1Thessalonians 2

א כִּי אַתֶּם אַחַי יְדַעְתֶּם אֶת־מְבוֹאֵנוּ אֲלֵיכֶם כִּי לׂא־הָיָה לָרִיק׃

ב וְאַחֲרֵי אֲשֶׁר עֻנֵּינוּ וּלְחֶרְפָּה הָיִינוּ בְּפִילִפִּי כַּאֲשֶׁר יְדַעְתֶּם הִתְחַזַּקְנוּ בֵאלׂהֵינוּ לְהַגִּיד גַּם־לָכֶם אֶת־הַבְּשׂוֹרָה בְּנַפְתּוּלִים רַבִּים׃

ג כִּי תוֹכַחְתֵּנוּ אֵינֶנָּה מִתּוֹךְ טָעוּת וְלׂא מִתּוֹךְ טֻמְאָה וְלׂא בִּרְמִיָּה׃

ד כִּי כַּאֲשֶׁר נִמְצֵאנוּ נֶאֱמָנִים לֵאלׂהִים לְהַפְקִיד בְּיָדֵנוּ הַבְּשׂוֹרָה כֵּן נְדַבֵּר וְלׂא לִהְיוֹת רְצוּיִם לִבְנֵי אָדָם כִּי אִם־לֵאלׂהִים הַבֹּחֵן לִבּוֹתֵנוּ׃

ה כִּי מֵעוֹלָם לׂא דִבַּרְנוּ בִּשְׂפַת חֲלָקוֹת כַּאֲשֶׁר יְדַעְתֶּם וְלׂא לְמַעַן בְּצׂעַ בֶּצַע בַּסָּתֶר עֵד הָאֱלׂהִים׃

ו גַּם לׂא־בִקַּשְׁנוּ מִן־הָאָדָם כָּבוֹד לׂא מִכֶּם וְלׂא מֵאֲחֵרִים אַף כִּי יָכׂלְנוּ לִהְיוֹת בִּיקָר כִּשְׁלִיחֵי הַמָּשִׁיחַ׃

ז אֶלָּא הָלַכְנוּ לְאַט בְּתוֹכֲכֶם כְּאׂמֶנֶת מְפַנֶּקֶת אֶת־בָּנֶיהָ׃

ח וּבְחַבְּבֵנוּ אֶתְכֶם כָּכָה חָפַצְנוּ לָתֵת לָכֶם לׂא אֶת־בְּשׂוֹרַת הָאֱלׂהִים לְבַד אֶלָּא אַף נַפְשׁׂתֵינוּ יַעַן כִּי־הֱיִיתֶם חֲבִיבִים עָלֵינוּ׃

ט הֲלׂא תִזְכְּרוּ אַחַי אֶת־עֲמָלֵנוּ וְאֶת־תְּלָאָתֵנוּ אֲשֶׁר יָגַעְנוּ לַיְלָה וְיוֹמָם לְבִלְתִּי הֱיוֹת לְמַשָׂא לְאִישׁ מִכֶּם בְּבַשְׂרֵנוּ בְקִרְבְּכֶם אֶת־בְּשׂוֹרַת הָאֱלׂהִים׃

י עֵדִים אַתֶּם וְעֵד הָאֱלׂהִים אִם־לׂא בִקְדֻשָּׁה וּבְצֶדֶק וּבְתָמִים הָיִינוּ עִמָּכֶם הַמַּאֲמִינִים׃

יא וְאַתֶּם יְדַעְתֶּם כִּי־כְאָב אֶת־בָּנָיו הִזְהַרְנוּ אֶת־כָּל־אֶחָד מִכֶּם וְדִבַּרְנוּ עַל לִבּוֹ׃

יב וַנָּעַד בָּכֶם לָלֶכֶת כַּטּוֹב לִפְנֵי הָאֱלׂהִים הַקּוֹרֵא אֶתְכֶם לְמַלְכוּתוֹ וְלִכְבוֹדוֹ׃

יג בַּעֲבוּר זׂאת אֲנַחְנוּ לׂא נֶחְדַּל לְהוֹדׂת לֵאלׂהִים כִּי אַתֶּם קִבַּלְתֶּם מֵאִתָּנוּ דְּבַר שְׁמוּעַת הָאֱלׂהִים הַמַּאֲמִינִים׃

יד כִּי־אַתֶּם אַחַי הֲלַכְתֶּם בְּעִקְּבֵי קְהִלּוֹת הָאֱלׂהִים אֲשֶׁר־בְּאֶרֶץ יְהוּדָה בַּמָּשִׁיחַ יֵשׁוּעַ כִּי גַּם־אַתֶּם עֻנֵּיתֶם עַל־יְדֵי בְנֵי־עַמְּכֶם כַּאֲשֶׁר עֻנּוּ גַם־הֵם עַל־יְדֵי הַיְּהוּדִים׃

טו אֲשֶׁר אַף־הָרְגוּ אֶת־הָאָדוֹן יֵשׁוּעַ וְאֶת־נְבִיאֵיהֶם וְאוֹתָנוּ רָדָפוּ וְאֵינָם טוֹבִים בְּעֵינֵי אֱלׂהִים וּמִתְקוֹמֲמִים לְכָל־אָדָם׃

טז הָעׂצְרִים אׂתָנוּ מִדַּבֵּר אֶל־הַגּוֹיִם שֶׁיִּוָּשֵׁעוּ לְמַעַן אֲשֶׁר־יְמַלְאוּ אֶת־חַטּׂאתֵיהֶם בְּכָל־עֵת וַתַּשִׂיגֵם הַחֵמָה עַד־כַּלֵּה׃

יז וַאֲנַחְנוּ אַחַי אַחֲרֵי אֲשֶׁר־שָׁכׂלְנוּ אֶתְכֶם לִזְמַן מְעַט לְפָנִים וְלׂא לַלֵּב חַשְׁנוּ עַד־מְאׂד לִרְאוֹת פְּנֵיכֶם בִּתְשׁוּקָה רַבָּה׃

יח וְעַל־כֵּן חָפַצְנוּ לָבוֹא אֲלֵיכֶם אֲנִי פוֹלוֹס פַּעַם וּשְׁתָּיִם וְהַשָׂטָן עֲצָרָנוּ׃

יט כִּי מִי תִקְוָתֵנוּ וּמִי שִׂמְחָתֵנוּ וַעֲטֶרֶת תִּפְאַרְתֵּנוּ הֲלׂא גַם־אַתֶּם לִפְנֵי אֲדׂנֵינוּ יֵשׁוּעַ הַמָּשִׁיחַ בְּבוֹאוֹ׃

כ אָמְנָם אַתֶּם כְּבוֹדֵנוּ וְשִׂמְחָתֵנוּ׃