Luke 8

א וַיְהִי אַחֲרֵי־כֵן וַיַּעֲבֹר מֵעִיר אֶל־עִיר וּמִכְּפָר אֶל־כְּפָר קוֹרֵא וּמְבַשֵּׂר אֶת־מַלְכוּת הָאֱלׂהִים וּשְׁנֵים הֶעָשָׂר אִתּוֹ׃

ב וְנָשִׁים אֲשֶׁר נִרְפְּאוּ מֵרוּחוֹת רָעוֹת וּמֵחֳלָיִים מִרְיָם הַנִּקְרָאָה מַגְדָּלִית אֲשֶׁר גּׂרְשׁוּ מִמֶּנָּה שִׁבְעָה שֵׁדִים׃

ג וְיוֹחָנָה אֵשֶׁת כּוּזָא סוֹכֵן הוֹרְדוֹס וְשׁוֹשַׁנָּה וַאֲחֵרוֹת רַבּוֹת אֲשֶׁר שֵׁרְתֻהוּ מִנִּכְסֵיהֶן׃

ד וַיְהִי בְּהִתְאַסֵּף הֲמוֹן עַם־רָב אֲשֶׁר יָצְאוּ אֵלָיו מִכָּל־עִיר וָעִיר וַיְדַבֵּר בְּמָשָׁל׃

ה הַזּוֹרֵעַ יָצָא לִזְרׂעַ אֶת־זַרְעוֹ וּבְזָרְעוֹ נָפַל מִן־הַזֶּרַע עַל־יַד הַדָּרֶךְ וַיֵּרָמֵס וַיּׂאכְלֻהוּ עוֹף הַשָּׁמָיִם׃

ו וְיֵשׁ אֲשֶׁר נָפַל עַל־הַסָּלַע וַיִּצְמַח וַיִּיבַשׁ כִּי לׂא הָיְתָה־לּוֹ לֵחָה׃

ז וְיֵשׁ אֲשֶׁר נָפַל בְּתוֹךְ הַקּׂצִים וַיִּצְמְחוּ הַקׂצִים עִמּוֹ וַיְמָעֲכֻהוּ׃

ח וְיֵשׁ אֲשֶׁר נָפַל עַל־הָאֲדָמָה הַטּוֹבָה וַיִּצְמַח וַיַּעַשׂ פְּרִי מֵאָה שְׁעָרִים וַיְכַל לְדַבֵּר וַיִּקְרָא מִי אֲשֶׁר אָזְנַיִם לוֹ לִשְׁמׂעַ יִשְׁמָע׃

ט וַיִּשְׁאָלֻהוּ תַלְמִידָיו לֵאמׂר מָה הַמָּשָׁל הַזֶּה׃

י וַיּׂאמַר לָכֶם נִתַּן לָדַעַת אֶת־סוֹדוֹת מַלְכוּת הָאֱלׂהִים וְלָאֲחֵרִים בִּמְשָׁלִים לְמַעַן בִּרְאׂתָם לׂא יִרְאוּ וּבְשָׁמְעָם לׂא יָבִינוּ׃

יא וְזֶה הוּא הַמָּשָׁל הַזֶּרַע הוּא דְּבַר־אֱלׂהִים׃

יב וַאֲשֶׁר עַל־יַד הַדֶּרֶךְ הֵם הַשּׁׂמְעִים וְאַחַר־כֵּן בָּא הַשָּׂטָן וְנׂשֵׂא אֶת־הַדָּבָר מִלִּבָּם פֶּן־יַאֲמִינוּ וְנוֹשָׁעוּ׃

יג וַאֲשֶׁר עַל־הַסֶּלַע הֵם הַשּׁׂמְעִים אֶת־הַדָּבָר וּמְקַבְּלִים בְּשִׂמְחָה וְשׁׂרֶשׁ אֵין לָהֶם רַק לְשָׁעָה מַאֲמִינִים וּבְעֵת הַנִּסָּיוֹן יִסּׂגוּ אָחוֹר׃

יד וַאֲשֶׁר נָפַל בֵּין הַקּׂצִים הֵם הַשּׁׂמְעִים וְהוֹלְכִים לָהֶם וַיָּמׂכּוּ וְדַאֲגוֹת הָעוֹלָם וְעָשְׁרוֹ וְתַאֲוֹתָיו יְבַלְּעוּ אׂתָם וּפְרִי לׂא־יְשַׁוּוּ לָמוֹ׃

