1Corinthians 3

א וַאֲנִי לׂא יָכׂלְתִּי לְדַבֵּר עִמָּכֶם אַחַי כְּדַבֵּר עִם אַנְשֵׁי רוּחַ כִּי אִם כְּדַבֵּר עִם אַנְשֵׁי בָשָׂר כְּדַבֵּר עִם עוֹלֲלִים בַּמָּשִׁיחַ׃

ב חָלָב הִשְׁקֵיתִי אֶתְכֶם וְלׂא־מַאֲכָל כִּי עֲדַיִן לׂא הֱיִיתֶם יְכוֹלִים וְגַם־עַתָּה אֵינְכֶם יְכוֹלִים כִּי עוֹדְכֶם שֶׁל־הַבָּשָׂר׃

ג כִּי בַּאֲשֶׁר קִנְאָה בֵּינֵיכֶם וּמְרִיבָה וּמַחֲלׂקוֹת הֲלׂא שֶׁל־הַבָּשָׂר אַתֶּם וְנׂהֲגִים מִנְהַג בְּנֵי אָדָם׃

ד הֵן בֶּאֱמׂר זֶה אֲנִי לְפוֹלוֹס וְזֶה אֲנִי לְאַפּוֹלוֹס הֲלׂא שֶׁל־הַבָּשָׂר אַתֶּם׃

ה מִי אֵפוֹא פוֹלוֹס וּמִי־הוּא אַפּוֹלוֹס אַךְ־מְשָׁרֲתִים אֲשֶׁר עַל־יָדָם בָּאתֶם לְהַאֲמִין אִישׁ אִישׁ כְּמַתְּנַת הָאָדוֹן אֲשֶׁר נָתַן לוֹ׃

ו אֲנִי נָטַעְתִּי וְאַפּוֹלוֹס הִשְׁקָה וְהָאֱלׂהִים הוּא הִצְמִיחַ׃

ז עַל־כֵּן הַנּׂטֵעַ כְּאַיִן וְהַמַּשְׁקֶה כְּאָיִן כִּי אִם־אֱלׂהִים הַמַּצְמִיחַ׃

ח וְהַנּׂטֵעַ וְהַמַּשְׁקֶה כְּאֶחָד הֵמָּה וְכָל־אִישׁ יְקַבֵּל אֶת־שְׂכָרוֹ כְּפִי עֲמָלוֹ׃

ט כִּי עׂזְרִים לֵאלׂהִים בִּמְלַאכְתּוֹ אֲנָחְנוּ שְׂדֵה אֱלׂהִים אַתֶּם בִּנְיַן אֶלׂהִים אַתֶּם׃

י וַאֲנִי כְּפִי חֶסֶד אֱלׂהִים הַנִּתָּן לִי כְּאָמָּן חָכָם שַׁתִּי יְסוֹד וְאַחֵר בּוֹנֶה עָלָיו אַךְ־יֵרֶא כָל־אִישׁ אֵיךְ הוּא־בֹנֶה עָלָיו׃

יא כִּי לׂא־יוּכַל אִישׁ לָשִׁית יְסוֹד אַחֵר זוּלָתִי הַמּוּסָּד שֶׁהוּא יֵשׁוּעַ הַמָּשִׁיחַ׃

יב וְאִם־יִבְנֶה הַבּוֹנֶה עַל־הַיְסוֹד הַזֶּה זָהָב אוֹ כֶסֶף אוֹ אֲבָנִים יְקָרוֹת אוֹ־עֵץ אוֹ חָצִיר אוֹ קָשׁ׃

יג יִגָּלֶה מַעֲשֵׂה כָל־אִישׁ כִּי־הַיּוֹם הוּא יְבָרֲרֵהוּ כִּי־בָאֵשׁ יֵרָאֶה וּמַה־מַּעֲשֵׂה כָּל־אִישׁ וָאִישׁ הָאֵשׁ תִּבְחָנֶנּוּ׃

יד אִם־יַעֲמׂד מַעֲשֵׂה אִישׁ אֲשֶׁר בָּנָה עָלָיו יְקַבֵּל שְׂכָרוֹ׃

טו וְאִם־יִשָׂרֵף מַעֲשֵׂהוּ יַפְסִידֶנּוּ וְהוּא יִוָּשֵׁעַ אַךְ כְּאוּד מֻצָּל מֵאֵשׁ׃

טז הֲלׂא יְדַעְתֶּם כִּי הֵיכַל אֱלׂהִים אַתֶּם וְרוּחַ אֱלׂהִים שׁׂכֵן בְּקִרְבְּכֶם׃

יז וְאִישׁ אֲשֶׁר יַשְׁחִית אֶת־הֵיכַל אֱלׂהִים הָאֱלׂהִים יַשְׁחִית אׂתוֹ כִּי הֵיכַל אֱלׂהִים קָדוֹשׁ וְאַתֶּם הֵיכָלוֹ׃

יח אַל־יַשִּׂיא אִישׁ נַפְשׁוֹ מִי אֲשֶׁר חָכָם יֵחָשֵׁב בָּעוֹלָם הַזֶּה יְהִי לְסָכָל לְמַעַן יֶחְכָּם׃

יט כִּי־חָכְמַת הָעוֹלָם הַזֶּה סִכְלוּת לִפְנֵי הָאֱלׂהִים כַּכָּתוּב לׂכֵד חֲכָמִים בְּעָרְמָם׃

כ וְעוֹד כָּתוּב יְהוָֹה יׂדֵעַ מַחְשְׁבוֹת חֲכָמִים כִּי הֵמָּה הָבֶל׃

כא עַל־כֵּן אַל־יִתְהַלֵּל אִישׁ בְּאָדָם כִּי הַכּׂל הוּא שֶׁלָּכֶם׃

כב אִם־פּוֹלוֹס אִם־אַפּוֹלוֹס וְאִם־כֵּיפָא אִם־הָעוֹלָם אִם־הַחַיִּים וְאִם־הַמָּוֶת אִם־הַהוֶֹה וְאִם־הֶעָתִיד הַכּׂל הוּא שֶׁלָּכֶם׃

כג וְאַתֶּם שֶׁל־הַמָּשִׁיחַ וְהַמָּשִׁיחַ שֶׁל־אֱלׂהִים׃