1Corinthians 6

א הֲיָרִיב אִישׁ מִכֶּם עִם־רֵעֵהוּ וְיָזִיד לְהָבִיא דִינוֹ לְפְנֵי הָרְשָׁעִים וְלׂא לִפְנֵי הַקְּדשִׁים׃

ב הֲלׂא יְדַעְתֶּם כִּי הַקְּדׂשִׂים יָדִינוּ אֶת־הָעוֹלָם וְאִם־הָעוֹלָם יִדּוֹן עַל־יֶדְכֶם הֲלׂא רְאוּיִם אַתֶּם לָדִין דִּינִים קַלִּים׃

ג הֲלׂא יְדַעְתֶּם כִּי נָדִין דִּין־הַמַּלְאָכִים אַף כִּי־דִינֵי מָמוֹנוֹת׃

ד וְאַתֶּם כְּשֶׁיֵּשׁ־לָכֶם דִּינֵי מָמוֹנוֹת מוֹשִׁיבִים אַתֶּם אֶת־הַנִּמְאָס בַּקָּהָל לְשׁׂפְטִים עֲלֵיכֶם׃

ה לְבָשְׁתְּכֶם אֲנִי אׂמֵר אֶת־זׂאת הֲכִי אֵין בָּכֶם חָכָם יׂדֵעַ לְהוֹכִיחַ בֵּין אִישׁ לְאָחִיו׃

ו כִּי אָח בָּא לַדִּין עִם־אָחִיו וּבָא לִפְנֵי בְלִי־מַאֲמִינִים׃

ז אַף־זׂאת יְרִידָה הִיא לָכֶם שֶׁתָּרִיבוּ זֶה עִם־זֶה וְלָמָּה לׂא תִבְחֲרוּ לִהְיוֹת מִן־הָעֲלוּבִים וְאֵינָם עוֹלְבִים וּמִן־הָעֲשׁוּקִים וְאֵינָם עוֹשְׁקִים׃

ח אֲבָל עוֹלְבִים אַתֶּם וְעשְׁקִים אַף אֶת־אֲחֵיכֶם׃

ט הֲלׂא יְדַעְתֶּם כִּי הָרְשָׁעִים לׂא יִירְשׁוּ אֶת־מַלְכוּת הָאֱלׂהִים אַל־תַּשִּׂיאוּ נַפְשׁוֹתֵיכֶם לׂא הַזּׂנִים לׂא עׂבְדֵי אֱלִילִים לׂא הַמְנָאֲפִים וְלׂא הַקְּדֵשִׁים וְלׂא הַשּׁׂכְבִים אֶת־זָכָר׃

י לׂא הַגַּנָּבִים וְלׂא־בֹצְעֵי בֶצַע לׂא הַסּׂבְאִים וְלׂא הַמְגַדְּפִים וְלׂא הַגַּזְלָנִים כָּל־אֵלֶּה לׂא יִירְשׁוּ אֶת־מַלְכוּת הָאֱלׂהִים׃

יא וְכָאֵלֶּה לְפָנִים הָיוּ מִקְצָתְכֶם אֲבָל רֻחַצְתֶּם אֲבָל קֻדַּשְׁתֶּם אֲבָל הָצְדַקְתֶּם בְּשֵׁם הָאָדוֹן יֵשׁוּעַ וּבְרוּחַ אֱלׂהֵינוּ׃

יב הַכּׂל רְשׁוּת לִי אֲבָל לׂא כָל־דָּבָר מוֹעִיל הַכּׂל רְשׁוּת לִי אֲבָל לׂא יְשַׁעְבְּדֵנִי דָּבָר׃

יג הַמַּאֲכָל לַכְּרֵשׂ וְהַכְּרֵשׂ לַמַּאֲכָל וְהָאֱלׂהִים אֶת־זֶה וְאֶת־זֶה יְכַלֶּה וְהַגּוּף אַל־יְהִי לַזְּנוּת כִּי אִם־לָאָדוֹן וְהָאָדוֹן לַגּוּף׃

יד וְהָאֱלׂהִים הֵעִיר גַּם אֶת־אֲדׂנֵינוּ וְיָעִיר גַּם־אֶתְכֶם בִּגְבוּרָתוֹ׃

טו הֲלׂא יְדַעְתֶּם כִּי גּוּפׂתֵיכֶם אֵבָרֵי הַמָּשִׁיחַ הֵמָּה הֲאֶקַּח אֶת־אֵבָרֵי הַמָּשִׁיחַ וְאֶעֱשֶׂה אׂתָם לְאֵבָרֵי זוֹנָה חָלִילָה׃

טז אוֹ הֲלׂא יְדַעְתֶּם כִּי הַדָּבֵק בַּזּוֹנָה גּוּף אֶחָד הוּא עִמָּהּ כִּי הַכָּתוּב אׂמֵר וְהָיוּ שְׁנֵיהֶם לְבָשָׂר אֶחָד׃

יז אֲבָל הַדָּבֵק בָּאָדוֹן רוּחַ אֶחָד הוּא עִמּוֹ׃

יח רַחֲקוּ מִן־הַזְּנוּת כָּל־חֵטְא אֲשֶׁר־יֶחֱטָא הָאָדָם מִחוּץ לְגוּפוֹ הוּא וְהַזּוֹנֶה חׂטֵא בְּעֶצֶם גּוּפוֹ׃

יט אוֹ הֲלׂא־יְדַעְתֶּם כִּי גוּפְכֶם הוּא הֵיכַל רוּחַ הַקּׂדֶשׁ הַשּׁׂכֵן בְּקִרְבְּכֶם אֲשֶׁר הָיָה לָכֶם מֵאֵת הָאֱלׂהִים וְלׂא־שֶׁלָּכֶם אַתֶּם׃

כ כִּי בִּמְחִיר נִקְנֵיתֶם עַל־כֵּן כַּבְּדוּ אֶת־הָאֱלׂהִים בְּגוּפְכֶם (וּבְרוּחֲכֶם אֲשֶׁר לֵאלׂהִים הֵמָּה)׃