Mark 14

א וַיְהִי עוֹד יוֹמַיִם וְחַג הַפֶּסַח וְהַמַּצּוֹת בָּא וַיְבַקְשׁוּ רָאשֵׁי הַכּׂהֲנִים וְהַסּוֹפְרִים לְתָפְשׂוֹ בְעָרְמָה לַהֲמִיתוֹ׃

ב וַיּׂאמְרוּ לׂא בֶחָג פֶּן־תִּהְיֶה מְהוּמָה בָּעָם׃

ג וַיְהִי בִּהְיוֹתוֹ בְּבֵית־הִינִי בֵּית שִׁמְעוֹן הַמְצׂרָע וַיַּסֵּב אֶל־הַשֻּׁלְחָן וַתָּבֹא אִשָּׁה וּבְיָדָהּ פַּךְ־מִרְקַחַת נֵרְדְּ זַךְ וְיָקָר מְאׂד וַתִּשְׁבֹּר אֶת־הַפַּךְ וַתִּצּׂק עַל־רׂאשׁוֹ׃

ד וְיֵשׁ אֲשֶׁר מִתְרָעֲמִים אִישׁ אֶל־רֵעֵהוּ לֵאמׂר עַל־מֶה הָיָה אִבּוּד הַמֶּרְקָחָה הַזּׂאת׃

ה כִּי רְאוּיָה הָיְתָה זּׂאת לְהִמָּכֵר בְּיוֹתֵר מִשְּׁלשׁ מֵאוֹת דִּינָר וְלָתֵת לָעֲנִיִּים וַיִּגְעֲרוּ בָּהּ׃

ו וַיּׂאמֶר יֵשׁוּעַ הַנִּיחוּ לָהּ לָמָּה תַלְאוּ נַפְשָׁהּ מַעֲשֶׂה טוֹב עָשְׂתָה עִמָּדִי׃

ז כִּי הָעֲנִיִּים תָּמִיד עִמָּכֶם וּכְשֶׁתִּרְצוּ תּוּכְלוּ לְהֵיטִיב לָהֶם וְאָנׂכִי לׂא־אֶהְיֶה אִתְּכֶם תָּמִיד׃

ח אֵת אֲשֶׁר הָיָה לְאֵל יָדָהּ עָשָׂתָה קִדְּמָה לָסוּךְ אֶת־גּוּפִי לִקְבוּרָתוֹ׃

ט אָמֵן אׂמֵר אֲנִי לָכֶם כִּי בַּאֲשֶׁר תִּקָּרֵא הַבְּשׂוֹרָה הַזּׂאת אֶל־כָּל־הָעוֹלָם גַּם אֶת־אֲשֶׁר עָשְׂתָה הִיא יְסֻפַּר לְזִכָּרוֹן לָהּ׃

י וִיהוּדָה אִישׁ־קְרִיּוֹת אֶחָד מִשְּׁנֵים הָעָשָׂר הָלַךְ אֶל־רָאשֵׁי הַכּׂהֲנִים לִמְסׂר אוֹתוֹ אֲלֵיהֶם׃

יא וְהֵם כְּשָׁמְעָם שָׂמְחוּ וַיּׂאמְרוּ לָתֶת־לוֹ כָסֶף וַיְבַקֵּשׁ תּׂאֲנָה לְמָסְרוֹ׃

יב וַיְהִי בְּחַג הַמַּצּוֹת בַּיּוֹם הָרִאשׁוֹן אֲשֶׁר יִזָּבַח הַפֶּסַח וַיּׂאמְרוּ אֵלָיו תַּלְמִידָיו אֵיפׂה תַחְפּׂץ לֶאֱכׂל אֶת־הַפֶּסַח וְנֵלְכָה וְנָכִין׃

יג וַיִּשְׁלַח שְׁנַיִם מִתַּלְמִידָיו וַיּׂאמֶר אֲלֵיהֶם לְכוּ הָעִירָה וּפָגַע אֶתְכֶם אִישׁ נׂשֵׂא צַפַּחַת מָיִם לְכוּ אַחֲרָיו׃

