Acts 22

א אַחַי וַאֲבוֹתָי שִׁמְעוּ־נָא וַאֲדַבְּרָה וְאֶצְטַדֵּק לִפְנֵיכֶם׃

ב וַיְהִי כְּשָׁמְעָם כִּי הוּא מְדַבֵּר אֲלֵיהֶם בְּלָשׁוֹן עִבְרִית וַיּוֹסִיפוּ עוֹד לַחֲשׁוֹת׃

ג וַיּׂאמַר אִישׁ־יְהוּדִי אָנׂכִי טַרְסוֹס אֲשֶׁר בְּקִילִיקְיָא מוֹלַדְתִּי וּבָעִיר הַזּׂאת גָּדַלְתִּי לְרַגְלֵי גַמְלִיאֵל וְלֻמַּדְתִּי תוֹרָתֵנוּ לְכָל־דִּקְדּוּקֶיהָ וָאֱהִי מְקַנֵּא לֵאלׂהִים כְּמוֹכֶם כֻּלְּכֶם הַיּוֹם׃

ד וָאֲרַדֵּף אֶת־אׂחֲזֵי הַדֶּרֶךְ הַהִיא עַד־מָוֶת וָאֱהִי אׂסֵר וּמַסְגִּיר לַכֶּלֶא אֲנָשִׁים וְנָשִׁים׃

ה כַּאֲשֶׁר גַּם־יָעִיד עָלַי הַכּׂהֵן הַגָּדוֹל וְכָל־בֵּית הַזְּקֵנִים אֲשֶׁר מֵהֶם קִבַּלְתִּי מִכְתָּבִים וָאֵלֵךְ אֶל־הָאַחִים לְדַמֶּשֶׂק לֶאֱסׂר אַף־אֶת־הַנִּמְצְאִים שָׁמָּה וּלְהֲבִיאָם יְרוּשָׁלַיִם לְמַעַן יִוָּסֵרוּ׃

ו וַיְהִי כְּעֵת צָהֳרַיִם וְאָנׂכִי הׂלֵךְ וְקָרֵב לְדַמָּשֶׂק וְהִנֵּה אוֹר גָּדוֹל מִן־הַשָּׁמַיִם נָגַהּ עָלַי מִסָּבִיב׃

ז וָאֶפּׂלׂ אָרְצָה וָאֶשְׁמַע קוֹל מִדַּבֵּר אֵלַי לֵאמׂר שָׁאוּל שָׁאוּל לָמָּה תִרְדְּפֵנִי׃

ח וָאַעַן וָאׂמַר מִי אַתָּה אֲדׂנִי וַיּׂאמֶר אֵלַי אֲנִי יֵשׁוּעַ הַנָּצְרִי אֲשֶׁר אַתָּה רוֹדֵף׃

ט וְהָאֲנָשִׁים אֲשֶׁר אִתִּי רָאוּ אֶת־הָאוֹר וַיִּירָאוּ וְאֶת־קוֹל הַמְדַבֵּר אֵלַי לׂא שָׁמֵעוּ׃

י וָאׂמַר מָה־אֶעֱשֶׂה אֲדׂנִי וַיּׂאמֶר אֵלַי הָאָדוֹן קוּם לֵךְ אֶל־דַּמֶּשֶׂק וְשָׁם יֻגַּד לְךָ אֶת־כּׂל אֲשֶׁר צֻוֵּיתָ לַעֲשׂוֹת׃

יא וַאֲנִי לׂא־יָכׂלְתִּי לִרְאוֹת מִפְּנֵי זׂהַר הָאוֹר הַהוּא וַיַּחֲזִיקוּ הָאֲנָשִׁים אֲשֶׁר אִתִּי בְּיָדִי וַיּוֹלִיכוּנִי וָאָבֹא לְדַמָּשֶׂק׃

יב וְשָׁם אִישׁ יְרֵא אֱלׂהִים כְּפִי הַתּוֹרָה וּשְׁמוֹ חֲנַנְיָה אֲשֶׁר קָנָה לוֹ שֵׁם טוֹב בְּקֶרֶב כָּל־הַיְּהוּדִים הַיּשְׁבִים שָׁם׃

יג וַיָּבֹא אֵלַי וַיִּגַּשׁ וַיּׂאמֶר אֵלַי שָׁאוּל אָחִי פְּקַח עֵינֶיךָ וּבַשָּׁעָה הַהִיא נִפְקְחוּ עֵינַי וָאֶרְאֵהוּ׃

יד וַיּׂאמַר אֱלׂהֵי אֲבוֹתֵינוּ בָּחַר בְּךָ לָדַעַת אֶת־רְצוֹנוֹ וְלִרְאוֹת אֶת־הַצַּדִּיק וְלִשְׁמׂעַ קוֹל מִפִּיהוּ׃

טו כִּי תִהְיֶה־לּוֹ לְעֵד עַל־הַדְּבָרִים אֲשֶׁר רָאִיתָ וְשָׁמַעְתָּ נֶגֶד כָּל־בְּנֵי אָדָם׃

