Romans 13

א כָּל־נֶפֶשׁ תִּכָּנַע לִגְדֻלַּת הָרָשֻׁיּוֹת כִּי־אֵין רָשׁוּת כִּי אִם־מֵאֵת הָאֱלׂהִים וְהָרָשֻׁיּוֹת הַנִּמְצָאוֹת עַל־יַד אֱלׂהִים נִתְמַנּוּ׃

ב לָכֵן כָּל־הַמִּתְקוֹמֵם לָרָשׁוּת מַמְרֶה אֶת־פִּי הָאֱלׂהִים וְהַמַּמְרִים יִשְׂאוּ אֶת־עֲוֹנָם׃

ג כִּי אֵין פַּחַד הַשַּׁלִּיטִים עַל עׂשֵׂי הַטּוֹב כִּי אִם־עַל עׂשֵׂי הָרָע וְעַל־כֵּן אִם־רְצוֹנְךָ שֶׁלּא תִירָא מִן־הָרָשׁוּת עֲשֵׂה הַטּוֹב וְהָיָה־לְךָ שֶׁבַח מֵאִתָּהּ׃

ד כִּי מְשָׁרֶתֶת אֱלׂהִים הִיא לְטוֹב לָךְ אֲבָל אִם־הָרַע תַּעֲשֶׂה יְרָא כִּי לׂא לְחִנָּם חֲגֻרַת־חֶרֶב הִיא כִּי־מְשָׁרֶתֶת אֱלׂהִים הִיא לְשַׁלֵּם גְּמוּל וְלִשְׁפּׂךְ חֵמָה עַל עׂשֵׂי הָרָע׃

ה עַל־כֵּן עָלֵינוּ לְהִכָּנֵעַ לׂא בַעֲבוּר הַקֶּצֶף בִּלְבַד כִּי־גַם מִדַּעַת חוֹבָתֵנוּ׃

ו עַל־כֵּן נׂתְנִים אַתֶּם אֶת־הַמָּס כִּי מְשָׁרֲתֵי אֱלׂהִים הֵם עׂמְדִים לָזׂאת עַל מִשְׁמַרְתָּם׃

ז לָכֵן תְּנוּ לְכָל־אִישׁ מַה־שֶּׁאַתֶּם חַיָּבִים לוֹ הַמַּס לַאֲשֶׁר־לוֹ הַמַּס וְהַמֶּכֶס לַאֲשֶׁר־לוֹ הַמֶּכֶס וְהַמּוֹרָא לַאֲשֶׁר־לוֹ הַמּוֹרָא וְהַכָּבוֹד לַאֲשֶׁר־לוֹ הַכָּבוֹד׃

ח וְאַל־תִּהְיוּ חַיָּבִים לְאִישׁ דָּבָר זוּלָתִי אַהֲבַת אִישׁ אֶת־רֵעֵהוּ כִּי הָאׂהֵב אֶת־חֲבֵרוֹ קִיֵּם אֶת־הַתּוֹרָה׃

ט כִּי מִצְוֹת לׂא תִנְאַף לׂא תִרְצַח לׂא תִגְנׂב לׂא תַעֲנֶה עֵד שֶׁקֶר לׂא תַחְמׂד עִם כָּל־מִצְוֹת אֲחֵרוֹת כֻּלָּן הֵנָּה בִּכְלָל הַמַּאֲמָר הַזֶּה וְאָהַבְתָּ לְרֵעֲךָ כָּמוֹךָ׃

י הָאַהֲבָה לׂא תָרַע לָרֵע עַל־כֵּן הָאַהֲבָה קִיּוּם הַתּוֹרָה כֻלָּהּ׃

יא וְכָזׂאת עֲשׂוּ מִפְּנֵי שֶׁאַתֶּם יׂדְעִים אֶת־הַשָּׁעָה כִּי־כְבָר עֵת לְהָקִיץ מִן־הַשֵּׁנָה כִּי יְשׁוּעָתֵנוּ קְרוֹבָה עַתָּה מֵהַיּוֹם אֲשֶׁר בָּאנוּ לְהַאֲמִין׃

יב הַלַּיְלָה חָלַף וְהַיּוֹם קָרֵב לָכֵן נָסִירָה־נָּא אֶת־מַעֲשֵׂי הַחשֶׁךְ וְנִלְבְּשָׁה אֶת־כְּלֵי נֶשֶׁק הָאוֹר׃

יג וּכְהִתְהַלֵּךְ בְּאוֹר הַיּוֹם נִתְהַלְּכָה בִּצְנִיעוּת לׂא בְזוֹלֲלוּת וּבְשִׁכָּרוֹן וְלׂא בְּגִילּוּי עֲרָיוֹת וַעֲשׂוֹת זִמָּה וְלׂא בִמְרִיבָה וְקִנְאָה׃

יד כִּי אִם־לִבְשׁוּ אֶת־הָאָדוֹן יֵשׁוּעַ הַמָּשִׁיחַ וְדַאֲגוּ לִבְשַׂרְכֶם אַךְ־לׂא לְהַגְבִּיר הַתַּאֲוֹת׃