Romans 9

א אֱמֶת אֲנִי מְדַבֵּר בַּמָּשִׁיחַ וְלׂא אֲשַׁקֵּר וְדַעְתִּי מְעִידָה לִי בְּרוּחַ הַקּׂדֶשׁ׃

ב כִּי־גָדוֹל עִצְּבוֹנִי וְאֵין־קֵץ לְדַאֲבוֹן לִבִּי׃

ג כִּי מִי־יִתֵּן הֱיוֹתִי אֲנִי לְחֵרֶם מִן־הַמָּשִׁיחַ בְּעַד אַחַי שְׁאֵרִי וּבְשָׂרִי׃

ד אֲשֶׁר הֵם בְּנֵי יִשְׂרָאֵל וְלָהֶם מִשְׁפַּט הַבָּנִים וְהַכָּבוֹד וְהַבְּרִיתוֹת וּמַתַּן הַתּוֹרָה וְהָעֲבוֹדָה וְהַהַבְטָחוֹת׃

ה וְלָהֶם הָאָבוֹת וּמֵהֶם יָצָא הַמָּשִׁיחַ לְפִי בְשָׂרוֹ אֲשֶׁר־הוּא אֱלׂהִים עַל־הַכּׂל מְבֹרָךְ לְעוֹלָמִים אָמֵן׃

ו אֲבָל לׂא שֶׁנָּפַל דְּבַר אֱלׂהִים אָרְצָה כִּי לׂא־כׂל אֲשֶׁר מִיִּשְׂרָאֵל יִשְׂרָאֵל הֵמָּה׃

ז וְלׂא מִפְּנֵי שֶׁהֵם זֶרַע אַבְרָהָם כֻּלָּם בָּנִים כִּי בְיִצְחָק יִקָּרֵא לְךָ זָרַע׃

ח כְּלוֹמַר לׂא בְנֵי־הַבָּשָׂר הֵמָּה בְּנֵי הָאֱלׂהִים כִּי אִם־בְּנֵי הַהַבְטָחָה הֵם הַנֶּחֱשָׁבִים לְזָרַע׃

ט כִּי־דְבַר הַהַבְטָחָה הוּא מַה־שֶּׁנֶּאֱמַר לַמּוֹעֵד אָשׁוּב וּלְשָׂרָה בֵן׃

י וְלׂא־עוֹד אֶלָּא שֶׁהָיָה גַּם־בְּרִבְקָה וְהִיא הָרָה לְאֶחָד לְיִצְחָק אָבִינוּ׃

יא כִּי בְּטֶרֶם יֻלְּדוּ בָנֶיהָ וְעוֹד לׂא־עֲשׂוּ טוֹב אוֹ־רָע לְמַעַן תָּקוּם עֲצַת הָאֱלׂהִים כְּפִי בְחִירָתוֹ לׂא מִתּוֹךְ מַעֲשִׂים כִּי אִם־כִּרְצוֹן הַקּׂרֵא׃

יב נֶאֱמַר לָהּ כִּי־רַב יַעֲבֹד צָעִיר׃

יג כַּכָּתוּב וָאׂהַב אֶת־יַעֲקׂב וְאֶת־עֵשָׂו שָׂנֵאתִי׃

יד אִם־כֵּן הֲנׂאמַר שֶׁיֶּשׁ־עָוֶל בֵּאלׂהִים חָלִילָה׃

טו כִּי לְמשֶׁה אָמַר וְחַנּׂתִי אֶת־אֲשֶׁר אָחׂן וְרִחַמְתִּי אֶת־אֲשֶׁר אֲרַחֵם׃

טז וְעַל־כֵּן אֵין הַדָּבָר לׂא־בְיַד הָרׂצֶה וְלׂא־בְיַד הָרָץ כִּי אִם־בְּיַד הָאֱלׂהִים הַמְרַחֵם׃

יז כִּי־כֵן הַכָּתוּב אׂמֵר לְפַרְעׂה בַּעֲבוּר זׂאת הֶעֱמַדְתִּיךָ בַּעֲבוּר הַרְאׂתְךָ אֶת־כּׂחִי וּלְמַעַן סַפֵּר שְׁמִי בְּכָל־הָאָרֶץ׃

