Mark 7

א וַיִּקָּהֲלוּ אֵלָיו הַפְּרוּשִׁים וַאֲנָשִׁים מִן־הַסּוֹפְרִים אֲשֶׁר בָּאוּ מִירוּשָׁלָיִם׃

ב וַיְהִי כִּרְאוֹתָם מִתַּלְמִידָיו אׂכְלִים לֶחֶם בְּיָדַיִם טְמֵאוֹת כְּלוֹמַר בְּלׂא נְטִילָה וַיּוֹכִיחוּ אׂתָם׃

ג כִּי הַפְּרוּשִׁים וְכָל־הַיְּהוּדִים לׂא יׂאכְלוּ עַד־אֲשֶׁר נָטְלוּ אֶת־יְדֵיהֶם עַד־הַפֶּרֶק בְּאָחֳזָם בְּמָה־שֶּׁמָּסְרוּ הַזְּקֵנִים׃

ד וְאֶת אֲשֶׁר מִן־הַשׂוּק אֵינָם אׂכְלִים בְּלׂא טְבִילָה וְעוֹד דְּבָרִים רַבִּים אֲשֶׁר קִבְּלוּ לִשְׁמׂר כְּמוֹ טְבִילַת כּׂסוֹת וְכַדִּים וְיוֹרוֹת (וּמִטּוֹת)׃

ה וַיִּשְׁאֲלוּ אוֹתוֹ הַפְּרוּשִׁים וְהַסּוֹפְרִים מַדּוּעַ תַּלְמִידֶיךָ אֵינָם נׂהֲגִים כְּפִי מַסּׂרֶת הַזְּקֵנִים כִּי־אׂכְלִים לֶחֶם בְּלׂא נְטִילַת יָדָיִם׃

ו וַיַּעַן וַיּׂאמֶר אֲלֵיהֶם הֵיטֵב נִבָּא יְשַׁעְיָהוּ עֲלֵיכֶם הַחֲנֵפִים כַּכָּתוּב הָעָם הַזֶּה בִּשְׂפָתָיו כִּבְּדוּנִי וְלִבּוֹ רִחַק מִמֶּנִּי׃

ז וְתׂהוּ יִרְאָתָם אׂתִי מִצְוֹת אֲנָשִׁים מְלַמְּדִים׃

ח כִּי עֲזַבְתֶּם אֶת־מִצְוַת אֱלׂהִים לְהַחֲזִיק בְּמַסּׂרֶת בְּנֵי־אָדָם (טְבִילוֹת כַּדִּים וְכׂסוֹת וְכָאֵלֶּה רַבּוֹת אַתֶּם עׂשִׂים)׃

ט וַיּׂאמֶר אֲלֵיהֶם יָפֶה בִטַּלְתֶּם אֶת־מִצְוַת הָאֱלׂהִים כְּדֵי שֶׁתִּשְׁמְרוּ אֶת־הַמַּסּׂרֶת שֶׁלָּכֶם׃

י כִּי־משֶׁה אָמַר כַּבֵּד אֶת־אָבִיךָ וְאֶת־אִמֶּךָ וּמְקַלֵּל אָבִיו וְאִמּוֹ מוֹת יוּמָת׃

יא וְאַתֶּם אׂמְרִים אִישׁ כִּי־יׂאמַר לְאָבִיו וּלְאִמּוֹ קָרְבָּן פֵּרוּשׁוֹ מַתָּנָה לֵאלׂהִים מַה־שֶּׁאַתָּה נֶהֱנֶה לִי׃

יב וְלׂא תַנִּיחוּ לוֹ לַעֲשׂוֹת עוֹד מְאוּמָה לְאָבִיו וּלְאִמּוֹ׃

יג וַתָּפֵרוּ אֶת־דְּבַר הָאֱלׂהִים עַל־יְדֵי קַבָּלַתְכֶם אֲשֶׁר קִבַּלְתֶּם וְהַרְבֵּה כָאֵלֶּה אַתֶּם עׂשִׂים׃

יד וַיִּקְרָא אֶל־כָּל־הָעָם וַיּׂאמֶר אֲלֵיהֶם שִׁמְעוּ אֵלַי כֻּלְּכֶם וְהָבִינוּ׃

טו אֵין דָּבָר מִחוּץ לְאָדָם אֲשֶׁר יוּכַל לְטַמֵּא אוֹתוֹ בְּבֹאוּ אֶל־קִרְבּוֹ כִּי אִם־הַדְּבָרִים הַיּוֹצְאִים מִמֶּנּוּ הֵמָּה יְטַמְּאוּ אֶת־הָאָדָם׃

טז כָּל־אֲשֶׁר אָזְנַיִם לוֹ לִשְׁמׂע יִשְׁמָע׃

יז וַיְהִי כַּאֲשֶׁר שָׁב הַבַּיְתָה מִן־הֶהָמוֹן וַיִּשְׁאָלֻהוּ תַלְמִידָיו עַל־דְּבַר הַמָּשָׁל׃

יח וַיּׂאמֶר אֲלֵיהֶם הַאַף־אַתֶּם חַסְרֵי בִינָה הֲלׂא תַשְׂכִּילוּ כִּי כָל־הַבָּא אֶל־תּוֹךְ הָאָדָם מִחוּצָה לוֹ לׂא יְטַמְּאֶנּוּ׃

