Matthew 16

א וַיִּגְּשׁוּ הַפְּרוּשִׁים וְהַצַּדּוּקִים לְנַסּוֹתוֹ וַיִּשְׁאֲלוּ מֵאִתּוֹ לְהַרְאוֹתָם אוֹת מִן־הַשָׁמָיִם׃

ב וַיַּעַן וַיּׂאמֶר לָהֶם בָּעֶרֶב תּׂאמְרוּ יוֹם־צַח יִהְיֶה כִּי אָדְמוּ הַשָׁמָיִם׃

ג וּבַבֹּקֶר תּׂאמְרוּ הַיּוֹם סַעַר כִּי־אָדְמוּ וְהִתְקַדְּרוּ הַשָׁמָיִם חֲנֵפִים אַתֶּם מַכִּירִים אֶת־פְּנֵי הַשָׁמַיִם וְאׂתוֹת הָעִתִּים לׂא תַכִּירוּ׃

ד דּוֹר רַע וּמְנָאֵף מְבַקֶּשׁ־לוֹ אוֹת וְאוֹת לׂא יִנָּתֶן־לוֹ בִּלְתִּי אִם־אוֹת יוֹנָה הַנָּבִיא וַיַּעַזְבֵם וַיֵּלֶךְ לוֹ׃

ה וַיָּבֹאוּ הַתַּלְמִידִים אֶל־עֵבֶר הַיָּם וְהֵם שָׁכְחוּ לָקַחַת אִתָּם לָחֶם׃

ו וַיּׂאמֶר יֵשׁוּעַ אֲלֵיהֶם רְאוּ וְהִשָׁמְרוּ לָכֶם מִשְּׂאׂר הַפְּרוּשִׁים וְהַצַּדּוּקִים׃

ז וַיַּחְשְׁבוּ כׂה וָכׂה בְּקִרְבָּם וַיּׂאמְרוּ עַל־דְּבַר שֶׁלּא־לָקַחְנוּ אִתָּנוּ לָחֶם׃

ח וַיֵּדַע יֵשׁוּעַ וַיּׂאמֶר אֲלֵיהֶם קְטַנֵּי אֱמוּנָה מָה־תַּחְשְׁבוּ בִּלְבַבְכֶם אֲשֶׁר לׂא־לְקַחְתֶּם אִתְּכֶם לָחֶם׃

ט הַעוֹד לׂא תַשְׂכִּילוּ וְלׂא תִּזְכְּרוּ אֶת־חֲמֵשֶׁת כִּכְּרוֹת־הַלֶּחֶם לַחֲמֵשֶׁת אֲלָפִים אִישׁ וְכַמָּה סַלִּים נְשָׂאתֶם׃

י וְאֶת־שֶׁבַע כִּכְּרוֹת הַלֶּחֶם לְאַרְבַּעַת אֲלָפִים אִישׁ וְכַמָּה דוּדִים נְשָׂאתֶם׃

יא אֵיךְ לׂא תָבִינוּ כִּי לׂא עַל־הַלֶּחֶם אָמַרְתִּי אֲלֵיהֶם הִשָׁמְרוּ לָכֶם מִשְּׂאׂר הַפְּרוּשִׁים וְהַצַּדּוּקִים׃

יב אָז הֵבִינוּ כִּי לׂא אָמַר לָהֶם לְהִשָׁמֵר מִשְּׂאׂר הַלֶּחֶם כִּי אִם־מִלִּמוּד הַפְּרוּשִׁים וְהַצַּדּוּקִים׃

יג וַיְהִי כְּבוֹא יֵשׁוּעַ אֶל־גְּלִילוֹת קֵיָסַרִיה שֶׁל־פִילִפּוֹס וַיִּשְׁאַל אֶת־תַּלְמִידָיו לֵאמׂר מָה־אׂמְרִים לִי בְנֵי אָדָם מִי הוּא בֵּן־הָאָדָם׃

יד וַיּׂאמְרוּ יֵשׁ אׂמְרִים יוֹחָנָן הַמַּטְבִּיל הוּא וְיֵשׁ אׂמְרִים אֵלִיָּהוּ וַאֲחֵרִים אׂמְרִים יִרְמְיָהוּ אוֹ אֶחָד מִן־הַנְּבִיאִים׃

