Mark 4

א וַיָשָׁב וַיָּחֶל לְלַמֵּד עַל שְׁפַת הַיָּם וַיִקָּהֲלוּ אֵלָיו הֲמוֹן עַם־רָב וַיֵּרֶד וַיֵּשֶׁב בָּאֳנִיָּה בַּיָּם וְכָל־הָעָם עוֹמֵד עַל־יַד הַיָּם בַּיַּבָּשָׁה׃

ב וַיְלַמְּדֵם הַרְבֵּה בִּמְשָׁלִים וַיּאׂמֶר אֲלֵיהֶם בְּלַמְּדוֹ אוֹתָם׃

ג שִׁמְעוּ שָׁמוֹעַ הִנֵּה יָצָא הַזּׂרֵע לִזְרׂעַ׃

ד וַיְהִי בְזָרְעוֹ וַיִּפּׂל מִן־הַזֶּרַע עַל־יַד הַדָּרֶךְ וַיָּבֹאוּ עוֹף הַשָּׁמַיִם וַיּׂאכְלֻהוּ׃

ה וְיֵשׁ אֲשֶׁר נָפַל עַל־מְקוֹם הַסֶּלַע אֲשֶׁר אֵין־לוֹ שָׁם אֲדָמָה הַרְבֵּה וַיְמַהֵר לִצְמׂחַ כִּי לׂא־הָיָה לוֹ עׂמֶק אֲדָמָה׃

ו וַיְהִי כִּזְרׂחַ הַשֶּׁמֶשׁ וַיִּצָרֵב וַיִּיבָשׂ כִּי אֵין־לוֹ שׁרֶשׁ׃

ז וְיֵשׁ אֲשֶׁר נָפַל בֵּין הַקּׂצִים וַיַּעֲלוּ הַקּׂצִים וַיְמָעֲכֻהוּ וְלׂא נָתַן פֶּרִי׃

ח וְיֵשׁ אֲשֶׁר נָפַל עַל הָאֲדָמָה הַטּוֹבָה וַיִּתֵּן פְּרִי עׂלֶה וְגָדֵל וַיַּעַשׂ זֶה שְׁלׂשִׁים שְׁעָרִים וְזֶה שִׁשִּׁים וֵזֶה מֵאָה׃

ט וַיּאׂמֶר אֲלֵיהֶם מִי אֲשֶׁר אָזְנַיִם לוֹ לִשְׁמׂעַ יִשְׁמָע׃

י וַיְהִי בִּהְיוֹתוֹ לְבַדּוֹ וְיִּגְּשׁוּ הָאֲנָשִׁים אֲשֶׁר אִתּוֹ עִם־שְׁנֵים הֶעָשָׂר וַיִּשְּׁאָלוּהוּ עַל־הַמָּשָׁל׃

יא וַיּאׂמֶר אֲלֵיהֶם לָכֶם נִתַּן לָדַעַת סוֹד מַלְכוּת הָאֱלׂהִים וַאֲשֶׁר מִבַּחוּץ לָהֶם הַכּׂל בִּמְשָׁלִים׃

יב לְמַעַן יִרְאוּ רָאוֹ וְלׂא יֵדְעוּ וְשָׁמְעוּ שָׁמוֹעַ וְלׂא יָבִינוּ פֶּן־יָשׁוּבוּ וְנִסְלַח לְחַטּׂאתָם׃

יג וַיּאׂמֶר לָהֶם לׂא יְדַעְתֶּם אֶת־הַמָּשָׁל הַזֶּה וְאֵיךְ תָּבִינוּ אֶת־הַמְּשָׁלִים כֻּלָּם׃

יד הַזּׂרֵע הוּא זׂרֵעַ אֶת־הַדָּבָר׃

טו וְעַל־יַד הַדֶּרֶךְ אֵלֶּה הֵם אֲשֶׁר יִזָּרַע־בָּם הַדָּבָר וּכְשָּׁמְעָם אוֹתוֹ מִיָּד בָּא הַשָׂטָן וַיִּשָׂא אֶת־הַדָּבָר הַזָּרוּע בִּלְבָבָם׃

טז וְכֵן הַנִּזְרָעִים עַל־מְקׂמוֹת הַסֶּלַע הֵם הַשּׁׂמְעִים אֶת־הַדָּבָר וּמַהֵר בְּשִׂמְחָה יִקָּחֻהוּ׃

יז אַךְ אֵין־לָהֶם שׁרֶשׁ בְּקִרְבָּם וְרַק לְשָׁעָה יַעֲמׂדוּ וְאַחַר־כֵּן בְּבֹא צָרָה וּרְדִיפָה בִּגְלַל הַדָּבָר מְהֵרָה יִכָּשֵׁלוּ׃

יח וְאֵלֶּה הַנִּזְרָעִים בֵּין הַקּׂצִים הֵם הַשּׁׂמעִים אֶת־הַדָּבָר׃

יט וְדַאֲגוֹת הָעוֹלָם הַזֶּה וּמִרְמַת הָעשֶׁר וְתַאֲוֹת אֲחֵרוֹת בָּאוֹת וּמְמָעֲכוֹת אֶת־הַדָּבָר וּפְרִי לׂא יִהְיֶה־לּוֹ׃

כ וְאֵלֶּה הַזְּרוּעִים עַל־הָאֲדָמָה הַטּוֹבָה הֵם הַשּׁׂמְעִים אֶת־הַדָּבָר וּמְקַבְּלִים אׂתוֹ וְעׂשִׂים פְּרִי זֶה שְׁלׂשִׁים שְׁעָרִים וְזֶה שִׁשִּׁים וְזֶה מֵאָה׃