יד וּבַאֲשֶׁר יָבוֹא שָׁמָּה אִמְרוּ לְבַעַל הַבָּיִת כּׂה אָמַר הָרַב אַיֵּה הַמָּלוֹן אֲשֶׁר אׂכַל שָׁם אֶת־הַפֶּסַח עִם־תַּלְמִידָי׃

טו וְהוּא יַרְאֶה אֶתְכֶם עֲלִיָּה גְדוֹלָה מֻצָּעָה וּמוּכָנָה וְשָׁם הָכִינוּ לָנוּ׃

טז וַיֵּצְאוּ תַלְמִידָיו וַיָּבֹאוּ הָעִירָה וַיִּמְצְאוּ כַּאֲשֶׁר אָמַר לָהֶם וַיָּכִינוּ אֶת־הַפָּסַח׃

יז וַיְהִי בָּעָרֶב וַיָּבֹא עִם־שְׁנֵים הֶעָשָׂר׃

יח וַיַּסֵּבּוּ וַיּׂאכֵלוּ וַיּׂאמֶר יֵשׁוּעַ אָמֵן אׂמֵר אֲנִי לָכֶם אֶחָד מִכֶּם יִמְסְרֵנִי וְהוּא אׂכֵל אִתִּי׃

יט וַיָּחֵלּוּ לְהִתְעַצֵּב וַיּׂאמְרוּ אֵלָיו זֶה אַחַר זֶה הֲכִי אֲנִי הוּא׃

כ וַיַּעַן וַיּׂאמֶר אֲלֵיהֶם אֶחָד מִשְּׁנֵים הֶעָשָׂר הוּא הַטּׂבֵל עִמִּי בַּקְּעָרָה׃

כא הֵן בֶּן־הָאָדָם הָלׂךְ יֵלֵךְ כַּכָּתוּב עָלָיו אֲבָל אוֹי לָאִישׁ הַהוּא אֲשֶׁר עַל־יָדוֹ יִמָּסֵר בֶּן־הָאָדָם טוֹב לָאִישׁ הַהוּא שֶׁלּא נוֹלָד׃

כב וַיְהִי בְאָכְלָם וַיִּקַּח יֵשׁוּעַ לֶחֶם וַיְבָרֶךְ וַיִּבְצַע וַיִּתֵּן לָהֶם וַיּׂאמַר קְחוּ אִכְלוּ זֶה הוּא גּוּפִי׃

כג וַיִּקַּח אֶת־הַכּוֹס וַיְבָרֶךְ וַיִּתֵּן לָהֶם וַיִּשְׁתּוּ מִמֶּנָּה כֻּלָּם׃

כד וַיּׂאמֶר לָהֶם זֶה דָמִי דַּם־הַבְּרִית הָחֲדָשָׁה הַנִּשְׁפָּךְ בְּעַד רַבִּים׃

כה אָמֵן אׂמֵר אֲנִי לָכֶם שָׁתׂה לׂא־אֶשְׁתֶּה עוֹד מִפְּרִי הַגֶּפֶן עַד־הַיּוֹם הַהוּא אֲשֶׁר אֶשְׁתֶּה אׂתוֹ חָדָשׁ בְּמַלְכוּת הָאֱלׂהִים׃

כו וְאַחֲרֵי קָרְאָם אֶת־הַהַלֵּל וַיֵּצְאוּ אֶל־הַר הַזֵּיתִים׃

כז וַיּׂאמֶר אֲלֵיהֶם יֵשׁוּעַ אַתֶּם כֻּלְּכֶם תִּכָּשְׁלוּ בִי בַּלַּיְלָה הַזֶּה כִּי כָתוּב אַכֶּה אֶת־הָרׂעֶה וּתְפוּצֶיןָ הַצּׂאן׃

כח אַךְ אַחֲרֵי קוּמִי מִן־הַמֵּתִים אֵלֵךְ לִפְנֵיכֶם הַגָּלִילָה׃

כט וַיּׂאמֶר אֵלָיו פֶּטְרוֹס גַּם אִם־יִכָּשְׁלוּ כֻלָּם אֲנִי לׂא אֶכָּשֵׁל׃

ל וַיּׂאמֶר אֵלָיו יֵשׁוּעַ אָמֵן אׂמֵר אֲנִי לְךָ כִּי הַיּוֹם בַּלַּיְלָה הַזֶּה בְּטֶרֶם יִקְרָא הַתַּרְנְגוֹל פַּעֲמָיִם אַתָּה תְכַחֶשׁ־בִּי שָׁלשׁ פְּעָמִים׃

