Mark 3

א וַיָּשָׁב וַיָּבוֹא אֶל־בֵּית הַכְּנֵסֶת וְשָׁם־אִישׁ אֲשֶׁר יָדוֹ יְבֵשָׁה׃

ב וַיֶּאֶרְבוּ לוֹ אִם־יִרְפָּאֵהוּ בַּשַּׁבָּת לְמַעַן יִמְצְאוּ עָלָיו עֲלִילוֹת דְּבָרִים׃

ג וַיּאׂמֶר אֶל־הָאִישׁ אֲשֵׁר יָבְשָׁה יָדוֹ קוּם עֲמׂד בַּתָּוֶךְ׃

ד וַיּׂאמֶר אֲלֵיהֶם הֲמֻתָּר בַּשַּׁבָּת לְהֵיטִיב אוֹ לְהָרֵעַ לְהַצִּיל נֶפֶשׁ אוֹ לְהָמִית וַיַּחֲרִישׁוּ׃

ה וַיִּפֶן וַיַּבֵּט אֲלֵיהֶם בְּזַעַף וַיִּתְעַצֵּב עַל־קְשִׁי לְבָבָם וַיּׂאמֶר אֶל־הָאִישׁ פְּשׁׂט אֶת־יָדֶךָ וַיִּפְשׁׂט יָדוֹ וַתֵּרָפֵא וַתָּשָׁב כָּאַחֶרֶת׃

ו וַיֵּצְאוּ הַפְּרוּשִׁים וַיְמַהֲרוּ לְהִתְיָעֵץ עָלָיו עִם־אַנְשֵׁי הוֹרְדוֹס לְאַבְּדוֹ׃

ז וְיֵשׁוּעַ סָר מִשָּׁם עִם־תַּלְמִידָיו אֶל־יַד הַיָּם וַיֵּלְכוּ אַחֲרָיו עַם־רָב מִן־הַגָּלִיל׃

ח וּמִיהוּדָה וּמִירוּשָׁלַיִם וּמֵאֱדוֹם וּמֵעֵבֶר הַיַּרְדֵּן וּמִסְּבִיבוֹת צוֹר וְצִידוֹן הָמוֹן רָב בָּאוּ אֵלָיו כִּי שָׁמְעוּ אֵת כָּל־אֲשֶׁר עָשָׂה׃

ט וַיּׂאמֶר אֶל־תַּלְמִידָיו לְהָכִין לוֹ אֳנִיָּה קְטַנָּה מִפְּנֵי הָעָם לְמַעַן אֲשֶׁר לׂא יִדְחָקוּהוּ׃

י כִּי רָפָא לְרַבִּים עַד כִּי־נָפְלוּ עָלָיו כָּל־הַמְנֻגָּעִים לִנְגּׂעַ בּוֹ׃

יא וְהָרוּחוֹת הַטְּמֵאוֹת כִּרְאוֹתָן אׂתוֹ נָפְלוּ לְפָנָיו וַתִּצְעַקְנָה לֵאמׂר אַתָּה הוּא בֶּן־אֱלׂהִים׃

יב וַיָּעַד בָּם מאׂד לְמַעַן אֲשֶׁר לׂא־תְגַלֶּינָה אוֹתוֹ׃

יג וַיַּעַל אֶל־הָהָר וַיִּקְּרָא אֶל־אֲשֶׁר הוּא חָפֵץ וַיָּבֹאוּ אֵלָיו׃

יד וַיְמַן שְׁנֵים עָשָׂר אִישׁ לִהְיוֹת אִתּוֹ וּלְשַׁלְּחָם לִקְרׂא׃

טו וְהָיָה לָהֶם הַשָּׁלְטָן לִרְפּׂא אֶת־הַתַּחֲלֻאִים וּלְגָרֵשׁ אֶת־הַשֵּׁדִים׃

טז (וַיָשֶּׁם אֶת־שְׁנֵים הֶעָשָׂר) וַיְכַנֶּה אֶת־שִׁמְעוֹן בְּשֵׁם פֶּטְרוֹס׃

יז וְאֶת־יַעֲקׂב בֶּן־זַבְדַּי וְאֵת יוֹחָנָן אֲחִי יַעֲקׂב וַיְכַנֶּה אׂתָם בְּשֵׁם בְּנֵי־רְגוֹשׂ הוּא בְּנֵי־רָעַם׃

