Romans 2

א לָכֵן כָּל־בֶּן־הָאָדָם הַדָּן אֵין לְךָ הִתְנַצְּלוּת כִּי בַדָּבָר אֲשֶׁר תָּדִין אֶת־חֲבֵרְךָ תְּחַיֵּב נַפְשְׁךָ בַּאֲשֶׁר אַתָּה הַדָּן תַּעֲשֶׂה כְמַעֲשֵׂהוּ׃

ב וְיָדַעְנוּ כִּי־מִשְׁפַּט אֱלׂהִים מִשְׁפַּט אֱמֶת עַל־עׂשֵׂי אֵלֶּה׃

ג וְאַתָּה בֶן־אָדָם הַדָּן אֵת אֲשֶׁר־פָּעֲלוּ כָאֵלֶּה וְאַתָּה עׂשֶׂה כְמַעֲשֵׂיהֶם הֲתׂאמַר לְהִמָּלֵט מִמִּשְׁפַּט הָאֱלׂהִים׃

ד אוֹ תָבוּז לְרוֹב טוּבוֹ וּלְחֶמְלָתוֹ וּלְאׂרֶךְ רוּחוֹ וְלׂא תֵדַע כִּי־טוֹבַת הָאֱלׂהִים מְבִיאָה אׂתְךָ לִידֵי תְשׁוּבָה׃

ה וּבִקְשִׁי לְבָבְךָ הַמְמָאֵן לָשׁוּב תִּצְבֹּר לְךָ עֶבְרָה לְיוֹם עֶבְרַת הָאֱלׂהִים וְהִגָּלוֹת מִשְׁפַּט צִדְקוֹ׃

ו אֲשֶׁר יְשַׁלֵּם לְאִישׁ כְּמַעֲשֵׂהוּ׃

ז חַיֵּי עוֹלָם לַשּׁׂקְדִים לַעֲשׂוֹת הַטּוֹב וְשׁׂחֲרֵי כָבוֹד וְהָדָר אֲשֶׁר אֵינֶנּוּ עׂבֵר׃

ח וְעַל־בְּנֵי הַמְּרִי וַאֲשֶׁר לׂא־שָׁמְעוּ לָאֱמֶת כִּי אִם שָׁמְעוּ־לָעַוְלָה עֲלֵיהֶם חֲרוֹן־אַף וְחֵמָה׃

ט צָרָה וּמְצוּקָה עַל־כָּל־נֶפֶשׁ אָדָם עׂשֶׂה הָרָע עַל־הַיְּהוּדִי בַתְּחִלָּה וְגַם־עַל־הַיְּוָנִי׃

י וְכָבוֹד וְהָדָר וְשָׁלוֹם לְכָל־עׂשֶׂה הַטּוֹב לַיְּהוּדִי בַתְּחִלָּה וְגַם לַיְּוָנִי׃

יא כִּי אֵין מַשּׂא פָנִים עִם־הָאֱלׂהִים׃

יב כִּי כָל־אֲשֶׁר חָטְאוּ וְאֵין לָהֶם תּוֹרָה גַּם בִּבְלִי־תוֹרָה יׂאבֵדוּ וַאֲשֶׁר חָטְאוּ וְלָהֶם תּוֹרָה עַל־פִּי הַתּוֹרָה יִשָּׁפֵטוּ׃

יג כִּי לׂא שׁׂמְעֵי הַתּוֹרָה צַדִּיקִים לִפְנֵי הָאֱלׂהִים כִּי אִם־עׂשֵׂי הַתּוֹרָה הֵם יִצְדָּקוּ׃

יד כִּי הַגּוֹיִם אֲשֶׁר אֵין־לָהֶם תּוֹרָה בַּעֲשׂוֹתָם כְּדִבְרֵי הַתּוֹרָה מֵאֲלֵיהֶם גַּם־בְּאֵין תּוֹרָה הֵם תּוֹרָה לְנַפְשָׁם׃