טו וַאֲשֶׁר בָּאֲדָמָה הַטּוֹבָה הֵם הַשּׁׂמְרִים אֶת־הַדָּבָר אֲשֶׁר שָׁמְעוּ בְּלֵב טוֹב וְטָהוֹר וְעׂשִׂים פְּרִי בְּתוֹחָלֶת׃

טז וְאֵין־אִישׁ מַדְלִיק נֵר וּמְכַסֶּה אוֹתוֹ בִּכְלִי וְלׂא יְשִׂימֵהוּ תַּחַת הַמִּטָּה כִּי עַל־הַמְּנוֹרָה יַעֲלֵהוּ לְמַעַן יִרְאוּ כָּל־בָּאֵי הַבַּיִת אֶת־הָאוֹר׃

יז כִּי אֵין־דָּבָר סָתוּם אֲשֶׁר לׂא יִגָּלֶה וְאֵין גָּנוּז אֲשֶׁר לׂא יִוָּדַע וְיָצָא לָאוֹר׃

יח לָכֵן רְאוּ אֵיךְ תִּשְׁמָעוּן כִּי כָל־אֲשֶׁר יֶשׁ־לוֹ נָתוֹן יִנָּתֵן לוֹ וְכָל־אֲשֶׁר אֵין יֶשׁ־לוֹ גַּם אֶת־אֲשֶׁר הוּא חשֵׁב לִהְיוֹת לוֹ יֻקַּח מִמֶּנּוּ׃

יט וַיָּבֹאוּ אֵלָיו אִמּוֹ וְאֶחָיו וְלׂא יָכְלוּ לָגֶשֶׁת אֵלָיו מִפְּנֵי הָעָם׃

כ וַיֻּגַּד־לוֹ לֵאמׂר אִמְּךָ וְאַחֶיךָ עׂמְדִים בַּחוּץ וְהֵם חֲפֵצִים לִרְאוֹתֶךָ׃

כא וַיַּעַן וַיּׂאמֶר אֲלֵיהֶם אֵלֶּה הֵם אִמִּי וְאֶחָי הַשּׁׂמְעִים אֵת דְּבַר הָאֱלׂהִים וְעׂשִׂים׃

כב וַיְהִי הַיּוֹם וַיֵּרֶד אֶל־אֳנִיָּה הוּא וְתַלְמִידָיו וַיּׂאמֶר אֲלֵיהֶם נַעְבְּרָה אֶל־עֵבֶר הַיָּם וַיָּשׁוּטוּ הַיָּמָּה׃

כג וַיְהִי בְּלֶכְתָּם בָּאֳנִיָּה וַיִּשְׁכַּב וַיִּישָׁן וְרוּחַ סְעָרָה יָרְדָה עַל־הַיָּם וַיִּשְׁטְפוּ עֲלֵיהֶם הַמַּיִם וַיִּהְיוּ בְסַכָּנָה׃

כד וַיִּגְּשׁוּ וַיָּעִירוּ אוֹתוֹ וַיּׂאמְרוּ מוֹרֶה מוֹרֶה אָבָדְנוּ וַיֵּעוֹר וַיִּגְעַר בָּרוּחַ וּבְמִשְׁבְּרֵי־יָם וַיִּשְׁתְּקוּ וַתְּהִי דְמָמָה׃

כה וַיּׂאמֶר אֲלֵיהֶם אַיֵּה אֱמוּנַתְכֶם וַיִּירְאוּ וַיִּתְמְהוּ וַיּׂאמְרוּ אִישׁ אֶל־רֵעֵהוּ מִי אֵפוֹא הוּא הַמְצַוֶּה גַּם־אֶת־הָרוּחוֹת וְאֶת־הַמַּיִם וְשָׁמְעוּ לוֹ׃

כו וַיַּעַבְרוּ וַיָּבֹאוּ אֶל־אֶרֶץ הַגַּדְרִיִּים אֲשֶׁר מִמּוּל הַגָּלִיל׃

כז וַיַּעַל אֶל־הַיַּבָּשָׁה וַיִּפְגְּשֵׁהוּ אִישׁ יׂצֵא מִן הָעִיר אֲשֶׁר שֵׁדִים בּוֹ מִיָּמִים רַבִּים וּבֶגֶד לׂא לָבַשׁ וּבְבַיִת לׂא יָשַׁב כִּי אִם־בַּקְּבָרִים׃