לא וְהוּא הִתְאַמֵּץ וַיּוֹסֶף לְדַבֵּר וַיּׂאמֶר גַּם כִּי־יִהְיֶה עָלַי לָמוּת אִתְּךָ כַּחֵשׁ לׂא־אֲכַחֵשׁ בָּךְ וְכֵן אָמְרוּ גַּם־כֻּלָּם׃

לב וַיָּבֹאוּ אֶל־חָצֵר אַחַת וּשְׁמָהּ גַּת־שְׁמָנֵי וַיּׂאמֶר אֶל־תַּלְמִידָיו שְׁבוּ־לָכֶם פּׂה עַד אֲשֶׁר אֶתְפַּלָּל׃

לג וַיִּקַּח אִתּוֹ אֶת־פֶּטְרוֹס וְאֶת־יַעֲקׂב וְאֶת־יוֹחָנָן וַיָּחֶל לְהִשְׁתּוֹמֵם וְלָמוּג׃

לד וַיּׂאמֶר אֲלֵיהֶם נַפְשִׁי מָרָה־לִי עַד־מָוֶת עִמְדוּ־פׂה וּשְׁקׂדוּ׃

לה וַיַּעֲבֹר מְעַט מִשָּׁם וָהָלְאָה וַיִּפּׂל אַרְצָה וַיִּתְפַּלֵּל אֲשֶׁר אִם־יוּכַל הֱיוֹת תַּעֲבֹר מֵעָלָיו הַשָּׁעָה הַזּׂאת׃

לו וַיּׂאמַר אַבָּא אָבִי כּׂל תּוּכַל הַעֲבֶר־נָא מֵעָלַי אֶת־הַכּוֹס הַזּׂאת אַךְ־לׂא אֶת־אֲשֶׁר אֲנִי רוֹצֶה כִּי אִם־אֵת אֲשֶׁר־אָתָּה׃

לז וַיָּבֹא וַיִּמְצָאֵם יְשֵׁנִים וַיּׂאמֶר אֶל־פֶּטְרוֹס שִׁמְעוֹן הֲתִישַׁן הֲכִי־לׂא יָכׂלְתָּ לִשְׁקׂד שָׁעָה אֶחָת׃

לח שִׁקְדוּ וְהִתְפַּלֲּלוּ פֶּן־תָּבֹאוּ לִידֵי נִסָּיוֹן הֵן הָרוּחַ הִיא חֲפֵצָה וְהַבָּשָׂר רָפֶה׃

לט וַיּׂסֶף לָסוּר וַיִּתְפַּלֵּל בְּאָמְרוֹ עוֹד־הַפַּעַם כַּדְּבָרִים הָהֵמָּה׃

מ וַיָּשָׁב וַיִּמְצָאֵם שֵׁנִית יְשֵׁנִים כִּי עֵינֵיהֶם כְּבֵדוֹת וְלׂא יָדְעוּ מַה־יַּעֲנֻהוּ׃

מא וַיָּבֹא פַּעַם שְׁלִישִׁית וַיּׂאמֶר אֲלֵיהֶם נוּמוּ עוֹד וְנוּחוּ רַב־לִי כִּי־בָאָה הַשָּׁעָה הִנֵּה בֶן־הָאָדָם נִמְסָר בִּידֵי חַטָּאִים׃

מב קוּמוּ וְנֵלֵכָה הִנֵּה הַמּוֹסֵר אוֹתִי קָרֵב׃

מג עוֹדֶנּוּ מְדַבֵּר וִיהוּדָה בָא וְהוּא אֶחָד מִשְּׁנֵים הֶעָשָׂר וְעִמּוֹ הָמוֹן רַב בַּחֲרָבוֹת וּבְמַקְלוֹת מֵאֵת רָאשֵׁי הַכּׂהֲנִים וְהַסּוֹפְרִים וְהַזְּקֵנִים׃

