1Thessalonians 5

א וְעַל־דְּבַר הָעִתִּים וְהַזְּמַנִּים אֵין־צׂרֶךְ לִכְתּׂב אֲלֵיכֶם אֶחָי׃

ב הֲלׂא אַף־אַתֶּם יְדַעְתֶּם הֵיטֵב כִּי יוֹם־יְהוָֹה כַּגַּנָּב בַּלַּיְלָה כֵּן יָבוֹא׃

ג כִּי בְאָמְרָם שָׁלוֹם וְשַׁלְוָה יָבֹא עֲלֵיהֶם הַשֶּׁבֶר פִּתְאׂם כְּחֶבְלֵי יוֹלֵדָה וְלׂא יוּכְלוּ הִמָּלֵט׃

ד אֲבָל אַתֶּם אַחַי לׂא בַּחשֶׁךְ אַתֶּם שֶׁיַּשִׂיג אֶתְכֶם הַיּוֹם כַּגַּנָּב׃

ה אַתֶּם כֻּלְּכֶם בְּנֵי הָאוֹר וּבְנֵי הַיּוֹם לׂא בְנֵי־הַלַּיְלָה אֲנַחְנוּ וְלׂא בְּנֵי הַחשֶׁךְ׃

ו לָכֵן אַל־נָא נֵרָדֵם כְּמוֹ הָאֲחֵרִים כִּי אִם־נִשְׁקׂד וְנִהְיֶה ְמְפֻכָּחִים׃

ז כִּי הַנִּרְדָּמִים נִרְדָּמִים בַּלָּיְלָה וְהַמִּשְׁתַּכְּרִים מִשְׁתַּכְּרִים בַּלָּיְלָה׃

ח וַאֲנַחְנוּ בְּנֵי הַיּוֹם נִתְּפַּכֵּחַ־נָּא וְנִלְבַּשׁ אֶת־שִׁרְיוֹן הָאֱמוּנָה וְהָאַהֲבָה וְכַכּוֹבַע אֶת־תִּקְוַת הַיְשׁוּעָה׃

ט יַעַן אֲשֶׁר לׂא־יְעָדָנוּ הָאֱלׂהִים לְחָרוֹן כִּי לָרֶשֶׁת אֶת־הַיְשׁוּעָה עַל־יְדֵי אֲדׂנֵינוּ יֵשׁוּעַ הַמָּשִׁיחַ׃

י אֲשֶׁר מֵת בַּעֲדֵנוּ לְמַעַן נִחְיֶה עִמּוֹ יָחַד אִם־נִשְׁקׂד וְאִם־נִישָׁן׃

יא עַל־כֵּן נַחֲמוּ זֶה אֶת־זֶה וּבְנוּ אִישׁ אֶת־אָחִיו כַּאֲשֶׁר עֲשִׂיתֶם׃

יב וְהִנְנוּ מְבַקְשִׁים מִכֶּם אַחַי לְהַכִּיר אֶת־הָעֲמֵלִים בָּכֶם וְאֵת הַנִּצָּבִים עֲלֵיכֶם בִּדְבַר הָאָדוֹן וּמוֹכִיחִים אֶתְכֶם׃

יג וְתִנְהֲגוּ־בָם כָּבוֹד גָּדוֹל מְאׂד בְּאַהֲבָה לְמַעַן פְּעֻלָּתָם וִיהִי שָׁלוֹם בֵּינֵיכֶם׃

יד וְהִנְנוּ מַזְהִירִים אֶתְכֶם אֶחָי הוֹכִיחוּ אֶת־הַמְעַקְּשִׁים דַּרְכֵיהֶם אַמְּצוּ אֶת־רַכֵּי הַלֵּבָב תִּמְכוּ אֶת־הַחַלָּשִׁים וְהַאֲרִיכוּ רוּחַ אֶל־כָּל־אָדָם׃

טו וּרְאוּ פֶּן־יְשַׁלֵּם אִישׁ לְרֵעֵהוּ רָעָה תַּחַת רָעָה כִּי אִם־רִדְפוּ בְּכָל־עֵת אֶת־הַטּוֹב הֵן לְאִישׁ אִישׁ מִכֶּם הֵן לְכָל־אָדָם׃

טז שִׂמְחוּ בְּכָל־עֵת׃

יז הִתְפַּלְּלוּ כָּל־הַיּוֹם׃

יח הוֹדוּ עַל־הַכּׂל כִּי־זֶה רְצוֹן אֱלׂהִים בַּמָּשִׁיחַ יֵשׁוּעַ אֲלֵיכֶם׃

יט אֶת־הָרוּחַ לׂא תְּכַבּוּ׃

כ אֶת־הַנְּבוּאוֹת לׂא תִמְאָסוּ׃

כא בַּחֲנוּ כָּל־דָּבָר וּבַטּוֹב אֱחׂזוּ׃

כב הִתְרַחֲקוּ מִכָּל־הַדּוֹמֶה לָרָע׃

כג וֵאלׂהֵי הַשָּׁלוֹם הוּא יְקַדֵּשׁ אֶתְכֶם בִּקְדֻשָּׁה שְׁלֵמָה וְכָל־רוּחֲכֶם וְנַפְשְׁכֶם וְגוּפְכֶם יִשָּׁמֵר תָּמִים בְּבוֹא אֲדׂנֵינוּ יֵשׁוּעַ הַמָּשִׁיחַ׃

כד נֶאֱמָן הוּא הַקּוֹרֵא אֶתְכֶם אֲשֶׁר גַּם־יַעֲשֶׂה׃

כה אַחַי הִתְפַּלֲלוּ בַעֲדֵנוּ׃

כו שַׁאֲלוּ לִשְׁלוֹם כָּל־הָאַחִים בַּנְּשִׁיקָה הַקְּדשָׁה׃

כז הִנְנִי מַשְׁבִּיעֲכֶם בָּאָדוֹן אֲשֶׁר תִּקָּרֵא הָאִגֶּרֶת הַזּׂאת בְּאָזְנֵי כָּל־הָאַחִים (הַקְּדשִׁים)׃

כח חֶסֶד יֵשׁוּעַ הַמָּשִׁיחַ אֲדׂנֵינוּ עִמָּכֶם אָמֵן׃