1Corinthians 14

א רִדְפוּ אַחֲרֵי הָאַהֲבָה וְהִשְׁתַּדְּלוּ לְהַשִּׂיג מַתְּנוֹת הָרוּחַ וּבְיוֹתֵר שֶׁתִּתְנַבָּאוּ׃

ב כִּי הַמְדַבֵּר בְּלָשׁוֹן אֵינֶנּוּ מְדַבֵּר לְאָדָם כִּי אִם־לֵאלׂהִים כִּי אֵין־אִישׁ שׁׂמְעוֹ וּבָרוּחַ הוּא מְדַבֵּר סוֹדוֹת׃

ג וְהַמִּתְנַבֵּא הוּא מְדַבֵּר לִבְנֵי אָדָם לִבְנוֹתָם וּלְיַסְּרָם ולְנַחֲמָם׃

ד הַמְדַבֵּר בְּלָשׁוֹן בּוֹנֶה אֶת־נַפְשׁוֹ וְהַמִּתְנַבֵּא בּוֹנֶה אֶת־הָעֵדָה׃

ה וּמִי יִתֵּן וְכֻלְכֶם תְּדַבְּרוּ בִלְשׁׂנוֹת וּבְיוֹתֵר כִּי תִתְנַבָּאוּ כִּי גָדוֹל הַמִּתְנַבֵּא מִן־הַמְדַבֵּר בִּלְשׁׂנוֹת בִּלְתִּי אִם־יְפָרֵשׁ לְמַעַן תִּבָּנֶה הָעֵדָה׃

ו וְעַתָּה אַחַי כִּי־אָבוֹא אֲלֵיכֶם וַאֲדַבֵּר בִּלְשׁׂנוֹת מָה־אוֹעִיל לָכֶם אִם־לׂא אֲדַבֵּר אֲלֵיכֶם בְּחָזוֹן אוֹ בְדַעַת אוֹ בִנְבוּאָה אוֹ בְהוֹרָאָה׃

ז הֲלׂא מַה־שֶּׁאֵין בּוֹ רוּחַ חַיִּים וְנׂתֵן קוֹל חָלִיל אוֹ כִנּוֹר אִם־לׂא יַשְׁמִיעוּ קׂלוֹת אֲשֶׁר תּוּכַל הָאׂזֶן לְהַבְחִין אֵיכָה יִוָּדַע מַה־יְּזֻמַּר וּמַה־יְּנֻגָּן׃

ח גַּם הַשּׁוֹפָר אִם־לׂא יִתֵּן קוֹלוֹ קוֹל בָּרוּר מִי יֵחָלֵץ לַמִּלְחָמָה׃

ט כֵּן גַּם־אַתֶּם אִם לׂא־תוֹצִיאוּ בִלְשׁוֹנְכֶם דִּבּוּר מְפׂרַָשׁ אֵיכָה יִוָּדַע הַמְדֻבָּר הֲלׂא תִהְיוּ כִּמְדַבְּרִים לָרוּחַ׃

י הֵן כַּמָּה מִינֵי לְשׁׂנוֹת יֵשׁ בָּעוֹלָם וְאֵין־אַחַת מֵהֶן בְּלִי קוֹל׃

יא לָכֵן אִם־אֵינֶנִּי יׂדֵעַ פֵּשֶׁר הַקּוֹל אֶהְיֶה כְלׂעֵז בְּעֵינֵי הַמְדַבֵּר וְהַמְדַבֵּר יִהְיֶה כְלׂעֵז בְּעֵינָי׃

יב כֵּן גַּם־אַתֶּם לְפִי שֶׁמִּתְאַוִּים אַתֶּם לְכׂחוֹת רוּחָנִיּוֹת בַּקְּשׁוּ לְהַעְדִּיף בְּמַה־שֶּׁיִּבְנֶה אֶת־הָעֵדָה׃