כח וַיַּרְא אֶת־יֵשׁוּעַ וַיִּפּׂל לְפָנָיו וַיִּקְרָא בְּקוֹל גָּדוֹל מַה־לִּי וָלָךְ יֵשׁוּעַ בֶּן־אֵל עֶלְיוֹן מְבַקֵּשׁ אֲנִי מִמְּךָ אֲשֶׁר לׂא תְעַנֵּנִי׃

כט כִּי הוּא צִוָּה אֶת־הָרוּחַ הַטָּמֵא לָצֵאת מִן־הָאִישׁ כִּי יָמִים רַבִּים תָּפַשׂ בּוֹ וַיֵּאָסֵר בַּזִּיקִים וַיִּשָּׁמֵר בַּכְּבָלִים וְהָיָה כִּי יְנַתֵּק אֶת־הַמּוֹסֵרוֹת וְנִדַּח בְּיַד הַשֵּׁד אֶל־הַמִּדְבָּרוֹת׃

ל וַיִּשְׁאַל אׂתוֹ יֵשׁוּעַ לֵאמׂר מַה־שְּׁמֶךָ וַיּׂאמֶר לִגְיוֹן שְׁמִי כִּי־שֵׁדִים רַבִּים נִכְנְסוּ בוֹ׃

לא וַיִּתְחַנֲנוּ לוֹ לְבִלְתִּי צַוּׂת אׂתָם לָרֶדֶת אֶל־הַתְּהוֹם׃

לב וְשָׁם עֵדֶר חֲזִירִים רַבִּים רׂעֶה בָהָר וַיִּתְחַנֲנוּ לוֹ לְהַנִּיחַ לָהֶם לָבוֹא בְתוֹכָם וַיַּנַּח לָהֶם׃

לג וַיֵּצְאוּ הַשֵּׁדִים מִן־הָאָדָם הַהוּא וַיָּבֹאוּ בַּחֲזִירִים וַיִּשְׂתָּעֵר הָעֵדֶר מִן־הַמּוֹרָד אֶל־הַיָּם וַיִּטְבָּע׃

לד וְהָרׂעִים רָאוּ אֵת אֲשֶׁר נַעֲשָׂה וַיָּנוּסוּ וַיַּגִּידוּ הַדָּבָר בָּעִיר וּבַכְּפָרִים׃

לה וַיֵּצְאוּ לִרְאׂת אֵת אֲשֶׁר נַעֲשָׂה וַיָּבֹאוּ אֶל־יֵשׁוּעַ וַיִּמְצְאוּ־שָׁם אֶת־הָאָדָם אֲשֶׁר יָצְאוּ מִמֶּנּוּ הַשֵּׁדִים וְהוּא ישֵׁב לְרַגְלֵי יֵשׁוּעַ מְלֻבָּשׁ בְּגָדִים וְטוֹב־שֵׂכֶל וַיִּירָאוּ׃

לו וַיַּגִּידוּ לָהֶם הָרׂאִים אֵיךְ נִרְפָּא אֲחוּז הַשֵּׁדִים׃

לז וַיְבַקְשׁוּ מִמֶּנּוּ כָּל־הֲמוֹן חֶבֶל הַגַּדְרִיִּים לָלֶכֶת מֵאִתָּם כִּי־אֵימָה גְדוֹלָה נָפְלָה עֲלֵיהֶם וַיֵּרֶד בָּאֳנִיָּה וַיָּשׁׂב׃

לח וַיְבַקֵּשׁ מִמֶּנּוּ הָאִישׁ אֲשֶׁר יָצְאוּ מִמֶּנּוּ הַשֵּׁדִים לָשֶׁבֶת אִתּוֹ וַיְשַׁלַּח אׂתוֹ יֵשׁוּעַ וַיּׂאמַר׃

לט שׁוּב לְבֵיתְךָ וְסַפֵּר הַגְּדׂלוֹת אֲשֶׁר עָשָׂה־לְךָ הָאֱלׂהִים וַיֵּלֶךְ לוֹ וַיַּשְׁמַע בְּכָל־הָעִיר אֶת־הַגְּדׂלוֹת אֲשֶׁר עָשָׂה־לוֹ יֵשׁוּעַ׃

מ וַיְהִי בְּשׁוּב יֵשׁוּעַ וַיְקַבֵּל אׂתוֹ הָעָם כִּי כֻלָּם הָיוּ מְחַכִּים לוֹ׃

