1Corinthians 15

א וַאֲנִי מַזְכִּירְכֶם אַחַי אֶת־הַבְּשׁׂוֹרָה אֲשֶׁר בִּשַּׂרְתִּי אֶתְכֶם וְאַתֶּם קִבַּלְתֶּם וַעֲמַדְתֶּם בָּהּ׃

ב וְגַם תִּוָּשְׁעוּ בָהּ אִם־תַּחֲזִיקוּ בַדָּבָר אֲשֶׁר בִּשַּׂרְתִּי אֶתְכֶם רַק אִם לׂא־הֶאֱמַנְתֶּם לַשָּׁוְא׃

ג כִּי רֵאשִׁית כָּל־דָּבָר מָסַרְתִּי לָכֶם מַה־שֶּׁקִּבַּלְתִּי כִּי־הַמָּשִׁיחַ מֵת לְכַפֵּר עַל־חַטּׂאתֵינוּ כַּכָּתוּב׃

ד וְנִקְבַּר וְהוּקַם בַּיּוֹם הַשְּׁלִישִׁי כַּכָּתוּב׃

ה וְנִרְאָה אֶל־כֵּיפָא וְאַחֲרָיו אֶל־שְׁנֵים הֶעָשָׂר׃

ו וְאַחֲרֵי־כֵן נִרְאָה לְיוֹתֵר מֵחֲמֵשׁ מֵאוֹת אַחִים כְּאֶחָד אֲשֶׁר רֻבָּם עוֹדָם בַּחַיִּים וּמִקְצָתָם יָשֵׁנוּ׃

ז וְאַחֲרֵי־כֵן נִרְאָה אֶל־יַעֲקׂב וְאַחֲרָיו אֶל־כָּל־הַשְּׁלִיחִים׃

ח וְאַחֲרֵי כֻלָּם נִרְאָה גַם־אֵלַי הַדּׂמֶה לְנָפֶל׃

ט כִּי אֲנִי הַצָּעִיר בַּשְּׁלִיחִים וְקָטׂנְתִּי מֵהִקָּרֵא שָׁלִיחַ כִּי־רָדַפְתִּי אֶת־קְהַל הָאֱלׂהִים׃

י אֲבָל בְּחֶסֶד אֱלׂהִים הָיִיתִי מַה־שֶּׁהָיִיתִי וְחַסְדּוֹ עָלַי לׂא־הָיָה לָרִיק כִּי־יוֹתֵר מִכֻּלָּם עָמַלְתִּי וְלׂא אֲנִי כִּי־אִם־חֶסֶד אֱלׂהִים אֲשֶׁר עִמָּדִי׃

יא וְהִנֵּה גַּם־אֲנִי גַּם־הֵמָּה כָּכָה מַשְׁמִיעִים וְכָכָה הֶאֱמַנְתֶּם׃

יב וְאִם־הֻגַּד כִּי־הוּקַם הַמָּשִׁיחַ מִן־הַמֵּתִים אֵיךְ יׂאמְרוּ אֲנָשִׁים מִכֶּם אֵין תְּחִיָּה לַמֵּתִים׃

יג אִם־אֵין תְּחִיָּה לַמֵּתִים גַּם־הַמָּשִׁיחַ לׂא הוּקָם׃

יד וְאִם־הַמָּשִׁיחַ לׂא הוּקָם רִיק שְׁמוּעָתֵנוּ וְרִיק אֱמוּנַתְכֶם׃

טו וְגַם־נִמְצָא שֶׁעֵדֵי שֶׁקֶר אֲנַחְנוּ לֵאלׂהִים יַעַן אֲשֶׁר־הֲעִידׂנוּ אֶת־הָאֱלׂהִים כִּי הֵקִים אֶת־הַמָּשִׁיחַ וְהוּא לׂא הֱקִימוֹ אִם כֵּן הַדָּבָר שֶׁהַמֵּתִים לׂא יָקוּמוּ׃

