Romans 11

א וּבְכֵן אׂמֵר אֲנִי הֲזָנַח הָאֱלׂהִים אֶת־עַמּוֹ חָלִילָה כִּי גַם־אָנׂכִי יִשְׂרְאֵלִי מִזֶּרַע אַבְרָהָם לְמַטֵּה בִנְיָמִין׃

ב לׂא־זָנַח הָאֱלׂהִים אֶת־עַמּוֹ אֲשֶׁר יְדָעוֹ מִקֶּדֶם הֲלׂא תֵדְעוּ אֶת־אֲשֶׁר הַכָּתוּב אׂמֵר בְּאֵלִיָּהוּ וְהוּא צׂעֵק אֶל־הָאֱלׂהִים עַל־יִשְׂרָאֵל לֵאמׂר׃

ג יְהוָֹה אֶת־נְבִיאֶיךָ הָרְגוּ וְאֶת־מִזְבְּחׂתֶיךָ הָרָסוּ וָאִוָּתֵר אֲנִי לְבַדִּי וַיְבַקְשׁוּ אֶת־נַפְשִׁי׃

ד וּמֶה־עָנָה אׂתוֹ דְּבַר אֱלׂהִים הִשְׁאַרְתִּי לִי שִׁבְעַת אֲלָפִים אִישׁ אֲשֶׁר לׂא־כָרְעוּ לַבָּעַל׃

ה וְכֵן גַּם־בְּיָמֵינוּ נִשְׁאֲרָה שְׁאֵרִית כִּבְחִירַת הֶחָסֶד׃

ו וְאִם עַל־יְדֵי הַחֶסֶד לׂא הָיְתָה מִתּוֹךְ הַמַּעֲשִׂים כִּי אִם־כֵּן הַחֶסֶד אֵינֶנּוּ־עוֹד חָסֶד (וְאִם־הָיְתָה מִתּוֹךְ הַמַּעֲשִׂים אֵינֶנּוּ־עוֹד חֶסֶד כִּי אִם־כֵּן הַמַּעֲשֶׂה יֶחְדַּל לִהְיוֹת מַעֲשֶׂה)׃

ז וְעַתָּה מַה־הוּא אֵת אֲשֶׁר־בִּקֵּשׁ יִשְׂרָאֵל לׂא הִשִׂיג רַק הַנִּבְחָרִים הֵם הִשִׂיגוּ וְהָאֲחֵרִים הִשְׁמִינוּ לְבָבָם׃

ח כַּכָּתוּב נָתַן לָהֶם הָאֱלׂהִים רוּחַ תַּרְדֵּמָה עֵינַיִם לׂא לִרְאוֹת וְאָזְנַיִם לׂא לִשְׁמׂעַ עַד־הַיּוֹם הַזֶּה׃

ט וְדָוִד אׂמֵר יְהִי שֻׁלְחָנָם לְפַח וּלְרֶשֶׁת וּלְמוֹקֵשׁ וּלְשִׁלּוּמִים לָהֶם׃

י תֶּחְשַׁכְנָה עֵינֵיהֶם מֵרְאוֹת וּמָתְנֵיהֶם תָּמִיד הַמְעַד׃

יא וְעַתָּה אֲנִי אׂמֵר הֲנִכְשְׁלוּ לְמַעַן יִפּׂלוּ חָלִילָה כִּי בְפִשְׁעָם בָּאָה הַיְשׁוּעָה לַגּוֹיִם לְמַעַן הַקְנִיאָם׃

יב וְאִם־פִּשְׁעָם הָיָה לְעשֶׁר הָעוֹלָם וְנִזְקָם לְעשֶׁר הַגּוֹיִם מְלׂאָם עַל־אַחַת כַּמָּה וְכַמָּה׃

יג וַאֲלֵיכֶם הַגּוֹיִם אֲנִי מְדַבֵּר וּכְפִי הֱיוֹתִי שָׁלִיחַ לַגּוֹיִם אֶת־שֵׁרוּתִי אֲכַבֵּד׃

יד אוּלַי אוּכַל לְהַקְנִיא אֶת בְּנֵי־עַמִּי וּלְהוֹשִׁיעַ מִקְצָתָם׃

טו כִּי אִם־דְּחִיָּתָם רִצּוּי לָעוֹלָם מָה־אֵפוֹא תִּהְיֶה אֲסֵפָתָם הֲלׂא חַיִּים מִן־הַמֵּתִים׃

טז וְאִם־הַתְּרוּמָה קׂדֶשׁ הָעִסָּה קׂדֶשׁ כָּמוֹהָ וְאִם־הַשּׁׂרֶשׁ קׂדֶשׁ הָעֲנָפִים קׂדֶשׁ כָּמוֹהוּ׃

יז וְכִי נִקְּפוּ מִקְצָת הָעֲנָפִים וְאַתָּה זֵית הַיַּעַר הֻרְכַּבְתָּ תַחְתֵּיהֶם וְנִתְחַבַּרְתָּ לְשׁׂרֶשׁ הַזַּיִת וּלְדִשְׁנוֹ׃

