Mark 2

א וַיְהִי מִיָּמִים וַיָּבֹא שֵׁנִית אֶל־כְּפַר נַחוּם וַיִּשְׁמְעוּ כִּי־הוּא בַבָּיִת׃

ב וַיֵּאָסְפוּ רַבִּים מְהֵרָה עַד־אֶפֶס מָקוֹם לַעֲמׂד אַף־לִפְנֵי הַפָּתַח וַיְדַבֵּר אֲלֵיהֶם אֶת־הַדָּבָר׃

ג וַיָּבֹאוּ אֵלָיו אֲנָשִׁים נׂשְׂאִים אִישׁ נְכֵה אֵבָרִים וַיִּשָּׂאֻהוּ בְּאַרְבָּעָה׃

ד וְלׂא יָכְלוּ לָגֶשֶׂת אֵלָיו מִפְּנֵי הָעָם וַיָּסִירוּ אֶת־הַגָּג בַּמָּקוֹם אֲשֶׁר הָיָה שָׁם וַיַּחְתְּרוּ חֲתִירָה וַיּוֹרִידוּ אֶת־הַמִּשְׁכָּב אֲשֶׁר שָׁכַב עָלֶיהָ נְכֵה הָאֵבָרִים׃

ה וַיְהִי כִּרְאוֹת יֵשׁוּעַ אֶת־אֱמוּנָתָם וַיּאׂמֶר אֶל־נְכֵה הָאֵבָרִים בְּנִי נִסְלְחוּ־לְךָ חַטּׂאתֶיךָ׃

ו וְשָׁם אֲנָשִׁים מִן־הַסּוֹפְרִים יׂשְׁבִים וַיּׂאמְרוּ בְּלִבָּם׃

ז מַַה־לָּזֶה כִּי יְדַבֵּר גִּדּוּפִים כָּאֵלֶּה מִי יָכׂל לִסְלׂחַ לַחֲטָאִים כִּי אִם הָאֱלׂהִים לְבַדּוֹ׃

ח וַיֵּדַע יֵשׁוּעַ בְּרוּחוֹ כִּי־כֵן חׂשְׁבִים בִּלְבָבָם וַיּאׂמֶר אֲלֵיהֶם מַדּוּעַ תַּחְשְׁבוּ כָאֵלֶּה בִּלְבַבְכֶם׃

ט מָה הַנָּקֵל הֶאָמׂר אֶל־נְכֵה הָאֵבָרִים נִסְלְחוּ־לְךָ חַטּׂאתֶיךָ אִם־אָמוֹר קוּם שָׂא אֶת מִשְׁכָּבְךָ וְהִתְהַלֵּךְ׃

י וּלְמַעַן תֵּדְעוּן כִּי בֶן־הָאָדָם יֶשׁ־לוֹ הַשָּׁלְטָן לִסְלׂחַ לַחֲטָאִים בָּאָרֶץ וַיּאׂמֶר אֶל־נְכֵה הָאֵבָרִים׃

יא לְךָ אֲנִי אׂמֵר קוּם שָׂא אֶת־מִשְׁכָּבְךָ וְלֵךְ אֶל־בֵּיתֶךָ׃

יב וַיָקָם פִּתְאׂם וַיִּשָׂא אֶת־מִשְׁכָּבוֹ וַיֵּצֵא לְעֵינֵי כֻלָּם עַד כִּי־תָמְהוּ כֻלָּם וַיְּשַׁבְּחוּ אֶת־הָאֱלׂהִים לֵאמׂר מֵעוֹלָם לׂא־רָאִינוּ כָזׂאת׃

יג וַיָּשָׁב וַיֵּצֵא אֶל־יַד הַיָּם וַיָּבֹאוּ אֵלָיו כָּל־הָעָם וַיְלַמְּדֵם׃

יד וַיְהִי בְעָבְרוֹ וַיַּרְא אֶת־לֵוִי בֶּן־חַלְפַי יׂשֵׁב בְּבֵית הַמֶּכֶס וַיּאׂמֶר אֵלָיו לְכָה אַחֲרָי וַיָּקָם וַיֵּלֶךְ אַחֲרָיו׃

טו וְיְהִי כַּאֲשֶׁר הֵסֵב בְּבֵיתוֹ וַיַּסֵּבּוּ מוֹכְסִים וְחַטָּאִים רַבִּים עִם־יֵשׁוּעַ וְעִם־תַּלְמִידָיו כִּי רַבִּים הָיוּ הַהׂלְכִים אַחֲרָיו׃