טז כִּי אִם־הַמֵּתִים לׂא יָקוּמוּ גַּם־הַמָּשִׁיחַ לׂא קָם׃

יז וְאִם־הַמָּשִׁיחַ לׂא קָם הֶבֶל אֱמוּנַתְכֶם וְעוֹדְכֶם בְּחַטּׂאתֵיכֶם׃

יח אִם־כֵּן גַּם־הַיְשֵׁנִים בַּמָּשִׁיחַ אָבָדוּ׃

יט וְאִם־בַּחַיִּים הָאֵלֶּה בִּלְבַד בֹּטְחִים אֲנַחְנוּ בַּמָּשִׁיחַ אֲמֵלָלִים מִכָּל־אָדָם אֲנָחְנוּ׃

כ אֲבָל עַתָּה הַמָּשִׁיחַ הוּקַם מִן־הַמֵּתִים רֵאשִׁית הַיְשֵׁנִים׃

כא כִּי אַחֲרֵי אֲשֶׁר־בָּא הַמָּוֶת עַל־יְדֵי אָדָם גַּם־תְּחִיַּת הַמֵּתִים בָּאָה עַל־יְדֵי אָדָם׃

כב כִּי כַּאֲשֶׁר בָּאָדָם הָרִאשׁוֹן מֵתִים כֻּלָּם כֵּן יִחְיוּ כֻלָּם בַּמָּשִׁיחַ׃

כג וְכָל־אֶחָד וְאֶחָד בְּסִדְרוֹ רֵאשִׁית כֻּלָּם הַמָּשִׁיחַ וְאַחֲרֵי־כֵן אׂתָם שֶׁהֵם לַמָּשִׁיחַ בְּבוֹאוֹ׃

כד וְאַחֲרֵי כֵן הַקֵּץ כְּשֶׁיִּמְסׂר אֶת־הַמַּלְכוּת לֵאלׂהִים הָאָב אַחֲרֵי הַשְׁבִּיתוֹ כָּל־מִשְׂרָה וְכָל־שָׁלְטָן וּגְבוּרָה׃

כה כִּי־הוּא מָלׂךְ יִמְלׂךְ עַד כִּי־יָשִׁית אֶת־כָּל־אׂיְבָיו תַּחַת רַגְלָיו׃

כו וְאַחֲרוֹן הָאׂיְבִים אֲשֶׁר יִכָּחֵד הוּא הַמָּוֶת׃

כז כִּי־כׂל שָׁת תַּחַת רַגְלָיו וּבְאָמְרוֹ כּׂל הוּשַׁת תַּחְתָּיו בָּרוּר הוּא שֶׁהַשָּׁת כּׂל תַּחְתָּיו אֵינֶנּוּ בַכְּלָל׃

כח וְכַאֲשֶׁר יוּשַׁת הַכּׂל תַּחְתָּיו אָז יוּשַׁת הַבֵּן גַּם־הוּא תַּחַת הַשָּׁת־כּׂל תַּחְתָּיו לְמַעַן יִהְיֶה הָאֱלׂהִים הַכּׂל בַּכּׂל׃

כט כִּי מַה־יַּעֲשׂוֹוֹ הַנִּטְבָּלִים בְּעַד הַמֵּתִים אִם־אֱמֶת הוּא שֶׁהַמֵּתִים לׂא־יָקוּמוּ לָמָּה־זֶּה יִטָּבְלוּ בְּעַד הַמֵּתִים׃

ל וְלָמָּה זֶּה מִסְתַּכְּנִים אֲנַחְנוּ בְּכָל־שָׁעָה׃

לא בִּתְהִלַּתְכֶם אֲשֶׁר יֶשׁ־לִי בַּמָּשִׁיחַ יֵשׁוּעַ אֲדׂנֵינוּ מֵעִיד אֲנִי עָלַי אִם־לׂא מֵת אֲנִי בְּכָל־יוֹם וָיוֹם׃

