Luke 5

א וַיְהִי כַּאֲשֶׁר דָּחַק הֲמוֹן הָעָם לִשְׁמׂעַ אֶת־דְּבַר הָאֱלׂהִים וְהוּא עׂמֵד עַל־יַד יָם־גִּנֵּיסָר׃

ב וַיַּרְא שְׁתֵּי אֳנִיּוֹת עׂמְדוֹת עַל־יַד הַיָּם וְהַדַּיָּגִים יָצְאוּ מֵהֶן וְהֵם מְכַבְּסִים אֵת הַמִּכְמׂרוֹת׃

ג וַיֵּרֶד אֶל־אַחַת מִן־הָאֳנִיּוֹת אֲשֶׁר הִיא לְשִׁמְעוֹן וַיְבַקֵּשׁ מִמֶּנוּ לְהַעֲבִירוֹ מְעַט מִן־הַיַּבָּשָׁה אֶל־הַיָּם וַיֵּשֶׁב וַיְלַמֵּד אֶת־הָעָם מִתּוֹךְ הָאֳנִיָּה׃

ד וַיְהִי כְּכַלּתוֹ לְדַבֵּר וַיּׂאמֶר אֶל־שִׁמְעוֹן הַעֲבֵר אֶל־עׂמֶק הַיָּם וְהוֹרִידוּ אֶת־מִכְמְרוֹתֵיכֶם לָצוּד׃

ה וַיַּעַן שִׁמְעוֹן וַיּׂאמֶר אֵלָיו מוֹרֶה כָּל־הַלַּיְלָה יָגַעְנוּ וְלׂא אָחַזְנוּ מְאוּמָה אַךְ עַל־פִּיךָ אוֹרִיד אֶת־הַמִּכְמׂרֶת׃

ו וַיַּעֲשׂוּ־כֵן וַיִּלְכְּדוּ דָגִים הַרְבֵּה מְאׂד וַתִּקָּרַע מִכְמַרְתָּם׃

ז וַיָּנִיפוּ יָד אֶל־חַבְרֵיהֶם אֲשֶׁר בָאֳנִיָּה הַשְּׁנִיָה לָבוֹא אֲלֵיהֶם וּלְעָזְרָם וַיָּבֹאוּ וַיְמַלְאוּ אֶת־שְׁתֵּי הָאֳנִיּוֹת עַד־לִשְׁקׂעַ׃

ח וַיְהִי כִּרְאוֹת שִׁמְעוֹן פֶּטְרוֹס אֶת־זׂאת וַיִּפּׂל לְבִרְכֵּי יֵשׁוּעַ וַיּׂאמַר אֲדׂנִי צֵא־נָא מֵעָלַי כִּי־אִישׁ חוֹטֵא אָנׂכִי׃

ט כִּי שַׁמָּה הֶחֱזִיקָה אוֹתוֹ וְאֶת־כּׂל אֲשֶׁר עִמּוֹ עַל־צֵיד הַדָּגִים אֲשֶׁר צָדוּ׃

י וְכֵן גַּם אֶת־יַעֲקׂב וְאֶת־יוֹחָנָן בְּנֵי זַבְדַּי אֲשֶׁר הִתְחַבְּרוּ עִם־שִׁמְעוֹן וַיּׂאמֶר יֵשׁוּעַ אֶל־שִׁמְעוֹן אַל־תִּירָא מֵעַתָּה צוֹד תָּצוּד אֲנָשִׁים׃

יא וַיּוֹלִיכוּ אֶת־הָאֳנִיּוֹת אֶל־הַיַּבָּשָׁה וַיַּעַזְבוּ אֶת־הַכּׂל וַיֵּלְכוּ אַחֲרָיו׃

יב וַיְהִי בִּהְיוֹתוֹ בְּאַחַת הֶעָרִים וְהִנֵּה־אִישׁ כֻּלּוֹ צָרוּעַ וַיַּרְא אֶת־יֵשׁוּעַ וַיִּפּׂל עַל־פָּנָיו וַיִּתְחַנֵּן אֵלָיו לֵאמׂר אֲדׂנִי אִם־תַּחְפּׂץ תּוּכַל לְטַהֲרֵנִי׃

