Matthew 13

א וַיְהִי בַּיּוֹם הַהוּא וַיֵּצֵא יֵשׁוּעַ מִן־הַבָּיִת וַיֵּשֶׁב עַל־הַיָּם׃

ב וַיִקָּהֲלוּ אֵלָיו הֲמוֹן עַם רָב וַיֵּרֶד אֶל־הָאֳנִיָּה וַיֵּשֶׁב בָּהּ וְכָל־הָעָם עׂמְדִים עַל־שְׂפַת הַיָּם׃

ג וַיֶּרֶב לְדַבֵּר אֲלֵיהֶם בִּמְשָׁלִים לֵאמׂר הִנֵּה הַזּוֹרֵעַ יָצָא לִזְרׂעַ׃

ד וַיִּזְרַע וַיִּפּׂל מִן־הַזֶּרַע עַל־יַד הַדָּרֶךְ וַיָבֹאוּ הָעוֹף וַיּׂאכְלֻהוּ׃

ה וְיֵשׁ אֲשֶׁר נָפַל עַל־מְקׂם הַסְּלָעִים אֲשֶׁר אֵין שָׁם אֲדָמָה הַרְבֵּה וַיְמַהֵר לִצְמׂחַ כִּי אֵין לוֹ עׂמֶק אֲדָמָה׃

ו וַיְהִי כִּזְרׂחַ הַשֶׁמֶשׁ וַיִּצָּרֵב וַיּיבָשׁ כִּי אֵין־לוֹ שׁׂרֶשׁ׃

ז וְיֵשׂ אֲשֶׁר נָפַל בֵּין הַקּׂצִים וַיַּעֲלוּ הַקּׂצִים וַיְמַעֲכֻהוּ׃

ח וְיֵשׁ אֲשֶׁר נָפַל עַל־הָאֲדָמָה הַטּוֹבָה וַיִּתֵּן פֶּרִי זֶה מֵאָה שְׁעָרִים וְזֶה שִׁשִׁים וְזֶה שְׁלׂשִׁים׃

ט מִי אֲשֶׁר לוֹ אָזְנַיִם לִשְׁמׂעַ יִשְׁמָע׃

י וַיִּגְּשׁוּ אֵלָיו הַתַּלְמִידִים וַיּׂאמְרוּ לָמָּה זֶּה בִּמְשָׁלִים תְּדַבֵּר אֲלֵיהֶם׃

יא וַיַּעַן וַיּאׂמֶר כִּי לָכֶם נִתַּן לָדַעַת אֶת־סוֹדוֹת מַלְכוּת הַשָׁמָיִם וְלָהֶם לׂא נִתָּן׃

יב כִּי מִי שֶׁיֶשׁ־לוֹ נָתׂן יִנָּתֵן לוֹ וְיַעֲדִיף וּמִי שֶׁאֵין לוֹ גַם מָה־שֶׁיֵּשׁ־לוֹ יִנָּטֵל מִמֶּנּוּ׃

יג עַל־כֵּן בִּמְשָׁלִים אֲדַבֵּר אֲלֵיהֶם כִּי בִרְאׂתָם לׂא יִרְאוּ וּבְשָׁמְעָם לׂא יִשְׁמְעוּ אַף־לׂא יָבִינוּ׃

יד וּתְקֻיַּם בָּהֶם נְבוּאַת יְשַׁעְיָהוּ הָאׂמֶרֶת שִׁמְעוּ שָׁמוֹעַ וְאַל־תָּבִינוּ וּרְאוּ רָאוֹ וְאַל־תֵּדָעוּ׃

טו כִּי הַשְׁמֵן לֵב־הָעָם הַזֶּה וְאָזְנָיו הַכְבֵּד וְעֵינָיו הָשַׁע פֶּן־יִרְאֶה בְעֵינָיו וּבְאָזְנָיו יִשְׁמַע וּלְבָבוֹ יָבִין וָשָׁב וְרָפָא לוֹ׃

טז וְאַתֶּם אַשְׁרֵי עֵינֵיכֶם כִּי תִרְאֶינָה וְאָזְנֵיכֶם כִּי תִשְׁמַעְנָה׃

יז כִּי־אָמֵן אׂמֵר אֲנִי לָכֶם נְבִיאִים וְצַדִּיקִים רַבִּים נִכְסְפוּ לִרְאׂת אֵת אֲשֶׁר אַתֶּם רׂאִים וְלׂא רָאוּ וְלִשְׁמׂעַ אֵת אֲשֶׁר אַתֶּם שׁׂמְעִים וְלׂא שָׁמֵעוּ׃

