1Thessalonians 4

א וְעוֹד נְבַקְשָׁה מִכֶּם אַחַי וְנַזְהִיר אֶתְכֶם בַּאֲדׂנֵינוּ יֵשׁוּעַ כִּי כַּאֲשֶׁר קִבַּלְתֶּם מֵאִתָּנוּ אֵיךְ עֲלֵיכֶם לְהִתְהַלֵּךְ וְלִמְצׂא חֵן בְּעֵינֵי הָאֱלׂהִים וְכַאֲשֶׁר גַּם־הִתְהַלַּכְתֶּם כֵּן תּוֹסִיפוּ וְכֵן תַּרְבּוּ עוֹד׃

ב כִּי יְדַעְתֶּם אֶת־הַמִּצְוֹת אֲשֶׁר נָתַנּוּ לָכֶם בְּשֵׁם הָאָדוֹן יֵשׁוּעַ׃

ג כִּי זֶה רְצוֹן הָאֱלׂהִים קְדֻשַּׁתְכֶם לְהִתְרַחֵק מִן־הַזְּנוּת׃

ד וְיֵדַּע כָּל־אִישׁ מִכֶּם לְהִשְׁתַּמֵּשׁ בְּכִלְיוֹ בִּקְדֻשָּׁה וִיקָר׃

ה וְלׂא־בְתַאֲוַת זִמָּה כְּדֶרֶךְ הַגּוֹיִם אֲשֶׁר־אֵינָם יׂדְעִים הָאֱלׂהִים׃

ו וְלׂא־יַעֲשׁׂק אִישׁ וְיוֹנֶה אֶת־אָחִיו בְּמַשָׂא וּמַתָּן כִּי־נוֹקֵם יְהוָֹה עַל־כָּל־זׂאת כַּאֲשֶׁר כְּבָר אָמַרְנוּ אֲלֵיכֶם וְהַעִידׂנוּ בָכֶם׃

ז כִּי לׂא־קָרָא אוֹתָנוּ הָאֱלׂהִים לַטֻּמְאָה כִּי אִם־לַקְּדֻשָּׁה׃

ח עַל־כֵּן הַבּוֹזֶה לׂא בֶן־אָדָם הוּא בוֹזֶה כִּי אִם־אֶת־הָאֱלׂהִים אֲשֶׁר גַּם־שָׂם בְּקִרְבֵּנוּ אֶת־רוּחַ קָדְשׁוֹ׃

ט וְעַל־אַהֲבַת הָאַחִים אֵין־צׂרֶךְ לִכְתּׂב אֲלֵיכֶם הֲלׂא אַף־אַתֶּם לְמוּדֵי יְהוָֹה לְאַהֲבָה אִישׁ אֶת־רֵעֵהוּ׃

י וְגַם עֲשִׂיתֶם כֵּן לְכָל־אֲחֵיכֶם אֲשֶׁר בְּכָל־מַקְדּוֹנְיָא אֲבָל נְבַקְשָׁה מִכֶּם אַחַי אֲשֶׁר כֵּן תַּעֲשׂוּ וְכֵן תּוֹסִיפוּ׃

יא וְתִשְׁתַּדְּלוּ לָשֶׁבֶת בְּנָחַת וְתַעֲשׂוּ אִישׁ מְלַאכְתּוֹ בַּעֲמַל יְדֵיכֶם כַּאֲשֶׁר צִוִּינוּ אֶתְכֶם׃

יב לְמַעַן תִּתְהַלְּכוּ כְהׂגֶן עִם־אׂתָם שֶׁבַּחוּץ וְלׂא תִּצְטָרֲכוּ לְאָדָם׃

יג וְעַל־דְּבַר הַיְשֵׁנִים אֶחָי לׂא־נְכַחֵד מִכֶּם דָּבָר לְמַעַן לׂא תֵּעָצְבוּ כַּאֲחֵרִים אֲשֶׁר אֵין־לָהֶם תִּקְוָה׃

יד כִּי אִם־נַאֲמִין אֲשֶׁר־מֵת יֵשׁוּעַ וַיֶּחִי כֵּן יָבִיא הָאֱלׂהִים גַּם אֶת־הַיְשֵׁנִים בְּיֵשׁוּעַ אִתּוֹ׃

טו כִּי אֶת־זׂאת נׂאמַר לָכֶם בִּדְבַר יְהוָֹה כִּי אֲנַחְנוּ הַחַיִּים הַנּוֹתָרִים עַד־בֹּא הָאָדוֹן לׂאׂ נְקַדֵּם אֶת־הַיְשֵׁנִים׃

טז כִּי הָאָדוֹן הוּא יֵרֵד מִן־הַשָּׁמַיִם בִּתְרוּעָה בְּקוֹל שַׂר הַמַּלְאָכִים וּבְשׁוֹפַר אֱלׂהִים וְאָז יָקוּמוּ רִאשׁוֹנָה הַמֵּתִים בַּמָּשִׁיחַ׃

יז אַחֲרֵי־כֵן אֲנַחְנוּ הַחַיִּים הַנּוֹתָרִים נִלָּקַח אִתָּם יַחְדָּו בַּעֲנָנִים לִקְרַאת הָאָדוֹן לָאֲוִיר וּבְכֵן נִהְיֶה תָמִיד עִם־הָאָדוֹן׃

יח לָכֵן נַחֲמוּ זֶה אֶת־זֶה בַּדְּבָרִים הָאֵלֶּה׃