יג עַל־כֵּן יִתְפַּלֵּל הַמְדַבֵּר בְּלָשׁוֹן וְגַם יְפָרֲשֶׁנָּה׃

יד כִּי אִם־אֶתְפַּלֵּל בְּלָשׁוֹן רוּחִי מִתְפַּלֵּל וְשִׂכְלִי אֵינֶנּוּ עׂשֶׂה פֶּרִי׃

טו וְעַתָּה מָה־אֶעֱשֶׂה אֶתְפַּלֲלָה בְרוּחִי וְאֶתְפַּלֲלָה גַּם־בְּשִׂכְלִי אֲזַמְּרָה בְרוּחִי וַאֲזַמְּרָה גַּם־בְּשִׂכְלִי׃

טז כִּי אִם־תְּבָרֵךְ בָּרוּחַ אֵיךְ יַעֲנֶה מִי שֶׁהוּא נָתוּן בִּמְקוֹם הַהֶדְיוֹטוֹת אָמֵן אַחַר בִּרְכָתֶךָ וְהוּא אֵינֶנּוּ יׂדֵעַ מָה אַתָּה אׂמֵר׃

יז הֵן אַתָּה תְבָרֵךְ כָּרָאוּי אֲבָל רֵעֲךָ לׂא יִבָּנֶה׃

יח אוֹדֶה לֵאלׂהַי שֶׁיּוֹתֵר מִכֻּלְּכֶם אֲנִי מְדַבֵּר בִּלְשׁׂנוֹת׃

יט אָכֵן בַּקָּהָל אֶבְחַר לְדַבֵּר חָמֵשׁ מִלִּין בְּשִׂכְלִי כְּדֵי לְהוֹרׂת גַּם אֶת־הָאֲחֵרִים מִלְּדַבֵּר רִבֲבוֹת מִלִּין בְּלָשׁוֹן׃

כ אַחַי אַל־תִּהְיוּ כִּקְטַנִּים בַּבִּינָה אֶלָּא הֱיוּ תִינוֹקוֹת לָרָעָה וּשְׁלֵמִים בַּבִּינָה׃

כא הֵן כָּתוּב בַּתּוֹרָה כִּי־בְלַעֲגֵי שָׂפָה וּבְלָשׁוֹן אַחֶרֶת אֲדַבֵּר אֶל־הָעָם הַזֶּה וְגַם בְּזׂאת לׂא־אָבוּ שְׁמׂעַ־לִי אָמַר יְהוָֹה׃

כב לָכֵן הַלְּשׁׂנוֹת לׂא לַמַּאֲמִינִים הֵנָּה אוֹת כִּי אִם־לִמְחֻסְּרֵי אֱמוּנָה אֲבָל הַנְּבוּאָה אֵינֶנָּה לִמְחֻסְּרֵי אֱמוּנָה כִּי אִם־לַמַּאֲמִינִים׃

כג וְהִנֵּה אִם־תִּקָּהֵל כָּל־הָעֵדָה יַחַד וְכֻלָּם מְדַבְּרִים בִּלְשׁׂנוֹת וְיָבוֹאוּ הֶדְיוֹטוֹת אוֹ מְחֻסְּרֵי אֱמוּנָה הֲלׂא יׂאמְרוּ שֶׁמְּשֻׁגָּעִים אַתֶּם׃

כד אֲבָל אִם־יִתְנַבְּאוּ כֻלָּם וּבָא אִישׁ מְחֻסַּר אֱמוּנָה אוֹ הֶדְיוֹט יִוָּכַח עַל־יְדֵי כֻלָּם וְיִדּוֹן עַל־יְדֵי כֻלָּם׃

כה וּבְכֵן יִגָּלוּ תַּעֲלֻמוֹת לְבָבוֹ וְיִפּׂל עַל־פָּנָיו וְיִשְׁתַּחֲוֶה לֵאלהִים וְיַעֲנֶה וְיׂאמַר בֶּאֱמֶת הָאֱלׂהִים בְּקִרְבְּכֶם׃

