Matthew 20

א כִּי דוֹמָה מַלְכוּת הַשָׁמַיִם לְאִישׁ בַּעַל־בָּיִת אֲשֶׁר הִשְׁכִּים בַּבֹּקֶר וַיֵּצֵא לִשְׂכּׂר פּׂעֲלִים לְכַרְמוֹ׃

ב וַיִּפְסַק עִם הַפּׂעֲלִים דִּינָר לַיּוֹם וַיִּשְׁלָחֵם אֶל־כַּרְמוֹ׃

ג וַיֵּצֵא בַּשָׁעָה הַשְׁלִישִׁית וַיַּרְא אֲחֵרִים עׂמְדִים בְּטֵלִים בַּשּׁוּק׃

ד וַיּׂאמֶר לָהֶם לְכוּ גַם־אַתֶּם אֶל־כַּרְמִי וַאֲנִי אֶתֵּן לָכֶם כַּמִּשְׁפָּט וַיֵּלֵכוּ׃

ה וַיֵּצֵא גַּם בַּשָׁעָה הַשִׁשִׁית גַּם בַּתְּשִׁיעִית וַּיַעַשׂ כַּדָּבָר הַזֶּה׃

ו וַיֵּצֵא בִּשְׁעַת עַשְׁתֵּי עֶשְׂרֵה וַיִּמְצָא אֲחֵרִים עׂמְדִים וַיּׂאמֶר אֲלֵיהֶם לָמָה אַתֶּם עׂמְדִים פּׂה בְּטֵלִים כָּל־הַיּוֹם׃

ז וַיּׂאמְרוּ לוֹ כִּי לׂא־שָׂכַר אוֹתָנוּ אִישׁ וַיּׂאמֶר אֲלֵיהֶם לְכוּ גַם־אַתֶּם אֶל־הַכֶּרֶם וְשְׂכַרְכֶם יֻתַּן לָכֶם׃

ח וַיְהִי בָעֶרֶב וַיּׂאמֶר בַּעַל הַכֶּרֶם אֶל־פְּקִידוֹ קְרָא אֶת־הַפּׂעֲלִים וְתֵן לָהֶם אֶת־שְׂכָרָם הָחֵל בָּאַחֲרוֹנִים וְכַלֵּה בָּרִאשׁוֹנִים׃

ט וַיָּבֹאוּ הַנִּשְׂכָּרִים בִּשְׁעַת אַחַת עֶשְׂרֵה וַיִּקְחוּ אִישׁ אִישׁ דִּינָר אֶחָד׃

י וּבְבֹא הָרִאשׁוֹנִים דִּמּוּ בְנַפְשָׁם כִּי יִקְחוּ יוֹתֵר וַיִּקְחוּ גַּם־הֵם אִישׁ אִישׁ דִּינָר אֶחָד׃

יא וַיְהִי בְקַחְתָּם וַיִּלּוֹנוּ עַל־בַּעַל הַבַּיִת לֵאמׂר׃

יב אֵלֶּה הָאַחֲרוֹנִים לׂא עָשׂוֹוֹ כִּי אִם־שָׁעָה אֶחָת וְאַתָּה הִשְׁוִיתָ אׂתָם לָנוּ אֲשֶׁר סָבַלְנוּ אֶת־טׂרַח הַיּוֹם וְחֻמּוֹ׃

יג וַיַּעַן וַיּׂאמֶר אֶל־אֶחָד מֵהֶם רֵעִי לׂא הוֹנֵיתִי אׂתָךְ הֲלׂא דִינָר פָּסַקְתָּ עִמִּי׃

יד קַח אֶת־שֶׁלְּךָ וָלֵךְ וַאֲנִי רְצוֹנִי שֶׁאֶתֵּן לָזֶה הָאַחֲרוֹן כָּמוֹךָ׃

טו הֲלׂא אוּכַל לַעֲשׂוֹת בְּשֶׁלִּי כִּרְצוֹנִי הַאִם־תֵּרַע עֵינְךָ עַל־אֲשֶׁר טוֹב אָנִי׃

טז כֵּן יִהְיוּ הָאַחֲרוֹנִים רִאשׁוֹנִים וְהָרִאשׁוֹנִים יִהְיוּ אַחֲרוֹנִים (כִּי־רַבִּים הֵם הַקְּרוּאִים וּמְעַטִּים הַנִּבְחָרִים)׃

יז וַיְהִי כַּעֲלוֹת יֵשׁוּעַ יְרוּשָׁלַיִם וַיִּקַּח אֵלָיו אֶת־שְׁנֵים הֶעָשָׂר לְבַדָּם וַיּׂאמֶר לָהֶם בַּדָּרֶךְ׃

יח הִנְנוּ עׂלִים יְרוּשָׁלָיְמָה וּבֶן־הָאָדָם יִמָּסֵר לְרָאשֵׁי הַכּׂהֲנִים וְלַסּוֹפְרִים וְהִרְשִׁיעֻהוּ לָמוּת׃

