Acts 4

א וַיְהִי בְּדַבְּרָם אֶל־הָעָם וַיָּקוּמוּ עֲלֵיהֶם הַכּׂהֲנִים וּנְגִיד הַמִּקְדָּשׁ וְהַצַּדּוּקִים׃

ב כִּי־חָרָה לָהֶם עַל־אֲשֶׁר לִמְּדוּ אֶת־הָעָם וְהִגִּידוּ אֶת־תְּחִיַּת הַמֵּתִים בְּיֵשׁוּעַ׃

ג וַיִּשְׁלְחוּ יָדָם בָּהֶם וַיַּנִּיחוּם בַּמִּשְׁמָר לְמָחֳרַת הַיּוֹם הַהוּא כִּי הָיָה עָרֶב׃

ד וְרַבִּים מֵהַשּׁׂמְעִים אֶת־הַדָּבָר הֶאֱמִינוּ וַיְהִי מִסְפָּרָם כַּחֲמֵשֶׁת אֲלָפִים אִישׁ׃

ה וַיְהִי מִמָּחֳרָת וַיִּקָּהֲלוּ שָׂרֵיהֶם רָאשֵׁיהֶם וְזִקְנֵיהֶם וְסוֹפְרֵיהֶם יְרוּשָׁלָיִם׃

ו וְחָנָן הַכּׂהֵן הַגָּדוֹל וְקַיָּפָא וְיוֹחָנָן וְאֲלֶכְסַנְדְּרוֹס וְכׂל אֲשֶׁר מִמִּשְׁפַּחַת הַכּׂהֵן הַגָּדוֹל׃

ז וַיַּעֲמִידוּ אׂתָם בַּתָּוֶךְ וַיִּשְׁאָלוּם לֵאמׂר בְּאֵי־זֶה כׂחַ וּבְאֵי־זֶה שֵׁם עֲשִׂיתֶם זׂאת׃

ח וַיִּמָּלֵא פֶּטְרוֹס רוּחַ הַקּׂדֶשׁ וַיּׂאמֶר אֲלֵיהֶם שְׁמָעוּנִי רָאשֵׁי הָעָם וְזִקְנֵי יִשְׂרָאֵל׃

ט אִם־אֲנַחְנוּ נֵחָקֵר הַיּוֹם עַל־הַטּוֹבָה אֲשֶׁר עָשִׂינוּ לְאִישׁ חוֹלֶה וּשְׁאֶלְתֶּם בַּמֶּה זֶה נוֹשָׁע׃

י יִוָּדַע לְכֻלְּכֶם וּלְכָל־עַם יִשְׂרָאֵל כִּי־בְשֵׁם יֵשׁוּעַ הַמָּשִׁיחַ הַנָּצְרִי אֲשֶׁר צְלַבְתֶּם וַאֲשֶׁר הָאֱלׂהִים הֱקִימוֹ מִן־הַמֵּתִים בִּשְׁמוֹ עׂמֵד הָאִישׁ הַזֶּה בָּרִיא לִפְנֵיכֶם׃

יא וְהוּא הָאֶבֶן אֲשֶׁר מְאַסְתֶּם אַתֶּם הַבּוֹנִים וַתְּהִי לְרׂאשׁ פִּנָּה׃

יב וְאֵין הַיְשׁוּעָה בְּאַחֵר כִּי לׂא נִתַּן תַּחַת הַשָּׁמַיִם שֵׁם אַחֵר לִבְנֵי אָדָם אֲשֶׁר־בּוֹ נִוָּשֵׁעַ׃

יג וַיְהִי כַּאֲשֶׁר רָאוּ אֶת־אׂמֶץ לֵב פֶּטְרוֹס וְיוֹחָנָן וְהִבִינוּ כִּי הֶדְיוֹטוֹת הֵמָּה וְלׂא בַעֲלֵי־חָכְמָה וַיִּתְמָהוּ וְהֵם הִכִּירוּ כִּי הָיוּ הוֹלְכִים עִם־יֵשׁוּעַ׃