טו וַיּׂאמֶר אֲלֵיהֶם וְאַתֶּם מַה־תּׂאמְרוּ לִי מִי אָנִי׃

טז וַיַּעַן שִׁמְעוֹן פֶּטְרוֹס וַיּׂאמַר אַתָּה הוּא הַמָּשִׁיחַ בֶּן־אֱלׂהִים חַיִּים׃

יז וַיַּעַן וַיּׂאמֶר אֵלָיו אַשְׁרֶיךָ שִׁמְעוֹן בַּר־יוֹנָה כִּי־בָשָׂר וָדָם לׂא גִלָּה־לְךָ אֶת־זׂאת כִּי אִם־אָבִי שֶׁבַּשָׁמָיִם׃

יח וְגַם־אֲנִי אׂמֵר לְךָ כִּי אַתָּה פֶּטְרוֹס וְעַל־הַצּוּר הַזֶּה אֶבְנֶה אֶת־קְהִלָּתִי וְשַׁעֲרֵי שְׁאוֹל לׂא יִגְבְּרוּ עָלֶיהָ׃

יט וְאֶתֵּן לְךָ אֶת־מַפְתְּחוֹת מַלְכוּת הַשָׁמָיִם וְכָל־אֲשֶׁר תֶּאֱסׂר עַל־הָאָרֶץ אָסוּר יִהְיֶה בַּשָׁמַיִם וְכָל־אֲשֶׁר תַּתִּיר עַל־הָאָרֶץ מֻתָּר יִהְיֶה בַּשָׁמָיִם׃

כ אָז צִוָּה עַל־תַּלְמִידָיו אֲשֶׁר לׂא יְסַפְּרוּ לְאִישׁ כִּי הוּא הַמָּשִׁיחַ׃

כא מִן־הָעֵת הַהִיא הֵחֵל יֵשׁוּעַ לְהַגִּיד לְתַלְמִידָיו כִּי צָרִיךְ הוּא לָלֶכֶת יְרוּשָׁלָיִם וִיעֻנֶּה הַרְבֵּה מִידֵי הַזְּקֵנִים וְרָאשֵׁי הַכּׂהֲנִים וְהַסּוֹפְרִים וְיֵהָרֵג וּבַיּוֹם הַשְׁלִישִׁי קוֹם יָקוּם׃

כב וַיִּקָּחֵהוּ פֶטְרוֹס וַיָּחֶל לִגְעָר־בּוֹ לֵאמׂר חָס לְךָ אֲדׂנִי אַל־יְהִי־לְךָ כָּזׂאת׃

כג וַיִּפֶן וַיּׂאמֶר לְפֶטְרוֹס סוּר מֵעָלַי הַשָּׂטָן מִכְשׁוֹל אַתָּה לִי כִּי לִבְּךָ לְדִבְרֵי בְנֵי־אָדָם וְלׂא לְדִבְרֵי אֱלׂהִים׃

כד וַיּׂאמֶר יֵשׁוּעַ אֶל־תַּלְמִידָיו אִישׁ כִּי־יַחְפּׂץ לָלֶכֶת אַחֲרַי יְכַחֵשׁ בְּעַצְמוֹ וְנָשָׂא אֶת־צְלוּבוֹ וְהָלַךְ אַחֲרָי׃

כה כִּי הֶחָפֵץ לְהַצִּיל אֶת־נַפְשׁוֹ תּׂאבַד נַפְשׁוֹ מִמֶּנּוּ וְהַמְאַבֵּד נַפְשׁוֹ לְמַעֲנִי הוּא יִמְצָאֶנָּה׃

כו כִּי מַה־יּוֹעִיל הָאָדָם שֶׁיִּקְנֶה אֶת־כָּל־הָעוֹלָם וְהִשְׁחִית אֶת־נַפְשׁוֹ אוֹ מַה־יִּתֵּן הָאָדָם פִּדְיוֹן נַפְשׁוֹ׃

כז כִּי בֶּן־הָאָדָם עָתִיד לָבוֹא בִּכְבוֹד אָבִיו עִם־מַלְאָכָיו וְאָז יְשַׁלֵּם לְכָל־אִישׁ כְּמַעֲשֵׂהוּ׃

כח אָמֵן אׂמֵר אֲנִי לָכֶם כִּי יֵשׁ בָּעׂמְדִים פּׂה אֲשֶׁר לׂא־יִטְעֲמוּ טַעַם מִיתָה עַד כִּי־יִרְאוּ אֶת־בֶּן־הָאָדָם בָּא בְּמַלְכוּתוֹ׃