מד וְהַמּוֹסֵר אׂתוֹ נָתַן לָהֶם אוֹת לֵאמׂר הָאִישׁ אֲשֶׁר אֶשָּׁקֵהוּ זֶה הוּא תִּפְשׂוּ אׂתוֹ וְהוֹלִיכֻהוּ אַל־יִמָּלֵט׃

מה הוּא בָא וְהוּא נִגַּשׁ אֵלָיו וַיּׂאמֶר רַבִּי רַבִּי וַיְנַשֶּׁק־לוֹ׃

מו וַיִּשְׁלְחוּ־בוֹ אֶת־יְדֵיהֶם וַיִּתְפְּשֻׂהוּ׃

מז וְאֶחָד מִן־הָעׂמְדִים אֶצְלוֹ שָׁלַף אֶת־חַרְבּוֹ וַיַּךְ אֶת־עֶבֶד הַכּׂהֵן הַגָּדוֹל וַיְקַצֵּץ אֶת־אָזְנוֹ׃

מח וַיַּעַן יֵשׁוּעַ וַיּׂאמֶר אֲלֵיהֶם כְּצֵאת עַל־פָּרִיץ יְצָאתֶם עָלַי בַּחֲרָבוֹת וּבְמַקְלוֹת לְתָפְשֵׂנִי׃

מט וַאֲנִי יוֹם יוֹם הָיִיתִי אֶצְלְכֶם מְלַמֵּד בַּמִּקְדָּשׁ וְלׂא הֶחֱזַקְתֶּם בִּי אֲבָל לְמַעַן מְלׂאת דִּבְרֵי הַכְּתוּבִים׃

נ וַיַּעַזְבוּ אׂתוֹ כֻּלָּם וַיָּנוּסוּ׃

נא וְנַעַר אֶחָד הָלַךְ אַחֲרָיו מְעֻטָּף בְּסָדִין לְכַסּוֹת אֶת־עֶרְוָתוֹ וַיּׂאחֲזֻהוּ הַנְּעָרִים׃

נב וַיַּעֲזׂב אֶת־הַסָּדִין בְּיָדָם וַיָּנָס מִפְּנֵיהֶם עָרׂם׃

נג וַיּוֹלִיכוּ אֶת־יֵשׁוּעַ אֶל־הַכּׂהֵן הַגָּדוֹל וַיִּקָּהֲלוּ אֵלָיו כָּל־רָאשֵׁי הַכּׂהֲנִים וְהַזְּקֵנִים וְהַסּוֹפְרִים׃

נד וּפֶטְרוֹס הָלַךְ אַחֲרָיו מֵרָחוֹק עַד־לַחֲצַר הַכּׂהֵן הַגָּדוֹל פְּנִימָה וַיֵּשֶׁב שָׁם עִם־הַמְּשָׁרֲתִים וַיִּתְחַמֵּם נֶגֶד הָאוּר׃

נה וְרָאשֵׁי הַכּׂהֲנִים וְכָל־הַסַּנְהֶדְרִין בִּקְשׁוּ עֵדוּת עַל־יֵשׁוּעַ לַהֲמִיתוֹ וְלׂא מָצָאוּ׃

נו כִּי רַבִּים עָנוּ בוֹ עֵדוּת שָׁקֶר אֲבָל לׂא הָיוּ דִּבְרֵיהֶם מְכֻוָּנִים׃

נז וַיָּקוּמוּ אֲנָשִׁים וַיַּעֲנוּ בוֹ עֵדוּת שָׁקֶר לֵאמׂר׃

נח שָׁמַעְנוּ אׂתוֹ אׂמֵר אֲנִי אֶהֱרׂס אֶת־הַהֵיכָל הַזֶּה מַעֲשֵׂה יְדֵי אָדָם וְלִשְׁלשֶׁת יָמִים אֶבְנֶה הֵיכָל אַחֵר אֲשֶׁר אֵינֶנּוּ מַעֲשֵׂה יְדֵי אָדָם׃

נט וְגַם־בָּזׂאת לׂא הָיְתָה עֵדוּתָם מְכֻוָּנֶת׃

ס וַיָּקָם הַכּׂהֵן הַגָּדוֹל וַיַּעֲמׂד בַּתָּוֶךְ וַיִּשְׁאַל אֶת־יֵשׁוּעַ לֵאמׂר הָאֵינְךָ מֵשִׁיב דָּבָר מַה־זֶּה אֵלֶּה עׂנִים בָּךְ׃

