Acts 26

א וַיּׂאמֶר אַגְרִפַּס אֶל־פּוֹלוֹס נִתַּן־לְךָ לְדַבֵּר בְּעַד נַפְשֶׁךָ אָז יִצְטַדֵּק פּוֹלוֹס וַיּוֹשֶׁט אֶת־יָדוֹ וַיּׂאמַר׃

ב מְאַשֵּׁר אֲנִי נַפְשִׁי הַמֶּלֶךְ אַגְרִפַּס כִּי לְפָנֶיךָ אֶצְטַדֵּק הַיּוֹם עַל־כּׂל אֲשֶׁר־טׂעֲנִים עָלַי הַיְּהוּדִים׃

ג כִּי אַתָּה יׂדֵעַ הֵיטֵב כָּל־הַמִּנְהָגִים וְהַשְּׁאֵלוֹת אֲשֶׁר בֵּין הַיְּהוּדִים וְעַל־כֵּן אֶשְׁאֲלָה מֵאִתְּךָ לִשְׁמׂעַ אׂתִי כְּאׂרֶךְ רוּחֶךָ׃

ד הִנֵּה דַּרְכִּי מִנְּעוּרַי אֲשֶׁר הִתְהַלַּכְתִּי־בָהּ מֵאָז בְּתוֹךְ עַמִּי וּבִירוּשָׁלָיִם יׂדְעִים אוֹתָהּ כָּל־הַיְּהוּדִים׃

ה כִּי מִיָּמִים רִאשׁוֹנִים יְדָעוּנִי אִם־יִרְצוּ לְהָעִיד כִּי כְּפָרוּשׁ הִתְנַהַגְתִּי עַל־פִּי הַכַּת הַמַּקְפֶּדֶת בְּיוֹתֵר בַּעֲבוֹדָתֵנוּ׃

ו וְעַתָּה אֲנִי עׂמֵד לְהִשָּׁפֵט עַל־תִּקְוַת הַהַבְטָחָה אֲשֶׁר הִבְטִיחָהּ הָאֱלׂהִים אֶת־אֲבוֹתֵינוּ׃

ז וַאֲשֶׁר שְׁנֵים עָשָׂר שְׁבָטֵינוּ מְיַחֲלִים לְהַגִּיעַ לָהּ בְּעָבְדָם אֶת־יְהוָֹה תָּמִיד יוֹמָם וָלָיְלָה עַל־דְּבַר הַתִּקְוָה הַזּׂאת הַמֶּלֶךְ אַגְרִפַּס הַיְּהוּדִים מְבַקְשִׁים לְחַיְּבֵנִי׃

ח מַדּוּעַ יִפָּלֵא בְעֵינֵיכֶם כִּי הָאֱלׂהִים יְחַיֶּה מֵתִים׃

ט הֵן לְפָנִים אֲנִי חָשַׁבְתִּי לְדָבָר הָגוּן לִצְרׂר אֶת־שֵׁם יֵשׁוּעַ הַנָּצְרִי עַד־מְאׂד׃

י כַּאֲשֶׁר עָשִׂיתִי בִירוּשָׁלָיִם וְגַם־קְדוֹשִׁים רַבִּים אֲנִי הִסְגַּרְתִּי לְבָתֵּי כְלָאִים בָּרְשׁוּת אֲשֶׁר קִבַּלְתִּי מֵאֵת רָאשֵׁי הַכּׂהֲנִים וְעִם הוֹרְגֵיהֶם רָצִיתִי׃

יא וּבְכָל־בָּתֵּי כְנִסִיּוֹת יִסַּרְתִּי אׂתָם פְּעָמִים רַבּוֹת וַאֲנַסְתִּים לְגַדֵּף וָאֶתְהוֹלֲלָה בָּם עַד מְאׂד וָאֶרְדְּפֵם עַד־לֶעָרִים אֲשֶׁר חוּצָה לָאָרֶץ׃

יב וַיְהִי בְּלֶכְתִּי עַל־הַדָּבָר הַזֶּה לְדַמָּשֶׂק בִּרְשׁוּת רָאשֵׁי הַכּׂהֲנִים וּבְמִצָוָתָם׃

יג וָאֵרֶא אֲדׂנִי הַמֶּלֶךְ לְעֵת צָהֳרַיִם בַּדָּרֶךְ וְהִנֵּה אוֹר צַח מִזּׂהַר הַשֶּׁמֶשׁ אֲשֶׁר מִשָּׁמַיִם נָגַהּ מִסָּבִיב עָלַי וְעַל הַהׂלְכִים אִתִּי׃

יד וַנִפּׂל כֻּלָּנוּ אָרְצָה וָאֶשְׁמַע קוֹל מְדַּבֵּר אֵלַי בְּלָשׁוֹן עִבְרִית לֵאמׂר שָׁאוּל שָׁאוּל לָמָּה תִרְדְּפֵנִי קָשֶׁה לְךָ לִבְעׂט בַּדָּרְבֹנוֹת׃

טו וָאׂמַר מִי אַתָּה אֲדׂנִי וַיּׂאמֶר אָנׂכִי יֵשׁוּעַ אֲשֶׁר אַתָּה רׂדֵף׃

טז אֲבָל קוּם וַעֲמׂד עַל־רַגְלֶיךָ כִּי בַּעֲבוּר זׂאת נִרְאֵיתִי אֵלֶיךָ בַּעֲבוּר אֶבְחַר בְּךָ לִמְשָׁרֵת וּלְעֵד הַדְּבָרִים אֲשֶׁר רָאִיתָ וָאֲשֶׁר אַרְאֶ׃