יד אֲבָל בִּרְאוֹתָם אֶת הָאִישׁ הַנִּרְפָּא עׂמֵד אֶצְלָם לׂא מָצְאוּ לְדַבֵּר נֶגְדָּם דָּבָר׃

טו וַיְצַוּוּ אׂתָם לָצֵאת חוּצָה מִסַּנְהֶדְרִין וַיִּתְיָעֲצוּ יַחְדָּו׃

טז וַיּׂאמְרוּ מַה־נַּעֲשֶׂה לָאֲנָשִׁים הָאֵלֶּה הִנֵּה אוֹת גָּלוּי נַעֲשָׂה עַל־יְדֵיהֶם וְגַם־מְפֻרְסָם לְכָל־ישְׁבֵי יְרוּשָׁלָיִם וְלׂא נוּכַל לְכַחֶשׁ בּוֹ׃

יז אַךְ לְמַעַן לׂא־יִרְבֶּה הַדָּבָר בָּעָם וְיִפְרׂץ נִגְעֲרָה־בָּם לְבִלְתִּי דַבֵּר עוֹד לְכָל־אָדָם בַּשֵּׁם הַזֶּה׃

יח וַיִּקְּרְאוּ אׂתָם וַיְצַוּוּם אֲשֶׁר לׂא־יְדַבְּרוּ דָבָר וְלׂא יְלַמְּדוּ בְּשֵׁם יֵשׁוּעַ׃

יט וַיַּעֲנוּ פֶּטְרוֹס וְיוֹחָנָן וַיּׂאמְרוּ אֲלֵיהֶם הֲנָכוֹן הוּא לִפְנֵי הָאֱלׂהִים שְׁמׂעַ לָכֶם יׂתֵר מִשְּׁמׂעַ לֵאלׂהִים שִׁפְטוּ אַתֶּם׃

כ כִּי לׂא נוּכַל אֲנַחְנוּ לַחֲדׂל לְדַבֵּר אֵת אֲשֶׁר רָאִינוּ וְשָׁמָעְנוּ׃

כא וַיּוֹסִיפוּ לִגְעָר־בָּם וַיִּפְטְרוּ אׂתָם בַּאֲשֶׁר לׂא־מָצְאוּ דָבָר לַעֲנוֹשׁ אׂתָם מִפְּנֵי הָעָם כִּי כֻלָּם מְהַלֲלִים אֶת־הָאֱלׂהִים עַל־הַנַּעֲשָׂה׃

כב כִּי בֶּן־אַרְבָּעִים שָׁנָה וָמַעְלָה הָיָה הָאִישׁ הַהוּא אֲשֶׁר נַעֲשָׂה־עִמּוֹ אוֹת הָרְפוּאָה הַזּׂאת׃

כג וְאַחֲרֵי הִפָּטְרָם בָּאוּ אֶל־אֲחֵיהֶם וַיְסַפְּרוּ לָהֶם אֵת אֲשֶׁר אָמְרוּ אֲלֵיהֶם רָאשֵׁי הַכּׂהֲנִים וְהַזְּקֵנִים׃

כד וַיְהִי כַאֲשֶׁר שָׁמְעוּ אֶת־זׂאת וַיִּשְׂאוּ אֶת־קוֹלָם בְּלֵב אֶחָד לֵאלׂהִים וַיּׂאמְרוּ אֲדׂנָי אַתָּה הָאֵל הָעׂשֶׂה אֶת־הַשָּׁמַיִם וְאֶת־הָאָרֶץ וְאֶת־הַיָּם וְאֶת־כָּל אֲשֶׁר־בָּם׃