כו וְעַתָּה מַה־לַּעֲשׂוֹת אֶחָי בְּהִקָּהֶלְכֶם יַחַד כָּל־אֶחָד וְאֶחָד מִכֶּם יֶשׁ־לוֹ מִזְמוֹר יֶשׁ־לוֹ הוֹרָאָה יֶשׁ־לוֹ לָשׁוֹן יֶשׁ־לוֹ חָזוֹן יֶשׁ־לוֹ בִאוּר וְכׂל יֵעָשֶׂה לְהִבָּנוֹתְכֶם׃

כז כִּי־יְדַבֵּר אִישׁ בְּלָשׁוֹן יִהְיוּ הַמְדַבְּרִים שְׁנַיִם שְׁנַיִם אוֹ שְׁלׂשָׁה וְלׂא יוֹתֵר וְזֶה אַחַר זֶה וְאֶחָד יְפָרֵשׁ׃

כח וְאִם־אֵין מְפָרֵשׁ אָז יִדּׂם בַּקָּהָל וִידַבֵּר לְנַפְשׁוֹ וְלֵאלׂהִים׃

כט וְהַנְּבִיאִים הֵם יְדַבְּרוּ שְׁנַיִם אוֹ שְׁלׂשָׂה וְהָאֲחֵרִים יִבְחָנוּ׃

ל וְכִי נִגְלָה חָזוֹן לְאַחֵר מִן־הַיּׂשְׂבִים שָׁם יִדּׂם הָרִאשׁוֹן׃

לא כִּי תוּכְלוּ לְהִתְנַבֵּא כֻלְּכֶם זֶה אַחַר זֶה לְמַעַן יִלְמְדוּ כֻלָּם וְכֻלָּם יֻזְהָרוּ׃

לב וְרוּחוֹת הַנְּבִיאִים בִּרְשׁוּת הַנְּבִיאִים הֵמָּה׃

לג כִּי לׂא אֱלׂהֵי מְבוּכָה הָאֱלׂהִים כִּי אִם־אֱלׂהֵי הַשָּׁלוֹם כַּאֲשֶׁר בְּכָל־קְהִלּוֹת הַקְּדשִׁים׃

לד נְשֵׁיכֶם בַּכְּנֵסִיּוֹת תִּשְׁתּׂקְנָה כִּי לׂא־נִתְּנָה לָהֶן רְשׁוּת לְדַבֵּר כִּי אִם־לְהִכָּנֵעַ כַּאֲשֶׁר אָמְרָה הַתּוֹרָה׃

לה וְאִם־חֶפְצָן לִלְמׂד דָּבָר תִּשְׁאַלְנָה אֶת־בַּעְלֵיהֶן בְּבֵיתָן כִּי־חֶרְפָּה הִיא לַנָּשִׁים לְדַבֵּר בַּקָּהָל׃

לו אוֹ הֲמִכֶּם יָצָא דְּבַר אֱלׂהִים אִם־אֲלֵיכֶם לְבַדְּכֶם הִגִּיעַ׃

לז אִם יׂאמַר אִישׁ שֶׁהוּא נָבִיא אוֹ־אִישׁ הָרוּחַ בִּין יָבִין אֵת אֲשֶׁר־אֲנִי כׂתֵב לָכֶם כִּי־מִצְוֹת הָאָדוֹן הֵנָּה׃

לח וּמִי אֲשֶׁר לׂא יָדַע אַל־יֵדָע׃

לט לָכֵן אַחַי הִשְׁתַּדְּלוּ לְהִתְנַבֵּא וְאַל־תִּכְלְאוּ מִלְדַבֵּר בִּלְשׁׂנוֹת׃

מ הַכּׂל יֵעָשֶׂה כַּהׂגֶן וְכַשּׁוּרָה׃