Matthew 9

א וַיֵּרֶד בָּאֳנִיָּה וַיַּעֲבֹר וַיָּבֹא אֶל־עִירוֹ׃

ב וְהִנֵּה הֵם מְבִיאִים אֵלָיו אִישׁ נְכֵה אֵבָרִים וְהוּא מֻשְׁכָּב עַל־הַמִּטָּה וַיְהִי כִּרְאוֹת יֵשׁוּעַ אֶת־אֱמוּנָתָם וַיּׂאמֶר אֶל־נְכֵה הָאֵבָרִים חֲזַק בְּנִי נִסְלְחוּ־לְךָ חַטּׂאתֶיךָ׃

ג וְהִנֵּה אֲנָשִׁים מִן־הַסּוֹפְרִים אָמְרוּ בִלְבָבָם מְגַדֵּף הוּא׃

ד וְיֵשׁוּעַ רָאָה אֶת־מַחְשְׁבֹתָם וַיּׂאמַר לָמָּה תַחְשְׁבוּ רָעָה בִּלְבַבְכֶם׃

ה כִּי מָה הַנָּקֵל הֶאָמׂר נִסְלְחוּ־לְךָ חַטּׂאתֶיךָ אִם־אָמׂר קוּם הִתְהַלֵּךְ׃

ו אַךְ לְמַעַן תֵּדְעוּן כִּי בֶן־הָאָדָם יֶשׁ־לוֹ הַשָׁלְטָן בָּאָרֶץ לִסְלׂחַ לַחֲטָאִים וַיּׂאמֶר אֶל־נְכֵה הָאֵבָרִים קוּם שָׂא אֶת־מִטָּתְךָ וְלֶךְ־לְךָ אֶל־בֵּיתֶJ׃

ז וַיָּקָם וַיֵּלֶךְ לְבֵיתוֹ׃

ח וַהֲמוֹן הָעָם רָאוּ וַיִּשְׁתּוֹמֲמוּ וַיְשַׁבְּחוּ אֶת־הָאֱלׂהִים אֲשֶׁר נָתַן שָׁלְטָן כָּזֶה לִבְנֵי אָדָם׃

ט וַיְהִי בַּעֲבֹר יֵשׁוּעַ מִשָׁם וַיַּרְא אִישׁ יׂשֵׁב בְּבֵית־הַמֶּכֶס וּשְׁמוֹ מַתָּי וַיּׂאמֶר אֵלָיו לְכָה אַחֲרָי וַיָּקָם וַיֵּלֶךְ אַחֲרָיו׃

י וַיְהִי בַּהֲסִבּוֹ בְּבֵיתוֹ וְהִנֵּה מוֹכְסִים וְחַטָּאִים רַבִּים בָּאוּ וַיָּסֵבּוּ עִם־יֵשׁוּעַ וְתַלְמִידָיו׃

יא וַיִּרְאוּ הַפְּרוּשִׁים וַיּׂאמְרוּ אֶל־תַּלְמִידָיו מַדּוּעַ יׂאכַל רַבְּכֶם עִם־הַמּוֹכְסִים וְהַחַטָּאִים׃

יב וַיִּשְׁמַע יֵשׁוּעַ וַיּׂאמֶר אֲלֵיהֶם הַחֲזָקִים אֵינָם צְרִיכִים לְרׂפֵא כִּי אִם־הַחוֹלִים׃

יג וְאַתֶּם צְאוּ וְלִמְדוּ מָה הוּא שֶׁנֶּאֱמַר חֶסֶד חָפַצְתִּי וְלׂא זָבַח כִּי לׂא־בָאתִי לִקְרׂא אֶת־הַצַּדִּיקִים כִּי אִם־אֶת־הַחַטָּאִים (לִתְשׁוּבָה)׃

יד וַיִּגְּשׁוּ אֵלָיו תַּלְמִידֵי יוֹחָנָן וַיּׂאמְרוּ מַדּוּעַ אֲנַחְנוּ וְהַפְּרוּשִׁים צָמִים הַרְבֵּה וְתַלְמִידֶיךָ אֵינָם צָמִים׃

טו וַיּׂאמֶר אֲלֵיהֶם יֵשׁוּעַ אֵיךְ יוּכְלוּ בְּנֵי הַחֻפָּה לְהִתְאַבֵּל בְּעוֹד הֶחָתָן עִמָּהֶם הִנֵּה יָמִים בָּאִים וְלֻקַּח מֵאִתָּם הֶחָתָן וְאָז יָצוּמוּ׃

טז אֵין אָדָם מֵשִׂים טְלַאי חָדָשׁ עַל־שִׁמְלָה בָלָה כִּי יִנָּתֵק הַטְּלַאי מִן־הַשִּׂמְלָה וְיִתְרַחֵב הַקֶּרַע׃

יז וְאֵין נוֹתְנִים יַיִן חָדָשׁ בְּנׂאדוֹת בָּלִים פֶּן־יִבָּקְעוּ הַנּׂאדוֹת וְהַיַּיִן יִשָׁפֵךְ וְהַנּׂאדוֹת יׂאבֵדוּ אֲבָל נוֹתְנִים אֶת־הַיַּיִן הֶחָדָשׁ בְּנׂאדוֹת חֲדָשִׁים וּשְׁנֵיהֶם יַחְדָּו יִשָׁמֵרוּ׃

