Romans 8

א עַל־כֵּן עַתָּה אֵין־אַשְׁמָה בָאֵלֶּה אֲשֶׁר הֵם בַּמָּשִׁיחַ יֵשׁוּעַ (הַמִּתְהַלְּכִים שֶׁלּא כַבָּשָׂר אֶלָּא לְפִי הָרוּחַ)׃

ב כִּי תוֹרַת רוּחַ הַחַיִּים אֲשֶׁר בַּמָּשִׁיחַ יֵשׁוּעַ הוֹצִיאָה אׂתִי לַחָפְשִׁי מִתּוֹרַת הַחֵטְא וְהַמָּוֶת׃

ג כִּי מַה־שֶּׁלּא יָכְלָה הַתּוֹרָה לַעֲשׂוֹת מִפְּנֵי שֶׁנֶּחֱלַשׁ כּׂחָהּ עַל־יְדֵי הַבָּשָׂר אׂתוֹ עָשָׂה הָאֱלׂהִים בְּשָׁלְחוֹ אֶת־בְּנוֹ בְּדִמְיוֹן בְּשָׂר הַחֵטְא וּבְעַד הַחֵטְא וַיַּרְשִׁיעַ אֶת־הַחֵטְא בַּבָּשָׂר׃

ד כְּדֵי שֶׁתְּקֻיַּם צִדְקַת הַתּוֹרָה בָּנוּ הַהׂלְכִים לׂא־כְדֶרֶךְ הַבָּשָׂר כִּי אִם־לְפִי הָרוּחַ׃

ה כִּי בְּנֵי הַבָּשָׂר יֶהְגּוּ בְּדִבְרֵי הַבָּשָׂר וּבְנֵי הָרוּחַ בְּדִבְרֵי הָרוּחַ׃

ו כִּי־מַחֲשֶׁבֶת הַבָּשָׂר הִיא הַמָּוֶת וּמַחֲשֶׁבֶת הָרוּחַ הִיא הַחַיִּים וְהַשָּׁלוֹם׃

ז מִפְּנֵי שֶׁמַּחֲשֶׁבֶת הַבָּשָׂר רַק שִׂנְאַת אֱלׂהִים הִיא בַּאֲשֶׁר לׂא תִשְׁתַּעְבֵּד לְתוֹרַת הָאֱלׂהִים וְאַף לׂא תוּכָל׃

ח כָּל־אֲשֶׁר בַּבָּשָׂר יְסוֹדָם לׂא יוּכְלוּ לִהְיוֹת רְצוּיִם לֵאלׂהִים׃

ט וְאַתֶּם אֵינְכֶם בַּבָּשָׂר כִּי אִם־בָּרוּחַ אִם־אָמְנָם רוּחַ הָאֱלׂהִים שׁׂכֵן בְּקִרְבְּכֶם כִּי מִי שֶׁאֵין־בּוֹ רוּחַ הַמָּשִׁיחַ הוּא אֵינֶנּוּ שֶׁלּוֹ׃

י וְאִם־הַמָּשִׁיחַ בְּקִרְבְּכֶם הַגּוּף מֵת בִּגְלַל הַחֵטְא וְהָרוּחַ חַיִּים בִּגְלַל הַצְּדָקָה׃

יא וְאִם־יִשְׁכּׂן בְּקִרְבְּכֶם רוּחוֹ שֶׁל הַמֵּעִיר אֶת־יֵשׁוּעַ מִן־הַמֵּתִים הַמֵּעִיר אֶת־הַמָּשִׁיחַ מִן־הַמֵּתִים הוּא גַם אֶת־גְּוִיּוֹתֵיכֶם הַמֵּתוֹת יְחַיֶּה עַל־יְדֵי רוּחוֹ הַשּׁׂכֵן בְּקִרְבְּכֶם׃