לב אִם־כְּדֶרֶךְ כָּל־אָדָם נִלְחַמְתִּי עִם־הַחַיּוֹת הָרָעוֹת בְּאֶפְסוֹס מַה־הִיא תוֹעַלְתִּי אִם־הַמֵּתִים לׂא יָקוּמוּ נׂאכְלָה וְנִשְׁתֶּה כִּי־מָחָר נָמוּת׃

לג אַל־נָא תַּתְעוּ נַפְשׁוֹתֵיכֶם חֶבְרַת אֲנָשִׁים רָעִים תַּשְׁחִית מִדּוֹת טׂבוֹת׃

לד הָקִיצוּ בְּמֵישָׁרִים וְאַל־תֶּחֱטָאוּ כִּי־יֵשׁ אֲנָשִׁים אֲשֶׁר אֵין־בָּהֶם דַּעַת אֱלׂהִים אֲנִי אׂמֵר זׂאת לְבָשְׁתְּכֶם׃

לה וְכִי־יׂאמַר אִישׁ אֵיךְ יָקוּמוּ הַמֵּתִים וּכְשֶׁיָּשׁוּבוּ מַה־גּוּפָם׃

לו אַתָּה הַסָּכָל הֵן מַה־שֶּׁתִּזְרַע לׂא יִחְיֶה בִּלְתִּי אִם־יָמוּת׃

לז וּכְשֶׁתִּזְרַע אֵינְךָ זׂרֵעַ אֶת־הַגּוּף אֲשֶׁר יִהְיֶה כִּי אִם־גַּרְגַּר עָרׂם שֶׁל־חִטָּה אוֹ שֶׁל־אַחַד הַזְּרָעִים׃

לח וְהָאֱלׂהִים יִתֶּן־לוֹ גוּף כִּרְצוֹנוֹ וּלְכָל־זֶרַע וְזֶרַע אֶת־גּוּפוֹ לְמִינֵהוּ׃

לט לׂא כָל־הַבָּשָׂר בָּשָׂר אֶחָד כִּי מִין אַחֵר הוּא בְּשַׂר הָאָדָם וּמִין אַחֵר בְּשַׂר הַבְּהֵמָה וּמִין אַחֵר בְּשַׂר הַדָּגָה וּמִין אַחֵר בְּשַׂר הָעוֹף׃

מ וְיֵשׁ גּוּפוֹת שֶׁבַּשָּׁמַיִם וְגוּפוֹת שֶׁבָּאָרֶץ אֲבָל אַחֵר הוּא כְּבוֹד הַגּוּפוֹת שֶׁבַּשָּׁמַיִם וְאַחֵר הוּא כְּבוֹד הַגּוּפוֹת שֶׁבָּאָרֶץ׃

מא אַחֵר הוּא כְּבוֹד הַשֶּׁמֶשׁ וְאַחֵר הוּא כְּבוֹד הַיָּרֵחַ וְאַחֵר הוּא כְּבוֹד הַכּוֹכָבִים כִּי־כוֹכָב מִכּוֹכָב שׁׂנֶה לְכָבוֹד׃

מב וְכֵן תְּחִיַּת הַמֵּתִים הַזְּרִיעָה לְכִלָּיוֹן וְהַתְּקוּמָה לְחַיֵּי עַד׃

מג יִזָּרַע בְּבִזָּיוֹן וְיָקוּם בְּכָבוֹד יִזָּרַע בְּחֻלְשָׁה וְיָקוּם בִּגְבוּרָה׃

מד יִזָּרַע גּוּף נַפְשִׁי וְיָקוּם גּוּף רוּחָנִי אִם־יֵשׁ גּוּף נַפְשִׁי גַּם יֵשׁ גּוּף רוּחָנִי׃

מה וְכֵן כָּתוּב וַיְהִי הָאָדָם אָדָם הָרִאשׁוֹן לְנֶפֶשׁ חַיָּה אָדָם הָאַחֲרוֹן לְרוּחַ מְחַיָּה׃

מו אֲבָל לׂא שֶׁל־הָרוּחַ הִיא הָרִאשׁוֹנָה אֶלָּא שֶׁל־הַנָּפֶשׁ וְאַחֲרֵי־כֵן שֶׁל־הָרוּחַ׃