יח וַיְהִי הוּא מְדַבֵּר אֲלֵיהֶם אֶת־הַדְּבָרִים הָאֵלֶּה וְהִנֵּה אַחַד הַשָּׂרִים בָּא וַיִּשְׁתַּחוּ־לוֹ וַיּׂאמַר עַתָּה זֶה מֵתָה בִתִּי בֹּא־נָא וְשִׂים אֶת־יָדְךָ עָלֶיהָ וְתִחְיֶה׃

יט וַיָּקָם יֵשׁוּעַ וַיֵּלֶךְ אַחֲרָיו הוּא וְתַלְמִידָיו׃

כ וְהִנֵּה אִשָׁה זָבַת דָּם שְׁתֵּים עֶשְׂרֵה שָׁנָה נִגְּשָׁה מֵאַחֲרָיו וַתִּגַּע בִּכְנַף בִּגְדוֹ׃

כא כִּי אָמְרָה בְּלִבָּהּ רַק אִם־אֶגַּע בְּבִגְדוֹ אִוָּשֵׁעַ׃

כב וַיִּפֶן יֵשׁוּעַ וַיַּרְא אוֹתָהּ וַיּׂאמַר חִזְקִי בִתִּי אֱמוּנָתֵךְ הוֹשִׁיעָה לָּךְ וַתִּוָּשַׁע הָאִשָׁה מִן־הַשָׁעָה הַהִיא׃

כג וַיָּבֹא יֵשׁוּעַ אֶל־בֵּית הַשָּׂר וַיַּרְא אֶת הַמְחַלֲלִים בַּחֲלִילִים וְאֶת־הָעָם הַהוֹמֶה וַיּׂאמַר׃

כד סוּרוּ מִפּׂה כִּי לׂא מֵתָה הַיַּלְדָּה אַךְ יְשֵׁנָה הִיא וַיִּשְׂחֲקוּ לוֹ׃

כה וַיְהִי כַּאֲשֶׁר הוֹצִיאוּ אֶת־הָעָם מִשָׁם וַיָּבֹא הַבַּיְתָה וַיּׂאחֶז בְּיָדָהּ וַתָּקָם הַנַּעֲרָה׃

כו וַתֵּצֵא הַשְׁמוּעָה הַזּׂאת בְּכָל־הָאָרֶץ הַהִיא׃

כז וַיַּעֲבֹר יֵשׁוּעַ מִשָׁם וַיֵּלְכוּ אַחֲרָיו שְׁנֵי אֲנָשִׁים עִוְרִים וְהֵמָּה צׂעֲקִים וְאׂמְרִים חָנֵּנוּ בֶּן־דָּוִד׃

כח וּכְבוֹאוֹ הַבַּיְתָה נִגְּשׁוּ אֵלָיו הַעִוְרִים וַיּׂאמֶר אֲלֵיהֶם יֵשׁוּעַ הֲמַאֲמִינִים אַתֶּם כִּי יֵשׁ־לְאֵל יָדִי לַעֲשׂוֹת זׂאת וַיּׂאמְרוּ אֵלָיו הֵן אֲדׂנֵינוּ׃

כט וַיִּגַּע בְּעֵינֵיהֶם וַיּׂאמַר יְהִי לָכֶם כֶּאֱמוּנַתְכֶם׃

ל וַתִּפָּקַחְנָה עֵינֵיהֶם וַיִּגְעַר־בָּם יֵשׁוּעַ וַיּׂאמַר רְאוּ פֶּן־יִוָּדַע לְאִישׁ׃

לא וְהֵמָּה בְּצֵאתָם הִשְׁמִיעוּ אֶת־שָׁמְעוֹ בְּכָל־הָאָרֶץ הַהִיא׃

לב הֵמָּה יָצָאוּ וְהִנֵּה הֵבִיאוּ אֵלָיו אִישׁ אִלֵּם אֲחוּז שֵׁד׃

לג וַיְגָרֶשׁ אֶת־הַשֵׁד וְהָאִלֵּם הֵחֵל לְדַבֵּר וַיִּתְמַהּ הֲמוֹן הָאֲנָשִׁים וַיּׂאמְרוּ מֵעוֹלָם לׂא־נִרְאֲתָה כָזׂאת בְּיִשְׂרָאֵל׃

לד וְהַפְּרוּשִׁים אָמְרוּ עַל־יְדֵי שַׂר הַשֵׁדִים מְגָרֵשׁ הוּא אֵת הַשֵׁדִים׃

לה וַיָּסָב יֵשׁוּעַ בְּכָל־הֶעָרִים וְהַכְּפָרִים וַיְלַמֵּד בִּכְנֵסִיּוֹתֵיהֶם וַיְבַשֵּׂר בְּשׂוֹרַת הַמַּלְכוּת וַיְרַפֵּא כָּל־מַחֲלָה וְכָל־מַדְוֶה בָּעָם׃

לו וּבִרְאוֹתוֹ אֶת־הַהֲמׂנִים נִכְמְרוּ רַחֲמָיו עֲלֵיהֶם כִּי הֵם מִתְעַלְּפִים וְנִדָּחִים כַּצּׂאן אֲשֶׁר אֵין־לָהֶם רׂעֶה׃

לז אָז יְדַבֵּר לְתַלְמִידָיו וַיּׂאמַר רַב הַקָּצִיר וְהַפּׂעֲלִים מְעַטִּים׃

לח לָכֵן הִתְחַנֲנוּ אֶל־בַּעַל הַקָּצִיר לִשְׁלׂחַ פּׂעֲלִים לִקְצִירוֹ׃