יח אַל־תִּתְפָּאֵר עַל־הָעֲנָפִים וְאִם־תִּתְפָּאֵר דַּע שָׁאַתָּה לׂא תִשָׂא אֶת־הַשּׁׂרֶשׁ כִּי אִם־הַשּׁׂרֶשׁ נׂשֵׂא אוֹתָךְ׃

יט וְכִי תׂאמַר הֲלׂא נִקְּפוּ הָעֲנָפִים לְמַעַן אֻרְכַּב אָנִי׃

כ כֵּן הַדָּבָר הֵמָּה נִקְּפוּ עַל־אֲשֶׁר לׂא הֶאֱמִינוּ וְאַתָּה הִנְּךָ קַיָּם עַל־יְדֵי הָאֱמוּנָה אַל־תִּתְגָּאֶה כִּי אִם־יְרָא׃

כא כִּי הִנֵּה הָאֱלׂהִים לׂא־חָס עַל־הָעֲנָפִים הַנּוֹלָדִים מִן־הָעֵץ וְאוּלַי לׂא־יָחוּס גַּם־עָלֶיךָ׃

כב לָכֵן רְאֵה־נָא טוֹבַת אֱלׂהִים וְזַעְמוֹ זַעְמוֹ עַל־הַנּׂפְלִים וְעָלֶיךָ טוֹבָתוֹ אִם־תַּעֲמׂד בְּטוֹבָתוֹ וְאִם־אַיִן גַּם־אַתָּה תִכָּרֵת׃

כג וְגַם־הֵמָּה אִם־לׂא יַעַמְדוּ בְּמִרְיָם יֻרְכָּבוּ כִּי־יָכׂל הָאֱלׂהִים לָשׁוּב לְהַרְכִּיבָם׃

כד הֵן אַתָּה נִגְזַרְתָּ מֵעֵץ אֲשֶׁר בְּטִבְעוֹ זֵית יָעַר וְהֻרְכַּבְתָּ שֶׁלּא כְטֶבַע בְּזַיִת טוֹב עַל־אַחַת כַּמָּה וְכַמָּה שֶׁיֻּרְכְּבוּ אֵלֶּה כְטִבְעָם בַּזַּיִת אֲשֶׁר יָצְאוּ מִמֶּנּוּ׃

כה כִּי לׂא־אֲכַחֵד מִכֶּם אַחַי אֶת־הַסּוֹד הַזֶה פֶּן־תִּהְיוּ חֲכָמִים בְּעֵינֵיכֶם שֶׁיִּשְׂרָאֵל בָּא לִידֵי טִמְטוּם הַלֵּב לְמִקְצָתוֹ עַד כִּי־יִכָּנֵס מְלׂא הַגּוֹיִם׃

כו וְכֵן כָּל־יִשְׂרָאֵל יִוָּשֵׁעַ כַּכָּתוּב וּבָא לְצִיּוֹן גּוֹאֵל וְיָשִׁיב פֶּשַׁע מִיַּעֲקׂב׃

כז וְזׂאת בְּרִיתִי אֲשֶׁר אֶכְרׂת אִתָּם כִּי אֶסְלַח לַעֲוֹנָם׃

כח הֵן בִּדְבַר הַבְּשׂוֹרָה אׂיְבִים הֵם בִּגְלַלְכֶם וּבִדְבַר הַבְּחִירָה חֲבִיבִים הֵם בִּגְלַל הָאָבוֹת׃

כט כִּי לׂא־יִנָּחֵם הָאֱלׂהִים עַל־מַתְּנוֹתָיו וְלׂא עַל־קְרִיאָתוֹ׃

ל כִּי כַּאֲשֶׁר גַּם־אַתֶּם מִלְּפָנִים מַמְרִים הֱיִיתֶם אֶת־פִּי אֱלׂהִים וְעַתָּה הוּחַנְתֶּם בְּמִרְיָם שֶׁל־אֵלֶּה׃

לא כֵּן גַּם־אֵלֶּה עַתָּה מַמְרִים לְמַעַן יֻחַנּוּ גַם־הֵם עַל־יְדֵי חֲנִינַתְכֶם׃

לב כִּי־הָאֱלׂהִים הִסְגִּיר אֶת־כֻּלָּם לַמֶּרִי לְמַעַן יָחׂן אֶת־כֻּלָּם׃

לג מֶה־עָמׂק עשֶׁר חָכְמַת אֱלׂהִים וְעשֶׁר דַּעְתּוֹ מִשְׁפָּטָיו מִי יַחְקׂר וּדְרָכָיו מִי יִמְצָא׃

לד כִּי מִי־תִכֵּן אֶת־רוּחַ יְהוָֹה וְאִישׁ עֲצָתוֹ יוֹדִיעֶנּוּ׃

לה אוֹ מִי הִקְדִּים אׂתוֹ בְדָבָר וִישֻׁלַּם לוֹ׃

לו הֲלׂא מִמֶּנּוּ הַכּׂל וְעַל־יָדוֹ הַכּׂל וְאֵלָיו הַכּׂל וְלוֹ הַכָּבוֹד לְעוֹלָמִים אָמֵן׃