידִי׃

כז וַאֲשֶׁר לׂא יִשָׂא אֶת־צְלוּבוֹ וּבָא אַחֲרָי לׂא יוּכַל לִהְיוֹת תַּלְמִידִי׃

כח כִּי מִי מִכֶּם הֶחָפֵץ לִבְנוֹת מִגְדָּל לׂא יֵשֵׁב רִאשׁוֹנָה וִיחַשֵּׁב אֶת־הַהוֹצָאוֹת אִם־הַשֵׂג תַּשִׂיג יָדוֹ לְהַשְׁלִימוֹ׃

כט פֶּן־יְיַסֵּד וְלׂא־יוּכַל לְכַלּתוֹ וְהָיָה כָּל־רׂאָיו יָקוּמוּ וְלָעֲגוּ־לוֹ לֵאמׂר׃

ל הָאִישׁ הַזֶּה הֵחֵל לִבְנוֹת וְלׂא יָכׂל לְכַלּוֹת׃

לא אוֹ מִי־הוּא הַמֶּלֶךְ הַקָּם לְהִתְגָּרוֹת מִלְחָמָה בְּמֶלֶךְ אַחֵר וְלׂא יֵשֵׁב בָּרִאשׁוֹנָה וְיִתְיָעֵץ אִם־יוּכַל לַעֲרׂךְ בַּעֲשֶׂרֶת אֲלָפִים לִקְרַאת הַבָּא עָלָיו בְּעֶשְׂרִים אָלֶף׃

לב וְאִם־לׂא יוּכַל וְשָׁלַח אֵלָיו מַלְאָכִים בְּעוֹדֶנּוּ מֵרָחוֹק לְבַקֵּשׁ שָׁלוֹם׃

לג וְכֵן כָּל־אִישׁ מִכֶּם אֲשֶׁר לׂא־יַעֲזׂב כָּל־קִנְיָנָיו לׂא יוּכַל לִהְיוֹת תַּלְמִידִי׃

לד טוֹב הַמֶּלַח וְאִם הַמֶּלַח הָיָה תָפֵל בַּמֶּה יְתֻקָּן׃

לה גַּם לָאֲדָמָה גַּם לַדּׂמֶן לׂא יִצְלַח הַחוּצָה יַשְׁלִיכֻהוּ מִי אֲשֶׁר אָזְנַיִם לוֹ לִשְׁמׂעַ יִשְׁמָע׃