Mark 8

א וַיְהִי בַּיָּמִים הָהֵם בְּהִקָּבֵץ עַם רָב וְאֵין לָהֶם מַה־יּׂאכֵלוּ וַיִּקְרָא יֵשׁוּעַ אֶל־תַּלְמִידָיו וַיּׂאמֶר אֲלֵיהֶם׃

ב נִכְמְרוּ רַחֲמַי עַל־הָעָם כִּי־זֶה שְׁלׂשֶׁת יָמִים עָמְדוּ עִמִּי וְאֵין לָהֶם לֶחֶם לֶאֱכׂל׃

ג וְהָיָה בְּשַׁלְּחִי אוֹתָם רְעֵבִים לְבָתֵּיהֶם יִתְעַלְּפוּ בַּדָּרֶךְ כִּי־יֵשׁ בָּהֶם אֲשֶׁר בָּאוּ מִמֶּרְחָק׃

ד וַיַּעֲנוּ תַלְמִידָיו וַיּׂאמְרוּ אֵלָיו מֵאַיִן יוּכַל אִישׁ לְהַשְׂבִּיעַ אֶת־אֵלֶּה לֶחֶם פּׂה בַמִּדְבָּר׃

ה וַיִּשְׁאַל אוֹתָם וַיּׂאמַר כַּמָּה כִכְּרוֹת־לֶחֶם יֵשׁ לָכֶם וַיּׂאמְרוּ שֶׁבַע׃

ו וַיְצַו אֶת־הָעָם לַשֶׁבֶת לָאָרֶץ וַיִּקַּח אֶת־שֶׁבַע כִּכְּרוֹת הַלֶּחֶם וַיְבָרֶךְ וַיִּפְרׂס וַיִּתֵּן לְתַלְמִידָיו לָשׂוּם לִפְנֵיהֶם וַיָּשִׂימוּ לִפְנֵי הָעָם׃

ז וְלָהֶם מְעַט דָּגִים קְטַנִּים וַיְבָרֶךְ וַיּׂאמֶר לָשׂוּם לִפְנֵיהֶם גַּם־אֶת־אֵלֶּה׃

ח וַיּׂאכְלוּ וַיִּשְׂבָּעוּ וַיִּשְׂאוּ מִן־הַפְּתוֹתִים הַנּוֹתָרִים שִׁבְעָה דוּדִים׃

ט וְהָאׂכְלִים כְּאַרְבַּעַת אֲלָפִים וַיְשַׁלְּחֵם׃

י וַיֵּרֶד בָּאֳנִיָּה עִם־תַּלְמִידָיו וַיָּבֹא אֶל־גְּלִילוֹת דַּלְמָנוּתָא׃

יא וַיֵּצְאוּ הַפְּרוּשִׁים וַיָּחֵלּוּ לְהִתְוַכַּח עִמּוֹ וַיִּשְׁאֲלוּ מֵאִתּוֹ אוֹת מִן־הַשָּׁמַיִם לְמַעַן נַסּׂתוֹ׃

יב וַיֵאָנַח בְּרוּחוֹ וַיּׂאמַר מַה־הַדּוֹר הַזֶּה מְבַקֶּשׁ־לוֹ אוֹת אָמֵן אׂמֵר אֲנִי לָכֶם אִם־יִנָּתֵן אוֹת לַדּוֹר הַזֶּה׃

יג וַיַּעַל מֵעֲלֵיהֶם וַיָּשָׁב וַיֵּרֶד בָּאֳנִיָּה וַיַּעֲבֹר אֶל־עֵבֶר הַיָּם׃

יד וְהֵם שָׁכְחוּ לָקַחַת בְּיָדָם לָחֶם וְלׂא־הָיָה לָהֶם בָּאֳנִיָּה בִּלְתִּי אִם־כִּכַּר־לֶחֶם אֶחָת׃

טו וַיַּזְהֵר אוֹתָם לֵאמׂר רְאוּ הִשָּׁמְרוּ לָכֶם מִשְׂאׂר הַפְּרוּשִׁים וּמִשְׂאׂר הוֹרְדוֹס׃

טז וַיַּחְשְׁבוּ כּׂה וָכׂה וַיּׂאמְרוּ אִישׁ אֶל־רֵעֵהוּ עַל כִּי־לֶחֶם אֵין אִתָּנוּ׃

יז וַיֵּדַע יֵשׁוּעַ וַיּׂאמֶר לָהֶם מַה־תַּחְשְׁבוּ עַל כִּי־לֶחֶם אֵין לָכֶם הַעוֹד לׂא תַשְׂכִּילוּ וְלׂא תָבִינוּ וְלִבְּכֶם עוֹדֶנּוּ קָשֶׁה׃

יח עֵינַיִם לָכֶם וְלׂא תִרְאוּ וְאָזְנַיִם לָכֶם וְלׂא תִשְׁמְעוּ וְלׂא תִזְכּׂרוּ׃

יט כַּאֲשֶׁר פָּרַסְתִּי אֶת־חֲמֵשֶׁת כִּכְּרוֹת הַלֶּחֶם לַחֲמֵשֶׁת אַלְפֵי אִישׁ כַּמָּה סַלִּים מְלֵאֵי פְתוֹתִים נְשָׂאתֶם וַיּׂאמְרוּ אֵלָיו שְׁנֵים עָשָׂר׃

כ וּבַשֶּׁבַע לְאַרְבַּעַת אַלְפֵי אִישׁ כַּמָּה דוּדִים מְלֵאֵי פְתוֹתִים נְשָׂאתֶם וַיּׂאמְרוּ אֵלָיו שִׁבְעָה׃

