Revelation 10

א וָאֵרֶא מַלְאָךְ אַחֵר אַבִּיר יוֹרֵד מִן הַשָּׁמַיִם וְהוּא עׂטֶה עָנָן וְעַל־רׂאשׁוֹ כְּמַרְאֵה הַקֶּשֶׁת אֲשֶׁר בֶּעָנָן וּפָנָיו כַּשֶּׁמֶשׁ וְרַגְלָיו כְּעַמּוּדֵי אֵשׁ׃

ב וּבְיָדוֹ סֵפֶר קָטׂן פָּתוּחַ וַיָּשֶׂם אֶת־רֶגֶל יְמִינוֹ עַל־הַיָּם וְאֶת־שְׂמׂאלוֹ עַל־הָאָרֶץ׃

ג וַיִּקְרָא בְּקוֹל גָּדוֹל כַּאֲשֶׁר יִשְׁאַג הָאַרְיֵה וּבְקָרְאוֹ דִּבְּרוּ שִׁבְעַת הָרְעָמִים בְּקוֹלׂתֵיהֶם׃

ד וּכְדַבֵּר שִׁבְעַת הָרְעָמִים בְּקוֹלׂתֵיהֶם חָפַצְתִּי לִכְתּׂב וָאֶשְׁמַע קוֹל מִן־הַשָּׁמַיִם לֵאמׂר חֲתוֹם אֵת אֲשֶׁר־דִּבְּרוּ שִׁבְעַת הָרְעָמִים וְאַל־תִּכְתּׂב זׂאת׃

ה וְהַמַּלְאָךְ אֲשֶׁר־רְאִיתִיו עׂמֵד עַל־הַיָּם וְעַל־הָאָרֶץ הֵרִים יְמִינוֹ אֶל־הַשָּׁמָיִם׃

ו וַיִּשָּׁבַע בְּחֵי עוֹלְמֵי הָעוֹלָמִים אֲשֶׁר־בָּרָא אֶת־הַשָּׁמַיִם וְכָל־אֲשֶׁר בָּהֶם וְהָאָרֶץ וְכָל־אֲשֶׁר בָּהּ וְהַיָּם וְכָל־אֲשֶׁר־בּוֹ שֶׁאֵין עוֹד שָׁהוּת׃

ז אֲבָל בִּימֵי קוֹל הַמַּלְאָךְ הַשְּׁבִיעִי בְּעָמְדוֹ לִתְקוֹעַ וְנִשְׁלַם סוֹד הָאֱלׂהִים כַּאֲשֶׁר בִּשֵׂר אֶת־עֲבָדָיו הַנְּבִיאִים׃

ח וְהַקּוֹל אֲשֶׁר שָׁמַעְתִּי מִן־הַשָּׁמַיִם דִּבֶּר אֵלַי שֵׁנִית לֵאמׂר לֵךְ וְקַח אֶת־הַסֵּפֶר הַקָּטׂן הַפָּתוּחַ אֲשֶׁר בְּיַד־הַמַּלְאָךְ הָעׂמֵד עַל־הַיָּם וְעַל־הָאָרֶץ׃

ט וָאָבֹא אֶל־הַמַּלְאָךְ וָאׂמַר אֵלָיו תְּנָה־לִּי אֶת־הַסֵּפֶר וַיּׂאמֶר אֵלַי קַח וֶאֱכׂל אׂתוֹ וְהוּא יֵמַר בְּבִטְנְךָ וּבְפִיךָ יִהְיֶה מָתוֹק כִּדְבָשׁ׃

י וָאֶקַּח אֶת־הַסֵּפֶר מִיַּד־הַמַּלְאָךְ וָאׂכְלֵהוּ וַיְהִי בְּפִי כִּדְבַשׁ לְמָתוֹק וְאַחֲרֵי אָכְלִי אׂתוֹ וַתִּמָּלֵא בִטְנִי מְרוֹרִים׃

יא וַיּׂאמְרוּ אֵלָי עוֹד תָּשׁוּב תִּנָּבֵא עַל־עַמִּים וְגוֹיִם וּלְשׁׂנוֹת וּמְלָכִים רַבִּים׃