יז בְּהַצִּילִי אוֹתְךָ מִן־הָעָם וּמִן־הַגּוֹיִם אֲשֶׁר אֶשְׁלָחֲךָ עַתָּה אֲלֵיהֶם׃

יח לִפְקׂחַ אֶת־עֵינֵיהֶם לְמַעַן יָשׁוּבוּ מֵחשֶׁךְ לְאוֹר וּמְיַּד הַשָּׂטָן אֶל־הָאֱלׂהִים וְהֶאֱמִינוּ וְנִסְלַח לְחַטּׂאתָם וְהָיְתָה לָהֶם הַנַּחֲלָה בְּתוֹךְ הַמְקֻדָּשִׁים׃

יט עַל־כֵּן הַמֶּלֶךְ אַגְרִפַּס לׂא הִמְרֵיתִי אֶת־הַמַּרְאֶה אֲשֶׁר רָאִיתִי מִן־הַשָּׁמָיִם׃

כ כִּי אִם־קָרָאתִי רִאשׁוֹנָה לְישְׁבֵי דַּמֶּשֶׂק וִירוּשָׁלַיִם וּבְכָל־אֶרֶץ יְהוּדָה וְגַם לַגּוֹיִם לֵאמׂר הִנָּחֲמוּ וְשׁוּבוּ אֶל־הָאֱלׂהִים וַעֲשׂוֹוֹ מַעֲשִׂים רְאוּיִם לַתְּשׁוּבָה׃

כא וּבִגְלַל הַדָּבָר הַזֶּה תָּפְשׂוֹוֹ אׂתִי הַיְּהוּדִים בַּמִּקְדָּשׁ וַיְבַקְשׁוּ לַהֲמִיתֵנִי׃

כב וְהָאֱלׂהִים הָיָה בְעֶזְרִי וְעַד־הַיּוֹם הַזֶּה עׂמֵד אֲנִי וּמֵעִיד לִפְנֵי קָטׂן וְגָדוֹל וְאֵינֶנִּי מְדַבֵּר דָּבָר זוּלָתִי הַדְּבָרִים אֲשֶׁר הִגִּידוּ הַנְּבִיאִים וּמשֶׁה כִּי־עֲתִידִים הֵמָּה לָבֹא׃

כג שֶׁעָתִיד הַמָּשִׁיחַ לְהֵעָנוֹת וְלָקוּם רִאשׁוֹן מִן־הַמֵּתִים לְהָפִיץ אוֹר בָּעָם וּבַגּוֹיִם׃

כד וַיְהִי הוּא מִצְטַדֵּק בָּזׂאת וַיִּקְרָא פֶסְטוֹס בְּקוֹל גָּדוֹל לֵאמׂר הִנְּךָ מִשְׁתַּגֵּעַ פּוֹלוֹס רׂב הַלִּמּוּד הֱבִיאֲךָ לִידֵי שִׁגָּעוֹן׃

כה וַיּׂאמֶר פּוֹלוֹס אֵינֶנִּי מְשֻׁגָּע פֶּסְטוֹס הָאַדִּיר כִּי אִם־דִּבְרֵי אֱמֶת וָטַעַם אַבִּיעַ׃

כו כִּי הַמֶּלֶךְ יוֹדֵעַ אֶת־אֵלֶּה וְעַל־זׂאת בְּבִטָּחוֹן אֲנִי מְדַבֵּר אֵלָיו כִּי אֶחְשׁׂב שֶׁלּא־נֶעְלַם מִמֶּנּוּ דָּבָר מִן־הַדְּבָרִים הָאֵלֶּה כִּי לׂא־בְקֶרֶן זָוִית נֶעֶשְׂתָה זׂאת׃

כז הַמֶּלֶךְ אַגְרִפַּס הֲמַאֲמִין אַתָּה בַּנְּבִיאִים יָדַעְתִּי כִּי מַאֲמִין אָתָּה׃

כח וַיּׂאמֶר אַגְרִפַּס אֶל־פּוֹלוֹס עוֹד מְעַט וּפִתִּיתַנִי לִהְיוֹת נָצְרִי׃

כט וַיּׂאמֶר אֲבַקְשָׁה מֵאֱלׂהִים אֲשֶׁר בְּקָרוֹב אוֹ בְרָחוֹק לׂא אַתָּה כִּי־גַם לְבַדְּךָ כִּי־גַם כָּל־הַשּׁׂמְעִים אוֹתִי יִהְיוּ כָמוֹנִי זוּלָתִי הַמּוֹסֵרוֹת הָאֵלֶּה׃

ל וַיְהִי בְּדַבְּרוֹ הַדָּבָר הַזֶּה וַיָּקָם הַמֶָּלֶךְ וְהַהֶגְמוֹן וּבֶרְנִיקָה וְהַיּשְׁבִים אִתָּם׃

לא וַיָּבֹאוּ הַחַדְרָה וַיְדַבְּרוּ אִישׁ אֶל־רֵעֵהוּ לֵאמׂר הָאִישׁ הַזֶּה לׂא־עָשָׂה דָבָר אֲשֶׁר יִהְיֶה עָלָיו חַיַּב מִיתָה אוֹ מוֹסֵרוֹת׃

לב וַיּׂאמֶר אַגְרִפַּס אֶל־פֶּסְטוֹס הָאִישׁ הַזֶּה יוּכַל לָצֵאת חָפְשִׁי לוּלֵא קָרָא אֶת־קֵיסַר לְדִינוֹ׃