יב לָכֵן אַחַי חַיָּבִים אֲנַחְנוּ לׂא לַבָּשָׂר לִחְיוֹת לְפִי הַבָּשָׂר׃

יג כִּי אִם־תִּחְיוּ לְפִי הַבָּשָׂר מוֹת תְּמֻתוּן וְאִם־עַל־יְדֵי הָרוּחַ תָּמִיתוּ אֶת־מַעַלְלֵי הַבָּשָׂר חָיׂה תִחְיוּ׃

יד כִּי־כׂל אֲשֶׁר רוּחַ אֱלׂהִים יְנַהֲגֵם בְּנֵי אֱלׂהִים הֵמָּה׃

טו כִּי לׂא קִבַּלְתֶּם רוּחַ עַבְדוּת לָשׁוּב לִירׂא כִּי אִם־קִבַּלְתֶּם רוּחַ מִשְׁפַּט בָּנִים אֲשֶׁר בּוֹ קׂרְאִים אֲנַחְנוּ אַבָּא אָבִינוּ׃

טז וְהָרוּחַ הַהוּא מֵעִיד בְּרוּחֵנוּ כִּי־בְנֵי אֱלׂהִים אֲנָחְנוּ׃

יז וְאִם־בָּנִים אֲנַחְנוּ גַּם־יׂרְשִׁים נִהְיֶה יׂרְשֵׁי נַחֲלַת אֱלׂהִים וְחַבְרֵי הַמָּשִׁיחַ בִּירֻשָּׁה אִם־נִתְעַנֶּה אִתּוֹ לְמַעַן גַּם־אִתּוֹ נְכֻבָּד׃

יח כִּי אׂמֵר אֲנִי שֶׁעִנּוּיֵי הַזְּמַן הַזֶּה אֵינָם שְׁקוּלִים כְּנֶגֶד הַכָּבוֹד הַבָּא לְהִגָּלוֹת עָלֵינוּ׃

יט כִּי הַבְּרִיאָה תַּעֲרׂג וּתְצַפֶּה לַמּוֹעֵד אֲשֶׁר יִתְגַּלּוּ בְּנֵי הָאֱלׂהִים׃

כ כִּי־נִכְנְעָה הַבְּרִיאָה לַהֶבֶל לׂא מֵרְצוֹנָהּ כִּי אִם־לְמַעַן הַמַּכְנִיעַ אׂתָהּ וְלׂא בְּאֵין תִּקְוָה׃

כא כִּי הַבְּרִיאָה גַּם־הִיא תֵצֵא מֵעַבְדוּת הַכִּלָּיוֹן אֶל־חֵרוּת כְּבוֹד בְּנֵי הָאֱלׂהִים׃

כב כִּי יָדַעְנוּ אֲשֶׁר הַבְּרִיאָה כֻלָּהּ תֵּאָנַח וְתָחִיל עַד־הֵנָּה׃

כג וְלׂא־עוֹד אֶלָּא שֶׁגַּם־אֲנַחְנוּ אַף עַל פִּי שֶׁיֶּשׁ־לָנוּ בִּכּוּרֵי הָרוּחַ נֵאָנַח בְּנַפְשֵׁנוּ וּנְחַכֶּה לְמִשְׁפַּט הַבָּנִים לִפְדוּת גְּוִיָּתֵנוּ׃

כד כִּי נוֹשַׁעְנוּ בַתִּקְוָה אֲבָל הַתִּקְוָה הַנִּרְאָה לָעֵינַיִם אֵינֶנָּה תִקְוָה כִּי אֵיךְ יְיַחֵל אִישׁ לַדָּבָר אֲשֶׁר־הוּא רׂאֶה׃

כה אֶלָּא אִם־נְקַוֶּה לְמַה־שֶּׁלּא רְאִינֻהוּ נְחַכֶּה לוֹ וְנוֹחִיל׃

כו וְכֵן גַּם־הָרוּחַ תּׂמֵךְ אׂתָנוּ בְּחֻלְשׁוּתֵינוּ כִּי לׂא יָדַעְנוּ לְהִתְפַּלֵּל כָּרָאוּי אָכֵן הָרוּחַ הוּא מַפְגִּיעַ בַּעֲדֵנוּ בַּאֲנָחוֹת עֲמֻקּוֹת מִדַּבֵּר׃

