Acts 2

א וּבְיוֹם מְלׂאת שִׁבְעַת הַשָּׁבֻעוֹת נֶאֶסְפוּ כֻלָּם לֵב אֶחָד׃

ב וַיְהִי קוֹל רַעַשׁ מִן־הַשָּׁמַיִם פִּתְאׂם כְּקוֹל רוּחַ סְעָרָה וַיְמַלֵּא אֶת־כָּל־הַבַּיִת אֲשֶׁר הֵם ישְׁבִים בּוֹ׃

ג וַתֵּרָאֶינָה אֲלֵיהֶם לְשׁׂנוֹת מִתְפָּרְדוֹת בְּמַרְאֵה אֵשׁ וַתָּנוּחַ אַחַת אַחַת עַל כָּל־אֶחָד מֵהֶם׃

ד וַיִּמָּלְאוּ כֻלָּם רוּחַ הַקּׂדֶשׁ וַיָּחֵלּוּ לְדַבֵּר בִּלְשׁׂנוֹת אֲחֵרוֹת כַּאֲשֶׁר נְתָנָם הָרוּחַ לְסַפֵּר׃

ה וּבִירוּשָׁלַיִם שָׁכְנוּ יְהוּדִים יִרְאֵי אֱלׂהִים מִבֵּין כָּל־גּוֹי אֲשֶׁר תַּחַת כָּל הַשָּׁמָיִם׃

ו וַיְהִי בִּהְיוֹת קוֹל הָרַעַשׁ הַהוּא וַיִּקָּבְצוּ עַם־רָב וַיִּהְיוּ נְבֻכִים כִּי כָל־אִישׁ שׁׂמֵעַ אׂתָם מְדַבְּרִים כִּשְׂפַת אַרְצוֹ׃

ז וַיִּשְׁתּוֹמֲמוּ וַיִּתְמְהוּ וַיּׂאמְרוּ אִישׁ אֶל־רֵעֵהוּ הִנֵּה הַמְדַבְּרִים הָאֵלֶּה הֲלׂא כֻלָּם בְּנֵי הַגָּלִיל הֵמָּה׃

ח וְאֵיךְ שׁׂמְעִים אֲנַחְנוּ אׂתָם אִישׁ כִּשְׂפַת־אֶרֶץ מוֹלַדְתֵּנוּ׃

ט פַּרְתִּיִּים וּמָדִים וְעֵילָמִים וְישְׁבֵי אֲרַם נַהֲרָיִם יְהוּדָה וְקַפּוֹדְקִיָּה פָּנְטוֹס וְאַסְיָא׃

י פְּרוּגְיָא וּפַמְפּוּלְיָא מִצְרַיִם וְחֶבֶל לוּב אֲשֶׁר עַל־יַד קוּרִינִי וְהַבָּאִים מֵרוֹמִי יְהוּדִים וְגֵרִים׃

יא כְּרֵתִים וְעַרְבִים הִנֵּה אֲנַחְנוּ שׁׂמְעִים אׂתָם מְסַפְּרִים בִּלְשׁׂנוֹתֵינוּ גְּדֻלּוֹת הָאֱלׂהִים׃

יב וַיִּתְמְהוּ כֻלָּם וַיִּבָּהֵלוּ וַיּׂאמְרוּ אִישׁ אֶל־אָחִיו מַה־זּׂאת׃

יג וַאֲחֵרִים לָעֲגוּ וַיּׂאמְרוּ כִּי־מְלֵאֵי עָסִיס הֵמָּה׃

יד אָז יַעֲמׂד פֶּטְרוֹס וְעַשְׁתֵּי הֶעָשָׂר עִמּוֹ וַיִּשָּׂא אֶת־קוֹלוֹ וַיְדַבֵּר אֲלֵיהֶם לֵאמׂר אַנְשֵׁי יְהוּדָה וְישְׁבֵי יְרוּשָׁלַיִם כֻּלָּם זׂאת יָדׂעַ תֵּדְעוּ וְהַאֲזִינוּ אֶל־דְּבָרָי׃

טו כִּי הָאֲנָשִׁים הָאֵלֶּה לׂא שִׁכּוֹרִים הֵמָּה כַּאֲשֶׁר אֲמַרְתֶּם כִּי שָׁלשׁ שָׁעוֹת בַּיוֹם עָתָּה׃

טז וְהוּא הָאָמוּר עַל־יְדֵי יוֹאֵל הַנָּבִיא׃

יז וְהָיָה בָּאַחֲרִית הַיָּמִים נְאֻם אֱלׂהִים אֶשְׁפּׂךְ אֶת־רוּחִי עַל־כָּל־בָּשָׂר וְנִבְּאוּ בְּנֵיכֶם וּבְנׂתֵיכֶם וּבַחוּרֵיכֶם חֶזְיׂנוֹת יִרְאוּ וְזִקְנֵיכֶם חֲלׂמוֹת יַחֲלׂמוּן׃

