Romans 14

א וְאֶת־הֶחָלוּשׁ בָּאֱמוּנָה אוֹתוֹ קַבֵּלוּ וְלׂא לָדִין אֶת־הַמַּחֲשָׁבוֹת׃

ב יֵשׁ מַאֲמִין שֶׁמֻּתָּר לֶאֱכׂל כָּל־דָּבָר וְהֶחָלוּשׁ לׂא יׂאכַל כִּי אִם־יָרָק׃

ג הָאׂכֵל אַל־יִבֶז אֶת־אֲשֶׁר לׂא יׂאכֵל וַאֲשֶׁר לׂא יׂאכַל אַל־יָדִין אֶת־הָאׂכֵל כִּי־קִבֵּל אׂתוֹ הָאֱלׂהִים׃

ד מִי אַתָּה כִּי תָדִין עֶבֶד שֶׁאֵינוֹ שֶׁלָּךְ הֵן לַאֲדׂנָיו הוּא אִם יָקוּם וְאִם יִפּׂל אֲבָל יוּקַם כִּי־יָכׂל הָאֱלׂהִים לַהֲקִימוֹ׃

ה יֵשׁ מַבְדִּיל בֵּין־יוֹם לָיוֹם וְיֵשׁ אֲשֶׁר כָּל־הַיָּמִים דּׂמִים בְּעֵינָיו יְהִי כָל־אִישׁ נָכוֹן בְּדַעְתּוֹ׃

ו הַשּׁׂמֵר אֶת־הַיּוֹם לְקַדְּשׁוֹ שׁׂמֵר אׂתוֹ לָאָדוֹן וַאֲשֶׁר אֵינֶנּוּ שׁׂמֵר לָאָדוֹן אֵינֶנּוּ שׁׂמֵר הָאׂכֵל אׂכֵל לְשֵׁם הָאָדוֹן כִּי מוֹדֶה הוּא לֵאלׂהִים וַאֲשֶׁר אֵינֶנּוּ אׂכֵל לְשֵׁם הָאָדוֹן אֵינֶנּוּ אׂכֵל וּמוֹדֶה הוּא לֵאלׂהִים׃

ז כִּי אֵין־אִישׁ מִמֶּנּוּ חַי לְנַפְשׁוֹ וְאֵין אִישׁ מֵת לְנַפְשׁוֹ׃

ח כִּי אִם־נִחְיֶה נִחְיֶה לָאָדוֹן וְאִם נָמוּת נָמוּת לָאָדוֹן לָכֵן בֵּין חַיִּים וּבֵין מֵתִים לָאָדוֹן הִנֵּנוּ׃

ט כִּי בַּעֲבוּר זׂאת מֵת הַמָּשִׁיחַ (וַיָּקָם) וַיֶּחִי לְמַעַן יִהְיֶה אָדוֹן גַּם עַל־הַמֵּתִים גַּם עַל־הַחַיִּים׃

י וְאַתָּה מַה־לְּךָ כִּי תָדִין אֶת־אָחִיךָ וּמַה־לְּךָ כִּי תָבוּז לְאָחִיךָ הֲלׂא כֻלָּנוּ עֲתִידִים לַעֲמׂד לִפְנֵי כִסֵּא דִּין אֱלׂהִים׃

יא כִּי כָתוּב חַי־אָנִי נְאֻם־יְהוָֹה כִּי לִי תִּכְרַע כָּל־בֶּרֶךְ וְכָל־לָשׁוֹן תּוֹדֶה לֵאלׂהִים׃

יב הִנֵּה כָּל־אֶחָד מִמֶּנּוּ עַל־נַפְשׁוֹ יִתֵּן חֶשְׁבּוֹן לֵאלׂהִים׃

יג לָכֵן אַל־נָדִין עוֹד אִישׁ אֶת־רֵעֵהוּ כִּי אִם־זֶה יְהִי דִינְכֶם שֶׁלּא־יִתֵּן אִישׁ לִפְנֵי אָחִיו מִכְשׁוֹל אוֹ מוֹקֵשׁ׃

יד אֲנִי יָדַעְתִּי וּבָרוּר לִי הַדָּבָר בָּאָדוֹן יֵשׁוּעַ כִּי־אֵין טָמֵא בִּפְנֵי עַצְמוֹ וְרַק־טָמֵא הוּא לְמִי שֶׁיַּחְשְׁבֶנּוּ לוֹ לְטָמֵא׃

טו וְאִם־יֵעָצֵב אָחִיךָ עַל־דְּבָר מַאֲכָל אֵינְךָ הׂלֵךְ דֶּרֶךְ אַחֲוָה אַל־נָא תְאַבֵּד בְּאָכְלְךָ אֶת־אֲשֶׁר בַּעֲדוֹ מֵת הַמָּשִׁיחַ׃

טז לָכֵן הִזָּהֵרוּ פֶּן־יִהְיֶה טוּבְכֶם לְגִדּוּפִים׃

יז כִּי־מַלְכוּת הָאֱלׂהִים אֵינֶנָּה אֲכִילָה וּשְׁתִיָּה כִּי־צְדָקָה הִיא וְשָׁלוֹם וְשִׂמְחָה בְּרוּחַ הַקּׂדֶשׁ׃

יח וְהָעׂבֵד בָּאֵלֶּה אֶת־הַמָּשִׁיחַ רָצוּי הוּא לֵאלׂהִים וּבָחוּן לָאֲנָשִׁים׃

יט וְעַתָּה נִרְדְּפָה־נָּא דַּרְכֵי שָׁלוֹם וַאֲשֶׁר נְכוֹנֵן בּוֹ אִישׁ אֶת־רֵעֵהוּ׃

כ אַל־תַּהֲרוֹס אֶת־מַעֲשֵׂה הָאֱלׂהִים עַל־דְּבַר מַאֲכָל הֵן הַכּׂל טָהוֹר וְרַע הוּא לָאָדָם אֲשֶׁר יׂאכֲלֶנּוּ לְמִכְשׁׂל׃

כא טוֹב שֶׁלּא־תׂאכַל בָּשָׂר וְלׂא־תִשְׁתֶּה יָיִן וְלׂא־תַעֲשֶׂה דָבָר אֲשֶׁר יִתְנַגֶּף־בּוֹ אָחִיךָ וְהָיָה לוֹ לְמִכְשׁׂל וּלְפוּקָה׃

כב אִם יֵשׁ לְךָ אֱמוּנָה תְּהִי־לְךָ לְבַדְּךָ לִפְנֵי הָאֱלׂהִים אַשְׁרֵי הָעׂשֶׂה הַכָּשֵׁר בְּעֵינָיו וְאֵין לִבּוֹ נׂקְפוֹ׃

כג וַאֲשֶׁר סָפֵק לוֹ בְּאָכְלוֹ נֶאְשָׁם כִּי לׂא עָשָׂה מֵאֱמוּנָה וְכָל־הַנַּעֲשֶׂה שֶׁלּא מֵאֱמוּנָה חֵטְא הוּא׃