טז וְעַתָּה לָמָּה תִתְמַהְמֵהַּ קוּם וְהִטָּבֵל וְהִתְרַחֵץ מֵחַטּׂאתֶיךָ בְּקָרְאֲךָ בְּשֵׁם הָאָדוֹן׃

יז וַיְהִי בְּשׁוּבִי אֶל־יְרוּשָׁלַיִם וָאֶתְפַּלֵּל בַּמִּקְדָּשׁ וַתְּהִי עָלַי יַד־יְהוָֹה׃

יח וָאֵרֶא אוֹתוֹ מְדַבֵּר אֵלַי חוּשָׁה צֵא בִמְהֵרָה מִירוּשָׁלָיִם כִּי לׂא־יְקַבְּלוּ אֶת־עֵדוּתְךָ עָלָי׃

יט וָאׂמַר אֲדׂנִי הֲלׂא הֵם יוֹדְעִים אֵת אֲשֶׁר־הִשְׁלַכְתִּי אֶל־הַכֶּלֶא וְהִלְקֵיתִי בְּבָתֵּי כְנֵסִיּוֹת אֵת הַמַּאֲמִינִים בָּךְ׃

כ וּבְהִשָּׁפֵךְ דַּם־אִסְטְפָנוֹס עֵדֶךָ אַף־אֲנִי עָמַדְתִּי שָׁם וַאֲנִי חָפֵץ בַּהֲרֵגָתוֹ וְשׁוֹמֵר אֶת־בִּגְדֵי הׂרְגָיו׃

כא וַיּׂאמֶר אֵלַי לֵךְ כִּי אֲנִי אֶל הַגּוֹיִם עַד־לְמֵרָחוֹק אֲשַׁלְּחֲֶָ׃

כב וַיִּשְׁמְעוּ אֵלָיו עַד־הַדָּבָר הַזֶּה וַיִּשְׂאוּ אֶת־קוֹלָם וַיּׂאמְרוּ הַשְׁמֵד אִישׁ כָּזֶה מֵעַל הָאֲדָמָה כִּי לׂא רָאוּי לוֹ שֶׁיִּחְיֶה׃

כג וַיְהִי בִּהְיוֹתָם צׂעֲקִים וּמַשְׁלִיכִים אֶת־בִּגְדֵיהֶם מֵעֲלֵיהֶם וְזׂרְקִים עָפָר הַשָּׁמָיְמָה׃

כד וַיְצַו שַׂר הָאֶלֶף לְהוֹלִיכוֹ אֶל־הַמְצָד וַיּׂאמֶר לְהַלְקוֹת אׂתוֹ וְלִבְדּׂק לְמַעַן יֵדַע מַדּוּעַ עָלָיו הַצְּעָקָה הַזּׂאת׃

כה וַיְהִי כַּאֲשֶׁר אָסְרוּ אׂתוֹ לְהַכּוֹתוֹ בִרְצוּעוֹת וַיּׂאמֶר אֶל־שַׂר הַמֵּאָה הָעׂמֵד עָלָיו הַאַף רִשְׁיוֹן לָכֶם לְהַכּוֹת אִישׁ רוֹמִי בְּלׂא־דִין וּבְלׂא מִשְׁפָּט׃

כו וַיִּשְׁמַע שַׂר הַמֵּאָה אֶת־הַדָּבָר הַזֶּה וַיֵּלֶךְ וַיַּגֵּד לְשַׂר הָאֶלֶף לֵאמׂר רְאֵה מַה־תַּעֲשֶׂה כִּי הָאִישׁ הַזֶּה רוֹמִי הוּא׃

כז וַיָּבֹא שַׂר־הָאֶלֶף וַיּׂאמַר הַגֵּד־לִי הֲרוֹמִי אַתָּה וַיּׂאמֶר רוֹמִי׃

כח וַיַּעַן שַׂר הָאֶלֶף אֲנִי בְּכֶסֶף רַב קָנִיתִי לִי מִשְׁפַּט הָאֶזְרָחוּת הַזּׂאת וַיּׂאמֶר פּוֹלוֹס וַאֲנִי יֻלַּדְתִּי בָהּ׃

כט אָז הִרְפּוּ מִמֶּנּוּ הָאֲנָשִׁים אֲשֶׁר בָּאוּ לְבָדְקוֹ וְשַׂר הָאֶלֶף יָרֵא מְאׂד כִּי־אָסַר אוֹתוֹ וְהוּא רוֹמִי׃

ל וּמִמָּחֳרָת בִּקֵּשׁ לָדַעַת בָּרוּר עַל־מֶה הַיְּהוּדִים מְחַיְּבִים אוֹתוֹ וַיַּתֵּר מוֹסְרוֹתָיו וַיְצַו לְהָבִיא אֶת־רָאשֵׁי הַכּׂהֲנִים וְאֶת כָּל־הַסַּנְהֶדְרִין וַיּוֹרֶד אֶת־פּוֹלוֹס וַיַּעֲמִידֵהוּ לִפְנֵיהֶם׃