יג וַיִּשְׁלַח אֶת־יָדוֹ וַיִּגַּע־בּוֹ וַיּׂאמֶר חָפֵץ אָנׂכִי טְהָר וּפִתְאׂם סָרָה מִמֶּנּוּ הַצָּרָעַת׃

יד וַיְצַו עָלָיו לְבִלְתִּי סַפֵּר לְאִישׁ כִּי אִם־לֵךְ וְהֵרָאֵה אֶל־הַכּׂהֵן וְהַקְרֵב קָרְבָּן עַל־טָהֳרָתְךָ כַּאֲשֶׁר צִוָּה משֶׁה לְעֵדוּת לָהֶם׃

טו וְשָׁמְעוֹ הוֹלֵךְ הָלוֹךְ וְגָדֵל וַיִּקָּבְצוּ עַם רַב לִשְׁמוֹעַ וּלְהֵרָפֵא עַל־יָדוֹ מִתַּחֲלוּאֵיהֶם׃

טז וְהוּא סָר אֶל־הַמִּדְבָּרוֹת וּמִתְפַּלֵּל׃

יז וַיְהִי הַיּוֹם וְהוּא מְלַמֵּד וּפְרוּשִׁים וּמוֹרֵי הַתּוֹרָה אֲשֶׁר בָּאוּ מִכָּל־כְּפָרֵי הַגָּלִיל וּמִיהוּדָה וִירוּשָׁלָיִם ישְׁבִים שָׁם וַתְּהִי־בוֹ גְּבוּרַת יְהוָֹה לִרְפּוֹא׃

יח וְהִנֵּה אֲנָשִׁים נוֹשְׂאִים אִישׁ בַּמִּטָּה וְהוּא נְכֵה אֵבָרִים וַיְבַקְשׁוּ לַהֲבִיאוֹ אֶל־תּוֹךְ הַבַּיִת וְלָשׂוּם לְפָנָיו׃

יט וְלׂא־מָצְאוּ דֶרֶךְ לְהַכְנִיסוֹ מֵרׂב הָעָם וַיַּעֲלוּ הַגָּגָה וַיּוֹרִידֻהוּ עַל־עַרְשׂוֹ בֵּין הָרְעָפִים לְתוֹךְ הַבַּיִת לִפְנֵי יֵשׁוּעַ׃

כ וַיַּרְא אֶת־אֱמוּנָתָם וַיּׂאמֶר אֵלָיו בֶּן־אָדָם נִסְלְחוּ־לְךָ חַטּׂאתֶיךָ׃

כא וַיָּחֵלּוּ הַסּוֹפְרִים וְהַפְּרוּשִׁים לַחֲשׁׂב מַחֲשָׁבוֹת לֵאמׂר מִי הוּא זֶה הַמְדַבֵּר גִּדּוּפִים מִי יוּכַל לִסְלׂחַ לַחֲטָאִים בִּלְתִּי הָאֱלׂהִים לְבַדּוֹ׃

כב וַיֵּדַע יֵשׁוּעַ אֶת־מַחְשְׁבוֹתָם וַיַּעַן וַיּׂאמֶר אֲלֵיהֶם מָה אַתֶּם חשְׁבִים בִּלְבַבְכֶם׃

כג מָה הַנָּקֵל הֶאָמׂר נִסְלְחוּ־לְךָ חַטּׂאתֶיךָ אִם־אָמׂר קוּם וְהִתְהַלֵּךְ׃

כד אַךְ לְמַעַן תֵּדְעוּן כִּי בֶן־הָאָדָם יֶשׁ־לוֹ הַשָּׁלְטָן בָּאָרֶץ לִסְלׂחַ לַחֲטָאִים וַיּׂאמֶר אֶל־נְכֵה הָאֵבָרִים אׂמֵר אֲנִי אֵלֶיךָ קוּם וְשָׂא אֶת־עַרְשְׂךָ וְלֵךְ אֶל־בֵּיתֶךָ׃

כה וַיְמַהֵר וַיָּקָם לְעֵינֵיהֶם וַיִּשָׂא אֵת מִשְׁכָּבוֹ וַיֵּלֶךְ אֶל־בֵּיתוֹ וַיְהַלֵּל אֶת־הָאֱלׂהִים׃