יח וְגַם עַל־עֲבָדַי וְעַל־שִׁפְחוֹתַי בַּיָּמִים הָהֵמָּה אֶשְׁפּׂךְ אֶת־רוּחִי וְנִבָּאוּ׃

יט וְנָתַתִּי מוֹפְתִים בַּשָּׁמַיִם מִמַּעַל וְאׂתוֹת בָּאָרֶץ מִתָּחַת דָּם וָאֵשׁ וְתִימְרוֹת עָשָׁן׃

כ הַשֶּׁמֶשׁ יֵהָפֵךְ לְחשֶׁJ וְהַיָּרֵחַ לְדָם לִפְנֵי בּוֹא יוֹם יְהוָֹה הַגָּדוֹל וְהַנּוֹרָא׃

כא וְהָיָה כּׂל אֲשֶׁר־יִקְרָא בְּשֵׁם־יְהוָֹה יִמָּלֵט׃

כב אַנְשֵׁי יִשְׂרָאֵל שִׁמְעוּ הַדְּבָרִים הָאֵלֶּה יֵשׁוּעַ הַנָּצְרִי הָאִישׁ אֲשֶׁר נֶאֱמַן לָכֶם מֵאֵת הָאֱלׂהִים בִּגְבוּרוֹת וּבְמוֹפְתִים וּבְאׂתוֹת אֲשֶׁר הָאֱלׂהִים עָשָׂה עַל־יָדוֹ בְּתוֹכֲכֶם כַּאֲשֶׁר יְדַעְתֶּם גַּם־אַתֶּם׃

כג אׂתוֹ הַנִּמְסָר עַל־פִּי עֲצַת הָאֱלׂהִים הַנֶּחֱרָצָה וִידִיעָתוֹ מִקֶּדֶם לְקַחְתֶּם וּבִידֵי רְשָׁעִים הוֹקַעְתֶּם וַהֲרַגְתֶּם׃

כד וֵאלׂהִים הֱקִימוֹ מִן־הַמֵּתִים בְּהַתִּירוֹ אֶת־חֶבְלֵי הַמָּוֶת לְפִי שֶׁלּא הָיָה בְיָדוֹ לְהַחֲזִיק בּוֹ׃

כה כִּי־דָוִד אׂמֵר עָלָיו שִׁוִּיתִי יְהוָֹה לְנֶגְדִּי תָמִיד כִּי מִימִינִי בַּל־אֶמּוֹט׃

כו לָכֵן שָׂמַח לִבִּי וַיָּגֶל כְּבוֹדִי אַף־בְּשָׂרִי יִשְׁכּׂן לָבֶטַח׃

כז כִּי לׂא־תַעֲזׂב נַפְשִׁי לִשְׁאוֹל לׂא־תִתֵּן חֲסִידְךָ לִרְאוֹת שָׁחַת׃

כח תּוֹדִיעֵנִי אָרְחוֹת חַיִּים שׂבַע שְׂמָחוֹת אֶת־פָּנֶיךָ׃

כט אֲנָשִׁים אַחִים הַנִּיחוּ לִי וַאֲדַבְּרָה אֲלֵיכֶם כַּאֲשֶׁר עִם לְבָבִי דָּוִד אָבִינוּ מֵת וְנִקְבַּר וּקְבוּרָתוֹ אִתָּנוּ הִיא עַד־הַיּוֹם הַזֶּה׃

ל וְהוּא נָבִיא וְיׂדֵעַ אֶת־הַשְּׁבוּעָה אֲשֶׁר נִשְׁבַּע לוֹ הָאֱלׂהִים (לְהָקִים אֶת הַמָּשִׁיחַ כְּפִי הַבָּשָׂר) מִפְּרִי חֲלָצָיו לְהוֹשִׁיבוֹ עַל־כִּסְאוֹ׃

לא לָכֵן בַּחֲזוֹתוֹ לְמֵרָחוֹק דִּבֶּר עַל־תְּקוּמַת הַמָּשִׁיחַ כִּי לׂא־נֶעֶזְבָה נַפְשׁוֹ לִשְׁאוֹל וְגַם־בְּשָׂרוֹ לׂא־רָאָה שָׁחַת׃

לב הוּא יֵשׁוּעַ אֲשֶׁר הֵקִים אֱלׂהִים מִן־הַמֵּתִים וַאֲנַחְנוּ כֻלָּנוּ עֵדָיו׃