כא וַיּׂאמֶר אֲלֵיהֶם אֵיךְ לׂא תָבִינוּ׃

כב וַיָּבֹא אֶל־בֵּית צָיְדָה וַיָּבִיאוּ אֵלָיו אִישׁ עִוֵּר וַיִּתְחַנֲנוּ לוֹ לָגַעַת בּוֹ׃

כג וַיּׂאחֶז בְּיַד הָעִוֵּר וַיּוֹלִיכֵהוּ אֶל־מִחוּץ לַכְּפָר וַיָּרָק בְּעֵינָיו וַיָּשֶׂם יָדָיו עָלָיו וַיִּשְׁאָלֵהוּ וַיּׂאמֶר אֵלָיו הֲרׂאֶה אָתָּה׃

כד וַיַּבֵּט וַיּׂאמֶר אֶרְאֶה אֶת־בְּנֵי הָאָדָם כִּי מִתְהַלְּכִים כְּאִילָנוֹת אֲנִי רׂאֶה׃

כה וַיּוֹסֶף וַיָּשֶׂם שֵׁנִית יָדָיו עַל־עֵינָיו וַתִּפָּקַחְנָה עֵינָיו וַיֵּרָפֵא וַיַּרְא הַכּׂל הֵיטֵב עַד־לְמֵרָחוֹק׃

כו וַיְשַׁלְּחֵהוּ אֶל־בֵּיתוֹ וַיּׂאמַר אַל־תָּבֹא אֶל־תּוֹךְ הַכְּפָר (וְאַל־תְּדַבֵּר לְאִישׁ בַּכְּפָר)׃

כז וַיֵּצֵא יֵשׁוּעַ וְתַלְמִידָיו לָלֶכֶת אֶל־כְּפַרֵי קֵיסַרְיָה שֶׁל־פִילִיפּוֹס וַיְהִי בַדֶּרֶךְ וַיִּשְׁאַל אֶת־תַּלְמִידָיו וַיּׂאמֶר אֲלֵיהֶם מָה־אׂמְרִים לִי בְּנֵי אָדָם מִי־אָנִי׃

כח וַיַּעֲנוּ וַיּׂאמְרוּ יוֹחָנָן הַמַּטְבִּיל וְיֵשׁ אׂמְרִים אֵלִיָּהוּ וַאֲחֵרִים אׂמְרִים אֶחָד מִן־הַנְּבִיאִים׃

כט וַיִּשְׁאַל אׂתָם לֵאמׂר וְאַתֶּם מַה־תּׂאמְרוּ לִי מִי־אָנִי וַיַּעַן פֶּטְרוֹס וַיּׂאמֶר אֵלָיו אַתָּה הוּא הַמָּשִׁיחַ׃

ל וַיָּעַד בָּם לְבִלְתִּי דַבֵּר־עָלָיו לְאִישׁ׃

לא וַיָּחֶל לְהוֹרׂתָם שֶׁצָּרִיךְ בֶּן־הָאָדָם לֵעָנוֹת הַרְבֵּה וְהַזְּקֵנִים וְרָאשֵׁי הַכּׂהֲנִים וְהַסּוֹפְרִים יִמְאָסֻהוּ וְיֵהָרֵג וּמִקְצֵה שְׁלשֶׁת יָמִים קוֹם יָקוּם׃

לב וְהוּא דִבֶּר אֶת־הַדָּבָר הַזֶּה בְּאָזְנֵי כֻלָּם וַיִּקָּחֵהוּ פֶטְרוֹס וַיָּחֶל לִגְעָר־בּוֹ׃

לג וַיִּפֶן אַחֲרָיו וַיַּבֵּט אֶל־תַּלְמִידָיו וַיִּגְעַר בְּפֶטְרוֹס וַיּׂאמַר סוּר מֵעַל פָּנַי הַשָׂטָן כִּי אֵין לִבְּךָ לְדִבְרֵי הָאֱלׂהִים כִּי אִם־לְדִבְרֵי הָאָדָם׃

לד וַיִּקְרָא אֶל־הָעָם וְאֶל־תַּלְמִידָיו וַיּׂאמֶר אֲלֵיהֶם הֶחָפֵץ לָלֶכֶת אַחֲרַי יְכַחֵשׁ בְּנַפְשׁוֹ וְיִשָׂא אֶת־צְלוּבוֹ וְיֵלֵךְ אַחֲרָי׃

לה כִּי כָּל־אֲשֶׁר יַחְפּׂץ לְהַצִּיל אֶת־נַפְשׁוֹ יְאַבְּדֶנָּה וְכׂל אֲשֶׁר תּׂאבַד נַפְשׁוֹ לְמַעֲנִי וּלְמַעַן הַבְּשׂוֹרָה הוּא יַצִּילֶנָּה׃

לו כִּי מַה־יִּסְכּׂן לְאָדָם שֶׁיִּקְנֶה אֶת־כָּל־הָעוֹלָם וְנִשְׁחֲתָה נַפְשׁוֹ׃

לז אוֹ מַה־יִּתֵּן אִישׁ פִּדְיוֹן נַפְשׁוֹ׃

לח כִּי הָאִישׁ אֲשֶׁר־הָיִיתִי אֲנִי וּדְבָרַי לוֹ לְחֶרְפָּה בַּדּוֹר הַנּׂאֵף וְהַחוֹטֵא הַזֶּה אַף־הוּא יִהְיֶה לְחֶרְפָּה לְבֶן־הָאָדָם בְּבוֹאוֹ בִּכְבוֹד אָבִיו עִם־הַמַּלְאָכִים הַקְּדוֹשִׁים׃