Revelation 22

א וַיַּרְאֵנִי נַחַל שֶׁל־מַיִם חַיִּים (זַךְ) מַבְהִיק כְּעֵין הַקָּרַח יׂצֵא מִכִּסֵּא הָאֱלׂהִים וְהַשֶׂה׃

ב וּבְתוֹךְ רְחוֹב הָעִיר וְאֶל־שְׂפַת הַנַּחַל מִזֶּה וּמִזֶּה עֵץ חַיִּים עׂשֶׂה פְּרִי שְׁתֵּים עֶשְׂרֵה כִּי מִדֵּי חׂדֶשׁ בְּחָדְשׁוֹ יִתֵּן אֶת־פִּרְיוֹ וַעֲלֵה הָעֵץ לִתְרוּפַת הַגּוֹיִם׃

ג וְכָל־חֵרֶם לׂא יִהְיֶה־עוֹד וְכִסֵּא הָאֱלׂהִים וְהַשֶׂה יִהְיֶה־בָּהּ וַעֲבָדָיו יְשָׁרֲתֻהוּ׃

ד וְהֵמָּה יִרְאוּ אֶת־פָּנָיו וּשְׁמוֹ עַל־מִצְחוֹתָם׃

ה וְלַיְלָה לׂא יִהְיֶה־עוֹד וְלׂא יִצְטָרְכוּ עוֹד לְאוֹר נֵר וּלְאוֹר שָׁמֶשׁ כִּי־יְהוָֹה אֱלׂהִים הוּא יָאִיר לָהֶם וּמָלְכוּ עַד־עוֹלְמֵי עוֹלָמִים׃

ו וַיּׂאמֶר אֵלַי הַדְּבָרִים הָאֵלֶּה אֲמִתִּים וְנֶאֱמָנִים וַיְהוָֹה אֱלׂהֵי רוּחוֹת הַנְּבִיאִים שָׁלַח אֶת־מַלְאָכוֹ לְהַרְאוֹת אֶת־עֲבָדָיו אֵת אֲשֶׁר־הָיׂה יִהְיֶה בִּמְהֵרָה׃

ז הִנְנִי בָא מַהֵר אַשְׁרֵי הַשּׁׂמֵר אֶת־דִּבְרֵי נְבוּאַת הַסֵּפֶר הַזֶּה׃

ח וַאֲנִי יוֹחָנָן הוּא הָרׂאֶה אֵלֶּה וְשׁׂמְעָם וַיְהִי כְּשָׁמְעִי וְכִרְאוֹתִי וָאֶפּׂל לְרַגְלֵי הַמַּלְאָךְ אֲשֶׁר־הֶרְאַנִי אֶת־אֵלֶּה לְהִשְׁתַּחֲוֹת לוֹ׃

ט וַיּׂאמֶר אֵלַי רְאֵה אַל־תַּעֲשֶׂה־זּׂאת כִּי־אָנׂכִי עֶבֶד כָּמוֹךָ וְחָבֵר לְךָ וּלְאַחֶיךָ הַנְּבִיאִים וְלַשּׁׂמְרִים אֶת־דִּבְרֵי הַסֵּפֶר הַזֶּה לֵאלׂהִים הִשְׁתַּחֲוֵה׃

י וַיּׂאמֶר אֵלַי אַל־תַּחְתּׂם אֶת־דִּבְרֵי נְבוּאַת הַסֵּפֶר הַזֶּה כִּי קָרוֹב הַמּוֹעֵד׃

יא הַחוֹמֵס יוֹסִיף לַחְמׂס וְהַטָּמֵא יוֹסִיף לְהִטַּמֵּא וְהַצַּדִּיק יוֹסִיף לְהִצָּדֵק וְהַקָּדוֹשׁ יוֹסִיף לְהִתְקַדֵּשׁ׃

יב וְהִנְנִי בָא מַהֵר וּשְׂכָרִי אִתִּי לְשַׁלֵּם לְאִישׁ כְּמַעֲשֵׂהוּ׃

יג אֲנִי הָאָלֶף וְהַתָּו הָרׂאשׁ וְהַסּוֹף הָרִאשׁוֹן וְהָאַחֲרוֹן׃

יד אַשְׁרֵי הַמְכַבְּסִים אֶת־שַׂלְמׂתֵיהֶם לְמַעַן יִהְיֶה לָהֶם רִשְׁיוֹן בְּעֵץ הַחַיִּים וּבָאוּ הָעִירָה דֶּרֶךְ הַשְּׁעָרִים׃

טו וּמִחוּץ לָעִיר הַכְּלָבִים וְהַמְכַשְּׁפִים וְהַזּׂנִים וְהַמְרַצְּחִים וְעׂבְדֵי הָאֱלִילִים וְכָל־אׂהֵב שֶׁקֶר וְעׂשֵׂהוּ׃

טז אֲנִי יֵשׁוּעַ שָׁלַחְתִּי אֶת־מַלְאָכִי לְהָעִיד לָכֶם אֶת־אֵלֶּה בִּפְנֵי הַקְּהִלּוֹת אָנׂכִי שׁׂרֶשׁ דָּוִד וְתוֹלַדְתּוֹ כּוֹכַב נׂגַהּ הַשָּׁחַר׃

יז וְהָרוּחַ וְהַכַּלָּה אׂמְרִים בֹּא וְהַשּׁׂמֵעַ יׂאמַר בֹּא וְהַצָּמֵא יָבוֹא וְהֶחָפֵץ יִקַּח מַיִם חַיִּים חִנָּם׃

יח מֵעִיד אֲנִי בְּכָל־הַשּׁׂמֵעַ דִּבְרֵי נְבוּאַת הַסֵּפֶר הַזֶּה אֲשֶׁר אִם־יוֹסִיף אִישׁ עֲלֵיהֶם יוֹסִיף עָלָיו הָאֱלׂהִים אֶת־הַמַּכּוֹת הַכְּתוּבוֹת בַּסֵּפֶר הַזֶּה׃

יט וַאֲשֶׁר יִגְרַע מִדִּבְרֵי סֵפֶר הַנְּבוּאָה הַזּׂאת יִגְרַע הָאֱלׂהִים אֶת־חֶלְקוֹ מֵעֵץ הַחַיִּים וּמֵעִיר הַקּׂדֶשׁ הַכְּתוּבִים בַּסֵּפֶר הַזֶּה׃

כ הַמֵּעִיד הָעֵדוּת הַזּׂאת אׂמֵר אָמְנָם כֵּן אֲנִי בָא מַהֵר אָמֵן בֹּאָה־נָּא הָאָדוֹן יֵשׁוּעַ׃

כא חֶסֶד אֲדׂנֵינוּ יֵשׁוּעַ הַמָּשִׁיחַ עִם כָּל־הַקְּדוֹשִׁים אָמֵן׃