טז וְהַסּוֹפְרִים וְהַפְּרוּשִׁים רָאוּ אׂתוֹ אׂכֵל עִם־הַמּוֹכְסִים וְהַחַטָּאִים וַיּׂאמְרוּ אֶל־תַּלְמִידָיו מַה־לְּרַבְּכֶם כִּי אׂכֵל וְשׁׂתֶה הוּא עִם־הַמּוֹכְסִים וְהַחַטָּאִים׃

יז וַיִּשְׁמַע יֵשׁוּעַ וַיּאׂמֶר הַחֲזָקִים אֵינָם צְרִיכִים לְרׂפֵא כִּי אִם־הַחׂלִים לׂא בָאתִי לִקְרׂא הַצַּדִּיקִים כִּי אִם־הַחַטָּאִים (לִתְשׁוּבָה)׃

יח וְתַלְמִידֵי יוֹחָנָן וְתַלְמִידֵי הַפְּרוּשִׁים הָיוּ מַרְבִּים לָצוּם וַיָּבֹאוּ וַיּׂאמְרוּ אֵלָיו מַדּוּעַ תַּלְמִידֵי יוֹחָנָן וְתַלְמִידֵי הַפְּרוּשִׁים צָמִים וְתַלְמִידֶיךָ אֵינָם צָמִים׃

יט וַיּאׂמֶר אֲלֵיהֶם יֵשׁוּעַ אֵיךְ יוּכְלוּ בְּנֵי הַחֻפָּה לָצוּם בְּעוֹד הֶחָתָן עִמָּהֶם כָּל־יְמֵי הֱיוֹת הֶחָתָן עִמָּהֶם לׂא יוּכְלוּ לָצוּם׃

כ הִנֵּה יָמִים בָּאִים וְלֻקַּח מֵאִתָּם הֶחָתָן וְאָז יָצוּמוּ בַּיָּמִים הָהֵם׃

כא אֵין־אָדָם תּׂפֵר טְלַאי בַד חָדָשׁ עַל־שִׂמְלָה בָלָה כִּי אִם־כֵּן יִנָּתֵק מִלוּיוֹ הֶחָדָשׁ מִן־הַבָּלָה וְיִתְרַחֵב הַקֶּרַע׃

כב וְאֵין אָדָם נׂתֵן יַיִן חָדָשׁ בְּנׂאדוֹת בָּלִים כִּי אִם־כֵּן יְבַקַּע הַיַּיִן הֶחָדָשׁ אֶת־הַנּאׂדוֹת וְהַיַּיִן יִשָּׁפֵךְ וְהַנּׂאדוֹת יׂאבֵדוּ אֲבָל יַיִן חָדָשׁ יִנָּתֵן בְּנׂאדוֹת חֲדָשִׁים׃

כג וַיְהִי כְעָבְרוֹ בַּשַּׁבָּת בֵּין הַשָׂדוֹת וַיָּחֵלּוּ תַלְמִידָיו לִקְטׂף מְלִילׂת בְּלֶכְתָּם׃

כד וַיּׂאמְרוּ אֵלָיו הַפְּרוּשִׁים רְאֵה מָה־הֵמָּה עׂשִׂים בַּשַּׁבָּת אֵת אֲשֶׁר־לׂא יֵעָשֶׂה׃

כה וַיּאׂמֶר אֲלֵיהֶם הֲכִי לׂא קְרָאתֶם אֶת־אֲשֶׁר עָשָׂה דָוִד בִּהְיׂתוֹ חָסֵר וְרָעֵב הוּא וַאֲנָשָׁיו׃

כו אֲשֶׁר בָּא אֶל־בֵּית אֱלׂהִים בִּימֵי אֶבְיָתָר הַכּׂהֵן הַגָּדוֹל וַיּׂאכַל אֶת־לֶחֶם הַפָּנִים אֲשֶׁר לׂא נִתַּן לְאָכְלָה כִּי אִם־לַכּׂהֲנִים וַיִּתֵּן גַּם־לָאֲנָשִׁים אֲשֶׁר אִתּוֹ׃

כז וַיּׂאמֶר אֲלֵיהֶם הַשַּׁבָּת נִתְּנָה בַּעֲבוּר הָאָדָם וְלׂא הָאָדָם בַּעֲבוּר הַשַּׁבָּת׃

כח לָכֵן אָדוֹן בֶּן־הָאָדָם גַּם לַשַּׁבָּת׃