Mark 12

א וַיָּחֶל לְדַבֵּר אֲלֵיהֶם בִּמְשָׁלִים לֵאמׂר אִישׁ אֶחָד נָטַע כֶּרֶם וַיַּעַשׂ גָּדֵר סָבִיב וַיַּחְצׂב יֶקֶב וַיִּבֶן מִגְדָּל וַיִּתְּנֵהוּ אֶל־כּׂרְמִים וַיֵּלֶךְ לְמֶרְחַקִּים׃

ב וְלַמּוֹעֵד שָׁלַח עֶבֶד אֶל־הַכּׂרְמִים לָקַחַת מֵאֵת הַכּׂרְמִים מִפְּרִי הַכָּרֶם׃

ג וַיּׂאחֲזֻהוּ וַיַּכֻּהוּ וַיְשַׁלְּחֻהוּ רֵיקָם׃

ד וַיּׂסֶף לִשְׁלׂחַ אֲלֵיהֶם עֶבֶד אַחֵר וְאׂתוֹ (סָקְלוּ בָאֲבָנִים וּ) מָחֲצוּ רׂאשׁוֹ וַיְשַׁלְּחֻהוּ בְּחֶרְפָּה׃

ה וַיּׂסֶף וַיִּשְׁלַח אַחֵר וְגַם־אׂתוֹ הָרָגוּ וְכֵן עָשׂוּ לְרַבִּים אֲחֵרִים מֵהֶם הִכּוּ וּמֵהֶם הָרָגוּ׃

ו וְלוֹ עוֹד בֵּן יָחִיד אֲשֶׁר אֲהֵבוֹ וַיִּשְׁלַח גַּם־אׂתוֹ אֲלֵיהֶם בָּאַחֲרׂנָה כִּי־אָמַר מִפְּנֵי בְנִי יָגוּרוּ׃

ז וְהַכּׂרְמִים הָהֵם אָמְרוּ אִישׁ אֶל־רֵעֵהוּ הִנֵּה־זֶה הוּא הַיּוֹרֵשׁ לְכוּ וְנַהַרְגֵהוּ וְהַיְרֻשָּׁה תִּהְיֶה לָּנוּ׃

ח וַיּׂאחֲזֻהוּ וַיַּהַרְגוּ אוֹתוֹ וַיַּשְׁלִיכֻהוּ אֶל־מִחוּץ לַכָּרֶם׃

ט וְעַתָּה מַה־יַּעֲשֶׂה בַּעַל הַכָּרֶם הֲלׂא יָבוֹא וִיאַבֵּד אֶת־הַכּׂרְמִים הָהֵם וְנָתַן אֶת־הַכֶּרֶם לַאֲחֵרִים׃

י הֲלׂא קְרָאתֶם אֶת־הַכָּתוּב הַזֶּה אֶבֶן מָאֲסוּ הַבּוֹנִים הָיְתָה לְרׂאשׁ פִּנָּה׃

יא מֵאֵת יְהוֹה הָיְתָה זּׂאת הִיא נִפְלָאת בְּעֵינֵינוּ׃

יב וַיְבַקְשׁוּ לְתָפְשׂוֹ וַיִּירְאוּ מִפְּנֵי הָעָם יַעַן אֲשֶׁר־הֵבִינוּ כִּי עֲלֵיהֶם דִּבֶּר אֶת־הַמָּשָׁל הַזֶּה וַיַּנִּיחֻהוּ וַיֵּלֵכוּ׃

יג וַיִּשְׁלְחוּ אֵלָיו אֲנָשִׁים מִן־הַפְּרוּשִׁים וּמֵאַנְשֵׁי הוֹרְדוֹס לִתְפּׂשׂ אׂתוֹ בִּדְבָרוֹ׃

יד וַיָּבֹאוּ וַיּׂאמְרוּ אֵלָיו רַבִּי יָדַעְנוּ כִּי־אִישׁ אֱמֶת אַתָּה וְלׂא־תָגוּר מִפְּנֵי אִישׁ כִּי לׂא תִּשָׂא פְּנֵי אִישׁ וּבֶאֱמֶת מוֹרֶה אַתָּה אֶת־דֶּרֶךְ הָאֱלׂהִים הֲנָכוֹן לָתֵת מַס אֶל־קֵיסָר אִם־לׂא הֲנִּתֵּן אִם־לׂא נִתֵּן׃

טו וְהוּא יָדַע אֶת־חֲנֻפָּתָם וַיּׂאמֶר אֲלֵיהֶם מַה־תְּנַסּוּנִי הָבִיאוּ אֵלַי דִּינָר וְאֶרְאֶה׃

