Romans 7

א אוֹ הֲלׂא יְדַעְתֶּם אֶחָי כִּי לְיׂדְעֵי הַתּוֹרָה אֲנִי מְדַבֵּר כִּי הַתּוֹרָה תִּשְׁלַט עַל־הָאָדָם כָּל־יְמֵי חַיָּיו׃

ב כִּי אֵשֶׁת אִישׁ מִן הַתּוֹרָה זְקוּקָה לְבַעְלָהּ בְּחַיָּיו וּבְמוֹת בַּעְלָהּ פְּטוּרָה הִיא מִדִּין בַּעְלָהּ׃

ג וְעַל־כֵּן אִם־תִּהְיֶה לְאִישׁ אַחֵר בְְּחַיֵּי בַעְלָהּ נׂאֶפֶת יִקָּרֵא לָהּ וּבְמוֹת בַּעְלָהּ חָפְשִׁית הִיא מִן־הַתּוֹרָה וְאֵינֶנָּה נׂאֶפֶת בִּהְיוֹתָהּ לְאִישׁ אַחֵר׃

ד וְכֵן אַחַי גַּם־אַתֶּם הֱיִיתֶם כַּמֵּתִים לַתּוֹרָה בִּגְוִיַּת הַמָּשִׁיחַ לִהְיוֹת לְאַחֵר לַאֲשֶׁר נֵעוֹר מִן־הַמֵּתִים לְמַעַן נַעֲשֶׂה־פְּרִי לֵאלׂהִים׃

ה כִּי בְּעֵת הֱיוֹתֵנוּ בַבָּשָׂר תְּשׁוּקוֹת הַחֲטָאִים אֲשֶׁר הִתְעוֹרֲרוּ עַל־יְדֵי הַתּוֹרָה הָיוּ פׂעֲלוֹת בְּאֵבָרֵינוּ לַעֲשׂוֹת פְּרִי לַמָּוֶת׃

ו אֲבָל עַתָּה פְּטוּרִים אֲנַחְנוּ מִן־הַתּוֹרָה כִּי מַתְנוּ לַאֲשֶׁר הָיִינוּ זְקוּקִים לוֹ לְמַעַן נַעֲבֹד מֵעַתָּה לְפִי חִדּוּשׁ הָרוּחַ וְלׂא לְפִי־ישֶׁן הַכְּתָב׃

ז אִם־כֵּן הֲנׂאמַר שֶׁהַתּוֹרָה חֵטְא הִיא חָלִילָה אֶלָּא לׂא יָדַעְתִּי אֶת־הַחֵטְא בִּלְתִּי עַל־יְדֵי הַתּוֹרָה כִּי לׂא־הָיִיתִי יוֹדֵעַ הַחִמּוּד לוּלֵי אָמְרָה הַתּוֹרָה לׂא תַחְמׂד׃

ח וְהַחֵטְא מָצָא לוֹ סִבָּה בַמִּצְוָה לְעוֹרֵר בְּקִרְבִּי כָּל־חִמּוּד כִּי מִבַּלְעֲדֵי הַתּוֹרָה הַחֵטְא מֵת הוּא׃

ט וַאֲנִי הָיִיתִי חַי מִלְּפָנִים בְּלׂא תוֹרָה וּכְשֶׁבָּאָה הַמִּצְוָה וַיְחִי הַחֵטְא׃

י וַאֲנִי מַתִּי וְנִמְצָא שֶׁהַמִּצְוָה אֲשֶׁר נִתְּנָה לַחַיִּים הָיְתָה לִּי לַמָּוֶת׃

יא כִּי־מָצָא הַחֵטְא סִבָּה בַמִּצְוָה לְהַתְעוֹת אׂתִי וַיְמִיתֵנִי עַל־יָדָהּ׃

יב וּבְכֵן הַתּוֹרָה הִיא קְדוֹשָׁה וְהַמִּצְוָה קְדוֹשָׁה וִישָׁרָה וְטוֹבָה׃

יג הֲכִי הַטּוֹבָה הָיְתָה־לִּי לַמָּוֶת חָלִילָה אֶלָּא הַחֵטְא כְּדֵי שֶׁיֵּרָאֶה הַחֵטְא בַּהֲבִיאוֹ לִי הַמָּוֶת מִן־הַטּוֹבָה כְּדֵי שֶׁיִּהְיֶה הַחֵטְא לַחֲטָאָה יְתֵרָה עַל־יְדֵי הַמִּצְוָה׃

יד כִּי יׂדְעִים אֲנַחְנוּ שֶׁהַתּוֹרָה רוּחָנִית וַאֲנִי בָשָׂר וְנִמְכָּר בְּיַד־הַחֵטְא׃

טו כִּי אֶת־אֲשֶׁר אֲנִי פׂעֵל לׂא יָדַעְתִּי כִּי אֵינֶנִּי עׂשֶׂה אֵת אֲשֶׁר־אֲנִי רׂצֶה בּוֹ כִּי אִם־אֲשֶׁר שָׂנֵאתִי אׂתוֹ אֲנִי עׂשֶׂה׃

טז וּבַעֲשׂוֹתִי אֵת אֲשֶׁר לׂא־רָצִיתִי הִנְנִי מוֹדֶה כִּי הַתּוֹרָה טוֹבָה הִיא׃

יז וְעַתָּה לׂא־אֲנִי עוֹד הַפּׂעֵל אׂתוֹ כִּי אִם־הַחֵטְא הַשּׁׂכֵן בְּקִרְבִּי׃

יח כִּי יָדַעְתִּי אֲשֶׁר־בִּי בִּבְשָׂרִי לׂא יִשְׁכּׂן טוֹב כִּי רׂצֶה אֲנִי לַעֲשׂוֹת הַטּוֹב וְלׂא אֶמְצָא׃

יט כִּי אֵינֶנִּי עׂשֶׂה הַטּוֹב אֲשֶׁר־אֲנִי רׂצֶה כִּי אִם־הָרַע אֲשֶׁר אֵינֶנִּי רׂצֶה אוֹתוֹ אֲנִי עׂשֶׂה׃

כ וְאִם אֶת־אֲשֶׁר לׂא־רָצִיתִי אֲנִי עׂשֶׂה לׂא־עוֹד אֲנִי הַפּׂעֵל כִּי אִם־הַחֵטְא הַשּׁׂכֵן בְּקִרְבִּי׃

כא וּבְכֵן מׂצֵא־אֲנִי בִי זֶה הַחׂק אָנׂכִי רׂצֶה לַעֲשׂוֹת הַטּוֹב וְדָבַק־בִּי הָרָע׃

כב כִּי לְפִי הָאָדָם הַפְּנִימִי חָפַצְתִּי בְּתוֹרַת אֱלׂהִים׃

כג אֲבָל רׂאֶה־אֲנִי בְאֵבָרַי חׂק אַחֵר הַלּחֵם לְחָק־שִׂכְלִי וְיוֹלִיכֵנִי שְׁבִי לְתוֹרַת הַחֵטְא אֲשֶׁר בְּאֵבָרָי׃

כד אוֹי־לִי הָאָדָם הֶעָנִי מִי יַצִּילֵנִי מִגּוּף הַמָּוֶת הַזֶּה׃

כה אֲבָרְכָה אֶת־הָאֱלׂהִים בְּיֵשׁוּעַ הַמָּשִׁיחַ אֲדׂנֵינוּ׃

כו וּבְכֵן בְּשִׂכְלִי הִנְנִי עֶבֶד לְתוֹרַת הָאֱלׂהִים וּבִבְשָׂרִי אֲנִי עֶבֶד לְתוֹרַת הַחֵטְא׃