יח לָכֵן אַתֶּם שִׁמְעוּ־נָא אֵת מְשַׁל הַזּוֹרֵעַ׃

יט כָּל־אִישׁ שׁׂמֵעַ אֶת־דְּבַר הַמַּלְכוּת וְלׂא יְבִינֵהוּ וּבָא הָרָע וְחָטַף אֶת־הַזָּרוּעַ בִּלְבָבוֹ הוּא הַנִּזְרָע עַל־יַד הַדָּרֶךְ׃

כ וְהַנִּזְרָע עַל־מְקוֹם הַסְּלָעִים הוּא הַשׁׂמֵעַ אֶת־הַדָּבָר וּמִיָּד יִקָּחֶנּוּ בְשִׂמְחָה׃

כא וְלוֹ אֵין שׁׂרֶשׁ תַּחְתָּיו וְיָקוּם רַק לְשָׁעָה וּבִהְיוֹת צָרָה וּרְדִיפָה בִּגְלַל הַדָּבָר יִכָּשֵׁל כְּרָגַע׃

כב וְהַנִּזְרָע אֶל־הַקּׂצִים הוּא הַשׁׂמֵעַ אֶת־הַדָּבָר וְדַאֲגַת הָעוֹלָם הַזֶּה וְנִכְלֵי הָעׂשֶׁר יְמַעֲכוּ אֶת־הַדָּבָר וּפְרִי לׂא־יִהְיֶה לּוֹ׃

כג וְהַנִּזְרָע עַל־הָאֲדָמָה הַטּוֹבָה הוּא הַשׁׂמֵעַ אֶת־הַדָּבָר וּמֵבִין אׂתוֹ אַף־יַעֲשֶׂה פֶרִי וְנָתַן זֶה מֵאָה שְׁעָרִים וְזֶה שִׁשִׁים וְזֶה שְׁלׂשִׁים׃

כד וַיָּשֶׂם לִפְנֵיהֶם מָשָׁל אַחֵר וַיּאׂמַר מַלְכוּת הַשָׁמַיִם דּוֹמָה לְאָדָם אֲשֶׁר זָרַע זֶרַע טוֹב בְּשָׂדֵהוּ׃

כה וַיְהִי בִּהְיוֹת הָאֲנָשִׁים יְשֵׁנִים וַיָּבֹא אׂיְבוֹ וַיִּזְרַע זוּנִין בֵּין הַחִטִּים וַיֵּלֶךְ לוֹ׃

כו וְכַאֲשֶׁר פָּרַח הַדֶּשֶׁא וַיַּעַשׂ פֶּרִי וַיֵּרָאוּ גַּם־הַזּוּנִין׃

כז וַיִּגְשׁוּ עַבְדֵי בַעַל־הַבַּיִת וַיּׂאמְרוּ אֵלָיו אֲדׂנֵינוּ הֲלׂא־זֶרַע טוֹב זָרַעְתָּ בְשָׂדֶךָ וּמֵאַיִן לוֹ הַזּוּנִין׃

כח וַיּאׂמֶר לָהֶם אִישׁ אׂיֵב עָשָׂה זׂאת וַיּׂאמְרוּ אֵלָיו הָעֲבָדִים הֲתַחְפּׂץ כִּי־נֵלֵךְ וּנְלַקֵּט אׂתָם׃

כט וַיּׂאמֶר לׂא פֶּן־תְּלַקְּטוּ אֶת־הַזּוּנִין וְשֵׁרַשְׁתֶּם גַּם אֶת־הַחִטִּים׃

ל הַנִּיחוּ אׂתָם וְיִגְדְּלוּ שְׁנֵיהֶם יַחַד עַד־הַקָּצִיר וְהָיָה בְּעֵת הַקָּצִיר וְאָמַרְתִּי לַקּוֹצְרִים לַקְּטוּ בָרִאשׁוֹנָה אֶת־הַזּוּנִין וְאִגְדוּ אׂתָם אֲגֻדּוֹת לְשָׂרְפָם וְאֵת הַחִטִּים אִסְפוּ לְאוֹצָרִי׃