כא וַיּאׂמֶר אֲלֵיהֶם הֲיָבִיאוּ הַנֵּר לָשׂוּם תַּחַת הָאֵיפָה וְתַחַת הַמִּטָּה וְלׂא לְהַעֲלוֹתוֹ עַל־הַמְּנוֹרָה׃

כב כִּי אֵין־דָּבָר סָתוּם אֲשֶׁר לׂא־יִגָּלֶה וְלׂא נִגְנַז דָּבָר כִּי אִם־לְמַעַן יֵצֵא לָאוֹר׃

כג כָּל־אֲשֶׁר אָזְנַים לוֹ לִשְׁמׂעַ יִשְׁמָע׃

כד וַיּאׂמֶר אֲלֵיהֶם רְאוּ מָה אַתֶּם שׂמְעִים בַּמִדָּה אֲשֶׁר אַתֶּם מוֹדְדִים בָּהּ יִמַּד לָכֶם וְעוֹד יוּסַף לָכֶם (הַשּׁׂמְעִים)׃

כה כִּי מִי שֶׁיֶּשׁ־לוֹ נָתוֹן יִנָּתֵן לוֹ וּמִי שֶׁאֵין־לוֹ יֻקַּח מִמֶּנּוּ גַם אֶת־אֲשֶׁר לוֹ׃

כו וַיּאׂמַר מַלְכוּת הָאֱלׂהִים הִיא כְאָדָם מַשְׁלִיךְ זֶרַע בָּאֲדָמָה׃

כז וְשָׁכַב וְקָם לַיְלָה וָיוֹם וְהַזֶּרַע יִצְמַח וְגָדֵל וְהוּא לׂא יָדָע׃

כח כִּי הָאָרֶץ מֵאֵלֶיהָ מוֹצִיאָה פִרְיָהּ אֶת־הַדֶּשֶׁא רִאשׂוֹנָה וְאַחֲרָיו אֶת־הַשִּׁבֹּלֶת וְאַחֲרֵי־כֵן אֶת־הַחִטָּה הַמְּלֵאָה בַּשִּׁבֹּלֶת׃

כט וְכַאֲשֶׁר גָּמַל הַפְּרִי יְמַהֵר לִשְׁלׂחַ מַגָּל כִּי בָשַׁל קָצִיר׃

ל וַיּׂאמַר אֶל־מַה נְדַמֶּה אֶת־מַלְכוּת הָאֱלׂהִים וּבְאֵי־זֶה מָשָׁל נַמְשִׁילֶנָּה׃

לא כְּגַרְגַּר שֶׁל־חַרְדָּל אֲשֶׁר יִזָּרַע בָּאֲדָמָה וְהוּא קָטׂן מִכָּל־הַזֵּרׂעִים אֲשֶׁר עַל־הָאָרֶץ׃

לב וְאַחֲרֵי הִזָּרְעוֹ יַעֲלֶה וְיִגְדַּל עַל־כָּל־הַיְרָקוֹת וְעָשָׂה עֲנָפִים גְּדוֹלִים עַד־אֲשֶׁר יְקַנְּנוּ עוֹף הַשָּׁמַיִם בְּצִלוֹ׃

לג וּבִמְשָׁלִים רַבִּים כָּאֵלֶּה דִּבֶּר אֲלֵיהֶם אֶת־הַדָּבָר כְּפִי־אֲשֶׁר יָכְלוּ לִשְׁמׂעַ׃

לד וּבִבְלִי מָשָׁל לׂא דִבֶּר אֲלֵיהֶם וְהָיָה בִהְיוֹת תַּלְמִידָיו עִמּוֹ וְאֵין אִישׁ אִתָּם יְבָאֵר לָהֶם אֶת־הַכּׂל׃

לה וַיְהִי בַּיוֹם הַהוּא לִפְנוֹת עָרֶב וַיּׂאמֶר אֲלֵיהֶם נַעְבְּרָה אֶל־עֵבֶר הַיָּם׃

לו וַיַּנִּיחוּ אֶת־הֲמוֹן הָעָם וַיִּקְחוּ אׂתוֹ בָּאֳנִיָּה אֲשֶׁר הָיָה בָּהּ וָאֳנִיּוֹת אֲחֵרוֹת הָלְכוּ אַחֲרָיו׃

לז וַתָּקָם רוּחַ־סְעָרָה גְדוֹלָה וַיִּשְּׁטְפוּ הַגַּלִּים אֶל־תּוֹJ הָאֳנִיָּה עַד אֲשֶׁר־כִּמְעַט מָלֵאָה׃

לח וְהוּא יָשֵׁן עַל־הַכֶּסֶת בַּאֲחׂרֵי הָאֳנִיָּה וַיָּעִירוּ אוֹתוֹ וַיּׂאמְרוּ אֵלָיו רַבִּי הֲלׂא תִדְאַג לָנוּ וַאֲנַחְנוּ אׂבְדִים׃

לט וַיֵּעוֹר וַיִּגְעַר בָּרוּחַ וַיּאׂמֶר אֶל־הַיָּם הַס וָדׂם וַתָּשָׁךְ הָרוּחַ וַתְּהִי דְמָמָה רַבָּה׃

מ וַיּׂאמֶר אֲלֵיהֶם לָמָּה חֲרֵדִים אַתֶּם אֵיךְ חֲסַרְתֶּם אֱמוּנָה׃

מא וַיִּירְאוּ יִרְאָה גְדוֹלָה וַיּׂאמְרוּ אִישׁ אֶל־רֵעֵהוּ מִי אֵפוֹא הוּא אֲשֶׁר גַּם הָרוּחַ וְגַם הַיָּם שׁׂמְעִים לוֹ׃