Mark 11

א וַיְהִי כַּאֲשֶׁר קָרְבוּ לִירוּשָׁלַיִם אֶל־בֵּית־פַּגֵּי וּבֵית־הִינִי אֶל־הַר הַזֵּיתִים וַיִּשְׁלַח שְׁנַיִם מִתַּלְמִידָיו׃

ב וַיּׂאמֶר אֲלֵיהֶם לְכוּ אֶל־הַכְּפָר אֲשֶׁר מִמּוּלְכֶם וְהָיָה כְּבֹאֲכֶם שָׁמָּה וּמְצָאתֶם עַיִר אָסוּר אֲשֶׁר לׂא־יָשַּׁב עָלָיו אָדָם אוֹתוֹ הַתִּירוּ וְהָבִיאוּ׃

ג וְכִי־יׂאמַר אֲלֵיכֶם אִישׁ לָמָּה תַעֲשׂוּ זׂאת וַאֲמַרְתֶּם הָאָדוֹן צָרִיךְ לוֹ וְהוּא מַהֵר יְשַׁלְּחֶנּוּ הֵנָּה׃

ד וַיֵּלְכוּ וַיִּמְצְאוּ הָעַיִר אָסוּר אֶל־הַשַּׁעַר בַּחוּץ עַל־אֵם הַדָּרֶךְ וַיַּתִּירוּהוּ׃

ה וַאֲנָשִׁים מִן־הָעׂמְדִים שָׁם אָמְרוּ אֲלֵיהֶם מַה־זׂאת עֲשִׂיתֶם לְהַתִּיר אֶת־הָעָיִר׃

ו וַיּׂאמְרוּ אֲלֵיהֶם כַּאֲשֶׁר צִוָּה יֵשׁוּעַ וַיַּנִּיחוּ לָהֶם׃

ז וַיָּבִיאוּ אֶת־הָעַיִר אֶל־יֵשׁוּעַ וַיָּשִׂימוּ עָלָיו אֶת־בִּגְדֵיהֶם וַיֵּשֶׁב עָלָיו׃

ח וְרַבִּים פָּרְשׂוּ אֶת־בִּגְדֵיהֶם עַל־הַדָּרֶךְ וַאֲחֵרִים כָּרְתוּ עֲנָפִים מִן־הָעֵצִים וַיִּשְׁטְחוּ עַל־הַדָּרֶךְ׃

ט וְהַהׂלְכִים לְפָנָיו וְאַחֲרָיו צָעֲקוּ לֵאמׂר הוֹשַׁע־נָא בָּרוּךְ הַבָּא בְּשֵׁם יְהוֹה׃

י בְּרוּכָה מַלְכוּת דָּוִד אָבִינוּ הַבָּאָה (בְּשֵׁם יְהוֹה) הוֹשַׁע־נָא בַּמְּרוֹמִים׃

יא וַיָּבֹא יֵשׁוּעַ יְרוּשָׁלַיִם אֶל־בֵּית הַמִּקְדָּשׁ וַיַּרְא וַיִּתְבּוֹנֵן עַל־הַכּׂל וְהַיּוֹם רָפָה לַעֲרוֹב וַיֵּצֵא אֶל־בֵּית־הִינִי עִם־שְׁנֵים הֶעָשָׂר׃

יב וַיְהִי מִמָּחֳרָת בְּצֵאתָם מִבֵּית־הִינִי וַיִּרְעָב׃

יג וַיַּרְא תְּאֵנָה מֵרָחוֹק וְלָהּ עָלִים וַיָּבֹא לִרְאוֹת הֲיִמְצָא־בָהּ פֶּרִי וַיִּקְרַב אֵלֶיהָ וְלׂא־מָצָא בָהּ כִּי אִם־עָלִים כִּי לׂא הָיְתָה עֵת תְּאֵנִים׃

יד וַיַּעַן וַיּׂאמֶר אֵלֶיהָ מֵעַתָּה אִישׁ אַל־יׂאכַל פְּרִי מִמֵּךְ עַד־עוֹלָם וַיִּשְׁמְעוּ תַּלְמִידָיו׃

טו וַיָּבֹאוּ יְרוּשָׁלָיִם וַיָּבֹא יֵשׁוּעַ אֶל־בֵּית הַמִּקְדָּשׁ וַיָּחֶל לְגָרֵשׁ מִשָּׁם אֶת־הַמּוֹכְרִים וְאֶת־הַקּוֹנִים בַּמִּקְדָּשׁ וְאֶת־שֻׁלְחֲנוֹת הַשֻּׁלְחָנִים וְאֶת־מוֹשְׁבוֹת מׂכְרֵי הַיּוֹנִים הָפָךְ׃

טז וְלׂא הִנִּיחַ לְאִישׁ לָשֵׂאת כְּלִי דֶּרֶךְ הַמִּקְדָּשׁ׃

יז וַיְלַמֵּד וַיּׂאמֶר לָהֶם הֲלׂא כָתוּב כִּי בֵיתִי בֵּית תְּפִלָּה יִקָּרֵא לְכָל־הָעַמִּים וְאַתֶּם עֲשִׂיתֶם אׂתוֹ מְעָרַת פָּרִיצִים׃