לג וְעַתָּה אַחֲרֵי הִנָּשְׂאוֹ בִּימִין הָאֱלׂהִים לָקַח מֵאֵת אָבִיו אֶת־הַבְטָחַת רוּחַ הַקּׂדֶשׁ וַיִּשְׁפּׂךְ אֶת־אֲשֶׁר אַתֶּם רׂאִים וְשׁׂמְעִים׃

לד כִּי דָוִד לׂא עָלָה הַשָּׁמָיְמָה וְהִנֵּה הוּא אׂמֵר נְאֻם־יְהוָֹה לַאדׂנִי שֵׁב לִימִינִי׃

לה עַד־אָשִׁית אׂיְבֶיךָ הֲדׂם לְרַגְלֶיךָ׃

לו לָכֵן יֵדַע־נָא בֵּית־יִשְׂרָאֵל כֻּלּוֹ בָּרוּר כִּי הָאֱלׂהִים שָׂם אֶת־יֵשׁוּעַ זֶה אֲשֶׁר צְלַבְתֶּם לְאָדוֹן וּלְמָשִׁיחַ׃

לז וַיְהִי כְשָׁמְעָם הִתְעַצְּבוּ אֶל־לִבָּם וַיּׂאמְרוּ אֶל־פֶּטְרוֹס וְאֶל־שְׁאָר הַשְּׁלִיחִים אֲנָשִׁים אַחִים מַה־נַּעֲשֶׂה׃

לח וַיּׂאמֶר פֶּטְרוֹס אֲלֵיהֶם שׁוּבוּ מִדַּרְכֵיכֶם וְהִטָּבְלוּ כָּל־אִישׁ מִכֶּם לְשֵׁם יֵשׁוּעַ הַמָּשִׁיחַ לִסְלִיחַת חֲטָאֵיכֶם וְקִבַּלְתֶּם אֶת־מַתְּנַת רוּחַ הַקּׂדֶשׁ׃

לט כִּי לָכֶם הַהַבְטָחָה וְלִבְנֵיכֶם וּלְכׂל הָרְחוֹקִים לְכָל־אֲשֶׁר קׂרֵא יְהוָֹה אֱלׂהֵינוּ לָהֶם׃

מ וַיָּעַד עוֹד בָּהֶם בִּדְּבָרִים אֲחֵרִים הַרְבֵּה וַיַּזְהִירֵם לֵאמׂר הִמָּלְטוּ נָא מִן־הַדּוֹר הָעִקֵּשׁ הַזֶּה׃

מא וַיְקַבְּלוּ אֶת־דְּבָרוֹ בְּשִׂמְחָה וַיִּטָּבֵלוּ וּבַיּוֹם הַהוּא נוֹסְפוּ כִּשְׁלשֶׁת אַלְפֵי נָפֶשׁ׃

מב וַיִּהְיוּ שׁׂקְדִים עַל־תּוֹרַת הַשְּׁלִיחִים וְעַל־הַהִתְחַבְּרוּת וְעַל־בְּצִיעַת הַלֶּחֶם וְעַל־הַתְּפִלָּה׃

מג וַתִּפּׂל אֵימָה עַל־כָּל־נֶפֶשׁ וּמוֹפְתִים רַבִּים וְאׂתוֹת נַעֲשׂוֹוֹ עַל־יְדֵי הַשְּׁלִיחִים בִּירוּשָׁלָיִם (וְאֵימָה גְדוֹלָה הָיְתָה עַל־כֻּלָּם)׃

מד וְכָל־הַמַּאֲמִינִים הִתְאַחֲדוּ יָחַד וְכָל־אֲשֶׁר לָהֶם הָיָה לְנַחֲלַת כֻּלָּם׃

מה וַיִּמְכְּרוּ אֶת־אַחֻזָּתָם וְאֶת־רְכוּשָׁם וַיְחַלְּקוּ לְכֻלָּם לְאִישׁ אִישׁ דֵּי מַחְסוֹרוֹ׃

מו וְיוֹם יוֹם הָיוּ שׁׂקְדִים לִהְיוֹת בַּמִּקְדָּשׁ לֵב אֶחָד וַיִּבְצְעוּ אֶת־הַלֶּחֶם בַּבַּיִת בַּבָּיִת׃

מז וַיּׂאכְלוּ מְזוֹנָם בְּגִילָה וּבְתׂם לֵבָב וַיְשַׁבְּחוּ אֶת־הָאֱלׂהִים וַיִּמְצְאוּ חֵן בְּעֵינֵי כָל־הָעָם וְהָאָדוֹן הוֹסִיף יוֹם יוֹם עַל־הָעֵדָה אֶת־הַנּוֹשָׁעִים׃