טז וַיָּבִיאוּ וַיּׂאמֶר אֲלֵיהֶם הַצּוּרָה הַזּׂאת וְהַמִּכְתָּב אֲשֶׁר עָלָיו שֶׁל־מִי הֵם וַיּׂאמְרוּ אֵלָיו שֶׁל־קֵיסָר׃

יז וַיַּעַן יֵשׁוּעַ וַיּׂאמֶר אֲלֵיהֶם אֵת אֲשֶׁר לְקֵיסָר תְּנוּ לְקֵיסָר וְאֵת אֲשֶׁר לֵאלׂהִים תְּנוּ לֵאלׂהִים וַיִּתְמְהוּ עָלָיו׃

יח וַיָּבֹאוּ אֵלָיו מִן־הַצְדּוּקִים הָאׂמְרִים אֵין תְּחִיַּת הַמֵּתִים וַיִּשְׁאָלֻהוּ לֵאמׂר׃

יט רַבִּי משֶׁה כָּתַב לָנוּ כִּי יָמוּת אֲחִי־אִישׁ וְהִנִּיחַ אִשָּׁה וּבָנִים אֵין לוֹ וְלָקַח אָחִיו אֶת־אִשְׁתּוֹ וְהֵקִים זֶרַע לְאָחִיו׃

כ וְהִנֵּה שִׁבְעָה אַחִים וַיִּקַּח הָרִאשׁוֹן אִשָּׁה וַיָּמָת וְלׂא־הִשְׁאִיר אַחֲרָיו זָרַע׃

כא וַיִּקַּח אׂתָהּ הַשֵּׁנִי וַיָּמָת וְלׂא־הִנִּיחַ זָרַע וְכֵן גַּם הַשְּׁלִישִׁי׃

כב וַיִּקָּחוּהָ כָּל־הַשִּׁבְעָה וְלׂא־הִשְׁאִירוּ אַחֲרֵיהֶם זָרַע וְאַחֲרׂנָה לְכֻלָּם מֵתָה גַּם הָאִשָּׁה׃

כג וְעַתָּה בִּתְחִיַּת הַמֵּתִים כְּשֶׁיָּקוּמוּ לְמִי מֵהֶם תִּהְיֶה לְאִשָּׁה כִּי לַשִּׁבְעָה הָיְתָה לְאִשָּׁה׃

כד וַיּׂאמֶר יֵשׁוּעַ אֲלֵיהֶם הֲלׂא טׂעִים אַתֶּם בַּאֲשֶׁר לׂא יְדַעְתֶּם אֶת־הַכְּתוּבִים וְלׂא אֶת־גְּבוּרַת הָאֱלׂהִים׃

כה כִּי בְּעֵת קוּמָם מִן־הַמֵּתִים לׂא יִשְׂאוּ נָשִׁים וְלׂא תִּנָּשֶׂאנָה כִּי־יִהְיוּ כְּמַלְאֲכֵי הַשָּׁמָיִם׃

כו וְעַל־דְּבַר הַמֵּתִים שֶׁיָּקוּמוּ הֲלׂא קְרָאתֶם בְּסֵפֶר משֶׁה בַּסְּנֶה אֶת אֲשֶׁר־דִּבֶּר אֵלָיו הָאֱלׂהִים לֵאמׂר אָנׂכִי אֱלׂהֵי אַבְרָהָם וֵאלׂהֵי יִצְחָק וֵאלׂהֵי יַעֲקׂב׃

כז הָאֱלׂהִים אֵינֶנּוּ אֱלׂהֵי הַמֵּתִים כִּי אִם־אֱלׂהֵי הַחַיִּים לָכֵן טוֹעִים אַתֶּם הַרְבֵּה׃

כח וְאֶחָד מִן־הַסּוֹפְרִים שָׁמַע אׂתָם מִתְוַכְּחִים וַיִּקְרַב אֲלֵיהֶם וַיַּרְא כִּי הֵיטֵב הֱשִׁיבָם וַיִּשְׁאָלֵהוּ מַה־הִיא הָרִאשׁׂנָה לְכָל־הַמִּצְוֹת׃

כט וַיַּעַן אׂתוֹ יֵשׁוּעַ הָרִאשׁׂנָה לְכָל־הַמִּצְוֹת שְׁמַע יִשְׂרָאֵל יְהוֹה אֱלׂהֵינוּ יְהוֹה אֶחָד׃

ל וְאָהַבְתָּ אֵת יְהוֹה אֱלׂהֶיךָ בְּכָל־לְבָבְךָ וּבְכָל־נַפְשְׁךָ וּבְכָל־מַדָּעֲךָ וּבְכָל־מְאׂדֶךָ זׂאת הִיא הַמִּצְוָה הָרִאשׁׂנָה׃

