Revelation 16

א וָאֶשְׁמַע קוֹל גָּדוֹל מִן־הַהֵיכָל אׂמֵר אֶל־שִׁבְעַת הַמַּלְאָכִים לְכוּ הָרִיקוּ אֶת־שֶׁבַע קַעֲרׂת חֲמַת הָאֱלׂהִים אָרְצָה׃

ב וַיֵּלֶךְ הָרִאשׁוֹן וַיָּרֶק אֶת־קַעֲרָתוֹ עַל־הָאָרֶץ וַיְהִי שְׁחִין רַע וּמַכְאִיב בָּאֲנָשִׁים אֲשֶׁר־עֲלֵיהֶם תָּו הַחַיָּה וּבַמִּשְׁתַּחֲוִים לְצַלְמָהּ׃

ג וַיָּרֶק הַשֵּׁנִי אֶת־קַעֲרָתוֹ עַל־הַיָּם וַיְהִי לְדָם כְּדַם חָלָל וַתָּמָת כָּל־נֶפֶשׁ חַיָּה אֲשֶׁר בַּיָּם׃

ד וַיָּרֶק הַשְּׁלִישִׁי אֶת־קַעֲרָתוֹ בַּנְּהָרוֹת וּבְמַעְיְנוֹת הַמָּיִם וַיִּהְיוּ לְדָם׃

ה וָאֶשְׁמַע אֶת־מַלְאָךְ הַמַּיִם אׂמֵר צַדִּיק אַתָּה הַהוֶֹה וְהָיָה וְהַקָּדוֹשׁ כִּי־כֵן שָׁפָטְתָּ׃

ו כִּי דַּם קְדׂשִׁים וּנְבִיאִים שָׁפָכוּ וְדָם הִשְׁקִיתָם כִּי־גְמוּל יָדָם הוּא׃

ז וָאֶשְׁמַע אֶת־הַמִּזְבֵּחַ אׂמֵר אָמְנָם כֵּן יְהוָֹה אֱלׂהִים צְבָאוֹת אֱמֶת וָצֶדֶק מִשְׁפָּטֶיךָ׃

ח וַיָּרֶק הַמַּלְאָךְ הָרְבִיעִי אֶת־קַעֲרָתוֹ עַל־הַשָּׁמֶשׁ וַיִּנָּתֶן לוֹ לְלַהֵט אֶת־בְּנֵי הָאָדָם בָּאֵשׁ׃

ט וַיְלׂהֲטוּ בְנֵי־אָדָם בְּחׂם גָּדוֹל וַיְגַדְּפוּ אֶת־שֵׁם אֱלׂהִים אֲשֶׁר־לוֹ מֶמְשֶׁלֶת הַמַּכּוֹת הָאֵלֶּה וְלׂא שָׁבוּ לָתֶת־לוֹ הַכָּבוֹד׃

י וַיָּרֶק הַחֲמִישִׁי אֶת־קַעֲרָתוֹ עַל־כִּסֵּא הַחַיָּה וַתֶּחְשַׁךְ מַלְכוּתָהּ וַיְנַשְּׁכוּ אֶת־לְשׁוֹנָם מִכְּאֵב לֵב׃

יא וַיְגַדְּפוּ אֶת־אֱלׂהֵי הַשָּׁמַיִם מִמַּכְאׂבָם וּשְׁחִינָם וְלׂא שָׁבוּ מִמַּעֲשֵׂיהֶם׃

יב וַיָּרֶק הַשִּׁשִּׁי אֶת־קַעֲרָתוֹ עַל־הַנָּהָר הַגָּדוֹל נְהַר־פְּרָת וַיֶּחֶרְבוּ מֵימָיו לְיַשֵּׁר מְסִלָּה לַמְּלָכִים הַבָּאִים מִמִּזְרָח־שָׁמֶשׁ׃

יג וָאֵרֶא וְהִנֵּה מִפִּי הַתַּנִּין וּמִפִּי הַחַיָּה וּמִפִּי נְבִיא הַשֶּׁקֶר יׂצְאוֹת שָׁלׂשׁ רוּחוֹת טְמֵאוֹת דּוֹמׂת לִצְפַרְדְּעִים׃

יד כִּי רוּחוֹת הַשֵּׁדִים הֵנָּה וְהֵן עׂשׂוֹת אוֹתוֹת וְיׂצְאוֹת אֶל־מַלְכֵי אֶרֶץ וְתֵבֵל כֻּלָּהּ לְאָסְפָם לְמִלְחֶמֶת הַיּוֹם הַהוּא הַגָּדוֹל יוֹם אֱלׂהֵי הַצְּבָאוֹת׃

טו הִנְנִי בָא כְּגַּנָּב אַשְׁרֵי הַשּׁׂקֵד וְשׁׂמֵר אֶת־בְּגָדָיו פֶּן־יֵלֵךְ עָרׂם וְרָאוּ אֶת־עֶרְוָתוֹ׃

טז וַיֶּאֱסׂף אׂתָם אֶל־הַמָּקוֹם הַנִּקְרָא בְעִבְרִית הַר מְגִדּוֹן׃

יז וַיָּרֶק הַמַּלְאָךְ הַשְּׁבִיעִי אֶת־קַעֲרָתוֹ בַּאֲוִיר וַיֵּצֵא קוֹל גָּדוֹל מֵהֵיכַל הַשָּׁמַיִם מִן־הַכִּסֵא וַיּׂאמֶר הָיׂה נִהְיָתָה׃

יח וַיִּהְיוּ קׂלוֹת וּרְעָמִים וּבְרָקִים וַיְהִי רַעַשׁ גָּדוֹל אֲשֶׁר לׂא־הָיָה כָמׂהוּ לְמִן־הֱיוֹת אָדָם עַל־הָאָרֶץ כִּי גָדוֹל הָרַעַשׁ עַד־מְאׂד׃

יט וְהָעִיר הַגְּדוֹלָה נֶחְלְקָה לִשְׁלׂשָׁה חֲלָקִים וַתִּפּׂלְנָה עָרֵי הַגּוֹיִם וַתִּזָּכֵר בָּבֶל הַגְּדוֹלָה לִפְנֵי אֱלׂהִים לָתֶת־לָהּ כּוֹס יֵין חֲמַת אַפּוֹ׃

כ וַיָּנָס כָּל־אִי וְהֶהָרִים לׂא נִמְצָאוּ׃

כא וְאַבְנֵי בָרָד כַּכִּכָּר מִשְׁקָלָם יָרְדוּ מִן הַשָּׁמַיִם עַל־בְּנֵי הָאָדָם וַיְגַדְּפוּ בְנֵי־הָאָדָם אֶת־הָאֱלׂהִים עַל־אׂדוֹת מַכַּת הַבָּרָד כִּי־כָבְדָה מַכָּתוֹ מְאׂד׃