לא וַיָּשֶׂם לִפְנֵיהֶם מָשָׁל אַחֵר וַיּאׂמַר מַלְכוּת הַשָׁמַיִם דּוֹמָה לְגַרְגַּר שֶׁל־חַרְדָּל אֲשֶׁר לְקָחוֹ אִישׁ וַיִּזְרַע בְּשָׂדֵהוּ׃

לב וְהוּא קָטׂן מִכָּל־הַזֵּרוֹעִים וְכַאֲשֶׁר צָמַח גָּדוֹל הוּא מִן־הַיְרָקוֹת וְהָיָה לְעֵץ עַד־אֲשֶׁר יָבֹאוּ עוֹף הַשָׁמַיִם וְקִנְּנוּ בַּעֲנָפָיו׃

לג וַיִּשָּׂא עוֹד מְשָׁלוֹ וַיּאׂמֶר אֲלֵיהֶם מַלְכוּת הַשָׁמַיִם דּוֹמָה לִשְׂאׂר אֲשֶׁר לְקָחַתּוּ אִשָׁה וַתִּטְמׂן בִּשְׁלשׁ סְאִים קֶמַח עַד כִּי־יֶחְמַץ כֻּלּוֹ׃

לד כָּל־אֵלֶּה דִּבֶּר יֵשׁוּעַ בִּמְשָׁלִים אֶל־הֲמוֹן הָעָם וּבִבְלִי מָשָׁל לׂא דִבֶּר אֲלֵיהֶם דָּבָר׃

לה לְמַלּאת אֵת אֲשֶׁר דִּבֶּר הַנָּבִיא לֵאמׂר אֶפְתְּחָה בְּמָשָׁל פִּי אַבִּיעָה חִידוֹת מִנִּי־קֶדֶם׃

לו אָז שִׁלַּח יֵשׁוּעַ אֶת־הֲמוֹן הָעָם וַיָּבֹא הַבָּיְתָה וַיִּגְּשׁוּ אֵלָיו תַּלְמִידָיו וַיּׂאמְרוּ בָּאֶר־נָא לָנוּ אֶת־מְשַׁל זוּנֵי הַשָּׂדֶה׃

לז וַיַּעַן וַיּאׂמֶר אֲלֵיהֶם הַזּוֹרֵעַ אֶת־הַזֶּרַע הַטּוֹב הוּא בֶּן־הָאָדָם׃

לח וְהַשָּׂדֶה הוּא הָעוֹלָם וְהַזֶּרַע הַטּוֹב בְּנֵי הַמַּלְכוּת הֵם וְהַזּוּנִין בְּנֵי הָרַע הֵמָּה׃

לט וְהָאׂיֵב אֲשֶׁר זְרָעָם הוּא הַשָּׂטָן וְהַקָּצִיר הוּא קֵץ הָעוֹלָם וְהַקּׂצְרִים הֵם הַמַּלְאָכִים׃

מ וְהִנֵּה כַּאֲשֶׁר יְלֻקְּטוּ הַזּוּנִין וְנִשְׂרְפוּ בָאֵשׁ כֵּן יִהְיֶה לְקֵץ הָעוֹלָם הַזֶּה׃

מא בֶּן־הָאָדָם יִשְׁלַח אֶת־מַלְאָכָיו וְלִקְּטוּ מִמַּלְכוּתוֹ אֵת כָּל־הַמַּכְשֵׁלוֹת וְאֵת כָּל־פּׂעֲלֵי הָאָוֶן׃

מב וְהִשְׁלִיכוּ אׂתָם אֶל־תַּנּוּר הָאֵשׁ שָׁם תִּהְיֶה הַיְלָלָה וַחֲרׂק הַשִׁנָּיִם׃

מג אָז יַזְהִירוּ הַצַּדִּיקִים כַּשֶׁמֶשׁ בְּמַלְכוּת אֲבִיהֶם מִי אֲשֶׁר לוֹ אָזְנַיִם לִשְׁמׂעַ יִשְׁמָע׃