יט וּמָסְרוּ אוֹתוֹ לַגּוֹיִם לְהָתֵל בּוֹ וּלְהַכּוֹת אוֹתוֹ בַּשּׁוֹטִים וְלִצְלׂב אוֹתוֹ וּבַיּוֹם הַשְׁלִישִׁי יָקוּם׃

כ אָז נִגְּשָׁה אֵלָיו אֵם בְּנֵי זַבְדַּי עִם־בָּנֶיהָ וַתִּשְׁתַּחוּ לוֹ לְבַקֵּשׁ מִמֶּנּוּ דָּבָר׃

כא וַיּׂאמֶר אֵלֶיהָ מַה־בַּקָּשָׁתֵךְ וַתּׂאמֶר אֵלָיו אֱמָר־נָא וְיֵשְׁבוּ שְׁנֵי־בָנַי הָאֵלֶּה אֶחָד לִימִינְךָ וְאֶחָד לִשְׂמׂאלְךָ בְּמַלְכוּתֶךָ׃

כב וַיַּעַן יֵשׁוּעַ וַיּׂאמֶר לׂא יְדַעְתֶּם אֵת אֲשֶׁר שְׁאֶלְתֶּם הֲיָכׂל תּוּכְלוּ לִשְׁתּוֹת אֶת־הַכּוֹס אֲשֶׁר אֲנִי עָתִיד לִשְׁתּוֹתוֹ וּלְהִטָּבֵל טְבִילָה אֲשֶׁר אֲנִי נִטְבָּל וַיּׂאמְרוּ אֵלָיו נוּכָל׃

כג וַיּׂאמֶר אֲלֵיהֶם הֵן אֶת־כּוֹסִי תִשְׁתּוּ (וּטְבִילָה אֲשֶׁר אֲנִי נִטְבָּל תִּטָּבֵלוּ) וְשֶׁבֶת לִימִינִי וְלִשְׂמׂאלִי אֵין בְּיָדִי לְתִתָּה בִּלְתִּי לַאֲשֶׁר הוּכַן לָהֶם מֵאֵת אָבִי׃

כד וַיְהִי כַּאֲשֶׁר שָׁמְעוּ־זׂאת הָעֲשָׂרָה וַיִכְעֲסוּ אֶל־שְׁנֵי הָאַחִים׃

כה וַיֵשׁוּעַ קָרָא לָהֶם וַיּׂאמַר אַתֶּם יְדַעְתֶּם כִּי־שָׂרֵי הַגּוֹיִם רׂדִים בָּהֶם וְהַגְּדוֹלִים שׁׂלְטִים עֲלֵיהֶם׃

כו וְאַתֶּם אַל־יְהִי כֵן בֵּינֵיכֶם כִּי הֶחָפֵץ לִהְיוֹת גָּדוֹל בְּקִרְבְּכֶם יְהִי לָכֶם לִמְשָׁרֵת׃

כז וְהֶחָפֵץ לִהְיוֹת לְרׂאשׁ בְּקִרְבְּכֶם יְהִי לָכֶם עָבֶד׃

כח כַּאֲשֶׁר בֶּן־הָאָדָם לׂא בָא לְמַעַן אֲשֶׁר־יְשָׁרְתוּהוּ כִּי אִם־לְשָׁרֵת וְלָתֵת אֶת־נַפְשׁוֹ כּׂפֶר תַּחַת רַבִּים׃

כט וַיְהִי כְּצֵאתָם מִירִיחוֹ וַיֵּלֶךְ אַחֲרָיו הֲמוֹן עַם־רָב׃

ל וְהִנֵּה שְׁנֵי־עִוְרִים יׂשְׁבִים עַל־יַד הַדָּרֶךְ וַיִּשְׁמְעוּ כִּי יֵשׁוּעַ עׂבֵר וַיִּצְעֲקוּ לֵאמׂר חָנֵּנוּ־נָא אֲדׂנֵינוּ בֶּן־דָּוִד׃

לא וַיִּגְעַר־בָּם הָעָם לְהַחֲשׁׂתָם וְהֵם צָעֲקוּ עוֹד וַיּׂאמְרוּ אֲדׂנֵינוּ חָנֵּנוּ־נָא בֶּן־דָּוִד׃

לב וַיַּעֲמׂד יֵשׁוּעַ וַיִּקְרָא לָהֶם וַיּׂאמַר מַה־תִּרְצוּ שֶׁאֶעֱשֶׂה לָכֶם׃

לג וַיּׂאמְרוּ אֵלָיו אֲדׂנֵינוּ אֲשֶׁר תִּפָּקַחְנָה עֵינֵינוּ׃

לד וְרַחֲמֵי יֵשׁוּעַ נִכְמָרוּ וַיִּגַּע בְּעֵינֵיהֶם וּפִתְאׂם נִפְקְחוּ עֵינֵיהֶם וַיֵּלְכוּ אַחֲרָיו׃