לא וְהַשֵּׁנִית הַדּׂמָה לָהּ וְאָהַבְתָּ לְרֵעֲךָ כָּמוֹךָ וְאֵין מִצְוָה גְּדוֹלָה מֵאֵלֶּה׃

לב וַיּׂאמֶר אֵלָיו הַסּוֹפֵר אָמְנָם רַבִּי יָפֶה דִבַּרְתָּ כִּי אֱלׂהִים אֶחָד הוּא וְאֵין עוֹד מִלְבַדּוֹ׃

לג וּלְאַהֲבָה אׂתוֹ בְּכָל־לֵבָב וּבְכָל־מֵדָע וּבְכָל־נֶפֶשׁ וּבְכָל־מְאׂד וּלְאַהֲבָה אֶת־הָרֵעַ כְּנַפְשְׁךָ גְּדוֹלָה הִיא מִכָּל־עׂלוֹת וּזְבָחִים׃

לד וַיַּרְא יֵשׁוּעַ כִּי־עָנָה בְדַעַת וַיּׂאמֶר אֵלָיו לׂא־רָחוֹק אַתָּה מִמַּלְכוּת הָאֱלׂהִים וְאִישׁ לׂא־עָרַב עוֹד אֶת־לִבּוֹ לִשְׁאׂל אוֹתוֹ שְׁאֵלָה׃

לה וְיֵשׁוּעַ מְלַמֵּד בַּמִּקְדָּשׁ וַיַּעַן וַיּׂאמַר אֵיךְ יׂאמְרוּ הַסּוֹפְרִים כִּי הַמָּשִׁיחַ בֶּן־דָּוִד הוּא׃

לו הֲלׂא דָוִד אָמַר בְּרוּחַ הַקּׂדֶשׁ נְאֻם יְהוֹה לַאֲדׂנִי שֵׁב לִימִינִי עַד־אָשִׁית אׂיְבֶיךָ הֲדׂם לְרַגְלֶיךָ׃

לז הִנֵּה־דָוִד בְּעַצְמוֹ קׂרֵא־לוֹ אָדוֹן וְאֵיךְ הוּא בְנוֹ וַיֶּאֱהַב רׂב הָעָם לִשְׁמׂעַ אׂתוֹ׃

לח וַיּׂאמֶר אֲלֵיהֶם בְּלַמֵּד אׂתָם הִשָּׁמְרוּ מִן־הַסּוֹפְרִים הָאׂהֲבִים לְהִתְהַלֵּךְ עֲטוּפֵי טַלִּית וְשֶׁיִּשְׁאֲלוּ בִשְׁלוֹמָם בַּשְּׁוָקִים׃

לט וְלָשֶׁבֶת רִאשׁׂנִים בְּבָתֵי כְנֵסִיּוֹת וּלְהָסֵב רִאשׁׂנִים בַּסְּעוּדוֹת׃

מ הַבֹּלְעִים אֶת־בָּתֵּי הָאַלְמָנוֹת וּמַאֲרִיכִים בַּתְּפִלָּה לְמַרְאֵה עֵינָיִם הֵמָּה מִשְׁפָּט גָּדוֹל יֶתֶר מְאׂד יִשָּׁפֵטוּ׃

מא וְיֵשׁוּעַ יָשַׁב מִמּוּל אֲרוֹן הָאוֹצָר וְהוּא רׂאֶה אֶת־הָעָם מְשִׂימִים מָעוֹת בַּאֲרוֹן הָאוֹצָר וַעֲשִׁירִים רַבִּים נָתְנוּ הַרְבֵּה׃

מב וַתָּבֹא אַלְמָנָה עֲנִיָּה וַתִּתֵּן שְׁתֵּי פְרוּטוֹת אֲשֶׁר הֵן רֶבַע אִסָּר׃

מג וַיִּקְרָא אֶל־תַּלְמִידָיו וַיּׂאמֶר אֲלֵיהֶם אָמֵן אׂמֵר אֲנִי לָכֶם כִּי הָאַלְמָנָה הָעֲנִיָּה הַזּׂאת נָתְנָה יוֹתֵר מִכָּל־הַנּׂתְנִים אֶל־אֲרוֹן הָאוֹצָר׃

מד כִּי כֻלָּם נָתְנוּ מִן־הָעׂדֵף שֶׁלָּהֶם וְהִיא מִמַּחְסׂרָהּ נָתְנָה כָּל־אֲשֶׁר־לָהּ אֵת כָּל־מִחְיָתָהּ׃