כו וְשַׁמָּה הֶחֱזִיקָה אֶת־כֻּלָּם וַיְבָרֲכוּ אֶת־הָאֱלׂהִים וַיִּמָּלְאוּ יִרְאָה וַיּׂאמְרוּ כִּי נִפְלָאוֹת רָאִינוּ הַיּוֹם׃

כז וַיְהִי אַחֲרֵי כֵן וַיֵּצֵא וַיַּרְא מוֹכֵס אֶחָד וּשְׁמוֹ לֵוִי וְהוּא יוֹשֵׁב בְּבֵית הַמֶּכֶס וַיּׂאמֶר אֵלָיו לְכָה אַחֲרָי׃

כח וַיַּעֲזׂב אֶת־הַכּׂל וַיָּקָם וַיֵּלֶךְ אַחֲרָיו׃

כט וַיַּעַשׂ־לוֹ לֵוִי מִשְׁתֶּה גָדוֹל בְּבֵיתוֹ וְעַם־רַב מִן־הַמּוֹכְסִים וַאֲנָשִׁים אֲחֵרִים הָיוּ מְסֻבִּים עִמָּהֶם׃

ל וַיִּלּוֹנוּ הַסּוֹפְרִים אֲשֶׁר בָּהֶם וְהַפְּרוּשִׁים עַל־תַּלְמִידָיו וַיּׂאמְרוּ מַדּוּעַ אַתֶּם אׂכְלִים וְשׁׂתִים עִם־הַמּוֹכְסִים וְהַחַטָּאִים׃

לא וַיַּעַן יֵשׁוּעַ וַיּׂאמֶר אֲלֵיהֶם הַבְּרִיאִים אֵינָם צְרִיכִים לְרׂפֵא כִּי אִם־הַחׂלִים׃

לב לׂא בָאתִי לִקְרוֹא הַצַּדִּיקִים לַתְּשׁוּבָה כִּי אִם־הַחַטָּאִים׃

לג וַיּׂאמְרוּ אֵלָיו הֵן תַּלְמִידֵי יוֹחָנָן מַרְבִּים לָצוּם וְאׂמְרִים תְּחִנּוֹת וְגַם תַּלְמִידֵי הַפְּרוּשִׁים עׂשִׂים כֵּן וְתַלְמִידֶיךָ אׂכְלִים וְשׁׂתִים׃

לד וַיּׂאמֶר אֲלֵיהֶם הֲתוּכְלוּ אֲנׂס בְּנֵי הַחֻפָּה לָצוּם וְהֶחָתָן עוֹדֶנּוּ עִמָּהֶם׃

לה וְאוּלָם יָמִים בָּאִים וְלֻקַּח מֵאִתָּם הֶחָתָן אָז יָצוּמוּ בַּיָּמִים הָהֵמָּה׃

לו וַיְדַבֵּר אֲלֵיהֶם גַּם אֶת־הַמָּשָׁל הַזֶּה אֵין אִישׁ מַעֲלֶה מַטְלִית שֶׁל־בֶּגֶד חָדָשׁ עַל־בֶּגֶד בָּלוּי כִּי אִם־כֵּן גַּם הֶחָדָשׁ יִקָּרֵעַ וְגַם לׂא־תִשְׁוֶה מַטְלִית הֶחָדָשׁ לַבָּלוּי׃

לז וְאֵין אִישׁ נׂתֵן יַיִן חָדָשׁ בְּנׂאדוֹת בָּלִים כִּי אִם־כֵּן הַיַּיִן הֶחָדָשׁ יְבַקַּע אֶת־הַנּׂאדוֹת וְהוּא יִשָּׁפֵךְ וְהַנּׂאדוֹת יׂאבֵדוּ׃

לח אֲבָל יֻתַּן הַיַּיִן הֶחָדָשׁ בְּנׂאדוֹת חֲדָשִׁים וּשְׁנֵיהֶם יַחְדָּו יִשָּׁמֵרוּ׃

לט וַאֲשֶׁר שָׁתָה יַיִן יָשָׁן אֵינֶנּוּ חָפֵץ עוֹד בְּיַיִן חָדָשׁ כִּי יׂאמַר הַיָּשָׁן נָעִים מִמֶּנּוּ׃