טו בְּהַרְאוֹתָם מַעֲשֵׂה הַתּוֹרָה כָּתוּב עַל־לִבָּם וְדַעְתָּם מְעִידָה בָהֶם וּמַחְשְׁבוֹתָם בְּקִרְבָּם מְחַיְּבוֹת זׂאת אֶת־זׂאת אוֹ מְזַכּוֹת׃

טז בְּיוֹם אֲשֶׁר יִשְׁפּׂט הָאֱלׂהִים אֶת־כָּל־תַּעֲלֻמוֹת בְּנֵי הָאָדָם בְּיַד יֵשׁוּעַ הַמָּשִׁיחַ כְּפִי בְשׂוֹרָתִי׃

יז הֵן אַתָּה נִקְרָא בְּשֵׁם יְהוּדִי וְנִשְׁעַנְתָּ עַל־הַתּוֹרָה וְתִתְהַלֵל בֵּאלׂהִים׃

יח וְיָדַעְתָּ אֶת־רְצוֹנוֹ וְתָבִין בֵּין־טוֹב לָרַע בְּהַשְׂכִּילְךָ בַתּוֹרָה׃

יט וּבָטַחְתָּ בְנַפְשְׁךָ לִהְיוֹת מוֹלִיךְ הַעִוְרִים וְאוֹר לַאֲשֶׁר בַּחשֶׁךְ׃

כ אׂמֵן לְחַסְרֵי לֵב וּמוֹרֵה הַפְּתָאִים וְיֵשׁ לְךָ צוּרַת הַמַּדָּע וְהָאֱמֶת בַּתּוֹרָה׃

כא וְאַתָּה הֲתוֹרֶה אֲחֵרִים וְנַפְשְׁךָ לׂא תוֹרֶה הֲתׂאמַר לׂא תִגְנׂב וְהִנְּךָ גׂנֵב׃

כב הֲתׂאמַר לׂא תִנְאָף וְאַתָּה נׂאֵף תְּשַׁקֵּץ אֶת־הָאֱלִילִים וְאַתָּה גּׂזֵל אֶת־הַקֳּדָשִׁים׃

כג תִּתְהַלֵּל בַּתּוֹרָה וַתְּנַבֵּל אֶת־הָאֱלׂהִים בְּעָבְרְךָ אֶת־הַתּוֹרָה׃

כד כִּי בִגְלַלְכֶם שֵׁם הָאֱלׂהִים מְחֻלָּל בַּגּוֹיִם כַּכָּתוּב׃

כה הֵן הַמִּילָה תוֹעִיל אִם־תִּשְׁמׂר אֶת־הַתּוֹרָה אֲבָל אִם־עׂבֵר אַתָּה אֶת־הַתּוֹרָה מִילָתְךָ הָיְתָה־לְּךָ לְעָרְלָה׃

כו וְאִם־יִשְׁמׂר הֶעָרֵל אֶת־מִשְׁפְּטֵי הַתּוֹרָה הֲלׂא תֵחָשֶׁב־לוֹ עָרְלָתוֹ לְמִילָה׃

כז וְהֶעָרֵל מִלֵּדָה הַמְקַיֵּם אֶת־הַתּוֹרָה הוּא יִשְׁפּׂט אׂתְךָ אֲשֶׁר־לְךָ הַכְּתָב וְהַמִּילָה וְעָבַרְתָּ אֶת־הַתּוֹרָה׃

כח כִּי לׂא־הַמְצֻיָּן לְמַרְאֵה עֵינַיִם הוּא הַיְּהוּדִי וְלׂא הָאוֹת הַנִּרְאָה בַבָּשָׂר הִיא הַמִּילָה׃

כט כִּי אִם־תּוֹכוֹ שֶׁל אָדָם הוּא יְהוּדִי וּמִילָה הִיא בַּלֵּב כְּפִי הָרוּחַ וְלׂא כְּפִי הַכְּתָב אֲשֶׁר־לׂא מִבְּנֵי אָדָם תְּהִלָּתוֹ כִּי אִם־מֵאֵת הָאֱלׂהִים׃