יח וְיִוָּדַע בָּזֶה שֶׁמִּי שֶׁיַּחְפּׂץ יְחֻנֶּנּוּ וּמִי שֶׁיַּחְפּׂץ יַקְשֶׁה לִבּוֹ׃

יט וְאִם תּׂאמַר לָמָּה־זֶּה יִפְקׂד עָוֹן כִּי נֶגֶד רְצוֹנוֹ מִי יִתְיַצָּב׃

כ אֲבָל בֶּן־אָדָם מִי אַתָּה כִּי תָרִיב אֶת־הָאֱלׂהִים הֲיׂאמַר יֵצֶר לְיׂצְרוֹ מַדּוּעַ כָּכָה עֲשִׂיתָנִי׃

כא אִם־אֵין רְשׁוּת לַיּׂצֵר עַל־הַחׂמֶר לַעֲשׂוֹת הַגּׂלֶם הָאֶחָד כְּלִי כָבוֹד אוֹ כְּלִי קָלוֹן׃

כב וּמָה אֵפוֹא אִם־הָאֱלׂהִים הֶחָפֵץ לְהַרְאוֹת זַעְמוֹ וּלְהוֹדִיעַ גְּבוּרָתוֹ נָשָׂא בְּכָל־אׂרֶךְ רוּחוֹ אֶת־כְּלֵי הַזַּעַם הַנְּכוֹנִים לַאֲבַדּוֹן׃

כג לְהוֹדִיעַ גַּם־אֶת־עשֶׁר כְּבוֹדוֹ בִּכְלֵי הַחֲנִינָה אֲשֶׁר הֵכִין לְכָבוֹד׃

כד וְהֵם אֲנַחְנוּ אֲשֶׁר קְרָאָנוּ לׂא מִן־הַיְּהוּדִים לְבַדָּם כִּי אַף מִן־הַגּוֹיִם׃

כה כְּאָמְרוֹ בְהוֹשֵׁעַ אֶקְרָא לְלׂא־עַמִּי עַמִּי וּלְלׂא־רֻחָמָה רֻחָמָה׃

כו וְהָיָה בִּמְקוֹם אֲשֶׁר־יֵאָמֵר לָהֶם לׂא־עַמִּי אַתֶּם יֵאָמֵר לָהֶם בְּנֵי אֵל־חָי׃

כז וִישַׁעְיָהוּ קׂרֵא עַל־יִשְׂרָאֵל כִּי אִם־יִהְיֶה מִסְפַּר בְּנֵי יִשְׂרָאֵל כְּחוֹל הַיָּם שְׁאָר יָשׁוּב בּוֹ (כִּלָּיוֹן חָרוּץ שׁוֹטֵף צְדָקָה)׃

כח כִּי כָלָה וְנֶחֱרָצָה אֲדׂנָי עׂשֶׂה בְּקֶרֶב הָאָרֶץ׃

כט וְכַאֲשֶׁר אָמַר יְשַׁעְיָהוּ לִפְנֵי מִזֶּה לוּלֵי יְהוָֹה צְבָאוֹת הוֹתִיר לָנוּ שָׂרִיד כִּמְעָט כִּסְדׂם הָיִינוּ לַעֲמׂרָה דָּמִינוּ׃

ל וְעַתָּה הֲנׂאמַר שֶׁהַגּוֹיִם אֲשֶׁר לׂא רָדְפוּ אַחֲרֵי הַצְּדָקָה הִשִׂיגוּ אֶת־הַצְּדָקָה הִיא הַצְּדָקָה אֲשֶׁר מִתּוֹךְ הָאֱמוּנָה׃

לא וְיִשְׂרָאֵל בְּרָדְפוֹ תּוֹרַת צְדָקָה לְתוֹרַת הַצְדָקָה לׂא הִגִּיעַ׃

לב וְעַל־מָה עַל־אֲשֶׁר־לׂא מֵאֱמוּנָה דְּרָשׁוּהָ כִּי אִם־מִמַּעֲשִׂים כִּי הִתְנַגְּפוּ בְּאֶבֶן נָגֶף׃

לג כַּכָּתוּב הִנְנִי יִסַּד בְּצִיּוֹן אֶבֶן נֶגֶף וְצוּר מִכְשׁוֹל וְכָל־הַמַּאֲמִין בּוֹ לׂא יֵבוֹשׁ׃