סא וְהוּא הֶחֱרִישׁ וְלׂא הֵשִׁיב דָּבָר וַיּוֹסֶף עוֹד הַכּׂהֵן הַגָּדוֹל לִשְׁאׂל אׂתוֹ וַיּׂאמֶר אֵלָיו הַאַתָּה הוּא הַמָּשִׁיחַ בֶּן־הַמְבֹרָךְ׃

סב וַיּׂאמֶר יֵשׁוּעַ אֲנִי הוּא וְאַתֶּם תִּרְאוּ אֶת־בֶּן־הָאָדָם יוֹשֵׁב לִימִין הַגְּבוּרָה וּבָא עִם־עַנֲנֵי הַשָּׁמָיִם׃

סג וַיִּקְרַע הַכּׂהֵן הַגָּדוֹל אֶת־בְּגָדָיו וַיּׂאמַר מַה־לָּנוּ עוֹד לְבַקֵּשׁ עֵדִים׃

סד הִנֵּה שְׁמַעְתֶּם אֶת־הַגִּדּוּף מַה־דַּעְתְּכֶם וַיַּרְשִׁיעֻהוּ כֻלָּם כִּי־חַיַּב מִיתָה הוּא׃

סה וַיָּחֵלּוּ מֵהֶם לָרׂק בּוֹ וַיְחַפּוּ אֶת־פָּנָיו וַיַּכֻּהוּ בְאֶגְרׂף וַיּׂאמְרוּ אֵלָיו הִנָּבֵא וְהַמְשָׁרֲתִים אֲחָזֻהוּ בְּמַכּוֹת עַל־הַלֶּחִי׃

סו וַיְהִי בִּהְיוֹת פֶּטְרוֹס בְּתַחְתִּית הֶחָצֵר וַתָּבֹא אַחַת מִשִּׁפְחוֹת הַכּׂהֵן הַגָּדוֹל׃

סז וַתֵּרֶא אֶת־פֶּטְרוֹס כִּי מִתְחַמֵּם הוּא וַתַּבֶּט־בּוֹ וַתּׂאמַר גַּם־אַתָּה הָיִיתָ עִם־הַנָּצְרִי יֵשׁוּעַ׃

סח וַיְכַחֵשׁ וַיּׂאמֶר לׂא אֵדַע וְלׂא אָבִין מָה אַתְּ אׂמָרֶת וַיֵּצֵא הַחוּצָה אֶל־הָאוּלָם וַיִּקְרָא הַתַּרְנְגׂל׃

סט וַתִּרְאֵהוּ הַשִּׁפְחָה וַתּׂאמֶר עוֹד אֶל־הָעׂמְדִים שָׁם זֶה הוּא אֶחָד מֵהֶם וַיְכַחֵשׁ פַּעַם שֵׁנִית׃

ע וּמְעַט אַחֲרֵי־כֵן גַּם־הָעׂמְדִים שָׁם אָמְרוּ אֶל־פֶּטְרוֹס אָמְנָם אַתָּה אֶחָד מֵהֶם כִּי אַף־גְּלִילִי אַתָּה וּלְשׁוֹנְךָ כִּלְשׁוֹנָם׃

עא וַיָּחֶל לְהַחֲרִים אֶת־נַפְשׁוֹ וּלְהִשָּׁבֵעַ לֵאמׂר לׂא יָדַעְתִּי אֶת־הָאִישׁ הַזֶּה אֲשֶׁר דִּבַּרְתֶּם׃

עב וְהַתַּרְנְגׂל קָרָא פַּעַם שֵׁנִית וַיִּזְכּׂר פֶּטְרוֹס אֶת־הַדָּבָר אֲשֶׁר אָמַר־לוֹ יֵשׁוּעַ בְּטֶרֶם יִקְרָא הַתַּרְנְגׂל פַּעֲמַיִם תְּכַחֵשׁ בִּי שָׁלשׁ פְּעָמִים וַיָּשֶׂם עַל־לִבּוֹ וַיֵּבְְֲ׃