מא וְהִנֵּה אִישׁ וּשְׁמוֹ יָאִיר וְהוּא רׂאשׁ הַכְּנֵסֶת וַיָּבֹא וַיִּפּׂל לְרַגְלֵי יֵשׁוּעַ וַיִּתְחַנֶּן־לוֹ לָבוֹא אִתּוֹ אֶל־בֵּיתוֹ׃

מב כִּי בַּת יְחִידָה לוֹ כְּבַת שְׁתֵּים־עֶשְׂרֵה שָׁנָה וְהִיא נָטְתָה לָמוּת וַיְהִי בְּלֶכְתּוֹ שָׁמָּה וַיִּדְחָקֻהוּ הֲמוֹן הָעָם׃

מג וְאִשָּׁה זָבַת דָּם שְׁתֵּים עֶשְׂרֵה שָׁנָה אֲשֶׁר הוֹצִיאָה כָל־מִחְיָתָהּ לָרׂפְאִים וְאֵין אִישׁ יָכׂל לְרַפּׂאתָהּ׃

מד הִיא קָרְבָה מֵאַחֲרָיו וַתִּגַּע בִּכְנַף בִּגְדוֹ וַיַּעֲמׂד זוֹב דָּמֶיהָ פִּתְאׂם׃

מה וַיּׂאמֶר יֵשׁוּעַ מִי־זֶה נָגַע־בִּי וַיְכַחֲשׁוּ כֻלָּם וַיּׂאמֶר פֶּטְרוֹס וְהָעׂמְדִים אֶצְלוֹ מוֹרֶה הֲמוֹן הָעָם דּׂחֲקִים וְלׂחֲצִים אׂתָךְ וְאַתָּה תׂאמַר מִי נָגַע בִּי׃

מו וַיּׂאמֶר יֵשׁוּעַ נָגַע בִּי אָדָם כִּי יָדַעְתִּי אֲשֶׁר יָצְאָה מִמֶּנִּי גְּבוּרָה׃

מז וַתֵּרֶא הָאִשָּׁה כִּי לׂא־נִסְתְּרָה מִמֶּנּוּ וַתִּגַּשׁ בַּחֲרָדָה וַתִּפּׂל לְפָנָיו וַתַּגֵּד בְּאָזְנֵי כָל־הָעָם עַל־מֶה נָגְעָה בּוֹ וְאֵת אֲשֶׁר נִרְפְּאָה פִּתְאׂם׃

מח וַיּׂאמֶר אֵלֶיהָ (חִזְקִי) בִּתִּי אֱמוּנָתֵךְ הוֹשִׁיעָה לָּךְ לְכִי לְשָׁלוֹם׃

מט עוֹדֶנּוּ מְדַבֵּר וְאִישׁ בָּא מִבֵּית רׂאשׁ הַכְּנֵסֶת וַיּׂאמַר מֵתָה בִתְּךָ אַל־תַּטְרִיחַ אֶת־הַמּוֹרֶה׃

נ וַיִּשְׁמַע יֵשׁוּעַ וַיַּעַן וַיּׂאמֶר לוֹ אַל־תִּירָא רַק־הַאֲמֵן וְהִיא תִוָּשֵׁעַ׃

נא וַיָּבֹא הַבַּיְתָה וְלׂא־הִנִּיחַ לְאִישׁ לָבוֹא אִתּוֹ בִּלְתִּי לְפֶטְרוֹס וּלְיַעֲקׂב וּלְיוֹחָנָן וְלַאֲבִי הַיַּלְדָּה וּלְאִמָּהּ׃

נב וְכֻלָּם בֹּכִים וְסׂפְדִים לָהּ וַיּׂאמֶר אַל־תִּבְכּוּ כִּי לׂא מֵתָה אַךְ־יְשֵׁנָה הִיא׃

נג וַיִּשְׂחֲקוּ עָלָיו בַּאֲשֶׁר יָדְעוּ כִּי־מֵתָה׃

נד וְהוּא אָחַז בְּיָדָהּ וַיִּקְרָא וַיּׂאמַר הַיַּלְדָּה קוּמִי׃

נה וַתָּשָׁב רוּחָהּ וַתָּקָם פִּתְאׂם וַיְצַו לָתֶת־לָהּ לֶאֱכוֹל׃

נו וַיִּתְמְהוּ אָבִיהָ וְאִמָּהּ וַיְצַו עֲלֵיהֶם לְבִלְתִּי הַגִּיד לְאִישׁ אֵת אֲשֶׁר נַעֲשָׂה׃