יח וַיִּשְׁמְעוּ הַסּוֹפְרִים וְרָאשֵׁי הַכּׂהֲנִים וַיִּתְנַכְּלוּ אׂתוֹ לְהַשְׁמִידוֹ כִּי יָרְאוּ מִפָּנָיו יַעַן אֲשֶׁר כָּל־הָעָם מִשְׁתּוֹמְמִים עַל־תּוֹרָתוֹ׃

יט וַיְהִי בָּעָרֶב וַיֵּצֵא אֶל־מִחוּץ לָעִיר׃

כ וַיְהִי הֵם עׂבְרִים בַּבֹּקֶר וַיִּרְאוּ אֶת־הַתְּאֵנָה כִּי יָבְשָׁה מִשָּׁרָשֶׁיהָ׃

כא וַיִּזְכּׂר פֶּטְרוֹס וַיּׂאמֶר אֵלָיו רַבִּי הִנֵּה הַתְּאֵנָה אֲשֶׁר אֵרַרְתָּהּ יָבֵשָׁה׃

כב וַיַּעַן יֵשׁוּעַ וַיּׂאמֶר אֲלֵיהֶם תְּהִי־נָא בָכֶם אֱמוּנַת אֱלׂהִים׃

כג כִּי־אָמֵן אׂמֵר אֲנִי לָכֶם כָּל־אֲשֶׁר יׂאמַר אֶל־הָהָר הַזֶּה הִנָּשֵׂא וְהֵעָתֵק אֶל־תּוֹךְ הַיָּם וְאֵין סָפֵק בִּלְבָבוֹ כִּי אִם־יַאֲמִין כִּי יֵעָשֶׂה דְבָרוֹ כֵּן־יִהְיֶה־לּוֹ כַּאֲשֶׁר אָמָר׃

כד עַל־כֵּן אֲנִי אׂמֵר לָכֶם כּׂל אֲשֶׁר תִּשְׁאֲלוּ בִתְפִלַּתְכֶם הַאֲמִינוּ כִּי תִקָּחוּ וִיהִי לָכֶם׃

כה וְכִי תַעַמְדוּ לְהִתְפַּלֵּל תִּמְחֲלוּ לְכָל־אִישׁ אֵת אֲשֶׁר בִּלְבַבְכֶם עָלָיו לְמַעַן יִסְלַח אֲבִיכֶם שֶׁבַּשָּׁמַיִם גַּם־הוּא לְפִשְׁעֵיכֶם׃

כו וְאַתֶּם אִם־לׂא תִמְחֲלוּ אַף־אֲבִיכֶם שֶׁבַּשָּׁמַיִם לׂא־יִסְלַח לְפִשְׁעֵיכֶם׃

כז וַיָּשׁוּבוּ וַיָּבֹאוּ יְרוּשָׁלָיִם וַיְהִי הוּא מִתְהַלֵּךְ בַּמִּקְדָּשׁ וַיָּבֹאוּ אֵלָיו רָאשֵׁי הַכּׂהֲנִים וְהַסּוֹפְרִים וְהַזְּקֵנִים׃

כח וַיּׂאמְרוּ אֵלָיו בְּאֵי־זוֹ רְשׁוּת אַתָּה עׂשֶׂה אֵלֶּה וּמִי נָתַן לְךָ אֶת־הָרְשׁוּת הַזּׂאת לַעֲשׂוֹת אֶת־אֵלֶּה׃

כט וַיַּעַן יֵשׁוּעַ וַיּׂאמֶר אֲלֵיהֶם גַּם־אֲנִי אֶשְׁאֲלָה אֶתְכֶם דָּבָר אֶחָד וְאַתֶּם הֲשִׁיבוּנִי וְאׂמַר לָכֶם בְּאֵי־זוֹ רְשׁוּת אֲנִי עׂשֶׂה אֵלֶּה׃

ל טְבִילַת יוֹחָנָן הֲמִשָּׁמַיִם הָיָתָה אִם־מִבְּנֵי אָדָם הֲשִׁיבוּנִי׃

לא וַיִּוָּעֲצוּ יַחְדָּו לֵאמׂר אִם־נׂאמַר מִשָּׁמַיִם יׂאמַר מַדּוּעַ אֵפוֹא לׂא הֶאֱמַנְתֶּם בּוֹ׃

לב אוֹ הֲנׂאמַר מִבְּנֵי־אָדָם וַיִּירְאוּ אֶת־הָעָם כִּי־כֻלָּם חָשְׁבוּ אֶת־יוֹחָנָן לְנָבִיא בֶּאֱמֶת׃

לג וַיַּעֲנוּ וַיּׂאמְרוּ אֶל־יֵשׁוּעַ לׂא יָדָעְנוּ וַיַּעַן יֵשׁוּעַ וַיּׂאמֶר אֲלֵיהֶם אִם־כֵּן גַּם־אֲנִי לׂא אׂמַר לָכֶם בְּאֵי־זוֹ רְשׁוּת אֲנִי עׂשֶׂה אֵלֶּה׃