מד עוֹד דּוֹמָה מַלְכוּת הַשָׁמַיִם לְאוֹצָר טָמוּן בַּשָּׂדֶה אֲשֶׁר מְצָאוֹ אִישׁ וַיִּטְמְנֵהוּ וּבְשִׂמְחָתוֹ יֵלֵךְ וּמָכַר אֶת־כָּל־אֲשֶׁר־לוֹ וְקָנָה אֶת־הַשָּׂדֶה הַהוּא׃

מה עוֹד דּוֹמָה מַלְכוּת הַשָׁמָיִם לְאִישׁ סׂחֵר הַמְבַקֵּשׁ מַרְגָּלִיּוֹת טׂבוֹת׃

מו וְכַאֲשֶׁר מָצָא מַרְגָּלִית אַחַת יְקָרָה מְאׂד הָלַךְ וַיִּמְכּׂר אֶת־כָּל־אֲשֶׁר־לוֹ וַיִּקֶן אׂתָהּ׃

מז עוֹד דּוֹמָה מַלְכוּת הַשָׁמַיִם לְמִכְמֶרֶת אֲשֶׁר הָשְׁלְכָה לַיָּם וּמִינִים שׁוֹנִים יֵאָסְפוּ לְתוֹכָהּ׃

מח וְכַאֲשֶׁר נִמְלְאָה הֶעֱלוּ אׂתָהּ אֶל־שְׂפַת הַיָּם וַיֵּשְׁבוּ וַיִּלְקְטוּ אֶת־הַמִּינִים הַטּוֹבִים לְתוֹךְ הַכֵּלִים וְאֵת הָרָעִים הִשְׁלִיכוּ׃

מט כֵּן יִהְיֶה לְקֵץ הָעוֹלָם הַמַּלְאָכִים יֵצְאוּ וְהִבְדִּילוּ אֶת־הָרְשָׁעִים מִתּוֹךְ הַצַּדִּיקִים׃

נ וְהִשְׁלִיכוּם אֶל־תַּנּוּר הָאֵשׁ שָׁם תִּהְיֶה הַיְלָלָה וַחֲרׂק הַשִׁנָּיִם׃

נא וַיּׂאמֶר אֲלֵיהֶם יֵשׁוּעַ הֲתָבִינוּ אֶת־כָּל־אֵלֶּה וַיּׂאמְרוּ אֵלָיו הֵן אֲדׂנֵינוּ׃

נב וַיּׂאמֶר אֲלֵיהֶם עַל־כֵּן כָּל־סוֹפֵר מְלֻמָּד לְמַלְכוּת הַשָׁמַיִם דּוֹמֶה לְאִישׁ בַּעַל־בַּיִת הַמּוֹצִיא מֵאוֹצָרוֹ חֲדָשׁוֹת וְגַם יְשָׁנוֹת׃

נג וַיְהִי כְּכַלּוֹת יֵשׁוּעַ לְדַבֵּר אֶת־הַמְּשָׁלִים הָאֵלֶּה וַיַּעֲבֹר מִשָׁם׃

נד וַיָּבֹא אֶל־אַרְצוֹ וַיְלַמֵּד אׂתָם בְּבֵית הַכְּנֵסֶת שֶׁלָּהֶם וַיִּשְׁתּוֹמֲמוּ וַיּׂאמְרוּ מֵאַיִן לָזֶה הַחָכְמָה הַזּׂאת וְהַגְּבוּרוֹת׃

נה הֲלׂא זֶה הוּא בֶּן־הֶחָרָשׁ הֲלׂא שֵׁם אִמּוֹ מִרְיָם וְאֶחָיו יַעֲקׂב וְיוֹסֵי וְשִׁמְעוֹן וִיהוּדָה׃

נו וְאַחְיוֹתָיו הֲלׂא כֻלָּן אִתָּנוּ הֵן וּמֵאַיִן אֵיפוֹא לוֹ כָּל־אֵלֶּה׃

נז וַיְהִי לָהֶם לְמִכְשׁוֹל וַיּׂאמֶר יֵשׁוּעַ אֲלֵיהֶם אֵין הַנָּבִיא נִקְלֶה אִם־לׂא בְּאַרְצוֹ וּבְבֵיתוֹ׃

נח וְלׂא־עָשָׂה שָׁם גְּבוּרוֹת רַבּוֹת מִפְּנֵי חׂסֶר אֱמוּנָתָם׃