כז וְהַחׂקֵר לְבָבוֹת יוֹדֵעַ אֶת־מַחְשְׁבוֹת הָרוּחַ כִּי כִּרְצוֹן הָאֱלׂהִים יַפְגִּיעַ בְּעַד הַקְּדוֹשִׁים׃

כח וְהִנֵּה יָדַעְנוּ כִּי אׂהֲבֵי אֱלׂהִים הַקְּרוּאִים בַּעֲצָתוֹ הַכּׂל יַעֲזׂר לְטוֹב לָהֶם׃

כט כִּי אֵת אֲשֶׁר יְדָעָם מִקֶּדֶם אׂתָם גַּם־יָעַד לִהְיוֹת דּוֹמִים לְצֶלֶם בְּנוֹ לְמַעַן יִהְיֶה הַבְּכוֹר בְּתוֹךְ אַחִים רַבִּים׃

ל וְאֶת אֲשֶׁר־יָעַד מִקֶּדֶם אׂתָם גַּם־קָרָא וְאֶת־אֲשֶׁר קָרָא אׂתָם גַּם־הִצְדִיק וְאֵת אֲשֶׁר הִצְדִּיק אׂתָם גַּם פֵּאֵר׃

לא וְעַתָּה מַה־נּׂאמַר עַל־זׂאת אִם־הָאֱלׂהִים לָנוּ מִי יָרִיב אִתָּנוּ׃

לב אֲשֶׁר־עַל־בְּנוֹ שֶׁלּוֹ לׂא חָס כִּי אִם־נְתָנוֹ בְּעַד כֻּלָּנוּ הֲלׂא יִתֵּן לָנוּ עִמּוֹ אֶת־הַכּׂל׃

לג מִי יַעֲנֶה בִּבְחִירֵי אֱלׂהִים הֵן אֱלׂהִים הוּא הַמַּצְדִּיק׃

לד וּמִי־הוּא יַאֲשִׁימֵם הֵן הַמָּשִׁיחַ אֲשֶׁר מֵת וַאֲשֶׁר נֵעוֹר מֵעִם הַמֵּתִים הוּא מִימִין הָאֱלׂהִים וְהוּא יַפְגִּיעַ בַּעֲדֵנוּ׃

לה מִי יַפְרִידֵנוּ מֵאַהֲבַת הָאֱלׂהִים הֲצָרָה אוֹ מְצוּקָה אוֹ מַשְׂטֵמָה אוֹ רָעָב אִם־עֶרְיָה אוֹ סַכָּנָה אוֹ־חָרֶב׃

לו כַּכָּתוּב כִּי־עָלֶיךָ הׂרַגְנוּ כָל־הַיּוֹם נֶחְשַׁבְנוּ כְּצׂאן טִבְחָה׃

לז אֲבָל בְּכָל־אֵלֶּה גָּבַרְנוּ מְאׂד עַל־יְדֵי הָאׂהֵב אׂתָנוּ׃

לח וּבָטוּחַ אֲנִי שֶׁלּא הַמָּוֶת וְלׂא הַחַיִּים לׂא מַלְאָכִים וְלׂא שְׂרָרוֹת וְלׂא גְבוּרוֹת לׂא הַהוֶֹה וְלׂא הֶעָתִיד׃

לט לׂא הָרוֹם וְלׂא הָעׂמֶק וְלׂא כָל־בְּרִיָּה יוּכְלוּ לְהַפְרִידֵנוּ מֵאַהֲבַת הָאֱלׂהִים אֲשֶׁר הִיא בַּמָּשִׁיחַ יֵשׁוּעַ אֲדׂנֵינוּ׃