כה אֲשֶׁר אָמַרְתָּ בְּפִי עַבְדְּךָ דָוִד (אָבִינוּ בְּרוּחַ הַקּׂדֶשׁ) לָמָּה רָגְשׁוּ גוֹיִם וּלְאֻמִים יֶהְגּוּ רִיק׃

כו יִתְיַצְּבוּ מַלְכֵי אֶרֶץ וְרוֹזְנִים נוֹסְדוּ יָחַד עַל־יְהוָֹה וְעַל־מְשִׁיחוֹ׃

כז כִּי אָמְנָם נוֹסְדוּ (בָּעִיר הַזּׂאת) הוֹרְדוֹס וּפָנְטִיּוֹס פִּילָטוֹס עִם־הַגּוֹיִם וּלְאֻמֵּי יִשְׂרָאֵל עַל־יֵשׁוּעַ עַבְדְּךָ הַקָּדוֹשׁ אֲשֶׁר מָשָׁחְתָּ׃

כח לַעֲשׂוֹת אֵת אֲשֶׁר יָדְךָ וַעֲצָתְךָ מִקֶּדֶם גָּזְרָה לִהְיוֹת׃

כט וְעַתָּה אֲדׂנָי רְאֵה אֶת־גַּעֲרָתָם וְתֵן לַעֲבָדֶיךָ לְדַבֵּר אֶת־דְּבָרְךָ בְּכָל־אׂמֶץ לִבָּם׃

ל בִּנְטׂתְךָ אֶת־יָדְךָ לְמַרְפֵּא וְלָתֵת אׂתוֹת וּמוֹפְתִים בְּשֵׁם יֵשׁוּעַ עַבְדְּךָ הַקָּדוֹשׁ׃

לא וַיְהִי כַּאֲשֶׁר הִתְפַּלֲלוּ וַיָּנַע הַמָּקוֹם אֲשֶׁר הָיוּ נִקְהָלִים שָׁם וַיִּמָּלְאוּ כֻלָּם רוּחַ הַקּׂדֶשׁ וַיְדַבְּרוּ אֶת־דְּבַר הָאֱלׂהִים בְּאׂמֶץ לֵבָב׃

לב וּקְהַל הַמַּאֲמִינִים הָיָה לָהֶם לֵב אֶחָד וְנֶפֶשׁ אַחַת וְאֵין אִישׁ מֵהֶם אוֹמֵר עַל־אֲשֶׁר בְּיָדוֹ לִי הוּא כִּי הַכּׂל הָיָה לָהֶם לְנַחֲלַת כֻּלָּם׃

לג וּבִגְבוּרָה רַבָּה יָעִידוּ הַשְּׁלִיחִים עַל־תְּקוּמַת הָאָדוֹן יֵשׁוּעַ וְחֶסֶד גָּדוֹל הָיָה עַל כֻּלָּם׃

לד כִּי לׂא־הָיָה בָהֶם חֲסַר דָּבָר כִּי כָל־בַּעֲלֵי שָׂדוֹת וּבָתִּים מָכְרוּ אׂתָם וַיָּבִיאוּ אֶת־כֶּסֶף מְחִירָם׃

לה וַיְשִׂימֻהוּ לְרַגְלֵי הַשְּׁלִיחִים וַיֻּתַּן לְכָל־אִישׁ וָאִישׁ דֵּי מַחְסׂרוֹ׃

לו וְיוֹסֵף אֲשֶׁר כִּנוּהוּ הַשְּׁלִיחִים בְּשֵׁם בַּר־נַבָּא פֵּרוּשׁוֹ בֶן־הַנֶּחָמָה אִישׁ לְבֵית לֵוִי אֲשֶׁר נוֹלַד בְּאֶרֶץ קִיפְרוֹס׃

לז גַּם־לוֹ הָיָה שָׂדֶה וַיִּמְכְּרֵהוּ וַיָּבֵא אֶת־הַכֶּסֶף וַיְשִׂימֵהוּ לְרַגְלֵי הַשְּׁלִיחִים׃