מז הָאָדָם הָרִאשׁוֹן מִן־הָאֲדָמָה הוּא שֶׁל־עָפָר וְהָאָדָם הַשֵּׁנִי הוּא הָאָדוֹן מִן־הַשָּׁמָיִם׃

מח וּכְמִדַּת הָאֶחָד שֶׁהוּא שֶׁל־עָפָר כֵּן מִדַּת כָּל־אֲשֶׁר שֶׁל־עָפָר הֵם וּכְמִדַּת הָאֶחָד שֶׁהוּא שֶׁל־הַשָּׁמַיִם כֵּן מִדַּת כָּל־אֲשֶׁר שֶׁל־הַשָּׁמָיִם הֵם׃

מט וְכַאֲשֶׁר לָבַשְׁנוּ צֶלֶם הָאָדָם שֶׁהוּא שֶׁל־עָפָר כֵּן נִלְבַּשׁ גַּם־צֶלֶם הָאָדָם שֶׁהוּא שֶׁל־הַשָּׁמָיִם׃

נ וְזׂאת אֲנִי אׂמֵר אַחַי כִּי־בָשָׂר וָדָם לׂא־יוּכַל לָרֶשֶׁת אֶת־מַלְכוּת הָאֱלׂהִים וַאֲשֶׁר יִכְלֶה לׂא יִירַשׁ אֵת אֲשֶׁר לׂא־יִכְלֶה׃

נא הִנֵּה סוֹד אֲגַלֶּה לָכֶם אֲנַחְנוּ לׂא כֻלָּנוּ נִישַׁן הַמָּוֶת אֲבָל כֻּלָּנוּ נִתְחַלָּף׃

נב בְּרֶגַע אֶחָד כְּהֶרֶף עַיִן כִּתְקׂעַ הַשּׁוֹפָר הָאַחֲרוֹן כִּי יִתָּקַע בַּשּׁוֹפָר וְהַמֵּתִים יִחְיוּ בְּלִי כִלָּיוֹן וַאֲנַחְנוּ נִתְחַלָּף׃

נג כִּי מַה־שֶּׁעַתָּה סוֹפוֹ לְכִלָּיוֹן יִלְבַּשׁ אַל־כִּלָּיוֹן וּמַה־שֶּׁעַתָּה סוֹפוֹ לָמוּת יִלְבַּשׁ אַל־מָוֶת׃

נד וּמַה־שֶּׁעַתָּה סוֹפוֹ לְכִלָּיוֹן כְּשֶׁיִּלְבַּשׁ אַל־כִּלָּיוֹן וּמַה־שֶּׁעַתָּה סוֹפוֹ לַמָּוֶת כְּשֶׁיִּלְבַּשׁ אַל־מָוֶת אָז יָבֹא דְּבַר־הַכָּתוּב בֻּלַּע הַמָּוֶת לָנֶצַח׃

נה אַיֵּה עָקְצְךָ הַמָּוֶת אַיֵּה נִצְחוֹנֵךְ שְׁאוֹל׃

נו עׂקֶץ הַמָּוֶת הוּא הַחֵטְא וְכׂחַ הַחֵטְא הִיא הַתּוֹרָה׃

נז אֲבָל תּוֹדוֹת לֵאלׂהִים אֲשֶׁר נָתַן־לָנוּ הַנִּצָּחוֹן עַל־יְדֵי אֲדׂנֵינוּ יֵשׁוּעַ הַמָּשִׁיחַ׃

נח עַל־כֵּן אַחַי חֲבִיבַי הִתְכּוֹנֲנוּ בַּל־תִּמּוֹטוּ וְהַעְדִּיפוּ בְכָל־עֵת בְּמַעֲשֵׂה אֲדׂנֵינוּ מִפְּנֵי שֶׁיּׂדְעִים אַתֶּם כִּי־לׂא לָרִיק עֲמַלְכֶם בַּאֲדׂנֵינוּ׃