יח וְאֵת אַנְדְּרַי וְאֵת פִילִפּוֹס וְאֵת בַּר־תַּלְמַי וְאֵת מַתַּי וְאֶת־תּוֹמָא וְאֶת־יַעֲקׂב בֶּן־חַלְפַי וְאֶת־תַּדַּי וְאֶת שִׁמְעוֹן הַקַּנָּי׃

יט וְאֵת־יְהוּדָה אִישׁ קְרִיּוֹת אֲשֶׁר הִסְגִּיר אׂתוֹ׃

כ וַיָּבֹאוּ הַבָּיְתָה וַיּוֹסֶף הֲמוֹן עָם לְהִתְאַסֵּף עַד כִּי־לׂא יָכְלוּ אַף לֶאֱכָל־לָחֶם׃

כא וַיִּשְּׁמְעוּ קְרוֹבָיו וַיֵּצְאוּ לְהַחֲזִיק בּוֹ כִּי אָמְרוּ יָצָא מִדַּעְתּוֹ׃

כב וְהַסּוֹפְרִים אֲשֶׁר יָרְדוּ מִירוּשָׁלַיִם אָמְרוּ בַּעַל־זְבוּל בּוֹ וְעַל־יְדֵי שַׂר־הַשֵּׁדִים הוּא מְגָרֵשׁ אֶת־הַשֵּׁדִים׃

כג וַיִּקְרָא אוֹתָם אֵלָיו וַיְדַבֵּר לָהֶם בִּמְשָׁלִים לֵאמׂר אֵיךְ יוּכַל הַשָׂטָן לְגָרֵשׁ הַשָׂטָן׃

כד וְאִם־נֶחְלְקָה מַמְלָכָה עַל־עַצְמָהּ לׂא־תוּכַל לַעֲמׂד הַמַּמְלָכָה הַהִיא׃

כה וּבַית אִם־נֶחֱלַק עַל־עַצְמוֹ לׂא־יוּכַל לַעֲמׂד הַבַּיִת הַהוּא׃

כו וְאִם־הַשָׂטָן יִתְקוֹמֵם אֶל־עַצְמוֹ וְנֶחֱלָק לׂא־יוּכַל לַעֲמׂד כִּי־בָא קִצּוֹ׃

כז אֵין אִישׁ יָכׂל לָבוֹא לְבֵית הַגִּבּוֹר וְלִגְזׂל אֶת־כֵּלָיו אִם־לׂא יֶאֱסרׂ בָּרִאשׁוֹנָה אֶת־הַגִּבּוֹר וְאַחַר יִשְׁסֶה אֶת־בֵּיתוֹ׃

כח אָמֵן אׂמֵר אֲנִי לָכֶם כִּי כָל־הָחֲטָאִים יִסָּלְחוּ לִבְנֵי אָדָם וְכָל־הַגִּדּוּפִים אֲשֶׁר יְגַדֵּפוּ׃

כט אַךְ הַמְגַדֵּף אֶת־רוּחַ הַקּׂדֶשׁ אֵין־לוֹ סְלִיחָה לְעוֹלָם כִּי־עֲוֹנוֹ יִשָׂא לָנֶצַח׃

ל כִּי־הֵמָּה אָמְרוּ רוּחַ טֻמְאָה בּוֹ׃

לא וַיָּבֹאוּ אִמּוֹ וְאֶחָיו וַיַּעַמְדוּ מִחוּץ וַיִּשְׁלְחוּ אֵלָיו לִקְרׂא לוֹ׃

לב וַהֲמוֹן עָם יָשְׁבוּ סָבִיב לוֹ וַיּׂאמְרוּ אֵלָיו הִנֵּה אִמְּךָ וְאַחֶיךָ בַּחוּץ וּמְבַקְשִׁים אוֹתָךְ׃

לג וַיַּעַן וַיּאׂמֶר אֲלֵיהֶם מִי הֵם אִמִּי וְאֶחָי׃

לד וַיְּפֶן וַיַּבֵּט אֶל־הַיּׂשְׁבִים סְבִיבָיו וַיּאׂמַר הִנֵּה אִמִּי וְאֶחַי׃

לה כִּי כָּל־אֲשֶׁר יֵעֲשֶׂה רְצוֹן הָאֱלׂהִים הוּא אָחִי וַאֲחוֹתִי וְאִמִּי׃