יט כִּי לׂא־יָבוֹא בְלִבּוֹ כִּי אִם־בִּכְרֵשׂוֹ וְיֵצֵא אֶל־בֵּית הַכִּסֵּא הַמְנַקֶּה כָל־הַנֶּאֱכָל׃

כ וַיּׂאמַר הַיּׂצֵא מִן־הָאָדָם הוּא מְטַמֵּא אֶת־הָאָדָם׃

כא כִּי מִקֶּרֶב הָאָדָם מִלִּבּוֹ יׂצְאוֹת הַמַּחֲשָׁבוֹת הָרָעוֹת נָאׂף וְזָנׂה וְרָצוֹחַ׃

כב וְגָנוֹב וְאַהֲבַת בֶּצַע וְרִשְׁעָה וּרְמִיָּה וְזוֹלֲלוּת וְעַיִן רָעָה וְגִדּוּף וְזָדוֹן וְסִכְלוּת׃

כג כָּל־הָרָעוֹת הָאֵלֶּה מִקֶּרֶב הָאָדָם הֵן יוֹצְאוֹת וּמְטַמְּאוֹת אׂתוֹ׃

כד וַיָּקָם מִשָּׁם וַיֵּלֶךְ לוֹ אֶל־גְּבוּלוֹת צוֹר וְצִידוֹן וּבְבוֹאוֹ הַבַּיְתָה לׂא אָבָה שֶׁיִּוָּדַע לְאִישׁ וְלׂא יָכׂל לְהִסָּתֵר׃

כה כִּי אִשָּׁה אֲשֶׁר רוּחַ טֻמְאָה נִכְנְסָה בְּבִתָּהּ הַקְּטַנָּה שָׁמְעָה אֶת־שִׁמְעוֹ וַתָּבֹא וַתִּפּׂל לְרַגְלָיו׃

כו וְהָאִשָּׁה יְוָנִית וְאֶרֶץ מוֹלַדְתָּהּ פְנִיקְיָא אֲשֶׁר לְסוּרְיָא וְתְּבַקֵּשׁ מִמֶּנּוּ לְגָרֵשׁ אֶת־הַשֵּׁד מִבִּתָּהּ׃

כז וַיּׂאמֶר אֵלֶיהָ יֵשׁוּעַ הַנִּיחִי לַבָּנִים לִשְׂבֹּעַ בָּרִאשׁוֹנָה כִּי לׂא־טוֹב לָקַחַת לֶחֶם הַבָּנִים וּלְהַשְׁלִיכוֹ לִצְעִירֵי הַכְּלָבִים׃

כח וַתַּעַן וַתּׂאמֶר אֵלָיו כֵּן אֲדׂנִי אֲבָל גַּם־צְעִירֵי הַכְּלָבִים יׂאכְלוּ תַּחַת הַשֻּׁלְחָן מִפֵּרוּרֵי לֶחֶם הַבָּנִים׃

כט וַיּׂאמֶר אֵלֶיהָ בִּגְלַל דְּבָרֵךְ זֶה לְכִי־לָךְ יָצָא הַשֵּׁד מִבִּתֵּךְ׃

ל וַתָּבֹא אֶל־בֵּיתָהּ וְתִּמְצָא אֶת־הַיַּלְדָּה מֻשְׁכֶּבֶת עַל־הַמִּטָּה וְהַשֵּׁד יָצָא מִמֶּנָּה׃

לא וַיָּשָׁב וַיֵּצֵא מִגְּבוּל צוֹר וְצִידוֹן וַיָּבֹא אֶל־יָם הַגָּלִיל בְּתוֹךְ גְּבוּל עֶשֶׂר הֶעָרִים׃

לב וַיָּבִיאוּ אֵלָיו אִישׁ אֲשֶׁר הָיָה חֵרֵשׁ וְאִלֵּם וַיִּתְחַנֲנוּ לוֹ לָשׂוּם עָלָיו אֶת־יָדוֹ׃

לג וַיִּקַּח אׂתוֹ לְבַדּוֹ מִקֶּרֶב הֶהָמוֹן וַיָּשֶׂם אֶת־אֶצְבְּעוֹתָיו בְּאָזְנָיו וַיָּרָק וַיַּגַּע עַל־לְשׁׂנוֹ׃

לד וַיַּבֵּט הַשָּׁמַיְמָה וַיֵּאָנַח וַיּׂאמֶר אֵלָיו אִפַּתַּח וּפֵרוּשׁוֹ הִתְפַּתֵּחַ׃

לה וּבְרֶגַע נִפְתְּחוּ אָזְנָיו וַיֻּתַּר אֵסוּר לְשׁוֹנוֹ וַיְדַבֵּר בְּשָׂפָה בְרוּרָה׃

לו וַיְצַו עֲלֵיהֶם שֶׁלּא־יַגִּידוּ לְאִישׁ וְכַאֲשֶׁר יַזְהִירֵם כֵּן יַרְבּוּ לְהַשְׁמִיעַ׃

לז וַיִּשְׁתּוֹמֲמוּ עַד־מְאׂד וַיּׂאמְרוּ אֶת־הַכּׂל עָשָׂה יָפֶה גַּם־הַחֵרְשִׁים הוּא עׂשֶׂה לְשׁׂמְעִים גַּם־הָאִלְּמִים לִמְדַבְּרִים׃